一哥點心 (已結業)

行都攰攰地，咁岩見到有間點心，於是就入去試吓啦。點心紙上都有唔少選擇，有部份係新式點心。今日我哋叫咗日式翡翠豆腐，黑松露蝦餃，同埋春風得意腸。先講黑松露蝦餃，食落的確係有黑松露味，質素係可以嘅，但個人認為黑松露同蝦餃唔係好夾，都係比較喜歡食正常嘅蝦餃。其次係日式翡翠豆腐，裏面本身係玉子豆腐，啱啱揸出嚟好熱，餐廳亦都有審少少准鹽喺度，可惜粉漿有d厚，食落仲有啲油，但點心係即叫即整係非常熱嘅。最後係春風得意腸，呢個係比較滿意嘅，裏面炸得好脆，材料豐富夠味道。價錢來講呢間點心唔算好貴兩個人三樣嘢食左104蚊，點心上枱好夠熱係值得一讚，不過油膩度可以改善一下。總結呢間餐廳性價比我會比3.7分。

外賣自取試過幾次都滿意 服務態度不錯樣樣食物都好吃，品質不錯好抵食 不過沒有小菜 推介！如果有糯米雞就好啦❤️蒸飯很好吃 粒粒分明 蝦腸的蝦很新鮮 爽口鵪鶉蛋燒賣 比想像中好☺️❤️

完完全全唔係第一次食既味道, 點心唔熱, 無味, 入到去無乜客但等好耐都未有野食. 大熱天時3x度, 但冷氣極細, 一路食一路出汗, 我堂食但上錯比外賣盒, 照收我外賣盒錢, 希望店主認真審視一下.

幾個月冇嚟，宜家d食物完全唔同曬樣，冇曬以前d味道，又唔新鮮，以前一哥點心喺教育路係地膽嚟嘎，d嘢又新鮮又好味，宜家都唔知似乜😢😢😢超級失望啊，之前聽人哋講話換曬d廚房師傅，本身覺得都應該唔會有太大出入，今晚同老婆行開呢頭，抱住試下嘅心態行咗過門口，仲見到夜晚個侍應四眼哥哥喺度，咁咪入咗去咯，點咗幾樣以前最常點嘅嘢，真係超級差評啊，d蝦餃好似賣咗幾日賣淨嘅感覺，唔爽口唔彈牙不特止，食落去仲好似有渣咁，個素粉粿皮厚癡牙d餡冇曬以前陣濃郁香味，個燒賣d肉又硬又乾冇曬汁，個腸粉d豉油冇曬以前陣香味，宜家真係食唔翻以前一哥嗰陣味，好想知以前d師傅去咗邊，好想食翻佢哋d味道啊！！！！！

每次去到元朗都專登會去一哥點心🥧今次都唔例外一行三人！ 落單時店員會主動提一提我地三個人可能會叫得太多野驚我地食唔曬有進步。另外值得一提係 今次終於都見唔到個個西口西面態度極差個個阿姐，一問之下原來已經係冇做。咁耐無黎水準依然好高並唔系好似啲食評寫到咁。 相信應該係有人刻意中傷。 蝦餃啲蝦大隻左好多食落爽口彈牙小籠飽比起之前好食左好多， 勁多汁個皮夠薄。仲有啲點心掛住食冇影到相btw 如果我下次再去元朗我都依然會幫襯一哥點心 。

呢間係我食過最好食點心的店，已經連續去了兩年，最近去 食左兩次，共食左8橡不同點心，十日前覺得點的八爪排骨飯排骨變少，味道亦變左，連鼓油都變埋，春風得意腸已經唔脆變硬，潮州粉果完全變哂味，涵都唔同左，好難食，連最普通的燒賣都不入流，前兩日再去試其他點心，牛肚已經唔係以前嗰種口感，素粉果不知所謂，蝦蛟只有外面一般酒樓水準，總括所有以前喜歡食的全部變哂味，不能再叫一哥了，叫三哥四哥都高抬佢，埋單忍唔住問男老闆係咪換左廚房，開始佢避開問題唔答，最後數臭佢d點心已經唔掂，佢先認換左廚房，曾經去幫陳過的客人相信再去食多一次一定唔會再光顧。

又外賣apps，呢排都離唔開外賣送餐呢條路，嗌左薑蔥牛栢葉、一哥流沙包、蟲草花棉花雞、鵪鶉蛋燒賣、春風得意腸。以下呢2款個人推介，其他不過不失！一哥流沙包真心驚喜，同平時飲茶食開既味道有明顯分別，又有濃郁既流沙奶皇，重點推介之選！春風得意腸都好推介，油炸鬼好脆，腸粉、油炸鬼、蝦、菜既組合，口感豐富，但味道同炸两加蝦絕對唔同，值得一試！

