一哥點故 (已結業)

放假特意黎附近覓食，不過摸門釘最後隨意走入新開嘅點心店，雖然地方唔算好大，但食物全部即點即整，幾乎可以令食物全部同一時間上桌，新鮮滾熱辣！晚上時間都有7-8成滿，仲有唔少遊客，真係非常厲害！點心種類繁多，仲有一盅盅嘅湯品，價錢相當平民化，而且茶介每位4蚊，仲要唔收加一！黑松露鮮蝦餃一籠總共有三舊，蝦餃皮厚度適中，餡料飽滿，蝦肉爽口彈牙，啖啖黑松露香，唔錯另一款亦是店內獨有嘅XO醬菜苗餃，賣相精緻，XO醬加上菜苗又幾香口！黑金流沙包，流心奶黃香濃滑溜，富咸蛋香，一搣開熱辣辣奶黃即刻湧出，食既時候小心唔好流到成手都係！牛肉球平時都係一籠籠咁蒸，呢到竟然用左蟲草花上湯浸牛肉球，上湯味道清新，令牛肉球肉味更豐富，沾上喼汁更滋味！去邊到飲茶都必點嘅馬拉糕，點心店唔係好多會提供，所以見到即刻點返籠止止癮！馬拉糕充滿濃郁蔗糖味，味道唔會過甜，質感非常鬆軟！

最近梅雨季節，屋企啲窗上嘅漏水，的起心肝，一於整鋁窗，所以呢幾日都返唔到屋企，夜晚要行到十一二點先返到屋企。既然有咁嘅配合，就一於去飲夜茶。有朋友喺元朗食完一哥點心同我講灣仔開咗間新分店，一於走過去試下。裝修環境都幾別緻，灰色牆身配淺木色榻榻米。 龍蝦湯鮮竹卷三件， 龍蝦湯做底，食得夠招積。 蜜汁叉燒腸， 同老闆傾完偈原來知道呢度全部嘅點心都係即叫即蒸，尤其是腸粉最顯功架。飲夜茶最好嘅好處就係可以食到好多唔同種類嘅嘢，特別開心！ 蜜汁叉燒包三件， 懷舊叉燒包已經買少見少，通常都係用叉燒餐包，金黃色的那種。但係我鍾意懷舊叉燒包，包比較清淡反而會食到叉燒嘅肉汁香味。 潮州粉果三件， 我雖然對潮州粉果興趣不大，但係喺外面睇都見到入面嘅顏色，已經知道皮薄餡靚。 豉汁蒸排骨， 我認為食點心睇佢蒸排骨就知道間餐廳大廚嘅水準去到邊。呢度嘅排骨份量都好大嚿，蒜蓉味都好香，最緊要個底有好多舊芋頭喺度，芋頭好粉索曬啲肉汁 充滿肉香。 蟲草花上湯牛肉球三件，呢個點心好特別，同平時山竹牛肉球好唔同，佢用上湯上，冇夾埋啲腐竹，反浸落啲上湯度。個湯有少少酸，有好大陣花雕味， 牛肉球質感有啲似軟淋版嘅牛丸，幾特別。

屋企已經裝修咗成個月，雖然裝修都七七八八，但係仲有好多傢俬、衣櫃、書枱、床都未買，今晚終於的起心肝走去宜家家居一次過買曬啲嘢。買到九點十點好肚餓，但係周圍都已經last order，行到咁攰當然想飲下夜茶，食下點心嘆番下啦。 行咗去鵝頸橋街市附近有間叫做（一哥點故）嘅夜茶點心餐廳，原來係元朗嘅過江龍，喺元朗已經打響名堂，走過嚟港島一闖天下。灌湯小籠包$26， 灌湯小籠包嘅水準拍得住鼎泰豐！汁多，不過都幾熱，因為即叫即做，要攤一陣先食得。 黑松露鮮蝦餃（3件）$32 ，黑松露味好香，肯定唔係用劣質黑松露油，蝦餃皮好有彈性。 五指毛桃燉豬骨$33 ，就嚟夏天個人開始燥熱，飲番啲清熱嘅湯水滋陰。 春風得意腸$35 呢類型手工製作嘅腸粉，通常喺高級大酒樓先會有，因為工序繁複同埋用料要求係要新鮮！估唔到呢度嘅蟹籽好有海水味，好鮮甜，夾埋皮薄嘅咋兩一齊食，個人食完都特別春風得意。懷舊燒賣皇（四件）$26 ，今晚叫嘅點心好多都有蝦，呢度啲蝦都好新鮮好大隻 夠曬彈牙、香口、爽甜。

