一幻拉麵

營業中

休息中

首先咩都唔好講，淨係講個景已經贏晒。對住個海食拉麵，係人生一大樂事！次次門口都好多人排隊，好彩今日好早出街見到門口冇乜人排隊，即刻同職員講兩位唔該。去到一幻梗係即刻食下佢嘅蝦味拉麵啦！首先講個湯底，蝦味10分充足，好似有幾千隻蝦喺個口度游緊水咁。然後再食一啖佢嘅麵，麵嘅質感10分彈牙。食完第一啖之後，就已經講唔到野因為實在太好食，食完之後女朋友就嬲咗我，因為我成程都冇出過聲。然後再講麵上面既叉燒，肉嘅質地一啲都唔乾，充滿濃厚嘅滋味，再配合埋個湯底，就好似豬同蝦既鮮味一齊大合奏，係個口到揚起悠悠嘅樂章。而且價錢10分超值， $100都唔使就可以食到一碗咁出色嘅拉麵，我諗我呢一世，就算唔記得阿媽姓咩，都會記得呢碗拉麵有幾咁好食，最後一個字總結，好好食！

聖誕節將至, 同家人去海港城睇燈飾同夜景。睇完燈飾, 見一幻個得一賞二套餐仲未完, 於是決定一齊同父母去食日本拉麵, 咁抵! 媽媽應該唔會哦我啦! 星期五既尖沙咀本身都比較多人, 而一幻亦不在話下。所以我同老公先行去排隊, 等爸媽可以影下夜景, 行下, 唔駛一齊企咁耐。去到見到人龍都唔少, 排左差不多30 分鐘先有位。除左得一賞二套餐, 外賣亦都有折。得一賞二呢個套餐真係好抵! 包2 碗麵, 6 隻鍋貼同2 杯飲品 (只限汽水)今次我地仲試埋蝦味飯糰。套餐正價加10%服務費, 再減返$148。麵種類: 仲有飯同其他小食。飲品選擇如下:首先到左鍋貼先, 皮唔夠脆, 有D 失望。蝦味飯糰好好味呀! 飯糰充滿住蝦湯汁既味道, 每一粒都係蝦湯味!暖暖的, 包埋個脆脆紫菜, 好好味!而且個飯糰好大個! 只係$20, 好抵食!!! 今次我同老公都不約而同叫左特濃蝦汁叉燒拌麵蝦汁濃, 叉燒淋, 流心旦味道各方面都合乎水準不過可能已經食左幾次, 感覺味道冇第一/二次時食咁驚喜。

呢一年因為肺炎打擊下好多時政府都會作出相應嘅防疫措施, 咁好多餐廳都因為咁而生意受到嚴重打擊, 連出名購物景點嘅海港城都無法例外, 位於海港城嘅一幻拉麵都要做到買一送一優惠吸引食客, 咁計落又好著數嘅關係, 所以我同女友就星期六去食番餐好嘅就係呢個優惠搞到大排長龍, 因為防疫措施關係所以入座人數設有上限, 等左15分鐘先入到座飲品可以選擇可樂, 可樂zero 同波子汽水, 咁相比之下當然叫左波子汽水啦, 桃味汽水味道較淡, 甜度不高, 蘋果味汽水就味道較重, 甚至有種水果汽酒嘅甜味本身一人有3隻煎餃子, 兩人套餐就有6隻, 餃子底部煎得香脆, 餃子皮厚身位就煙韌有味, 餡料充足, 有菜有豬肉, 濕潤有汁, 豬肉汁令到餃子帶甜味我地兩碗都係選擇辛辣味噌蝦湯拉麵, 粗身麵, 加上麵酥(紅薑天婦羅), 湯底濃郁起膠, 入口辛辣, 但辣度不會維持好耐, 粗身麵浸滿湯底後掛湯效果好好, 加上麵酥浸完會發大變淋, 令到湯底變糊, 更加惹味, 另外重有兩塊叉燒, 質素唔錯, 但比起出色嘅湯底就印象不深埋單係148+32.6= 180蚊左右, 咁嘅價錢可以響海港城, 對住維港舒舒服服咁食拉麵當然係超值

個湯底係ok，但員工態度真係奇差，店內已經不多人，但員工都唔願唔執枱，要客人去其他枱食，俾菜單時將筆掉落枱，十分無禮貌，幾好食都無用，d員工簡直趕客，唔會有下次！

