一家

營業中

休息中

估唔到第一次嚟食成為左我心目中頭幾位的上海菜佢啲價錢同其他大牌的上海菜相近但味道就好食得多睇得出師傅十分有功力。店員推介佢哋嘅下酒小菜麻辣香炸鳳尾魚外貌一般的炸鳳尾魚估吾到非常酥脆以為充滿魚腥味又吾係wo, 啖啖蜜汁味魚入面仲保留左魚籽有蜜汁的香甜，豐富的魚籽，配啤酒最好不過。口水雞口水雞肉質嫩滑，雞肉索哂麻辣味，吾錯。小籠包小籠包皮厚薄適中，裡面充滿湯汁，juicy多肉汁。海鮮澆頭麵海鮮澆頭麵非常大份，兩個人食岩岩好。裡面有魷魚蜆肉蝦帶子，佢最正係湯底同麵條，湯汁清甜暖胃，飲完好舒服不會口渴， 麵條軟硬適中帶點彈牙，仲有獨特的麵粉味好好食。黑醋松子魚岩岩炸好的松子魚皮酥肉嫩，外貌一粒粒方便用筷子夾在黎進食，配埋酸酸甜甜又濃稠嘅黑醋汁，酸甜開胃。炸芝麻團呢度的炸野都非常出色，炸得剛好，吾會有油走出黎。最後的甜品以炸芝麻團作結， 煙韌的芝麻外皮夠軟糯，加埋芝麻泥蓉，好食。芝士奶蓋玫瑰茶Like ig可半價加購茶飲芝士奶蓋加玫瑰花茶，芝士奶蓋仲有陣蜜糖味，玫瑰花茶的顏色都好靚，味道清香較重玫瑰花味，幾解渴。餐廳亦有吾少打卡位可以影相😍😍😍

呢日同朋友去咗筲箕灣買嘢，跟住就搵餐廳食飯，見到呢個商場一入門口嘅呢間上海菜裝修幾靚，所以我哋就決定食呢間。餐廳會提供四寶茶，係鐵觀音，雪耳，紅棗，杞子，味道非常清新，又唔會過甜，誠意之作。我哋叫咗以下食物：麻辣香炸鳳尾魚($75)我同朋友都好鍾意食辣，所以就叫咗呢個小食，鳳尾魚份量非常多，調味亦都好惹味，鳳尾魚炸得好脆好香口臭豆腐($78)侍應一放上枱已經聞到好臭，真係好正，臭豆腐有四件，每件都大大件，臭豆腐個皮炸得非常酥脆，咬落去豆腐好嫩滑，而且醬汁有甜醬同辣醬，非常惹味小籠包($50)幾乎每次去上海舖都會叫小籠包食，呢度嘅小籠包有四粒，充滿肉汁，而且肉味鮮甜，小籠包個皮夠薄，但又唔會穿，好考師傅技術外婆紅燒肉流心蛋($138)呢碟分量都好多，職員話師傅會用大火炒紅燒肉迫啲油出嚟，咁就唔會覺得油膩， 紅燒肉肉質鬆軟，呢度菜亦都加咗墨魚去炒，墨魚嘅香味會喺啲醬汁度，令到個醬汁昇華咗，墨魚亦都夠彈牙。另外流心蛋都好靚，同時亦都有浸過醬汁，令個味道更加甜之後我哋叫咗個海鮮澆頭麵($98)因為未食過呢個麵，覺得好特別，所以就叫咗，不過原來職員話呢個麵喺上海好普遍。佢個醬汁比較濃，唔係一般嘅

