一喜車仔麵

營業中

休息中

Heath慶方內有間主打車仔麵嘅小店，門面好吸睛，大大個車仔麵檔模型適合打卡。店內裝潢行簡約風，乾淨俐落，QR code落單，客人頗多但上菜速度夠快，啱曬過嚟食個快lunch！抵食之選有豪華九寶麵，包含牛腩、瀨尿牛筋丸、瑞士汁雞翼、魷魚丸、豬紅、豬皮、蘿蔔、紅腸同時菜。油麵軟硬程度適中，腩汁味偏清，配料最推牛筋丸，認真會爆汁而且咬落爽彈。私心推介汕尾小米粿，入面係豬肉餡料，外皮煙韌QQ哋，口感好正好得意。黃金湯係靈魂，超快清曬，爭住嚟飲。上湯韭菜餃都唔錯，六大粒，皮薄餡多，值得一試。另外有豬扒拼貢丸片，前者厚切，後者入味。小食方面有生菜魚肉，味道清淡，淡淡魚香氣、瑞士汁雞中翼有四隻，肉質滑嫩，鹹甜味道適合配飯。邪惡啲嘅會推香辣單骨雞中翼，唔辣，炸至酥脆可口、白玉春蘿蔔、椒絲腐乳通菜同腩汁菜芯可以幫助解膩，新鮮無渣，感覺健康。

尖沙咀好有驚喜嘅車仔麵舖🔥🔥🍜北菇豬手拼瑞士汁雞翼麵（粗麵配沙嗲汁）好正嘅配搭😍 北菇豬手好軟嫩，搭配香菇、蘿蔔、瑞士汁雞翼好飽肚！粗麵的口感韌性十足，吸收了沙嗲汁的味道，十分美味🍚瑞士汁雞翼、芝士腸飯簡單又好味～瑞士汁雞翼肉質嫩滑，配埋芝士腸好豐富😆🥢必食厚叉燒（例牌）叉燒肉質鮮嫩，外層略帶焦香，搭配特製醬汁，風味十足。叉燒的鮮香與醬汁的甜味完美融合，配飯食好滿足🤤🥢上湯韭菜餃（6隻）外皮薄而韌，韭菜餡料豐富，搭配清湯，令餃子的味道更加鮮美😚🍡12粒咖哩魚蛋大大粒魚蛋😍 彈牙魚蛋搭配香辣咖哩的濃郁，好正！🥢生菜（牛腩汁）脆嫩生菜加埋牛腩汁，健康又美味😋🥤支裝黑芝麻黑豆豆漿🥤支裝茉莉花茶🥤凍檸茶

紫菜4寶+ 魚腐+厚叉燒+ 准山麵(黃金雞湯) 我真係好欣賞呢個黃金雞湯，超濃郁嘅雞味，真材實料熬製，每啖湯都好甜美，而准山麵就好掛汁，襯呢個湯底就最好味！配菜都幾好味，包括有汕尾小米粿、汕尾馬鮫豬肉丸、有魷魚魚粒的魷魚丸等等！尊貴十寶准山麵(牛腩汁)超多配料，有齊瀨尿牛筋丸、牛腩、瑞士汁雞翼、雞翼尖、魷魚丸、豬紅、豬皮、蘿蔔、紅腸同埋時菜！我最鍾意食就係瀨尿牛筋丸，一食落口爆漿多汁，牛肉味好濃郁！淮山麵再配埋牛腩汁，味道真係好夾，食完真係好飽椒鹽魚片頭好酥香美味，彈牙爽口，充滿椒鹽嘅味道凍檸樂支裝豆漿餐廳舒適寬敞，一入去就見到車仔麵檔模型，好得意！上菜速度快，餐廳店員服務態度好友善，抵讚

最近喺重慶大廈隔離商場開咗間車仔麵店佢哋所有嘢食都即叫即整我行我素麵（$55）專為素食人士而設我哋揀咗咖喱汁 配料嚟講冬菇同白蘿蔔特別出色白蘿蔔食落好甜 唔會有渣 非常有驚喜冬菇亦好入味 食落幾彈牙牛腩花菇麵（$63）牛腩食菇唔鞋口 肥瘦適中花菇好彈牙 而牛腩花菇汁好惹味咖哩魚彈12粒（$28）魚彈好彈牙 咖哩汁唔會死辣幾好食 仲大大粒 食落好滿足特級瀨尿牛丸（$36）依個係必叫食落好彈牙 牛味亦幾重 最特別係真係會醬爆