今晚與朋友來海港城買東西，和看一看白爛貓聖誕佈置，因為驚星期五晚多人，所以決定食完晚飯再去逛商場。 找了一段時間才找到這間舖頭，因為商場確實有點大，其實最快來到這裡是從天星碼頭入口的左手邊，直行到海運大廈的地下入口。 6：30pm來到這裡，竟然沒人排隊，看來因為疫情關係真的少了人出外用饍。坐下後，職員向我們推介有一個特價的2人同行set, 包2碗拉麵，6隻餃子，2杯飲品，價錢＄148加一。既然來到也是一人叫一碗拉麵，所以就叫了這個set。招牌蝦湯拉麵（幼麵）我未來過這裡，所以就點這裡的招牌菜：招牌蝦湯拉麵，也選了推介的組合：原味湯底、鹽味口味、幼麵，還選了有麵酥（紅薑天婦羅）。湯底有很濃很香的蝦味，雖然選了鹽味，但不會太咸，麵條軟硬適中，幼麵配搭濃湯幾好，每條麵都掛湯，麵酥脆卜卜幾特別，有兩塊叉燒但略嫌太簿太瘦，半隻糖心蛋也幾好味，整體味道很好。 跟餐我點了波子汽水，因為很久沒喝過了，還選了桃味，想不到波子汽水很難開，要很大力才開到，幸好有職員熱心幫忙呢！桃子味甜甜地幾好味，重拾兒時的味道～ 辛辣味噌蝦湯拉麵（粗麵）這碗是朋友點的，我試了一啖湯底，也是很濃蝦味，味噌與蝦很配搭，我覺得蝦

同朋友Lunch去食，好彩唔洗排隊，終於可以試下喇湯底好濃蝦味，味噌湯底略嫌有少少偏鹹咗啲，拉麵我揀偏硬身，純粹個人喜好，啲叉燒好好味，係薄咗少少，糖心蛋就正正常常啦環境裝修得幾靚，睇住海景食拉麵都幾chill！

係網上見到 『一幻拉麵 』出咗個超抵優惠。$148(另收原價加一服務費)二人餐🤩包括兩碗拉麵🍜六隻餃子🥟兩杯飲品。除咗招牌原味蝦湯底🦐之外，仲可以因應自己嘅口味選擇加入唔同濃度嘅豚骨湯。湯底口味亦有味噌，鹽味同醬油可選擇。餃子🥟煎得好香脆，餡料十足，蔬菜同豬肉分量平均，啖啖油香。餃子🥟配啤酒🍺一流嘅配搭🤤 (原味，鹽味，粗麵）蝦湯鮮甜濃郁🦐會不知不覺一啖接着一啖。 麵質有韌性，富有口感，掛上濃湯汁十分美味，一試難忘。另外日式叉燒肥瘦適中，口感鬆軟。 (辛辣味增蝦湯拉麵，幼麵)相對原味湯底蝦味冇咁濃郁，並辛辣為拉麵增添了一點惹味。另外特別要推介佢哋嘅麵酥，紅姜天婦羅係自家製嘅蝦味麵酥🦐食到淡淡蝦味之餘仲有酥脆嘅口感。

在海港城完成工作後，發現這間拉麵店正做「得一賞二」套餐，$148有2碗拉麵+6隻餃子+2款飲品，決定試一下幸運可安排坐海景位，吃什麼都加分餃子熱辣辣偏煙韌淋身的餃子，味道不錯招牌蝦湯拉麵蝦湯濃郁帶點鮮甜味，叉燒肥瘦適中，配上掛湯的拉麵，好吃拉麵本身已經配有半隻流心蛋，很滿足特濃蝦汁叉燒拌麵一上檯賣相吸引，蝦汁在碗底，記得拌勻才開吃特濃蝦汁的確比蝦湯的蝦味更濃厚，可是偏油膩，看你有多重口味吧，下次我會選蝦湯拉麵可樂有coke zero, 自我安慰一下也好

話說用左某E字app book左晚飯 點知一去到幾多人排 打左幾個蛇餅 然後個職員話就算book左都係要排隊架個刻真係心諗 下 咁你就唔好俾人book啦完全係為咗吸引人用優惠 有理冇理就俾人book呢個安排真心好差但由於個日周圍都full 唯有焗住排至於拉麵 湯係偏濃稠重口味層次唔多 易膩個人嚟講就一般 但唔係差嘅