#筲箕灣美食 #小蓮星呑食筲箕灣🔻 一家 筲箕灣筲箕灣道393號形薈地下G04號舖/🧃臭豆腐 $78外皮炸至金黃鬆脆，豆腐口感結實且帶有香濃豆香/🧃麻辣香炸鳳尾魚 $75炸透整條魚尾，連魚骨也炸至鬆脆。淡淡麻辣香味，淋上少量甜甜的醬汁，多重口味集於一身，有驚喜。/🧃四件小籠包 $50皮薄，湯汁溢滿鮮甜。豬肉扎實彈牙/🧃海鮮澆頭麵 $98海鮮種類豐富，份量十足，值得一提其湯底，濃而不濁，而且麵條掛汁一流。/🧃外婆紅燒肉 流心蛋 $138用上三層肥腩肉製成，每一件都能嚐到皮、白肉、瘦肉三層不同口感而且不澀不柴。/🧃炸芝麻團 $45以黑白芝麻鋪滿整粒湯圓，煙韌的湯圓皮包裹著流心的黑芝麻餡料，黑芝麻甜而不膩，放進口同時散發出陣陣芝麻//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

筲箕灣形薈真係開咗好多新餐廳呀行過見到呢間一家裝修得好靚有特色原來係食上海菜嘅， 又幾特別喎 裝修位睇得出落咗心機新穎得嚟又帶傳統色彩好多位都適合打卡侍應都好NICE呀～我哋因為第一次嚟唔知食咩好佢地都好有耐心因應我哋嘅口味逐一介紹雞絲粉皮同小籠包都一定會叫水準中上反而最驚喜嘅係有久違嘅臭豆腐！！上到檯先會聞到個香味所以就算隔離檯唔鍾意食嘅都唔怕會聞到㗎外脆內軟， 點埋豆瓣醬真係好好食下次去都一定會再叫外婆紅燒肉流心蛋紅燒肉色澤潤紅， 口感軟懦膠質好重但又唔會食到成口油真心好食出面仲有間台式飲品店都係同一集團有好多款式， 下次再試！

媽媽愛吃上海菜。今天天氣好，便帶她去形薈的一家吃飯。第一次去一家，整體用餐體驗極滿意，會再來。店裝飾雅緻，喜氣洋洋有中國風，加埋聖誕裝飾，令人心情愉快。我們被安排坐卡位，很舒服，讚。店員很用心，令顧客有賓至如歸感覺。店主也熱情招呼顧客。吃完這餐，覺得一家能夠做到店的motto, 懷舊風味以破格思維展現，唯獨不變的就是將一家的温暖帶給大家的初心。臭豆腐很有風味。外脆內鬆化，炸得其法不油腻，推介。點埋甜醬和辣醬更正。雞絲粉皮也美味。雞絲肉嫩有鮮味，粉皮滑，青瓜清爽，麻醬夠多又夾味。小籠包一定要食。皮薄餡靚肉汁甜。外婆紅燒肉拼流心蛋好食抵食，送飯一流。紅燒肉炆得恰到好處，肉質靚有油香，豬皮和肥肉入口溶化。還有墨魚增加豬肉的風味。石窩咸肉菜炒飯好味道。咸肉為飯增鮮味，小棠菜切碎易食。飯用珍珠米，較軟和濕潤，老人小孩都愛吃。石窩保持飯熱度，好!缸鴨狗玫瑰桂花湯丸賣相靚。湯丸有芝麻餡好吃，酒釀糖水不甜較健康。四寶花茶順喉有特色，香片杞子雪耳紅棗味道夾。星期一至五免茶錢，抵!媽媽吃得好滿意，嚷着叫埋其他家人來吃。多些人可品嘗更多招牌菜。碟頭大，高估自己食量。打包了飯和紅燒肉孝敬老爸。推介你來，感受一

約左個喺筲箕灣住嘅朋友食晚飯，佢帶我去形薈商場一間叫「一家」嘅上海菜館食。一入去就比餐廳環境吸引住，有好多打卡位。樓底高唔會逼，坐得舒服。臭豆腐好「香」，隔住口罩都聞到😹。一嚿都幾大又厚身，炸成金黃色，外脆內軟，唔會過油。點埋辣醬同甜醬食更惹味。雞絲粉皮粉皮多到好似一碗麵，好粗，食落好有口感。青瓜爽脆。小籠包皮薄得黎唔易穿，用筷子夾起都唔會好快穿。醋夠酸，點埋醋食重正！外婆紅燒肉流心蛋流心蛋細細粒圓轆轆好得意😘，蛋黃重食到甜甜地。除左紅燒肉同流心蛋，原來仲有魷魚。紅燒肉肥瘦分明，腍而入味～海鮮澆頭麵有魷魚、蜆、蝦、帶子等海鮮。魷魚彈牙；帶子好滑；蜆夠鮮味。另有什菌和翠綠小唐菜。麵同餸嘅份量好足，頭先食左咁多野搞到食唔曬個麵🙈。最後嗌埋個甜品作結。炸芝麻團唔油膩夠晒熱。外層芝麻夠香又鬆脆，中間糯米夠煙韌。因為夠熱，令入面嘅芝麻呈流心效果。

