一幻拉麵

營業中

休息中

黎到屯門食飯，見到呢間鋪頭門口有10幾人係度排隊，好似唔錯，冇得去日本旅行嘅關係都好耐冇食拉麵喇，都幾期待，等左幾個字終於可以入去喇，入去到發覺原來入面仲有好多位，點解入面咁多位又唔放人入去呢。。。叫左個招牌蝦湯拉麵，$88，同一般拉麵差唔多啦，都係有半隻溏心蛋同埋3塊日式叉燒，一黎到先試一啖湯，OK喎，幾重口味，啱晒我!再試埋個麵，質地有D淋，仲有幾重嘅鹼水味?點解會咁嘅，我依家係食拉麵喎，唔係食雲吞麵，真係唔係太好食，食食下個湯仲覺得越黎越鹹，都唔好話飲晒D湯，我連個麵都唔想再食呀。。。點解咁難食都仲有人排隊，冇下次呀，食出前一丁都冇咁嬲。

之前試過外賣，今次直接來門市試下其他的湯底拉麵。我們試了蕃茄湯底、咖哩湯底、煎餃子。我個人比較喜歡重口味的，所以這2個湯底對我來說比較清淡。如果你重口味的話，建議食蝦湯底。而餃子就normal，可叫可不叫。

一幻岩岩係屯門開張時，都幾多人排隊。 今日咁岩見到唔算多人排隊，只有三四人排緊，就來試下食先排左十分鐘左右就入得。招牌的蝦湯拉麵，湯底好濃厚，的確有重重的蝦味，飲得出係經過研究心思的重本湯底！但係，如果平時食開淡口味的朋友，會感覺有點咸。叉燒，麵質都係有水準的。另加左一客餃子，係正常日式餃子的水準，正常合格。另外小食(味筍同唐心蛋)都好食，味度岩岩好，涼涼的味筍會有令人食唔停的衝動。 最有驚喜係個水蜜桃味梳打，甜甜的好清浪，好岩炎熱的夏天飲！個梳打瓶都好靚，有令人想收藏的衝動

星期日晚上去，排左10分鐘就有位，店員都禮貌，環境幾好，枱距離都夠晒闊，但食物方面唔掂，首先湯太咸，食完成晚都好口渴（我都冇飲到湯，唔知係味鹽太多定係味精太多關係），而且拉麵冇咩彈性，煎餃子皮就ok 但入面冇咩湯汁，糖心蛋ok,而飲品方面真心唔化算，可樂要成15蚊，波子氣水都28蚊樽裝氣水都咁貴又唔係咩特飲。可以大膽講永不再食。好吃既拉麵而且性價比高既好多細店都做到。一碗咁咸咁湯都咁多人熱捧，真心覺得怪。

一幻拉麵食過好多次，今日番黎，突登為試「一幻叉燒飯」！🥩🍚💕由於叉燒飲係個menu 度比較唔起眼，又比較平 (我以為會好細碗)，一直都冇叫。但經過今次之後，我就發現左原來佢係咁好食！！！😋😋😋佢係將日式叉燒切成小件，叉燒肥瘦適中，鋪係飯面，再加入滿滿的蝦麵酥，青蔥同秘製辣椒醬提味，超正！嗰日我沖叫左蝦湯拉麵，同蝦湯一齊食，真係令我對一幻改觀！原來一幻唔止拉麵掂，仲係丼飯都好好食！🥰🥰🥰🥰

🌸_❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️❤️🖤❥❥❥❥❥❥❥❥❥❥❥❥❥❥❥❥❀🍱:<蝦汁胡麻冷麵套餐 $99>*配可口可樂🥤+溏心蛋1pc🥚淨麵$88🍜依款麵冇溏心蛋所以就叫套餐🍽胡麻醬份量岩岩好🧂小虎蝦幾大🍤隻隻都爽口彈牙😋有幾隻甜辣小蝦😍好開胃😙如果中意食脆口感覺記得要加麵酥🥳❥➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭麵條:固定(粗麵)加配料:有麵酥(紅薑天婦羅),有蔥*需加一服務費💰➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭

一幻都算係我心目中屯門三大好食拉麵之一之前試過佢個番茄蝦湯拉麵 番茄味濃 不過就蓋過左蝦湯味 我覺得冇咁好食佢嘅招牌特濃蝦湯拉麵完全係我口味湯底好重蝦味 食唔停手 溏心蛋醃得好入味 蛋黃香滑 可惜得半粒🤣 叉燒肥瘦適中 唔會好柴 整體用餐體驗滿意

傳說好出名的拉麵～終於去左試啦😆蝦做湯底真係好正 蝦子麵愛好者必試呀😘原本辛辣味噌蝦湯拉麵就$88但我依啲食到盡既就叫做左一人尊享套餐🥳$99可以選一個小食同野飲仲可以半價加餃子 正呀！🧚🏻‍♀️溏心蛋真係好正🧚🏻‍♀️ 辛辣味噌蝦湯拉麵佢個湯底真係勁出色～好濃味而且佢有少少稠既 食落真係飽飽既滿足真係重口味人士最愛而且佢份量超足 成個碗都係拉麵🍜面頭仲鋪滿哂蝦籽 正喔😛評分： 9/10🧚🏻‍♀️煎餃佢依個煎餃出面皮好脆但都ᴋᴇᴇᴘ到啲肉汁係好傳統既日本餃子豬肉味都唔錯評分：7.5/10