新店速遞自從冇咗南記而家搖身一變叫做❇️蟲草花上湯牛肉球諗住湯浸住會麻麻哋.. 點知牛肉出奇地好味..👍🏼❇️春風得意腸麻麻哋之作因為個春卷皮好靭🙅🏻‍♀️❇️千島醬脆皮蘿蔔糕其實糕本身嘅質地唔錯..有好大嘅蘿蔔粒係入邊.. 不過被千島醬同埋D木魚說搶晒D味🤦🏻‍♀️❇️麻辣抄手皇麻辣味都夠香濃不過唔知點解會係韭菜餃🤷🏻‍♀️#dimsum #yumcha #tea#dumpling #springroll#點心 #飲茶 #蝦餃 #腸粉#蘿蔔糕 #燒賣 #馬拉糕 #為食滑嘟嘟 #醃尖的Van仔 #雲葉哈思#van_snoopy

車媽媽自少便很喜歡一盅兩件，但又不太愛酒家的嘈吵，酒店中菜廳固然環境服務也一流不過價位亦相對高昂！所以近年興起的點心店就最合我意，但當通街也有選擇時質素就認真參次了！這天舊同事相約我午餐極知我心意的她約了我到灣仔的一哥點故，她說那兒的點心好特別而且很好吃，饞嘴的我當然沒問題吧即時赴約啦！ 一哥點故位置正正就在灣仔摩理臣山道即舊南記的位置，只要懂去鵝頸橋街市便輕易找得到它的蹤影！ 門口的左面設有外賣檔位方便趕返工或未能堂食的客人，這點挺貼心大家都知早餐和午飯打工仔有多趕時間吧！ 店內有別於一般點心店在裝潢上看得出花過心思，光看這幅裝飾的瓦片牆便已感受到那份心思！ 而店內以淺木色配上海藍色作對比，視覺上令人感覺放鬆和舒適！ 環境我挺滿意不知食物又能否得我歡心呢？先來即叫即蒸最易試出點心師傅手藝的蝦餃吧！這個是黑松露鮮蝦餃＄32澄皮晶瑩剔透看到飽滿的內餡，吃下澄皮不黏牙蝦肉亦爽彈有鮮味，配襯恰到好處的黑松露整件事是出色的。 懷舊燒賣皇＄26口感挺豐富，豬肉跟鮮蝦比例亦剛好，加上香菇和魚子誠意十足！ 灌湯京滬小籠包＄26賣相已看到有點功架，內裡肉球鬆化多汁而

今天路經灣仔發現一家装修別緻的點心店。這家點心店沒舊式點心店的老氣，裝潢以簡潔的缐條和木系作主調，感覺舒適光猛，又不失現代感。灌湯京滬小籠包$26小籠包雖然皮有點厚度，但湯汁唔少，而肉餡亦算鮮美。Xo醬豆苗餃$32這豆苗餃有人喜歡也有人不喜歡。或許是豆苗的份量足，帶一點菜青的氣息，加埋惹味的XO醬，是幾特別的味道。黑金流沙包$26這流沙包賣相很美，黑色的包和黃色的流沙餡形成強烈的顏色對比。流沙餡份量唔太多，味道甜香，有一點沙沙口感, 可以一試。椰香黃金糕$19這黃金糕煎到金黃，軟軟地，味道輕甜，但椰汁味唔太濃郁。沙嗲金錢肚$28金錢肚幾惹味爽口，沙爹味濃而不辣，帶一點嚼勁。原籠雲耳滑雞飯$40這雲耳滑雞飯的雞肉唔多，味道清淡，但飯量唔少，可以飽肚。春風得意腸$35這春風得意腸以腸粉包住米網蝦卷，口感軟中帶脆，當中有粟米、蟹肉和蟹籽等餡料，味道幾豐富。安格斯滑牛肉腸$32這牛肉腸的腸粉皮滑溜透薄，唯滑牛沒有預期的滑溜嫩口，有點韌，味道ok. 個人還是比較喜歡碎牛肉腸粉的口感多一點。雖然味道方面和添好運和點點心有點距離，但可以舒適的吃簡單的點心午餐，還是ok的。