去咗筲箕灣同朋友敘舊，試咗呢間新開嘅餐廳：新派Fusion上海菜- 一家。餐前小食-香辣炸茄子: 茄子係茄子皮削成細絲再炸. 口感香脆，再加上拔絲嘅做法味道偏甜再加少少辣.係一道唔錯嘅餐前小食！臭豆腐-傳統嘅街邊小食，但係依家連街邊嘅小食店都好難食到，喺餐廳內見到更加少有！一家嘅臭豆腐做咗改良，為咗顧及餐廳環境及其他食客感受，臭豆腐嘅臭味不算大，但入口臭豆腐臭味濃郁！而且新鮮炸起，外脆內嫩，口感非常之好!再配上甜豉油和辣醬味道一流！鍾意食重口味食物嘅朋友真係不妨一試！小籠包-傳統嘅上海菜。皮薄陷靚湯汁夠熱，絕對合格！外婆紅燒肉加流心蛋-傳統嘅紅燒肉味道偏甜有啲似東坡肉嘅做法叫埋。再加上日式嘅流心蛋，非常之合襯！絕對係一道一流嘅下飯餸。蛤仔豬潤澆頭面-香濃厚實嘅湯汁配上上海麵，仲有鮮味嘅蛤仔同豬潤。算係唔錯嘅新派面款式👍🏻甜品-炸芝麻團子：芝麻團子外皮香脆，入邊嘅芝麻湯圓煙韌。味道唔錯

喺筲箕湾附近一個新商場有一間新派上海菜，食物色香味俱全，我是叫咗食苦瓜，臭豆腐，等等一啲平時喺出邊其他餐廳食唔倒嘅嘢。餐廳入邊嘅擺設每一個角落都有唔同特色，絕對可以係相機先食其中一個好地方。餐廳除咗有野食之外，門口仲有一個位置係專賣手搖茶。當然喇，喺餐廳都可以叫。手搖茶餐牌上面個名仲好有創意添。飲杯好茶，加埋入邊嘅爆爆珠，真係好味又得意。天氣熱既時候都可以飲返杯一。雖然，晚飯時間係需要等，但係全都值得。

筲箕灣而家開咗一個新商場 入邊有好多好嘢食 除咗食麥質素高之外 最重要係佢哋嘅裝修裝潢好有心思 講吓佢哋嘅臭豆腐臭豆腐我一向都唔鍾意 但係佢炸得好薄 但外脆內軟 臭得來又唔會話接受唔到嗰種🤣麻辣香炸鳳尾魚喺出面好難食到呢一道菜色 雖然佢寫麻辣但係其實個味道偏甜 有啲似食緊開胃小菜咁小籠包小籠包湯汁好重好濃 個皮薄得黎又唔容易穿 好考廚師功架 做得非常出色！海鮮澆頭麵海鮮好豐富 尤其是係個蜆特別出色 啲面好彈牙 個湯都幾濃郁 喺出面食唔到味道炸芝麻團呢一個擺盤已經好吸引 炸得黎唔會好油 入面嘅芝麻好香外婆紅燒肉有少少似糖醋骨嘅味道 脂肪比例適中 調味唔錯 仲有少少魷魚喺側邊 味道好夾呢一間餐廳最值得講嘅一定係佢嘅裝修 呢度嘅經理好貼心咁介紹 例如呢一塊牆咁 係以所有土字製成 每一個裝飾都別出心裁

