一樓咖啡室 (已結業)

老公有AE卡，生日優惠係怡東buffet半價. 今年已係第二年黎食.食物質素ok喎, 雖然冇驚喜(又有哪一間有??!!), 款式不算多, 但每一樣都好好味, 質素好. 魚生新鮮, 甜品, 雪糕都好正.最令我地印象深刻既係員工service態度好好, 係從心裏面發出, 唔係口講歡迎, 但黑口黑面果種. 由上至下都係好attentive, 好友善, 令人舒服. 舊年去係咁, 今年一樣, 我地非常滿意.不過講真, 如果正價要三百幾蚊, 我都覺得overpriced. 加埋一, 二百五就差唔多.

最近和朋友到這裡一趟,朋友點了咖啡,而我就點了蘋果汁,兩樣都不俗,環境容許聚會的時間長一點!這是最欣賞地方!

因為同事有VIP卡,所以老遠從中環來銅鑼灣試試這個lunch buffet 刺身是專人切的,但質數一般;生蠔都幾新鮮;熱食我向來不理,但見到熟食沒有什麼海鮮;吃了燒牛肉,ok的;甜品選擇不太多,cake的質數都只是可以... 整體而言,各方面的質數都只是平平,跟五星級酒店有點距離.如果正價$178去食,則覺得overprice了,現在有VIP卡,有五折,還可以...

本人八月三十日,一行十一人滿心歡喜去一間五星酒店食一餐豐富的自助晚餐,可惜一切都失望.第一魚生不鮮味,壽司更失敗,顏色不吸引,食下完全無味.第二燒味比起街市還要差,太,第三麵食部只是頭半小時有蜆,之後便消失.第四軟腳蟹不知用了什麼調味料,油很多,食上軟到不得了,名正言順軟腳蟹.第五甜品的買相也不吸引我試,所以只食了萄撻.第六生果西瓜也是無味.第七意粉是硬及太咸只有生蠔及雪糕挽回一些分數.這樣真不像一間五星酒店提供的食物水準.如果給正價更慘.三佰多元食這樣的東西.

先來試了晚餐自助餐過兩天來吃了午餐自助餐如果有時間的話, 來吃lunch吧- 午餐抵很多(lunch $178﹐dinner $278) 但食物選擇比起晚上是有多無小!!!! 晚上那天我看不到chocolate fondue, but lunch 有!! 甜品選擇也是lunch 多很多但這裡的甜品真的很麻麻- tiramisu, bread pudding, creme bulee 等竟然差唔多同一個味. 包的選擇很多魚生新鮮oysters 不太新鮮沙律選擇多熱盤選擇足夠燒牛肉也好吃有粉麵檔有cheese, 有haagen dazs 雪糕, chocolate souffle. 吃得肚子鼓鼓的.

唔多野食不過咁o既價錢就係咁上下味道一般if u ask me if i will go again... 我會話唔會雖唔難食但都唔係好好食

好久沒有tea一tea, 今天趁晚上開工前來食個High Tea.麵包西餅都唔錯, 略嫌件頭太細, 講真都未食個咁"的色"的scone, 都唔知俾咁多牛油同果jam我做乜. 不過味道搭夠, 算啦.可惜, 檯與檯之間空間不多, 你嘈我, 我嘈你. 五星級酒店就難以接受o勒.

今日團年飯有d特別, 去o左食buffet.由於一早訂位, 而且有相熟的朋友, 坐在郊窗口的位置, 氣氛不錯.一開始食冷盤, 覺得種類極多, 沙律都有一款自己撈, 一款有蔬菜自己加汁, 多款整好晒一盤盤. 滿心歡喜以為好有好多野食(因為好多冷盤我預期好多熱盤同好多甜品)...原來熱盤杷對就得好少!! 最好味就係薄牛扒同鮑魚仔!薄牛扒汁好香濃~ 而鮑魚仔好鮮甜, 其餘熱盤就只是一般啦...而甜品呢, 旦糕都係最typical 個d, 最大件個樣最好味個d就放o左入cake 櫃(只供非自助餐顧客). 仲有d中式懷舊o既甜點, 白糖糕, 芝麻卷...我比較鐘意waffle, 好難得酒店仲有d熱熱地o既waffle...加埋雪糕好好味. 而ｈａａｇｅｎｄａｚｓ雪糕當然有水準啦~不過得4個味就選擇少dd啦...d親戚朋友鐘意食蠔就會覺得好抵食, 因為好多款同即刻開, 好似幾好味咁...因為有相熟O既朋友, 有7折, 同埋果汁全飲~~咁計就真係好抵...

10/1 12:30nn今日放自己一日假, 同男友黎食lunch buffet,$178位吾系平.食物款式確實頗多,可以媲美一般酒店既dinner buffet.有6-7個counter,沙律,芝士,sashimi,sushi,中西湯各一款,車仔麵,粥,燒"尾",燒牛肉,咖哩,蒸魚,炸魚,甜品有souffle,pancake,waffle,bread pudding,和菓子,豆腐花,紅棗糖水,rapsberry mousse,choco cake,黃金糕,椰汁糕,茶果,糯米糍,西米糕,熱情果奶凍,葡撻.雀巢雪糕.但味道真系好一般!無邊樣食物味道覺得特別突出.服務合格,環境都可以,枱與與之間有足夠空間.但食物系buffet黎講系重點呢!我地有coupon,一位free,埋單$193,只系HSBC Plantium同AE plantium先有15% off.個人認為食吾過!

