一幻拉麵

營業中

休息中

✨尖沙咀篇 - 一幻拉麵✨.‼️用eatigo 去訂座有折，晚上9點後入座高達5折，折完碗拉麵只係$40 （好癲呀！）.一幻嚟咗香港都要一段時間，我見到網上嘅評語好壞參半，咁一於自己親身去試，揀左去海港城個間😋.間餐廳裝修選擇咗日式木系列，分開左bar枱，卡位，有一排bar枱仲要望住維景，極chill，成個環境好闊落—————————————————————呢間餐廳而家推出左一個$99套餐，可以任揀一款麵、一款小食同一罐汽水。-๑۞๑招牌蝦湯拉麵 $88蝦🦐愛好者一定會愛上佢地既湯底，一入口極濃郁既蝦味呀，每食一口都好似啜緊啲蝦頭嘅汁，但係食完之後又唔會覺得好口渴，證明佢唔係落咗好多鹽同味精。.不過佢呢款麵就得兩塊叉燒，所以建議食肉獸可以加$15追加3塊。. 個面底可以加減，我揀左正常份量，好夠飽，細食既可以少麵-๑۞๑ 北之極蕃茄蝦湯拉麵 $78呢個麵就同招牌蝦麵好唔同，佢混合左蕃茄之後，出嚟既味係龍蝦湯味，個湯對比招牌結身少少，啲麵幾爽，咬落去有少少彈口๑۞๑味筍套餐包小食，揀左味筍，出乎意料地好食，平時嘅筍好大陣味，佢啲筍又冇乜腥味，反而帶一份甜味—————————————————

難得冇乜人排隊，就去左呢間係日本都出名既拉麵試下。最喜歡日本拉麵既温度，雖然天氣好熱，但一端上枱係一碗熱騰騰的拉麵，仍然覺得真係好正招牌蝦湯拉麵充滿蝦味，糖心蛋冇得輸，麵質不會太淋又入味，同埋我中意佢係粗拉麵。唯獨對餃子有啲失望，因不是脆口，似係蒸餃既感覺，等我中好期待佢係日本既煎餃一人餐$99+餃子埋單都係一百二十元左右，拉麵來計價錢不過不失雖然望住個維港食真係一流👍但我都係掛住係日本食既拉麵🥲

同朋友已經想試呢間好久了，今日就有個機會來試試😍呢間餐廳在海港城入面所以如果夠lucky，可以坐窗位，可以邊食拉麵邊欣賞風景🤩我就無呢啲運氣啦😓但是我坐嘅位置正正可以👀到啲廚師整拉麵，都算幾正🤩佢哋午餐有個一人拉麵套餐，99蚊有一碗拉麵，一碟小菜（例如溏心蛋）同一杯野飲🧐但是我真心會食唔唒，所以就是叫咗一碗拉麵落單唔到15分鐘就來咗🤩😍我叫嘅是招牌蝦湯拉麵，裡面有溏心蛋和豚肉😍上面紅紅的東西，我覺得最好吃😋好似很特別🧐好似叫紅天婦羅🧐啲湯底都好特別，唔係話好鹹，話唔定因為我叫咗Miso湯嘅關係，所以啲湯底有少少苦🤪但是真是好大碗，我都食唔唒😓呢碗就88蚊啲服務都算好，佢哋都好親切🤩

🍜一幻拉麵平時食開豚骨拉麵，蝦湯底真未試過，但原來一試就愛上😍😍我最鍾意佢新出的辛辣味增蝦湯拉麵，好少日本野係我會覺得辣，但呢碗係辣嘅，同埋好香蝦油，唔會因為辣味而蓋過湯底，個湯底係好濃的蝦味，我好喜歡😙😙餃子都ok(本人超愛餃子，咩餃子都食🤤）

自從海港城有咗Dining coupon, 人流真的很強勁，間間食肆都大排長龍，塲面驚人，今日是閒日，又過咗中午食飯時間，終於見到好平靜的廣塲，一個人獨自決定食拉麵。一入門，服務員首先問你會否用coupon, 跟住話你套餐不適用，我當然是有coupon 啦！個服務員好細心介紹我食品及點菜，好warm.服務員是女仔呀！覺得自已好似大鄉里出城，點菜都要人教，哈哈😆由於過哂人潮時間，可以選張想坐的最佳位置，對住海景，不過有時有位保安阿嬸經過，認真失色，講吓碗麵，湯味濃郁，拉麵彈牙，义燒不太肥，所以不太驚喜，但係可以靜靜的一面睇住船仔，一面食，都係好享受😋

