一期一会 (已結業)

店子雖小，但是食物味道很好。熱食出來的時候不是冷，不是暖，是真正的熱食。別於很多其他店舖。特別推介天婦羅,可以保持食物的原味。店員也值得一讚！有禮貎，也很貼心！

同內子睇完波十點幾，有啲肚餓，因為以前住的關係，特別喜歡食在天后。知道開咗間日式食堂家庭小店，零考慮下就即刻入咗去。鋪頭一個客人都冇，我就問招呼我哋嗰個溫文有禮嘅侍應妹妹係唔係收舗，佢就話有排，叫我地慢慢坐。除咗侍應妹妹介紹嗰幾樣野之外，另外重點左螢光魷魚，燒飯糰啦，蝦餃子，蜆，仲有啲串燒，燒明太子等。之後又有一對情侶入嚟坐低。隔左最少15分鐘之後，第一，兩味餸終於到，螢光魷魚筒個豆腐沙律。再等多大概廿五分鐘之後，問個侍應妹妹仲有幾耐先有嘢到。佢入完廚房之後話俾我哋知最少仲有十分鐘先可以有嘢出，我倆完全O左嘴。我即刻話將我地未整嘅所有嘢全部取消。「大佬，點等呀！」個妹妹入廚房之後就話廚師話全部都準備晒，冇可能取消。跟住就有個後生仔嘅廚師走出嚟，好串咁講：「嘢食係要等架啦，個個好似你咁我仲洗做生意！」我同佢講：「你整個燒飯糰要超過45分鐘，仲有串燒同明太子，乜要燒咁耐？你應付唔到就唔好俾人哋叫咁多嘢。」佢就話「你地冇得取消只可以等！」我嬲到爆，但我選擇咗一個好多人都唔會同意嘅方法，用錢去解決問題。我同佢講一樣野都唔使取消，照埋單！！全因我同內子難得有個Friday night date，

有一天與朋友到「一期一会」，傾吓偈，飲吓清酒，再加點小食，感覺有如置身日劇「深夜食堂」。一間家庭式的居酒屋，香港少見！燒牛脊：牛肉很軟，再配上自家製的醬料，好好味！吉列豚肉芝士釀冬茹：吉列外皮脆而不油，一口咬下芝士流出來。明太子茶漬飯，雞泡魚乾，枝豆：佐酒小吃，一流。茶漬飯，好有日本feel!

環境：座位窄，分體式冷氣機滴水食物：煙燻豬肝$48/3片加一些碎粒...炸蝦天婦羅$78/4隻，炸漿ok，蝦不新鮮...一口海膽飯$78,海膽小，不新鮮，飯多，紫菜不脆...燒牛脊肉$138/8小片，.....食完$650...唔飽...要補飛華姐牛腩麵..