一樂烏冬 (已結業)

見到有新食店，望落環境唔錯又抵食，就入去試試。食店有裝潢是日式拉麵店feel， 雖然地方不大, 但環境整潔都坐得舒服~ 叫咗7味雞翼地獄湯烏冬+ 肥牛豬骨湯烏冬，湯底唔錯，地獄湯幾惹味, 熱辣辣, 不會只有死辣‧手打烏冬好滑, 份量好大.7味雞翼好脆 有肉汁!!抵讚! 老公點的肥牛 肉量都好多, 不會鞋. 有用汁炒過, 唔錯‧ 同埋有好多小食可以揀，見到隔離枱個炸蠔似幾吸引咁，忍唔住加多個小食，估唔到炸蠔咁正，好香又大粒 下次嚟開依頭再嚟試下先~

2017.12.28 【平民版日式手打烏冬】食在長沙灣天氣冷不其然就會想來個熱烘烘的拉麵、烏冬最近跟友人來到長沙灣一間新開業的日式料理店店面不算太大 牆上掛上數張烏冬的圖片佈局跟日式居酒屋類近🍶主打日式手打烏冬及日式小食 價錢亦相當相宜黑毛豚肉手打烏冬 $65說到湯底 是一碗拉麵及烏冬成功的要決小店的湯底共分為木魚清湯、豬骨湯及地獄湯小妹的黑毛豚肉就選擇了跟配豬骨湯🐖在喝下第一口湯底時就有一鼓熟悉感湧現出來感覺有點像豬骨湯底丁麵的那種味道烏冬亦會跟上蔥、木耳、紫菜、溏心蛋的配菜溏心蛋時間拿捏得剛好 值得一讚🥚豚肉份量亦算多 肉質較肥入口帶油香吉列炸蝦手打烏冬 $55友人則選擇了地獄湯跟我們相像中不一樣😮湯底不會太辣 略帶微酸 不會太難入口跟配的吉列炸蝦 新鮮炸得金黃香脆🍤蝦肉亦爽口彈牙惟烏冬的雖然口感幼滑 但略為淋身另外烏冬可加$20轉為套餐，跟小食及汽水或麵豉湯炸餃子 $33/4件厚燒玉子 $25/4件烏冬店的小食定價亦很相宜炸餃子炸得脆口 包著豬肉 味道還不錯小巧的剛好一口一隻玉子味道點帶甜味 份量適中🍳配著烏冬亦不會怕因為份量太多而浪費食物惟玉子蛋略為過火 有進步空間一樂烏冬 💌

今晚經過長沙灣，作為烏冬控就一於試下呢間。一樂烏冬呢個名唔知關唔關火影忍者事呢～大概７點半左右，　食客仲未算好多。全店細細得老闆一人我同朋友就選擇左坐吧台。點餐紙一眼望晒，　想食咩就自己劃完遞俾老闆就ｏｋ烏冬由＄48-65加＄20 升級套餐。（包一款有＊小食及飲品）七味雞翼。手打烏冬＄58小店採用稻庭烏冬，彈牙偏幼身。ORDER左地獄湯，可惜湯底比較遜色淡味。份量算大碗，有蛋同木耳配菜。如果用流心蛋會好吸引ｄ。胡麻冷烏冬 $48由於用幼身烏冬，胡麻醬充分令烏冬入晒味，　而且凍食令烏冬更彈牙有咬口。蟹籽蟹柳份量都好多。撈起左後睇下幾大碗。厚燒玉子（４件）轉套餐熱辣辣夠厚身一啖咬落好滿足。餃子炸得脆口唔油膩，不錯。仲包埋汽水或面豉湯。

天氣凍. 下午近 3:00 已經好餓, 諗住去上次食過既漢堡包店下午茶，點知去到發現已經轉左手變左做日式烏冬店。餓極了，決定碰碰運氣。舖頭不大，有兩三張兩人枱 和長長的BAR枱咁坐.睇一睇個菜單就好快點了 牛肉手打烏冬 set $45等左大約5分鐘 就送上來, 湯好夠熱出晒煙, 烏冬好滑彈牙, 湯頭不會太油 味道幾好. 牛肉不鞋身,醬汁是我喜歡的  份量好大.我咁餓既情況下都好滿足!呢個價錢食到呢個質素, 我會再幫親, 下次試埋呢個吉烈炸蝦!

之前喺長沙灣行過呢間烏冬店見佢裝緊修, 今晚dinner 搵野食，就入去試下啦！坐底左，因為今日天氣真係好凍, 所以叫左個櫻花蝦烏冬+餃子+芝麻雞翼, 好大食 哈哈 櫻花蝦烏冬豬骨湯手打烏冬湯夠晒熱，一碗烏冬好唔好味最睇呢樣野櫻花蝦一食就知日本來貨，勁香勁有蝦味抵讚流心蛋就唔洗多介紹有幾好食啦餐廳準備咗乾蒜胡椒呢啲喺晒枱面，口味濃d可以加餃子+芝麻雞翼, 即叫即炸 來到口邊 好脆好好食值得再食，下次會再來

之前見裝修己經過過，今次再行過決定食下，因為價廉物美。喜歡普通食個烏冬又得想食得豐富D又得，因為可以自己之後加想食既小食。對於日式烏冬湯底想清一點，所以揀左個木魚湯豚肉烏冬，之後揀小吃食。今次揀左一口牛 同炸餃子，因為同愛人2個食，可以夾多D～～～烏冬超彈牙~豚肉無任何調味都好香好好味~果然係日本野份餃子炸得好香口~最正係個餃子汁~酸酸甜甜，一口牛都唔錯~好似和牛咁仲加左$20升級套餐~有沙律有汽水埋單都只係$18X左右~咁既價4同質素跟本收哂貨呢間平價高質烏冬店，十分推介～