一直以來都未食過一幻，今日經過見唔多人排隊，就試一次 ... 但睇嚟近排仍然欠食運 ...其實喺門口已經聞到好香嘅蝦湯味，第一次食，叫返最基本嘅蝦湯拉麵。飲第一啖湯，蝦湯偏鹹，食到嘅蝦殼味道比聞起嚟嘅香味淡好多，心裏面已經一沉，唔通中伏？記得以前曾經喺別天神食過一次蝦湯拉麵，好似係期間限定，食第一啖真係好似味吉陽一咁嘩咗出嚟，果次就成為以後我食蝦湯拉麵嘅標準。而今次，唔可以話冇蝦味，但真係俾啲死鹹蓋過咗，給比下去 ...拉麵來講，麵身偏硬，仲帶有少少鹼水味。係我心目中，日本拉麵喺處理上，去鹼嘅能力遠比廣東生麵做得好，竟然喺日本拉麵店食到鹼水味真係唔掂。其實已經唔只係食落口先食到鹼水味，夾起啲麵已經輕輕聞到鹼水味 ... 所以，我最後放棄咗半碗麵，真係無謂嘥自己quota。叉燒方面，鞋口，我相信坊間有好多其他拉麵店做叉燒比呢度出色100倍！叉燒呢啲咁基本嘅嘢，都竟然做得咁差，似乎來貨嘅質素真係一個好大嘅疑問！溏心蛋方面，溏心流心嘅部份只佔蛋黃僅僅一半，火候處理未到家，絕對唔係好，只可以話合格。而醬油只係停留喺蛋白嘅表面，唔算太入味，所以食入

今日試吓一人外賣套餐$80這外賣套餐都幾抵食，$80任選拉麵、小吃和飲品各一。拉麵選擇有蕃茄蝦湯拉麵、蝦汁叉燒拌麵、辛辣蝦湯拉麵、招牌蝦湯拉麵。外賣的拉麵湯和麵是分開上的。今日試吓蕃茄蝦湯拉麵這蕃茄蝦湯味道濃厚，蝦味突出，質地稠厚，略帶油份，加上蕃茄的點綴，酸酸的，令這蝦湯更適合炎熱的夏日。拉麵可選粗或幼，今次選了粗麵。粗麵帶有麵粉香，口感更Q彈，帶彈性，而掛湯力也不錯。拉麵的配菜唔多，就是半隻旦和一片叉燒。叉燒薄薄的一片，但肉質柔軟，肥瘦得宜，是ok, 只是意猶未盡。半隻旦是半熟旦，有比無的好，雖然唔太入味，但始終覺得拉麵少不了玉子。整體而言，是滿意的。餃子有三隻，餃子皮很薄，內裡是肉饀，沾上醬油，十分日本風味。最後呷一口桃味波子汽水。原樽日本玻璃波子汽水，風味十足，入口冰涼夠氣，而且桃味唔假，味道討好。這一天的晚餐十分恰意。

好耐無食拉麵，又唔鐘意食濃味豬骨湯底。見到一幻有蝦味湯底夠特別，係鋪頭外都聞到香噴噴，下午茶時段唔需要等位。湯底一定要揀蝦味，最配搭少鹽，食落好香濃，最落少少7味粉少少辣，最後連湯都飲埋一字頭名字既拉麵食得多，我可以話佢係最好食😋

🌸海港城人氣美食🌸一幻拉麵🍜今日黎海港城一幻惠顧了二人尊享套餐盛惠$148❗️套餐包含2碗拉麵、6隻餃子及2支波子汽水（有蘋果味及桃味選擇）❗️平時單叫一碗拉麵已經要$88❗️所以呢個套餐係非常抵食❗️而且份量適中❗️性價比極之高👍🏻👍🏻總括黎講，一幻拉麵既食物質素良好，🍜拉麵彈牙好食👍🏻🥟餃子香脆多汁✅而今次惠顧既套餐送既🥤波子汽水味道算唔錯❗️起碼唔係藥水味先🤣就算唔係有套餐優惠，一幻拉麵都係非常之值得推介既日本過江龍拉麵👍🏻可以一解日本旅行食拉麵之癮🤣美味指數：⭕️⭕️⭕️⭕️❌賣相指數：⭕️⭕️⭕️⭕️❌抵食指數：⭕️⭕️⭕️⭕️⭕️💸以原價$296加1，埋單$177.6注意：由於光顧超值套餐，所以海港城美食券不適用❗️

已經係第二次食呢個蝦湯拉麵，今次早到仲有海景睇～＃招牌蝦湯拉麵 湯底可揀原味、輕、重豚骨口味！調味亦可揀味噌、鹽及醬油味。今次我揀左粗麵，口感比幼麵更豐富。湯頭濃厚，不過味精味較重，我個金舌頭老公講左句金句形容呢碗拉麵【蝦味有啲商業化，唔夠鮮味】🤣叉燒、溏心蛋及格，唔使排隊絕對可以一試！上次試咗辛辣味噌版，辣味搶咗原有蝦鮮味，個人認為招牌蝦湯味更出色！如果想試蝦湯拉麵，我更推介另一間荃灣人氣拉麵店！.招牌蝦湯拉麵＄88怒食推薦：🔥🔥🔥／5

