一汁一菜 (K11購物藝術館) (已結業)

尖沙咀平時喺Office都好少出去食嘢，所以好多時都會叫外賣， K11裏面就有一間新開嘅take away日式餐廳叫做一執一菜，今日事緣真係覺得值得推薦。呢間日式便當餐廳，午餐時間有五餐嘅套餐，套餐有飯、湯同埋嘢飲，相比起平時單點會較抵食。我就點左濃湯惹菌牛肉咖喱飯，配法式龍蝦濃湯，另外小食再點了一個番茄菠菜芝士雞肉卷同油揚豆腐黑豚肉做小食。首先飲下個龍蝦濃湯先，一開蓋真係香到不得了，味道同口感真係極度濃郁綿密，好正好好飲呀。牛肉咖喱飯的咖喱就一樣咁濃郁，送飯係一流的，而牛肉香嫩，好有口感。另外兩個小食都各有千秋，雞肉卷有菠菜芝夾雜好特別，油揚豆腐黑豚肉也特別適合送飯，好開胃。呢度可以堂食，亦可外賣，下次可以約朋友來堂食啦。

某天行過這間店舖，一見到就令我想起日本！😍今日終於去買嚟試。選了lobster bisque + chicken curry + rice set. 回到家後，啲湯、咖喱依然好熱！飲湯最緊要夠熱！雖然個賣相冇廣告咁有個白色cream swirl，個湯醎咗少少（近年食少甜少鹽）但好好味！！個咖喱雞飯都好好味！唔會太醎。真係好似飲緊X Soup Stock 的湯！立即推介俾冇得返「鄉下」的朋友們。希望日後會有粗米選擇。一定會再返去試埋其他湯！😋😋😋

呢度係主打食和風洋食嘅，舖頭名一汁一菜係一個湯加一個餸嘅意思。餐具設計行簡約路線，湯、飯、咖喱都係用杯裝住，感覺新奇。湯+一品料理+飯 $79湯:法式龍蝦濃湯有粒粒蝦肉，鮮味十足，唔會太鹹，加咗忌廉，質地更加濃稠。一品料理:蕃茄菠菜芝士雞肉卷嫩滑嘅雞肉捲住芝士同菠菜配開胃嘅蕃茄汁，好有日本家庭料理嘅感覺。飯: 可以免費轉沙律或者石窯麵包，我揀咗麵包。麵包密度高，好索汁，非常適合點湯或者咖喱食。湯+咖喱飯 $89湯：花菜巴拿馬濃湯西蘭花同湯融為一體，巴拿馬火腿嘅鹹香令到個湯味道更加豐富，湯入面仲有幾粒薯仔，就咁飲個湯食埋薯仔都夠飽肚。咖喱飯:和風蕃茄雞肉咖喱飯蕃茄咖喱茄味濃郁， 雞肉份量頗多，每口都食到雞肉。白飯方面採用日本米，就咁食都好有米香。建議唔係特別肚餓同食得多嘢嘅朋友將個飯轉麵包，因為個麵包好好食同埋呢度嘅湯材料好豐富同好creamy ，份量亦頗多，真係會食唔曬。

「一汁一菜」是日本料理菜單中最簡單的組合，內容是一碟醬菜、一碗飯以及一碗湯。而這間取自這概念，主打和風湯品輕食，以不同足料湯品配飯或小菜。例如和牛羅宋湯、意大利產番茄蔬菜濃湯，餐廳另外亦有推出自家製日式咖喱飯，必食！一直只能外賣「一汁一菜」，但位於K11 artmall的分店就有座位，太好了！「Soup + Curry Rice $89 湯 + 咖喱飯追加單品小菜+$20 其他+$10 飲品+$10」《意大利產番茄蔬菜濃湯+和風番茄雞肉咖哩飯 $89》湯果然很濃茄香，又有啖啖蔬菜湯料，一杯都很飽，而且很夠熱。咖哩飯很香濃帶微辣，雞肉亦滑，配白飯一流，米飯都用上珍珠米粒粒煙韌可口。《野菜沙律杯 +$10》《蜜桃紅茶+$10》蔬菜塞得滿滿，感覺洗得乾淨，底部還有奇異果。《花菜巴馬火腿濃湯+濃香牛肉野菌咖哩飯 $89》 花菜巴馬火腿濃湯是**期間限定**，當然要試試！入口有菜香，有巴馬火腿肉所以有咸香，亦覺得有拌入薯蓉，所以有飽肚感，未吃飯已半成飽，很適合想健康瘦身的人士。濃香牛肉野菌咖哩很讚！牛肉帶筋很嫩腍且入味！咖哩香郁不膩，拌飯一流，不自覺就吃完整兜飯！不要以為份量一兜兜看似不多，其實

都市人生活太忙碌，有時候好好坐低食個飯嘅時間都變得奢侈🤧呢啲時候外賣就好幫到我。今次試嘅呢間一汁一菜就係非常唔錯嘅外賣店，佢開係K11近住地鐵嘅入口，位置非常方便。餐廳主要以日式湯品同料理為主，選擇都幾豐富，今次我就揀左個✨湯加咖哩飯套餐（$89），可以係menu上選擇一款湯品同一款咖哩飯。✨一汁一菜和牛羅宋湯呢款羅宋湯聽聞係佢地嘅signature, 飲落有非常濃郁嘅蕃茄味，濃郁到甚至我覺得可以直接送飯食🤣入面亦都非常足料，食到牛肉、蕃茄同薯仔等嘅配料，都幾好味🤤✨濃香牛肉野菌咖哩飯我特別鍾意呢度嘅咖哩😋味道微辣，入面非常足料！每啖都食到牛肉、磨菇等配料，送飯一流。