•自選車仔麵 (豬紅豬皮蘿蔔酸齋陳皮魚蛋豬大腸紅腸韭菜粗麵 $111） / （蘿蔔韭菜菜肉餃滷水牛腱通菜粗麵 $78） (⭐️7.5/10)蘿蔔必點，好清甜完全冇喳，其他餸味道不錯啊👍🏻🥰份量都好多，難怪比評選為”性價比高”👑！佢哋有提供好多湯底（湯麵或者撈麵）、麵仲可以揀爽或腍啲，可以好free-style🤘🏻。•瀨尿牛筋丸(6粒）$36 (⭐️6/10)見到基本上枱枱都叫，牛肉係手打👊🏻幾彈牙，一咬落去就爆汁💦真係要小心啲食haha😂•厚叉燒(半例）$39 (⭐️6.5/10)叉燒係偏瘦，但肉質都幾淋同入味👌🏻•瑞士汁雞中翼（4隻）$28 (⭐️7/10)瑞士雞翼都係必叫，好入味‼️😻📍 一喜車仔麵 ▫️尖沙咀彌敦道36-44號重慶大廈heath慶方地庫S19-21號舖▫️土瓜灣北帝街31號地舖

如果要用一種野食黎介紹香港我諗其中一樣野食就係車仔麵，因為車仔麵真係夠地道得黎又夠平民美食。呢間係尖沙咀咁熱鬧地方嘅車仔麵店其實就係地鐵站一出嘅慶方商場入面。麵店出面有部懷舊嘅車仔麵車可以打卡，而餐廳入面就幾夠寬落坐落舒服。生菜魚肉 $30魚肉夠新鮮，魚肉食起上黎唔腥，少少嘅胡椒粉又幾香椒絲腐乳通菜 $18腐乳夠多，唔會唔夠味。價錢可以接受生炸香辣單骨雞翼 $28調味偏濃，不過好在炸得夠熱夠脆自選車仔麵粿叫左兩碗車仔麵一碗叫左烏冬,紫菜,小米粿,冬菇,雲耳,瀨尿牛筋丸配秘製黃金雞湯一碗叫左幼麵,豬紅,豬大腸,豬腩肉,炸豬扒,牛腩配腩汁,沙嗲汁,麻辣汁餐廳幾好笑，特別貼左告示表示小心食瀨尿牛筋丸，因為真係會爆汁噴到隔離檯人。佢地個黃金雞湯都真係幾香，真係感覺煮左好耐，陣味飲落好濃佢地D醬汁都好香，原來係因為餐廳自己整既。另外我覺得小米粿同炸豬扒都好好食，小米粿都係平時比較少食到嘅配料黎

今次發現新地方同朋友食飯，Isquare對面嘅慶方地庫行到最入S19-21有間車仔麵檔好搶眼，食物選擇多，仲有免費wifi。蔥油孖寶豬扒雞扒沙嗲汁撈麵，可以轉飯/湯麵/撈麵，麵類/湯底/醬汁都好多選擇。豬扒雞扒煎到好香，配埋蔥油好惹味。北菇豬手瑞士汁雞翼腩汁淮山麵，淮山麵係幼麵，麵質比想像中好，豬手冬菇炆得好入味，墊底仲有白蘿蔔超甜好好食。生炸手包韭菜餃皮脆，配埋甜酸醬好夾，另外叫埋上湯鴛鴦餃有菜肉餃同韭菜餃，係另一番風味，食落有家的味道，餡料味道啱啱好，唔會過淡或過鹹。食上湯瀨尿牛筋丸真係要小心，一咬爆汁，入面有d肉碎，幾香牛肉味。重料咖喱四寶夠晒香辣，有魚蛋、水魷魚、牛柏葉同牛腩，煮得夠入味。飲品選擇多，雞骨草同黑芝麻豆漿唔會太甜，推薦！

尖沙咀嘅食肆選擇真係非常之多，多到唔知食咩好，經過中重𪊴商場旁邊有一個新商場仔，記得入邊有好幾間食肆，所以好奇心下就入去搵吓嘢食。入到去個場都有好多唔同類型嘅餐廳，唔同國家嘅菜式都有，非常神奇。經過呢間車仔麵，佢嘅裝修非常之傳統，好有舊式茶餐廳加車仔麵的裝修風味，餐廳面積頗大，唔使等位，便入去一試。餐廳用手機落單，所以便叫咗自己鍾意食嘅餸，車仔麵嚟講，我最鍾意食銅鑼灣榮記車仔麵，相比之下，這家車仔麵的水準一般，湯底味道淡口，牛腩亦不是很淋，不是很好味，整體給我的印象真的麻麻哋。