湯頭第一下食落好重蝦味，但之後食落就冇咩蝦味啦。而且麵冇得選擇硬度，我比較鍾意食硬啲嘅麵，所以食落有少少軟。食完一碗麵後唔夠喉，落左個飯落去撈湯，估唔到又幾好食喎！雖然夠飽但唔夠滿足，唔會等登出去食，但係咁啱經過都會再食多次嘅。價錢嚟講唔算太貴，都可接受。

一幻都黎左香港好多年，今次第一次去試試佢，平日2點左右去都有幾個人排隊，但5分鐘左右都入得，佢地有個99蚊一人餐，揀一款拉麵，一款配菜（有木耳、荀片同溏心蛋），2個人去就叫左碗辛辣蝦湯拉麵同蝦汁麻醬冷麵，冷麵普通無乜驚喜，都有d蝦味，湯麵湯底好濃，蝦味都幾出，小食煎餃子同日式叉燒都各叫左一份，跟餐有半價，餃子煎得幾好，正常既日式餃子，日式叉燒略偏瘦一點，配菜木耳同荀片都幾爽甜，整體尚算ok，係價錢略貴一點

一幻拉麵進駐屯門後，終於有機會黎試一試門口都有唔少人排隊，等左大約15分鐘就可以入座入面裝修比較開揚，光線十足，環境都舒適食麵之前 緊係要飲一啖清爽既波子汽水，係蘋果味亦叫左一份餃子(5隻)，非常香口，外皮脆而且唔油膩，微微既焦香味，餡料亦多汁，好夠熱每碗麵都可以額外加1隻糖心蛋，見到蛋黃中心係晶瑩剔透，多汁軟滑辛辣味增蝦湯拉麵，蝦湯果然好濃郁，麵條掛汁力高，而且彈牙，好快就一啖一啖咁食晒成碗，叉燒厚身軟腍

我個人係超級鍾意食重口味食物，如果鍾意食重口味又鍾意食拉麵嘅你，一定要試吓一幻🤣👍🏻👍🏻今次叫左個一人尊享套餐，可以自選拉麵一碗+小食+可樂，仲可以用半價叫多一碟餃子 我就揀左辛辣味噌蝦湯拉麵🍜🌶，蝦湯味勁濃郁，個湯底真係好濃好有蝦味！真係要強調🤣反而辛辣味就無乜，一碗入面會有埋半隻溏心蛋同兩塊叉燒，拉麵嘅份量都勁足夠，又飽又好味，最後真係飽到食唔晒👉🏻👈🏻小食我都係揀溏心蛋嘅，因為我自己本身係好鍾意食溏心蛋，所以額外又多一隻食🤤餃子比想像中出色，個餡勁有肉汁，個人覺得唔使點汁食都已經好好味🤤一個人食晒5隻✌🏻埋單呢個set就130蚊一個人(連埋加一)，有拉麵有小食有嘢飲，都係可接受嘅價錢

最近此店新開張，剛巧弟弟想吃拉麵，便進去一試。此店主打蝦湯拉麵，我選了鹽味及粗麵，每碗麵都包含兩塊叉燒及半隻溏心蛋。麵到後，看到橙紅色的湯底，迫不及待立即試一口濃湯，味道十分鮮甜，充滿濃濃的蝦味粗麵稍為有嚼頭，但較難吸取蝦湯鮮味，所以下次想試試幼麵。叉燒肥瘦適中，但沒有甚麼味道，稍稍遜色，溏心蛋一般。我們另加了餃子，餃子不錯，配上香醋很合適總體而言，拉麵的湯頭鮮甜，反而配料一般，但仍值得一試鮮濃的蝦湯。服務員態度良好，環境舒適，會再來～

招牌蝦味拉麵蝦味湯底濃郁 有些微太鹹配上基本拉麵的配料半肥瘦的叉燒 正常式搭配溏心蛋太熟 做不到流心的效果失望🙍😮‍💨😮‍💨😮‍💨.很少會進入屯門區商場吃飯朋友推薦過江龍 “一幻拉麵”就去試下 裝潢挺用心 寬大很好坐人流多的時段也不會感覺很擁擠食物方面有待改善🤭🤭.

一幻拉麵 Ebisoba Ichigen Hong Kong 係札幌人氣No.1蝦湯拉麵，掛住日本拉麵既可以去！蝦湯拉麵$88特色湯底有3種：原味、適量豚骨同濃厚豚骨，原味湯底利用鮮蝦頭精製而成！揀完湯底再從3種不同口味（味噌、鹽味同醬油）選擇其中1種，最後揀粗麵或者幼麵！屯門店限定「北の極番茄蝦湯拉麵」$78，如果特別鐘意番茄既，記得一定唔可以錯過！香港店限定仲有「特濃蝦汁叉燒拌麵」同「辛辣味噌蝦湯拉麵」，鐘意辣一定鐘意後者！唔鐘意拉麵既可以試下拌麵，雖則無左主打既蝦湯，不過有特濃蝦汁，不妨一試......值得一提既係日本開業短短幾年已成為札幌名物，仲係海外設立多間分店，香港都有4間！