筲箕灣形薈新開咗一間新派上海菜館，裝修和食物都有心思，聽店員話餐廳由一個日本設計師設計，每一角都別具特色，典雅得嚟又不失時代感餐廳提供的茶是四寶茶，以茉莉作為基底，加入雪耳、杞子和紅棗，連一壺茶都用心經營雞絲粉皮$68聽個名是一碟前菜，但粉皮之多，足夠飽肚，與一般下了醋和豉油的上海雞絲粉皮不同， 這個主要以芝麻醬調味，口味偏向日式麻辣香炸鳳尾魚$75 很香脆，甜甜的，唔算好辣，怕太甜的話，可以加入青檸汁吊味，追蹤餐廳IG還有香辣炸茄子贈送添~小籠包$50皮薄多汁，高質蟹粉鍋塌豆腐$188，濃郁甘香的蟹粉配搭金黃色的豆腐，美味，蟹粉不只是有一絲絲的蟹肉還有一條條的蟹腳肉，真材實料海鮮澆頭麵$98是上海道地菜，先煮好配料然後加到麵上，口感較濃郁但味道又唔太濃，海鮮配料夠多，有帶子、蜆肉、魷魚、蝦，好食

一家 - 親民滬菜館今日嚟到筲箕灣一個中菜館，主打上海菜，菜館裝潢非常別緻，有舊時中菜館的特色，上海地道的風貌。櫻花蝦麻醬秋葵 $68前菜點了偏日式口味的冷盤，鮮味脆卜卜的櫻花蝦加上惹味的麻醬，配上健康的秋葵。地道臭豆腐 $78估唔到有臭豆腐，香噴噴的臭豆腐，外皮炸得香脆，內裏幼滑，配上甜醬或豆瓣醬，經典地道小吃。外婆紅燒肉。流心蛋 $138炆煮得入味的紅燒肉，但肉質是爽彈且有咬口，不會鬆散，當中的玄機據說是加了魷魚關係，這款和菜式名一樣，有家的感覺。醬油煙鴨胸炒飯 $108利用砂鍋盛著的炒飯，溫度傳熱平均，炒飯保持熱辣辣，冒着煙的，飯粒炒得乾身粒粒分明，夠晒鑊氣，每口也可以吃到煙鴨胸粒、菜粒和蛋絲。鮮肉鍋貼 $50非常日式餃子的感覺，鍋貼的外皮不會太厚，一咬開時肉汁流出。炸芝麻團 $45最後的甜品更加是畫龍點睛，即叫即炸的芝麻糰，煙煙韌韌的外層，內裏是香濃的芝麻泥蓉。

筲箕灣除左東大街 新商場形薈都多左好多餐廳今次試左呢間高質滬菜 食物好味而且裝修好有特色🙌🏻⭐️臭豆腐香港愈黎愈少地方有臭豆腐食整得超夠臭 中意食既朋友記得要試🙌🏻🌟雞絲粉皮每日採用新鮮手撕雞肉,粉皮同青瓜絲配埋日本胡麻醬 好開胃👍🏻🌟鮮肉鍋貼鍋貼煎得香脆 鮮肉餡料滿滿 一咬爆哂汁勁juicy😋🌟一家蔥油白切雞蔥油係多到座山甘😂一上枱係完全見唔到啲雞但一黎已聞到好香花雕酒香味🤩白切雞整得好嫩滑 配埋蔥油真係💯🌟田園上素呢碟素好豐富🤩有紫薯,蓮藕,🌽,車厘茄,准山,露荀,毛豆同雲耳 👍🏻每樣食材都好新鮮🌟高力芒果奶黃通常都係食到紅豆餡/香蕉 佢地一改傳統加入🥭同奶黃 都好夾😋而且外皮炸得微脆蛋白輕盈同有彈性👍🏻