ғᴏᴏᴅɪᴇ ᴛɪᴍᴇ 今次就食咗一幻拉麵🍜食咗辛辣味噌蝦湯拉麵呢個係香港限定嘅拉麵，對於我黎講唔會好辣，味道啱啱好😆湯底都有蝦味，而且成個湯好濃😋餃子🥟餃子正正常常，餃子皮好薄同脆，啲餡都唔算少🥰

今次來到尖沙咀既一幻拉麵我在日本時也吃過, 給我的印象係蝦湯湯頭非常濃厚餐廳環境以拉麵店來說都算大, 座位有卡位, counter位, 海景位我當然選海景位, 看海吃麵, 正枱上調味料有七味粉, 胡椒, 蒜泥可以加, 水可以自己斟Menu 拉麵有4款, 其中一款係屯門限定香港既拉麵店通常都是賣湯拉麵(ラーメン)或者沾麵(つけ麺)但是在日本的拉麵店還有一款麵叫油そば或者叫まぜそば即是拌麵, 今次來到一幻就係食拌麵特濃蝦汁叉燒拌麵 ($88)這個拌麵是香港限定, 即是在日本也吃不倒拌麵既配料有蔥, 角肉, 紫菜, 麵酥(紅薑天婦羅), 仲有半粒糖心蛋角肉有肉汁, 唔會嚡, 麵條係粗麵, 拌勻後一食入口, 蝦味就出黎, 味道很濃厚加埋蒜泥一齊食更加好食另外加了一碟餃子 ($35)賣相都幾好, 餃子有5件餃子底部煎到好脆, 皮好薄, 餡料都好足, 好吃總結, 尖沙咀分店有海景真係無敵拌麵蝦味濃厚, 非常好食, 餃子也不錯, 可以再來

朋友話呢間拉麵幾好食，難得閒日lunch time 唔洗排隊所以幫襯。 餃子跟餐加$18，sorry 食左一舊先記得影相，本身有5粒嘅🤣個皮幾薄，餡料合格都有d肉汁，煎得幾香。 木耳跟餐送嘅，個汁酸酸地幾開胃，木耳算爽，下面有少少青瓜，幾開胃。 札幌咖哩蝦湯麵咖哩味好出，但蝦味可以再濃d。麵質幾好彈牙唔淋。d叉燒粒肥瘦均勻，半熟蛋處理得好好，仲有d粟米蕃茄翠肉瓜食吓，唔錯。 整體黎講所有食物都恰如其分，唔洗排都值得一試嘅。lunch 跟餐冇得用coupon, 不過都食左一段時間，d優惠可能變左架，幫襯之前睇吓menu先呀。

呢間拉麵店剛開張時已經想黎試，但次次假期行過都見到好多人排隊，咁岩今日3-4點經過見冇乜人排隊，就入黎試下啦。我同朋友每人叫咗一碗招牌拉麵，再加一碟小食share。🥢 招牌蝦湯拉麵拉麵黎到第一時間試下個湯底先，第一啖飲落去，感覺到非常濃郁既蝦鮮味，當下覺得好吸引，而麵條亦好彈牙。但當你食多幾啖嘅時候，就會開始覺得有油膩感同咸，要開始飲水。而配菜有流心蛋同紅薑天婦羅，紅薑天婦羅真係第一次食，可能味道俾濃厚嘅湯底蓋過咗，感覺冇乜特別，但口感香脆，夾埋拉麵一齊食，令整體口感提升。🥢 甜辣小蝦沙律賣相顏色吸引，沙律菜可以中和番拉麵嘅油膩感，但其他冇乜特別，我地都係專注係拉麵上。

招牌蝦湯拉麵 $88可自選湯底濃度 (原味/ 適量豚骨/ 特濃豚骨)口味 (味噌/ 鹽味/ 醬油)我就揀咗佢推介嘅原味湯底+鹽味+幼麵原味湯底都覺得濃郁 如果想仲重口味D嘅可以試下特濃招牌蝦湯拉麵叉燒有2大塊 比平時食開嘅薄同瘦 啱哂我幼麵口感就差少少 口感唔夠彈牙-辛辣味噌蝦湯拉麵 $88味道同招牌蝦湯拉麵差不多 只係多咗份辣味-日式煎餃子 $35/ 5PCS餃子皮雖然唔喺煎得好脆 但皮薄餡足料-🎏北海道梳打 $38可能自己唔識嘢 原以為會喺自己調嘅杯裝特飲但原來只喺一罐汽水 味道似波子汽水個人覺得比較唔抵 偏貴-今次安排咗坐窗邊位 都喺第一次對住個咁靚嘅海景食拉麵