今時今日食點心唔一定要去酒樓, 好多其他地方都可以食到。最近元朗「一哥點心」殺入灣仔，取名為「一哥點故」，主打精緻小巧嘅點心。餐牌上選擇都算多，仲有寫住邊D係必食邊D係招牌菜添。懷舊燒賣王:懷舊燒賣皮好薄，豬肉比例剛剛好，加埋蟹籽同新鮮嘅蝦肉，材料都好飽滿，入口非常爽。XO醬菜苗餃:餃皮十分煙韌，餡料亦帶爽口，配合埋自家製嘅 XO醬，味道非常夾。黑金流沙包:流沙包流心程度非常勁，食嘅時候要小心！包皮唔算厚，黃金餡料甜度適中，入口都算鬆軟，非常好味！原糖蔗糖馬拉糕:馬拉糕熱辣辣，入口層層鬆軟，亦帶香濃嘅蛋味。龍蝦湯鮮竹卷:有別於一般酒樓，呢度嘅鮮竹卷外皮係脆身，入口熱辣辣，加埋個龍蝦汁食，真係幾好味。春風得意腸:究竟「得意腸」係D咩黎? 又有幾得意呢?「春風得意腸」其實係炸兩，有三重口感，滑身嘅腸粉，脆身嘅油炸鬼，同埋彈牙嘅蝦仁。「得意腸」切開後再加入蟹籽，令到賣相非常吸引，真係忍唔住「相機食先」。韮黃鮮蝦腸:蝦腸皮薄又滑，蝦又新鮮！千島醬脆皮蘿蔔糕:「千島醬脆皮蘿蔔糕」即叫即整，蘿蔔糕厚切後再炸，外皮脆卜卜，以千島醬調味，做法相當新穎。呢度食到嘅野無論味道定賣相都相當吸引，適合一大班人

聽朋友說灣仔開了一家新派的點心店，今日特意請幾個同事去趁趁熱鬧。中午時間，要等了一陣入座，招呼都好有禮貌。我們選了幾個經典和新穎一點的點心，想不到大家一路食係一路讃。蘿蔔糕，有別普通酒樓，要麼蒸到淋曬，要麼就係最普通的煎，這裡的蘿蔔糕外脆內軟，外面還有應該是木魚片的東西，好有創意人參灌湯餃，人參味很足，也是和其他灌湯餃與眾不同的。XO醬 XX餃，個名唔係好記得清楚了，味道我個鬼佬同事大讃龍蝦鮮竹卷，龍蝦味好足，yummy yummy!牛仔骨飯同鳳爪排骨飯，不知道為什麼，雖然賣相平平無奇，感覺還是超越酒樓的出品還有不可不提的甜品，我們選了太陽蛋和啤梨鳳梨果，幾個女生都超愛其實還想多點一些，太飽了，只能找個時間再來

明明係去食點心，我淨係剔咗一碟安格斯牛肉腸。跟著問我細妹想食乜，叫佢剔下.......佢剔剔剔剔剔然後隨手就交咗俾服務員姐姐。最先到的是什麼太陽蛋和芒果布丁，因為我習慣把甜點留到最後，所以我等.......跟著我期待的安格斯牛肉腸到了，正打算起筷時被細妹叫停原來佢話要等齊影完相先喎好彩前後15分鐘左右到齊，本來我都冇留意原來佢點左五款甜品我完全冇諗過去食點心會變咗係食甜品大餐，佢話見到個太陽蛋得意，又話個煎堆仔得意，又話想食布丁，又話想試黑金流沙包....總之就多多藉口搞到變咗五款甜品一個腸粉，我還是馬上起筷食我嘅腸粉腸粉我比滿分，個腸粉皮真係好軟滑至於甜品，首推太陽蛋同流沙包。未食之前完全估唔到個太陽蛋個蛋黃原來係芒果蓉而個流沙包，真係估唔到啲流沙原來真係可以咁流....可以用爆來形容。

