一寿司 (已結業)

收到一壽司的 三百蚊coupon ，真係好開心由於coupon唔可以用係黑夜時段，所以今日就同男友黎食下午茶入到店計埋我地都只係得 2 枱客，同平時黑夜時段差好遠本想用我地早前儲落既印仔，不過過左期一日下次真係要留意清楚例 : 03 sep 2010 開的dollar card，有效期由發出日期的 3個月內計算及使用，即係去到 02 dec 2010/12/18我地就係遲左一日喇….蝕左 $ 100叫左 11 樣野，點知只係黎左 2 樣追問之下原來係漏左單，竟然係我最餓的時候漏左單三文魚 * 5碟 : 件件三文魚都好肥美，不過比起黑夜就細舊左D同薄左D蟹棒壽司 : 2 件的SIZE都唔同，不過啖啖肉，冇所謂喇海鰻壽司 : 比起鰻魚魚味淡一點。但係夠大條，可以包住成舊飯食。另一種的體會蛋 : 熱呼呼的蛋真係好好食，而且仲好抵添廣島蠔芝士卷 : 次次都會叫，最中意就係多辣茄汁同蔥，食落好刺激有少少辣的感覺。埋單都只係 $ 20X….食慣左黑夜壽司搞到成日都將價錢減半。

迴轉文化登陸香港已超過十多年，至今仍然深受港人愛戴，而我正正是其中一員......當中以元祿、元氣的歷史最悠久，不過前者已今非昔比，水準不敢恭維。而後者卻能一直保持平穩的水準，越做越多分店，是我常去的迴轉壽司店之一。而後起的更有峰、板前、板長及一壽司......當中，以走中高價新派創作壽司路線的一壽司之logo - 大大個雀籠裡有一條魚最搶眼，裝修亦最堂皇。今晚(27/11)挾著$300cash coupon之名，我與女友到這個「雀籠」找魚吃!位於亞士厘道的這間分店，晚上七時多，店外未見人龍，不用等位。店內裝修以黑色為主調，環境舒適，還有一個"L"形的大魚缸養著熱帶雨，十分SHARP，我與女友不想坐迴轉，後獲安排坐在魚缸下的order枱，不過略嫌枱與枱之間隔得太密，欠了一點私人空間感。剛坐下，店員便馬上奉上一大碟紫薑及為我們添茶，算是有效率!由於我不好那種薑味，所以掂也沒掂過，只有女友偶爾的夾一、兩片來吃打開蠻精緻的menu，壽司款式頗多，最特別的是這裡獨有的多款創作壽司卷物，感覺新鮮，但部份售價略嫌偏貴。與女友揀選了心頭好後，便馬上在order紙上tick tick tick，1st

其中一間質數唔錯既壽司店，冷盤、熱燻都做得好，刺生好鮮甜新鮮美味。裝修豪華，但坐得唔多舒服，張枱又細又窄，枱與枱好近，無咩私人空間。服務倘算殷勤，係滿意既 ~ 價錢合理，唔算太貴 ~由於紅磡無一間有水準既壽司店，咁唯有同個客搭的士去尖咀搵食啦 ~ 今次我個客請食飯，所以所有食物都係由佢發牌喇 ~ 佢經常幫襯依間，但我都係首次黎試試 ~ 得一個鐘食飯時間好鬼趕，要紅磡趕到尖咀，食完再趕返紅磡 ~甜蛋卷，蛋香、偏甜，暖暖地，口感鬆軟，可以啦。海老天婦羅，薄薄一層炸粉、軟墊，乾身又白淨，有正宗天婦羅感覺，蝦鮮美味，不需作任可調味。北奇貝，估唔到又軟棉棉又鮮嫰無比，充滿水份，以前食過好多間都硬掘掘又乾，搞到我一向以為正常口感係硬既添。帆立貝，超甜超香，軟棉棉，雖然呎吋細左啲，但味道鮮甜濃郁。三文魚，中上級，脂肪線夠粗又平均，色澤光亮，正﹗又鮮又甜。炸雞軟骨，炸肉香脆可口，已將大部份油份迫出，食既時後口感乾身，脆卜卜又爽又香口，做得好好。係其他地方食過，大多炸到油淋淋。加埋鮮檸汁，好開胃。甜蝦刺生，好新鮮，夠晒黏口而且爽滑。牡丹蝦，大大隻，又爽又黏口，好正 ~ 蝦頭勁大隻又多膏，食極唔厭 ﹗

同best friend 去完gym 9點幾排50% sushi等了20 mins就入得狂叫~真係好低食!! 仲要唔會因為50%就比d差嘢你佢真係好過板X好多... 食到食唔晒每人先$150...個珍寶帶子真係好好味 推介~~~