上個禮拜同屋企人去筲箕灣一間新開中菜館食飯，餐廳叫做「一家」，主打京滬美食，有唔少特色手工菜食，例如蜜汁金華火腿、糖醋魚、樟茶鴨等，好啱一大班人黎開餐 😝小籠包 ($50) 飽滿多汁，肉餡鮮甜濕潤 🥰香辣炸茄子 ($58) 酥脆挺身，表面有一層香辣焦糖，惹味得令人食唔停口 😍臭豆腐($78)香酥鬆脆，清爽唔油膩 😌 加埋甜醬、豆瓣醬，味道更濃郁 😆 如果臭豆腐嘅臭味再重d突出d就更好 🤤炒雞菘配叉子燒餅 ($128) 嘅雞肉、松子、沙葛….. 爆炒好有鑊氣 🤩 將滿滿嘅雞菘填滿叉子燒餅再一口咬落去，超滿足 😚

上海野總係有佢既魔力，久吾久就會令到我好想食上海野😂呢間開左吾算好耐，品質幾好又有好多打卡位既上海菜餐廳，都算係近期做得幾出色既其中一間👍🏻.👁‍🗨 香辣炸茄子 (7/10) 💲58.呢個香辣炸茄子好特別，平時係食上海菜既餐廳冇見過炸茄子既出現咁，仲要係整成茄子條，夠哂新奇😂食落好似食緊甜甜地又帶微辣既蕃薯條咁，吾似係食緊茄子🤣吾係好食得辣既我地接受倒🍆.👁‍🗨 臭豆腐 (7/10) 💲78.上一次食臭豆腐好似係大概7年前既事🧐朋友話難得係一間餐廳入面有臭豆腐，所以要叫離試下😅所以我地就叫左呢個臭豆腐啦😀一碟有四舊，每一舊都熱辣辣，質地都算嫩，未食都聞倒佢既臭味🙃不過又吾洗怕佢太臭而食吾落，因為食落既臭味相對地淡，應該算係容易入口既果種🤨如果再怕既話，沾佢附上既甜醬或者辣椒醬食就一定冇問題啦😎.👁‍🗨 外婆紅燒肉配流心蛋 (7.5/10) 💲138.個人覺得呢個外婆紅燒肉配流心蛋算係其中一個出色既菜色之一😇首先講佢個份量呀，啲肉真係超級多呀😱食左好多舊都仲未食完咁😂啲肉整得好腍身，好入味，酸酸甜甜😍而且佢仲加左啲魷魚一齊整個醬，令到成個菜式更加香😇就咁睇可能會覺得啲肉上面有脂肪好

食上海菜式最開心就係叫一個主食之後可以叫好多款小食送麵，岩晒咩都想試既朋友。左麻辣香炸鳳尾魚同辣椒皮蛋，鳳尾魚非常香酥入味，一流既下酒菜或前菜，鮮味十足份量多，每條都大大條補充滿滿既DHA，落少少檸汁更加提鮮唔油膩。皮蛋都係上海店既招牌之選，味道濃郁。臭豆腐炸得外脆內軟，睇落就好似一塊塊既大金磚，聞落唔臭，一咬就食到個陣獨特既香氣，加上有辣椒醬同甜醬配搭，我自己就鍾意點好多甜醬咁伴住食。小籠包都幾推薦，雖然係最基本既菜式但都係睇到師傅功夫既一道菜，新鮮蒸好熱騰騰，晶瑩既皮係透到湯出黎，皮薄又滑但又唔會好易爆湯，點上醋再咬一口，餡美味又夠肉汁。 外婆紅燒肉配流心蛋，燜得好軟熟的紅燒肉, 肥瘦相間，香甜鬆軟，份量都多，送飯麵一流，流心蛋香甜。蛤蜊豬肝澆頭麵超級大碗好多餸，個湯既質感屬厚身D既濃湯，所以好易掛晒上麵條，麵條幾彈牙，新鮮豬肝洗得好乾淨，好味，蛤蜊亦夠鮮味。炸芝麻糰，又係新鮮炸起超香脆圓碌碌，芝麻餡同糰子比例均勻，每啖咬落去都有芝麻又有之糰子又有D空氣感，甜度適中，令人不自覺夾完一粒又一粒。另外餐廳既茶都有顯心思，係有紅棗杞子雪耳既香片茶，真係非常清香解膩。餐廳佈置亦非常靚，有古