一流の (已結業)

叫左個魚湯烏冬$58另加一，無野飲包埋。但每枱都會有支茶。同朋友係D2Place行完街想搵間餐廳食晚飯，見到個環境坐得舒服就入左去食伏野又貴。比個價錢坐得舒服，冷氣都幾凍。好快吹凍哂啲野。成間餐廳得個茶係ok 野食一啲都唔好食又貴又伏。最近堂食要用安心出行或者填資料。填資料無咩私隱度，餐廳剩係拎塊版出黎。上面有張表格填名，入座時間，電話號碼。會睇到上一家同下一家啲資料。餐廳就咁樣擺左係門口，收銀下方。好容易比人睇到啲電話號碼。

趁住聖誕假期出去行吓，到處都人頭湧湧，喺D2Place搵個地方食午餐，發現只有呢間餐廳人煙稀少唔駛等位，上網一查原來係新餐廳，心諗新店冇乜人食都正常，抱住一試無妨嘅心態入去坐低。餐廳有室外位置可以選擇，適逢今日比較熱，同先生揀咗室內座位用餐，一坐低見到紙巾寫住廚十三，已經知道覺得有啲不妙，印象中對面嘅廚十三唔係咁抵食，份量偏少。餐廳主打豆花魚，另外有米線、烤魚同埋金湯鍋，問過侍應咩係金湯鍋，原來係指雞湯底咁解，聽落唔太吸引，所以最後揀咗二人餐豆花魚，包涼菜同白飯兩碗。套餐冇包飲品，店員為我哋送上微暖嘅茶水一樽，飲落似玄米茶，味道唔錯。跟餐嘅涼菜係隨機嘅，我哋嘅涼菜係涼拌青瓜，味道不過不失。嚟到主菜嘅部份，其實坐低見到廚十三張紙巾已經估到份量唔會多，果然同對面一樣，魚片嘅份量少得可憐，數落十片有找，另加少量金針菇、萵筍同兩三件硬豆腐（原本仲期待豆花係類似探魚嘅嫩滑豆腐⋯⋯），湯底仲油膩得嚇人，幾乎油浸⋯⋯還好魚片做到嫩滑嘅效果，加上香辣湯底亦夠香濃，味道雖然偏鹹，但配白飯係唔錯。成兜最多嘅就係萵筍，食完幾片魚片唔夠喉，唯有食萵筍撈飯，但問題係萵筍雖然吸味，但更加索油，食落去油淋淋咁，少吃

難得同女朋友出嚟撐枱腳，又心思思想食酸菜魚，見到對面廚13排晒長龍，就去左位於對面店鋪嘅一流。結果....入咗去試一試，點知就比佢大伏左一下，價錢唔平，嘢食又咸又酸。首先，侍應唔係好識聽廣東話，叫咗杏鮑菇做伴菜但黎咗個青瓜，嘢食嚟到又拒絕換，下次一定唔會再黎😡😡😡其次，酸菜魚得個重味酸，味道唔討好又唔惹味，成兜野都係得酸菜，幾舊豆腐同芽菜....已經食幾啖就唔想食！ 總結，無乜人食係正常！！ ！

米缐餐最平都$58仲要加一🙈🙈貴❕❕仲要冇得選擇加餸 set死左跟咩 一定會有魚片 吾食魚就要更貴食金湯煲餐 如果食米線係可以自由組合會更好有個金湯煲餐$80😱what! Lunch 都好貴金湯係清雞湯加雞加牙菜加蘿蔔同紅蘿蔔配一碗飯🍚及小小的螺頭前茶 冇飲品✖️$80+10% 吾好食 好淡 此價錢好失望對面譚仔三哥排隊 我都係覺得唔想排隊唔覺意入咗呢間 入到去先知咁希望 難怪甘多空位🙈後悔了解😂希望大家要小心