食過一次黑夜壽司就已經上左癮點都要排 ，多人又排 ，落雨又排今晚就食左 軟殼蟹手卷 : 軟殼蟹凍左 ，而且細舊左少少三文魚籽軍艦 : 三文魚籽每粒都好飽滿 ，如果凍d就仲正海謄軍艦: 入口鮮甜 ，不會有苦味芥辣八爪魚軍艦 : 八爪魚份量多 ， 不過芥辣味不太重火灸三文魚 : 係我既至愛黎 , 三文魚肥肥的 再加上燒過 就更香帆立貝 *3 : 好大隻好美味鰻魚 : 如果大片d就好喇三文魚三食 : 沒特別芝士蟹籽蟹棒 : 芝士好濃 但不膩 !! 配上蟹棒一齊食,口感一軟一硬甜蝦 (巨) : 好大隻甜蝦 而且唔貴 ,好抵食花之戀 : 如果多d沙律醬就仲正d添 廣島蠔芝士卷 : 男友叫的 , 但食過就上左癮 !!! 去到必叫 !! 入口有3種不同的感覺而且蠔唔會腥三文魚 *3 : 件件都好肥美,而且都幾厚身海膽雞軟骨 : 份量多 , 海膽汁頗膩 。 所以冇食曬不過炸得好香口 ，讚今餐用了 $ 242 食左咁多野都只係200零 ,好抵牙

去isquare睇完戲，就行黎呢度黑夜壽司。十點開始，排隊等左半個鐘先有得食，好好彩有ｏrder 檯坐。壽司，刺身同非酒精飲品先有半價，所以我地都冇散叫炸物同小食。每人最低消費八十元。推介壽司：甜蝦(巨)、炸蠔、帆立貝、海膽軍艦、鰻魚、炸軟殼蟹 (蟹仔大隻鮮甜，不過配壽司飯就有點怪囉)玉子、三文魚三食就唔好。兩個人食左百六蚊，岩岩好最低消費。

首先好中意佢個魚缸就係真既佢d壽司又貴又麻麻不過熟食就整得幾好!由其係醬油燒甜蛋卷,中意食甜蛋既朋友千其唔好放過因為都只不過係$12一碟其他食物都偏貴既,牛油焗帶子比較普通!6個人食飽哂;$1000都可以找數;>

五月八日(星期六)同老公仔有一陣子沒有吃過迴轉壽司了,今日到了尖沙咀,突然想起了一壽司的海膽雞軟骨,就同老公仔前來吃個晚餐了!奇怪的,星期日晚上七時左右,都不用等位呢!還被要求一個半鐘頭埋單我們坐了bar檯,看著師傅弄壽司,背後有一個大魚缸呢!我們點了鰻魚壽司為什麼會有點冬呢?而且沒有燒汁,魚肉又有點鬆...頗失望三文魚壽司很肥美的,而且頗厚肉,$10算是頗經濟實惠畢竟三文魚都是我的至愛海膽軍艦看到隔離的海謄好像很美味,我們又點了可惜事與願違海膽不太新鮮,加上不是季節,所以比較腥,而且很細粒芥辣八爪魚很失望,份量又少加上沒有wasabi味道海膽雞軟骨是這裡的名物我們每次都會吃海膽汁依然做得出色,但似乎雞肉卻炸得比以前不夠爽脆有些許失望北寄背壽司味道可以,不特出勝在入口都算爽滑不是太新鮮的食材三文魚芒果卷三文魚份量很少,多點會好吃芒果倒很甜飯團略嫌搓得不夠實...很易就散了整體上只是一般,早知就去吃千兩呢!怪不得沒有人等位...

本黎林住同個f去吃小肥牛既，點知行到去門口先發現好似無開門，失望曬。跟住發現對面既壽司店，我地兩個林都唔林就沖左入去啦~~~果日我地吃既系中午，有個set lunch，分A+B+C or +D，價錢就系49或者59。咁我地就點左個49果個，有燒鯖魚+三文魚卷+軍艦。跟住仲order左個芒果三文魚，甜蝦壽司，燒牛舌，北極貝刺身，一口豆腐and so on。感覺依度既刺身唔錯，北極貝落口好舒服，而三文魚刺身又好肥美。最贊既就系果個芒果三文魚壽司，皆因我唔系好中意吃壽司入面果個飯糰，而咁yan依個壽司系出面包滿好多三文魚，飯糰頂層系芒果，跟住加少少米飯，吃落口真系特別驚訝。我平時極少吃壽司都忍不住要贊距，真系好好味啊~~~我林下次會繼續幫襯。