環境不錯,但食物真係無mun 特別,唔係難食,但又唔可以話好好味,無辦法令我有想去多次既desire

十一月九日去吃晚自助餐，很多款式，熱盤的咖哩味濃，印度薄餅都很有水準，好味。海鮮熱盤亦有煎有蒸有炸。甜品款式亦多，Haagendaz 雪糕仲有Belgian chocolate 味，簡直正！有三款煲仔菜，我選了鴨掌煲，這個比較排擋遜色，生蠔亦有一兩隻不新鮮了！總括，不過不失啦！

上月家人跟我慶祝生日．．．由於一直都嚷著要吃自助餐，所以選擇了這個價錢合理的ｂｕｆｆｅｔ～嘩，環境真是ｐｅｒｆｅｃｔ！很光猛很開揚，感覺舒服～食物方面，其實選擇不是十分多，而質素綜合來說是ｏｋａｙ的。印象比較深刻的是鯷魚（不ｓｕｒｅ名字），放在刺身檯附近．．．這個魚雪白色的，很鮮甜，肉質又彈牙，值得介紹！～三文魚刺身也是可以的，不過略嫌師傅切得太厚．．．爸媽都有吃即煮麵，有多款麵選擇，配料有鮮蝦，牛肉片等等．．．他們說湯底十分清甜，其實我也很想試，不過已經太飽了．．．甜品的款式算得上齊，不過味道不是十分突出。最好吃的是芒果ｃｈｅｅｓｅｃａｋｅ．．．超正！以ｎｅｗｙｏｒｋｃｈｅｅｓｅ做ｂａｓｅ，味道濃得要緊！芝士蛋糕迷至愛～另外，迷你焗朱古力蛋糕也很讚！外皮是脆的，香濃綿密的朱古力蛋糕暖暖的吃下去很窩心～還有４款ｈａａｇｅｎｄａｚｓ雪糕，不過不夠凍，把它帶回坐位已經開始融化．．．不過味道當然是不錯，ｈａａｇｅｎ喎！*ｓｅｒｖｉｃｅ也是很周到的！酒店始終是酒店嘛！可以一家五口開開心心吃飯的日子已經不多，這次又留下了一個美好的回憶～哈哈！

上星期五在怡東上seminar，包餐晏。整體感覺：食物新鮮，水準平均地幾好，款多(以午餐尺度)，景不錯。可謂款多？肥美生蠔，2款湯，沙律，湯麵區，印度食品，即切魚生區，熱葷8款，甜品包括：疏乎厘，雪糕4款，烤餅，豆腐花等等。不能盡錄。賣相骨子，食得出好新鮮，味道很不錯，比美麗華好味，但又未到Cafe Koo的水平。星期五，心情較輕鬆，再加上是出來上seminar, 不用屈在office, 食乜都零舍入味，天大的工事留待星期六再算罷! 在適當的時間留白，給自己空間思想是很重要的，做人做工之道莫過於此。

前日睇報紙話佢有宵夜甜品buffet, $78 加一, 又話有朱古力噴泉又燉蛋, 所以尋晚就去左試喇十點鐘開始, 一行出去, 嘩以為都幾多野食喎,CAKE 櫃入面都十幾款, 又噴泉又一杯杯甜品, 又PANCAKE 又WAFFLE又成個雪糕櫃。點知佢寫明個CAKE櫃同雪糕櫃竟然係只供餐牌ORDER, 並非BUFFET一部份, 嘩...果種失望同咀喪,實在難以用文字形容, 有得睇無得食仲衰過無野食!!!如此情況只係剩番十數款食物可以揀, 但問題係真係太少, 我第一次食BUFFET可以完全試晒每一款...我綜合左佢D缺點:1. 款式太太太太少, 無主題, 又無主力/大路甜品, 朱古力甜品無, 連TIRAMISU 都無! CAKE只得一款, 其餘幾款都係MOOSE。2. 都好多有得睇無得食3. 見到好多吉既裝食物既櫃, 仲有冰起上面, 搞到D 野好似係食剩咁, 建議應該遮番好4. 晚餐就食HAAGANDAZ, 但宵夜就只係幾款CHEAP 牛奶公司5. D人制服好肉酸, 又唔整齊, 又好似爛布咁,樣又唔高級總括黎講同GRAND HYATT 真係差幾星. GRAND HYATT 完全同以上相反,

週六自助晚餐，每位$318，AE 卡打八五折，埋單每位$303 。芝士盤有六款，算係咁啦。包類選擇多。西湯是糊糊的什麼忌廉湯，唔掂。倒是中式的椰子蜆肉湯還可以。沙律冷盤中上，有cous cous 和烤蔬菜。海鮮沙律裡的蝦相當新鮮！刺身不俗，選擇算多。螺、蠔、青口，還可以。每人有鐵版大蝦三隻，肉質新鮮。中式熱盤不過不失，炒飯不俗，咖哩還算惹味。西式熱盤相當求其，只有酥皮三文魚較可取。燒牛肉麻麻地。中式甜點麻麻，蒸包點濕濕的，糕點賣相可佈，引不起興趣。菜式裡所用的蝦相當新鮮爽口。西式甜品種類少，只有三款慕絲餅、幾款賣相猶如「聖安x」的西餅切件、一款芝士餅、一個巧克力噴泉、窩夫、和四款Haagen-dazs 雪糕，相當令人失望。（居然無Tiramisu ~）居然放了數個英式鬆餅Scone 和中式蒸奶黃包，大概是下午茶自助餐的剩餘物資！餐飲點了熱咖啡，幸好色香味美，濃郁香醇！整頓自助餐給人印象模糊，最好的就只是「蝦夠新鮮爽口」。惜鹹點超多味精、西式甜品出奇地少、以及那些下午茶自助餐的剩餘物資！環境擠迫，，好嘈吵，吃得唔自在。感覺相當無誠意，大概無下次。