店鋪開在新商場，非常乾净整潔，尖沙咀站出站過馬路就是。店鋪各種車仔麵配菜都有，豬皮、豬紅、蘿蔔、瑞士鷄翼等等。我們點了蘿蔔、酸齋、自家手打魚肉、撒尿牛丸，韭菜餃、單骨雞翼…另外還有自製涼茶！老闆娘超熱情，告訴我們店裏的食材都是他們自己製作的，完全不會有預製菜，放心吃！另外推薦我們試一試叉燒，點了半例牌，確實！價格非常實惠并且味道正宗，叉燒肥瘦均匀，口感非常軟爛，配上醬油，味道剛好！另外他們家的牛丸和魚條真的驚艷到我，完全吃的出牛肉魚肉，絕對不是澱粉丸子，韭菜餃也吃的出來的新鮮，推薦！

尖沙咀重慶大廈旁邊有一個地庫入口，行到落去先知道原來呢到隱藏咗好多唔同嘅嘢食！今次就來到呢間一喜車仔麵食返地道嘅港式美食，餐廳除咗有車仔麵提供之外，仲有各式各樣嘅飯提供，食物款式五花八門，適合哂唔同口味嘅人啊😋～厚切叉燒特級瀨尿牛筋丸豬大腸蘿蔔米線💰HK$96湯底揀咗招牌嘅秘製黃金雞湯，湯底呈金黃色，充滿咗鮮甜嘅雞肉香味！厚切蜜汁叉燒肥瘦均勻，醬香四溢！特級瀨尿牛筋丸一咬落去就有爆汁嘅效果！蘿蔔軟腍得來又清甜！豬大腸亦好入味！米線掛湯能力高～生炸豬扒牛腩咖喱魚蛋豬紅河粉💰HK$66湯底加咗牛腩汁，味道變得更加濃郁香甜！生炸豬扒大大塊得來又肉質軟腍！牛腩散發出豐富嘅香料香味，令人垂涎欲滴！咖喱魚蛋好入味，聽講咖喱汁都係呢度嘅招牌之一！豬紅口感嫩滑！河粉吸收晒滿滿嘅湯底精華～滷水蛋💰HK$11帶有濃郁嘅鹹香味，非常入味～生菜魚肉💰HK$30生菜嘅爽脆口感同埋魚肉嘅柔嫩感形成咗鮮明嘅對比！湯汁散發住濃郁嘅麻油香味～炸韭菜餃(6隻)💰HK$30餃子皮薄餡靚，餃子皮仲要炸到非常之酥脆，味道有驚喜！連平時比較少食韭菜餃嘅我，都覺得好耳目一新👍🏻～香辣單骨雞中翼💰HK$28即叫即炸熱辣辣！外皮香脆，

之前聽過土瓜灣人氣又高質嘅 "一喜車仔麵"，最近得知新店開咗尖沙咀慶方地庫S19-21號舖，呢日經開就黎試吓啦！新商場 地方非常寛闊，一入門口行下好快已經見到車仔麵檔模型，工藝細緻，一於打下卡先，一去到好容易就揾到依間餐廳。店內裝潢特色，既新派又有傳統設計嘅車仔麵風格～餐單款式都唔少，除咗車仔麵，餸料有好多選擇，仲有特色飯類、小食及飲品。點車仔麵依次序 : 1. 麵底 $12 & $14，2. 餸料 $12 & $15，3. 調味醬料，以QR code落單。豪華九寶大雜麵     $59豪華車仔麵真係好豪華，材料超豐富包括牛腩、特級瀨尿牛筋丸、瑞士汁雞翼、有魷魚嘅魷魚丸、豬紅、豬皮、蘿蔔、紅腸、時菜，湯底本身鮮甜，加咗沙嗲汁之後，微辣特別惹味，米線爽口，掛滿湯汁，食完依碗真係超滿足。自選車仔麵 $63另一碗車仔麵揀選特級瀨尿牛筋丸、牛腩、白蘿蔔及紅腸，超爆汁嘅牛丸，好爽彈，牛腩炆至軟淋有少少咬口，白蘿蔔吸左湯汁非常入味，油麵用嚟做車仔麵底好夾，加埋沙嗲汁拌勻一齊食，好惹味。生菜魚肉      $30懷舊小食嘅生菜魚肉，鯪魚肉嫩滑，翠綠爽口嘅生菜，湯底味道清甜，唔錯。瑞士汁雞中

Speaking of iconic HK street food, cart noodles are absolutely one of the most popular items. Create your own bowl from the soup base, noodles to a variety of toppings of your choice. This time we stumbled upon Heyman Noodles at Heath in TST to try out some of their traditional and unique dishes. The staff were polite and the friendly owner recommended some of their signatures to us.Deep-fried Homemade Pork & Chive Dumplings Bite-size dumplings. Crispy and thin wrapper with a chewy filling. Serv