同幾個朋友食飯聚舊, 想食日本野就決定去食一壽司, 諗住金馬倫道太多人, 就黎亞士厘道點知都係等左差唔多成個鐘 (等 order 枱)三文魚壽司, 夠甜夠肥, 唔算火炙三文魚壽司, 入口即溶, 幾好, 不過上枱既時候已經凍左少少燒玉子, 上枱係熱, 不過過左火, d 蛋有 d 老海膽/芝士蟹棒壽司, 唔錯, 幾好軟殼蟹手卷, 軟殼蟹份量唔少, 幾好食海膽雞軟骨, 炸得幾香口, 朋友食唔少香芒三文魚反卷, 麻麻地, 芒果既味好似蓋過哂三文魚既味加水都幾頻密, 到差唔多十點做宵夜時段, 就過黎想收你 d 食具, 做下一輪生意我地都諗住去食甜水, 就由佢收, 不過覺得唔需急於一時令我覺得你好似趕客走咁

尋日出左尖沙咀搞掂晒d野都4點幾, 好快就揀左呢間食set "lunch"$48 有3樣野食我要左燒玉子 <-- 即整, 甜甜地幾好味鰻魚飯 <-- 鰻魚好大塊, 飯都幾多入面有三文魚同牛油果ge卷(4件) <-- 一般男友要左意粉salad <-- 麻麻地, 意粉做salad怪怪地燒牛肉飯 <--份量好多, 好味彩虹卷 <-- 賣相靚, 味道一般我地仲加左一個酥炸魷魚, 即炸, 正, 外脆內juicy估唔到平日的lunch set都可以食到好飽!!**因為已經4點幾, 店內好少人, waiter service very good而且樓底高, 枱之間有足夠距離坐得好舒服

本來想去松屋, 不過行過呢到又餓而朋友未食過呢間野~ 咁就好啦~比多次機會佢~我地去到叫左佢既winter special, 每樣野都怪怪地~ 個炸蝦壽司卷好好食~ 一台既三文魚一陣就唔見左~ 影唔到~個三文治吞拿魚勁好食~ 個個好大既飯~比相細10倍~黎到真係認佢唔出~個玉子好平~ 但係呢~ 佢就一般架姐~今次番叮~ 都ok, 上次旺角個間真係好難食~不過 service就麻麻啦~有個新黎既女仔成日比人鬧~呢個唔係問題, 佢唔做得既, 咪同我地講, 我叫個同事幫你lo.. 我地隻手係佢隔離fing, 佢都扮見唔到係唔係過分左d?佢都有送左d我地冇叫既野黎~你最好即時認出同佢講~如果唔係~好似另一台咁~比人背口咁話...

放工周圍行完，我突然想吃壽司。但次次都係食個間好似好悶，女友想起這間有半價，二話不說就來了。還記得當它正在裝修時，我仍在理工讀書，每次行過，見佢華麗既裝修以為會係貴價野。但出乎意料，佢仲做埋夜晚半價。由於半價既關係，我地叫左D野都打孖上。例牌既三文魚同曼魚當然要，其次就巨帶子﹑兩款玉子﹑劍魚﹑舌拿﹑軟殼蟹手卷﹑火龍卷﹑花之戀...唔記得了。由於我想食壽司，今次就無叫小食同其他煮物。其實質素不錯，雖然最想吃的帶子不及另一間，但半價仲想點呢?不過舌拿真係好唔得，其他都不過不失。但坐得都幾舒服，環境幾好。

晚上九點鐘, 可能d人等黑夜, 唔駛點等都有位~~去到都係叫我一定會食既八爪魚~~1. 八爪魚-好鍾意佢用冰上, 可以慢慢食都唔怕熱晒, 真係好鮮味, 推介~~2. 燒玉子-好甜好難食.......食左一舊之後都無食....3. 清酒煮蜆-今次d 蜆幾好喎, 好多都真係有肉, 之前食過成碗都係殼, 連埋d湯一齊好好味~~4. 炸芝士-之前以為冇, 原來係張promotion 卡上面, 好鍾意食一口芝士, 有5粒, 好濃的芝士味, 可能我鍾意, 所以又唔會話好漏.........

今晚同左女友去左呢間店到食晚飯,d小二o既度唔錯,值得一讚.入到去冇咩人,唔知咩事,平時見呢間店出面成日有人排隊.....食左十幾碟壽司,有三文魚,油甘魚,吞拿魚,北寄貝.......最值得一試o既係生蝦三文魚壽司,食落口感好得意,生蝦o既甘甜加三文魚味原來可以咁夾,不錯.其他如牡丹蝦,油甘魚,生蝦同帆立貝壽司都幾好,不錯.總體來講呢間店o既魚生都好新鮮,極之有光澤,毫無怪味,而且壽司形狀係一個完美o既栱形,壽司唔易散得來亦唔死實,証明師父手勢唔錯,一壽司的最強分店.