2
1
5
港鐵荔枝角站 D1 出口, 港鐵荔枝角站 D2 出口 繼續閱讀
電話號碼
39969277
營業時間
今日營業
12:00 - 22:00
星期一至日
12:00 - 22:00
付款方式
現金
食評 (11)
等級4 2021-01-10
792 瀏覽
趁住聖誕假期出去行吓,到處都人頭湧湧,喺D2Place搵個地方食午餐,發現只有呢間餐廳人煙稀少唔駛等位,上網一查原來係新餐廳,心諗新店冇乜人食都正常,抱住一試無妨嘅心態入去坐低。餐廳有室外位置可以選擇,適逢今日比較熱,同先生揀咗室內座位用餐,一坐低見到紙巾寫住廚十三,已經知道覺得有啲不妙,印象中對面嘅廚十三唔係咁抵食,份量偏少。餐廳主打豆花魚,另外有米線、烤魚同埋金湯鍋,問過侍應咩係金湯鍋,原來係指雞湯底咁解,聽落唔太吸引,所以最後揀咗二人餐豆花魚,包涼菜同白飯兩碗。套餐冇包飲品,店員為我哋送上微暖嘅茶水一樽,飲落似玄米茶,味道唔錯。跟餐嘅涼菜係隨機嘅,我哋嘅涼菜係涼拌青瓜,味道不過不失。嚟到主菜嘅部份,其實坐低見到廚十三張紙巾已經估到份量唔會多,果然同對面一樣,魚片嘅份量少得可憐,數落十片有找,另加少量金針菇、萵筍同兩三件硬豆腐(原本仲期待豆花係類似探魚嘅嫩滑豆腐⋯⋯),湯底仲油膩得嚇人,幾乎油浸⋯⋯還好魚片做到嫩滑嘅效果,加上香辣湯底亦夠香濃,味道雖然偏鹹,但配白飯係唔錯。成兜最多嘅就係萵筍,食完幾片魚片唔夠喉,唯有食萵筍撈飯,但問題係萵筍雖然吸味,但更加索油,食落去油淋淋咁,少吃為妙。總括而言對餐廳嘅食物比較失望,重鹽重油而且好唔抵食,對面廚十三嘅二人餐同樣份量偏少,但都仲包兩枝飲品,呢邊連飲品都慳返,更加唔抵食,相信都唔會再嚟。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-05-23
33 瀏覽
之前因為食太多次稻城酸菜魚,已經食膩了,嗰日咁啱行D2place市集,見到呢間酸菜魚,價錢都好經濟$298二人餐,而出面望入去食客叫嘅,都好大碗,所以就試下😂入到去,比較左酸菜魚嘅二人餐,一個係$168 ,一個係$298🤔其實$298,只係多咗2人甜品,兩個自選小菜,其他大致一樣,於是就選了$168,追土豆片😲前菜是青瓜,我認為味道剛剛好,適合嘅酸度和道同辣度,反正前菜太辣,對於少少辣的我可能都不是一件好事,因為稍後要食酸菜魚🤣青瓜是爽口的。酸菜魚出場,大碗,魚算多,又滑,而且湯面沒有充滿一層邪惡的油👏🏻👏🏻記得要拌一下湯,因為第一口,不夠酸,拌一下之後湯味道均勻了!湯底不太酸,反而更適合我🤣🤣午餐肉應該不是梅林,因為午餐肉味味道偏淡,土豆片不完全熟透🤏有點爽口😂我認為午餐🥣用呢個價錢,兩個人食到ok的酸菜魚,叫做很實惠,食完都唔覺係「只求生存」 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-26
108 瀏覽
本身朋友介紹這間, send埋open rice的網頁黎,我見到甘多負評,都擔心伏,就把著試伏的心情,4個人點了個2人套餐,2人餐有碟青瓜,2碗飯,小食炸餃子,唔記得什麼湯底的豆花魚,好像是酸香?有少少辣,加左寬粉同墨汁墨魚丸,甜品有冰粉,和加多寶,另外我們叫了二個小食,,磁粑和涼拌菇。食完後,比想像中驚喜,因為那個酸香豆花魚酸酸辣辣,開胃又好味,比想像中多料,小食都正常,二碗飯4人食都夠飽,磁粑熱熱的,點上紅糖食,口感好又不會太甜,最後冰粉有加椰果,都幾好味。4人食完,埋單仲有88折,因為星期一,除番每人先90幾,我食過甘多酸菜魚,最平呢d,味道又好,真感謝朋友介紹 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-21
68 瀏覽
超油膩,金湯= 雞粉湯,雞肉鞋過湯渣,招牌酸香豆花魚係油到不能入口。☹️份量倘算大份,一個人也吃不完,可能是因為太難食太油的關係,吃小一半就吃不下,如果單純係填飽個肚完全無要求既,可以一試 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-18
59 瀏覽
豆花魚勁咸,但無魚味,一咬落去除左咸味,食唔到有其他味道。。。個湯貌似好紅好辣,但同樣都係無香味無咩味道可言,中伏一次夠哂只係個小食青瓜先食到真正個青瓜味,其他都唔知自己食緊咩野 繼續閱讀
(以上食評乃用戶個人意見 , 並不代表OpenRice之觀點。)