作為成日喺尖沙咀出沒嘅達人😆要同大家分享吓位於i square對面嘅慶坊～而家整得好型好靚🫶🏻仲大把好嘢食添!!是日又入去行吓～突然被一間門口放咗好有香港特色嘅擺設嘅餐廳吸引住😍😍店員話除咗主打車仔麵之外～仲有好多港風特色食物～咁一於就喺度開餐啦🤘🏻.✨汕尾紫菜四寶配黃金雞湯 $49有齊四款：汕尾馬鮫豬肉丸、魚片頭、有魷魚粒的魷魚丸、特級瀨尿牛筋丸～當中以軟糯有口感嘅配上店家秘製嘅濃郁黄金雞湯～Yummy！！.✨生炸香辣單骨雞翼 $28炸得香脆乾身卻唔油膩😙灑上咗椒鹽增添香口惹味食感！！.✨會瀨尿的上湯瀨尿牛筋丸 $36有六粒都幾抵食👏🏻爽彈有口感！內層包有牛肉餡！食嘅時候小心湯汁噴到坐附近嘅人哦🤭🤭.✨沙嗲牛腩淨餸 $55香濃沙嗲汁同炆得入味嘅牛腩好配襯～加上軟腍白蘿蔔～十分match🤝🏻🤝🏻.✨葱油雞扒飯 $63經典港式滋味😛油潤嘅葱油令脆炸過嘅雞扒顯得更誘人！送飯食一流🙌🏻🙌🏻.✨腩汁 生菜 $18生菜灼後依然青翠嫩口🥬加上腩汁更滋味👌🏻👌🏻.✨石斛竹蔗茅根水 +$10 (跟餐)非常清甜解膩！必試🫶🏻🫶🏻.✨凍檸樂 +$10 (跟餐)✨凍檸七 $20兩杯都配上檸檬及冰底🧊冰涼透心

要數香港特色美食，又點少得車仔麵。今日路經尖沙咀，就去左朋友一直推介位於慶方地庫嘅一喜食返碗地道嘅車仔麵。自選車仔麵車仔麵好處在於自己想食咩麵底就叫咩麵底，想食咩餸就叫咩餸，連湯底都有得揀。呢到麵底選擇都好多，有10款，另外餸都有40款以上選擇，揀到我花多眼亂。車仔麵 (油麵$12、豬紅$12、菜芯$12、瑞士汁雞中翼$15、醋腩肉$15、秘製黃金雞湯+$5, 共$81)車仔麵 (油麵$12、汕尾小米粿3粒$12、特級瀨尿牛筋丸$12、豬手$15、深海粒粒墨魚丸$15、牛腩汁, 共$76)生炸親手包韭菜餃5 隻($30)韭菜餃皮好薄，包得好靚。表面炸到黃金香脆，餡料依然保持濕潤，配上甜酸醬十分出色。椒鹽魚片頭 ($26)魚片頭大大粒，而且爽口彈牙，炸到熱辣辣，非常好食。香辣單骨雞中翼 ($28)呢個雞翼真係懶人必點，單骨雞翼食起上黎超方便，而且香口惹味，即叫即炸，無得輸。咖喱四寶 (魚蛋、魷魚、牛腩、牛柏葉) ($59)呢個咖喱四寶，咖喱味好香好辣，大大份，每樣食材都好入味。黑芝麻黑豆漿/白豆漿 ($10加配)

近排喺車仔麵關注組發現呢一間車仔麵餐廳🤩俾佢舖頭門口嘅車仔麵檔裝飾完全吸引😚當然佢嘅食物種類都好特別，於是今日一試👍🏻唔怪得知咁多人推薦啦，真係好正估唔到車仔麵會有叉燒食，仲要相當唔錯，叉燒係半肥瘦，醬汁調得啱啱好，咪講笑，好食過出面啲燒味舖🥰再嚟推薦佢嘅醬爆瀨尿牛丸，真係爆曬汁勁Juicy😎然後佢個單骨雞翼係生炸，嗰種嫩肉多汁真係冇得頂🤩然後仲有個好特別嘅小米粿，外層係粉果嘅皮，入邊嘅豬肉調味好好味，成粒一齊食口感非常特別，係小數車仔麵當會提供嘅餸😋仲有一個10寶車仔麵一定要推薦俾大家，入邊有牛腩，瀨尿牛筋丸，瑞士汁雞翼，翼尖，魷魚丸，豬紅，豬皮，蘿蔔，紅腸，時菜，佢嘅丸真係食得出自家製夠新鮮，而且種類較多，啱晒貪心嘅朋友仔😛