好想食炸嘢，但係面上已經有粒豆豆，唔食炸嘢又對唔住自己好苦惱喎⋯⋯唯有點我最鍾意嘅蒸點棉花雞棉花雞唔係一般用嘅雞柳或者雞髀肉，而係用原隻雞斬出嚟有骨有皮有肉有背脊有髀...所以味道特別豐富。啲魚肚都夠厚身可以索啲雞汁，入口好滋味啊至於碟豉汁排骨，Suprise唔會嗱到林啤啤，入口仲有排骨應有嘅口感係用芋頭墊底，吸晒所有嘅肉汁同埋味道......見到隔離枱食緊啲炸嘢，真係想問人攞一舊嚟食。要讚下枱面嗰張紙，我倒瀉茶，張紙竟然頂得住唔會即刻爛晒，幾特別

從來沒有試過有一樣點心，會使我樓下這麼深刻的印像這個春風得意腸，餡料係用咗橙色網狀嘅脆皮包住粒粒蝦肉，每一件上邊仲有幾粒蟹子。點少少豉油，放入口中鮮味即刻衝喉嚨湧出來。通常喺其他地方食到嘅一係就硬一係就凍一係就冇味....呢度就唔同咯，完全符合我嘅要求，簡直係超水準冇諗過一碟簡單嘅腸粉可以做到咁出神入化。碟腸粉等左差唔多10幾分鐘先到，服務員話所有即叫即做，難怪是這麼熱騰騰的。可惜我當天冇有時間，食咗幾舊腸粉就要馬上離開，其他食物同事幫我食晒。下次我會避開午市時間.....等我慢慢品嚐其他點心

Stumbled on this place in the rainy Sunday after Indonesian election at Queen Elizabeth Stadium. Very nice dimsum, good price, and great variety of menu. Besides dim sum they also serve steamed rice with various toppings and hot delicious Chinese soup. Also friendly staffs who can speak English and Aben, the chef who can speak Indonesian. Will definitely come again.

Told them no tea, the guy still walked away and dropped me a teapot in front, he dropped the pot loudly and stared at me with anger. What's wrong with that I insisted no tea?! I paid for the cover charge it is my choice not serving with tea.What's more No octopus no card, cash only. Thanks for contributing my first review in this way.

開張短短一星期，每次中午經過門面都人山人海。今日中午放lunch之前用Gulu 遙控取票， 1:15到達馬上入閘。一行三人點都七樣點心，其中啤梨鳳梨菓係我至愛，食完一份再打包多份返Office下午茶脆皮蘿蔔糕，皮脆而不油膩，一絲絲蘿蔔清甜可口，加埋處理過嘅千島醬兩個味道入口估唔到係咁夾。黑金流沙包，流沙留到我成手都係，食嘅時候真係要慢慢搣，如果唔係啲流沙真係會射到周圍都係春風得意腸，白雪雪嘅腸粉包住脆卜卜嘅米網蝦春卷，上邊再有一小堆蟹子作為點綴實在太美味，本來想加單，但由於是即點即做，唯有等下次再試其他...

元朗一個點心精緻好味但係坐得太迫，朋友講灣仔開咗新店仲有啲新出品........約咗朋友下晝兩點鐘，等佢冇咁忙先至去。我地點左四樣嘢我最期待嘅當然係過灣仔店獨有嘅人蔘花膠灌湯餃， $36可以話係超值懷舊燒賣，絕對唔會係一啲大大隻蝦， 大大粒肉嗰啲燒賣，而係我哋小朋友時候食嘅味道叉燒腸唔使多講，一哥嘅腸粉向來以腍滑見稱，本來就係想試佢嘅新野安格斯牛肉腸粉，但係都係忍唔住要食返係我至愛嘅叉燒腸至於個原籠黑糖馬拉糕，響我掛住食其他點心嘅情況之下已經比我朋友K.O.左