我地係平日九點幾入座所以唔洗排又有海景位無記錯係有4款拉麵而小食選擇勁少拉麵個湯頭蝦味好濃(係一入門口已經聞到果陣味)我ok仲飲咗好多 個friend就覺得有d heavy 個麵底都好彈牙 上面d天婦羅碎幾好食拉麵係會再幫襯嘅水準 不過食完到第二日都好口喝lol嚟之前睇過食評話好幾個話食物ok但員工態度惡劣入去坐咗一陣完全明曬一間喺海港城嘅日本拉麵店嘅職員係紅van司機/的士佬mode 其實真係幾odd (幾個都係咁)

見到一幻拉麵出咗個新優惠，有二人套餐包兩碗拉麵加餃子連埋嘢飲都只係148🤩 加一之後都只係178埋單✌🏻野飲有基本嘅可樂/Zero, 要波子汽水都唔使加錢仲有三隻味揀《特濃蝦汁叉燒拌麵》撈起上嚟麵量相對比較少，但係食完一碗之後已經夠晒飽，蝦汁的確香濃，叉燒粒都唔少可惜肉質比較乾《招牌蝦湯拉麵》呢個湯底真係值回票價，兩片叉燒肉質好軟，麵底好大，女仔食可以叫少麵《餃子》餃子不過不失，上枱個陣係好香

女朋友話想記錄低我地一齊之後食過咩好食既野方便之後睇返再去覆桌wo身肩重任既我就開始左呢篇食評啦（佢淨係負責食 公平咩～～～～～～～～～～～～～～～～～入返正題先果日我地搞完手頭上既事都已經9點後海港城d鋪都收左一大部分見到一幻仲開緊就即刻衝左入去店員主動過黎同我地講有個2人set既promotion原本正價都～$90一碗麵而家$148兩碗仲有餃子同野飲計一計真係冇得輸叫左碗蝦汁胡麻冷麵 好多配料 味道比較fresh另一碗叫左特濃蝦汁叉燒伴麵本身既蝦汁已經好惹味然後側邊有生蒜可以比你加double重口double享受餃子唔差 拎黎伴酒一流走個陣見到原來有窗口位可以望海有機會再食個陣一定要坐個邊

食拉麵都有維景海景？🌃尖沙咀呢間一幻拉麵就有。夜晚去到要等位，我話要窗口位，員工話窗口位要等耐小小，難得黎到又唔係好肚餓，就決定等，最後等咗4個字左右。有個海景，心情真係更加舒爽。叫咗招牌蝦湯拉麵 ($88) ，同加咗餃子 ($35)。湯底: 濃厚豚骨麵條: 粗麵配料：有蔥，有麵酥我覺得呢碗既蝦湯拉麵個味都幾濃郁，啱晒中意重口味既我，麵條都有小小咬口，幾掛湯，叉燒同溏心蛋都水准之上。至於餃子我都覺得幾好食，不過食完碗麵已經好飽，餃子5隻都真係要同frd share食。我覺得因為有海景，成個心情都更加好。加上呢到冇因為環境mark up價錢，餐牌同其他分店一樣。有時間經過既話都幾推薦黎試下。

見某美食平台做緊promo，只要係一幻拉麵訂座，可以享有優惠。於是就book左海港城果間一幻拉麵。個人覺得比較難搵路，係海港城裡面兜左好耐到左門口，可能唔係假日，所以唔多人排隊。入到去可以揀bar檯同普通檯我揀左普通檯，坐得幾舒服同日本傳統拉麵店一樣，都係圈紙仔落單我揀左個特濃蝦味拉麵個面底幾好，d湯飲左幾啖，覺得幾好味，好有蝦味但食食下就會覺得有d鹹。如果中意食完拉麵後，再飲埋成碗湯ge朋友仔，建議可以唔洗叫特濃。

位於尖沙咀海港城入邊嘅一間日式拉麵店，初頭都驚價錢好貴，但係叫咗個二人餐都係三百幾蚊，另外再有折扣減完先$178，價錢可以接受。拉麵嘅湯底都好濃，拉麵都好好食，份量好足夠！！！餃子好足料，煮得啱啱好。而且拉麵入邊都有好多唔同嘅種類可以俾我哋選擇，粗幼硬度都可以根據你個人喜好去設定。入到去個環境好舒服，好闊落。令到我短暫好似真係去咗日本咁，疫情期間逗留喺香港都差唔多一年，真係好懷念日本嘅味道，係一個真心唔錯嘅體驗。