OT下班，打算在公司附近吃過晚飯才回家，剛好經過一樂烏冬，同事話新開就簡左呢間。看到店內已經有數台客人食緊，一般平日晚上時段，這區域很多食肆都冷冷清清的，依然有捧場客，已經予人信心了！格局雖然細但店內乾淨衛生, 亦都好舒服，細心的地方是設有一人位的 所以一個人去都唔會太監介 哈哈肥牛手打烏冬：製作過程都很快 , 約6分鐘左右就上菜。地獄湯 湯底夠晒熱 夠晒辣烏冬好彈牙,唔會好似坊間大部分烏冬禁又酸又冧,而肥牛亦都水準之上,醬汁非常入味七味雞翼:份量有4大隻，表層炸得金黃，咸味適中, 好多肉汁整體來講 實在很不錯

非常喜歡吃烏冬，這家店沒有讓我失望。雖然是小店坐位不多,但勝在夠寧靜。點了個黑毛豚肉手打烏冬  配肉骨湯底。首先烏冬好Ｑ彈,表面有一點點透明.  同係日本食店 食到既好接近。另外今日天氣好凍, 熱辣辣既湯頭 喝下去很舒服。味道剛好 黑毛豚肉好有肉香!!!好有肉香!!好有肉香!! 要講三次，好少食到咁有肉味既豬肉‧另外店家 送了餃子給我， 個皮好脆, 好味!!! 唔記得影相就食完 哈哈另外朋友點了吉烈炸蠔, 個皮又係好脆,即叫即炸. 食完好滿足, 服務生態度友善。會再來

我非常喜歡食烏冬，附近最近要去到昌華街個邊先有好食烏冬. 所以見佢新開好高興咁立即去試試.店入面唔大，大約可坐10人左右，但沒關係，好食就得.點了一個牛肉烏冬要地獄湯和一個吉烈炸蝦豬骨湯. 上菜後我非常失望。蛋是白烚全熟蛋，完全無用汁腌過.無味的平日我只食蛋都可以食兩隻，這個我食左半隻就唔想食了....豬骨湯好咸，似出x一丁豬骨湯麵.我後來感冒外賣過一碗都食到好咸，咁你話有幾咸...蝦係新鮮炸，但粉厚無味...牛先係最失望，竟然俾一堆美國肥牛我...唯一讚係烏冬，係彈牙的..新張期8折，折左5，60蚊左右一碗，如果正價係咁以上的我都可以接受和理解，一分錢 一分貨. 但正價係咁的話如非必要唔會幫襯.希望貴店看到會改進. 我真心希望附近能有間好食的烏冬店

長沙灣近工廠區，打工仔特别多。但每到夜晚，個個放工就趕住番屋企，所以街上特别寧靜。呢間烏冬店就係街邊角落既一間小店。店鋪唔算好大，店面只可以容納幾枱客人。餐牌都比較簡單，主打烏冬可以視乎個人口味配以唔同既湯底，以達到不同效果。黑毛豚肉烏冬 (木魚湯)烏冬份量特多，主食同配料底下全部都係手打烏冬。更值得一提既係烏冬口感爽口嫩滑，麵身又扁又幼，完全照顧到怕食粗麵既筆者。加上幾片薄切黑毛豚肉同兩件半熟糖心蛋，令單調既味道變得豐富。木魚湯比較似醬油湯底，味道較豬骨清淡，想試新口味或食清淡d 既朋友可以一試。吉列炸蝦烏冬 (豚骨湯)朋友比較鐘意濃郁口味，所以就揀左豚骨湯。吉列蝦做到外面香脆，裡面蝦肉爽口既效果。手打烏冬加上豬骨濃湯令人愈食愈想食。整體黎講筆者比較鐘意吉列蝦烏冬，可能炸物比較吸引吧。環境黎講幾寧靜，想慢慢食傾下計一流。

我係烏冬愛好者.. 見新開咗間烏冬當然要去試下啦.. 新張期有8折兼打卡會有兩隻炸餃子送..我地叫左黑毛豬烏冬(一碗柴魚湯底，一碗豬骨湯底)... 一黎到梗係即試個湯先啦.. 我地由suppose淡口嘅柴魚先試.. 一飲落口.. 咸到阿媽都唔認得.. 錯晒 柴魚湯應該係清淡但帶有柴魚香.. 之後轉試豬骨湯... 入口個下.. 我感覺自己食緊一丁豬骨公仔麵完全唔合格！！個烏冬係帶Q彈的.. 質感可接受.. 但隻蛋就過熟同冇蛋香味.. 黑毛豬亦比較‘鞋’身.. 要咬好多下先開始食到豬味.. 餃子炸得脆味道ok.. 不過偏油如果哩碗麵係$40-50.. 都仲可理解.. 但佢正價要$85.. 真係好唔值.. 真心希望佢會改善..

見新開小店，支持一下，怎知大失所望。我和相公各叫了一個牛肉烏冬，首先，此店主打是烏冬，烏冬竟然非常失敗，首先烏冬份量太少，一上枱，湯不是熱的，勉強只是溫暖，非常失望，溫泉蛋沒有流心，過熟了，牛亦煮得過熟，太鞋口！七十多元一小碗的烏冬，非常不值！對面意樂五十多元的烏冬，論味道價錢質數配菜及份量皆佔優。。小店要力求進步才可站得住腳！另外叫了燒玉子，一夾就散了，好像業餘作品一樣，倒是味道不錯，不過份量仍然偏少可能新開張的關係，茶有怪味，希望小店能多多改善以吸引客源