不知道是否轉了廚房，食物質素比以前差了很多，光顧了好幾年，今日的食物實在令我太失望。本來最出名的奶黃包細了很多，變了像急凍叮番熱一樣皮厚餡實，完全不是以前的奶黃包，腸粉皮及叉燒包皮一樣又厚又硬，金錢肚腍到全完沒有往日的爽口感。實在太令人失望，以往每逢假日都會去吃早餐，但相信今次之後不會再去了。實在太難食！店內食客少，個仍要等四十分鐘外賣！太失望！太失望！太失望！建議大家去試其他的點心舖了！一哥點心再不是以前的一哥點心了！

中午時分想食點心, 但又不想到酒樓食, 所以來到點心小店 - 一哥點心試試!! 發現這間點心店很有水準, 點心款式新穎又抵食! 是一間值得再去光顧的小店!千島醬脆皮蘿蔔糕 $30一個很新穎的食法!! 可能有加入了千島醬, 感覺有點像食八爪魚小丸子! 值得嘗試!!椰香黃金糕 $19雖然外表的似很普通, 但入口會有好香的椰汁香味, 煙煙韌韌, 非常好咬口!! 龍蝦湯鮮竹卷 $30龍蝦湯好傑身,  但沒什麼龍蝦味, 鮮竹卷比較一般!春風得意腸粉 $35這腸粉跟名字非常配合, 入口真的很想以"得意"來形容! 咬下去脆脆的又有蟹子的原因, 帶點fresh!蒜香蝦春卷 $26值得推介! 春卷很大件, 蝦肉也很多很大粒! 加上有蒜味令整個春卷又香又脆!!

第一次黎食, 要拎飛等位, 睇佢好多人, 所以行左一個圈先返黎, 點知已經過左飛, 同姐姐講, 一有檯就安排返俾我地👍🏻兩個人黎, 叫左幾樣野食,叫左個鳳爪排骨飯,好大籠呀! 每人可以食到兩碗, 仲有多!鳳爪得兩隻, 但有大量排骨!味道香濃, 唔咸, 飯嘅口感唔錯, 唔會過硬過稔, 推介!叫左春風得意腸, 腸粉香滑, 入面香脆, 配有蟹子, 口感新鮮!見到有個千島蘿蔔糕, 幾得意, 所以叫左.其實味道一般😂因為蘿蔔糕入面無材料,味道主要來自千島醬, 但好酸, 所以有d chok 喉嚨. 可以不試.仲叫左流沙包, 真係流心👍🏻仲要有沙沙咸蛋嘅口感😍好味道! 另外, 潮州粉果入面包滿沙葛, 好香好爽脆👍🏻

依間點心係好耐之前save咗架喇，嗰晚突然想食點心就一於試下🤤 除咗傳統點心之外，仲有啲係創新嘅😆 賣相唔差，質素亦唔錯👍🏽紫薯流心煎堆仔一咬落去，啲汁爆曬出黎😂 煎堆炸得岩岩好，入面餡嘅味夠濃得黎又唔會太甜😍 春風得意腸比較創新，係春卷腸粉，食落唔伏但又唔會話好驚喜🤣 不過幾好食，幾足料，有唔少蝦肉，絕對可以一試😋 龍蝦湯鮮竹卷就一般，唔係好有龍蝦味😕 鮮竹卷黎講質素唔錯，係好食嘅😆 春蛋燒賣係傳統點心之一，而家唔係到到有得食，味道正常，食返童年嘅味道🥰▫紫薯流汁煎堆仔 $28▪️春風得意腸$33▫️龍蝦湯鮮竹卷 $28▪️春蛋燒賣 $24

今晚兩大一細去呢度食點心當晚餐。其實食點心都幾好丫，嗌幾籠野一齊share，多少都得，唔使好似去餐廳咁要嗌幾個主食。我哋叫咗一個蒸飯+3個點心， 籠仔鳳爪排骨飯用荷葉包住蒸，排骨同鳳爪份量都好多，個飯好香又淋身。而個布拉腸粉好滑，米漿又香，䢫入口咁。而蘿白糕製法新穎，脆口無乜油，配埋千島醬又好夾喎，流沙包好軟熟爆流沙，一人一個，好滿足。下次一定要試下其他野食先！

同老公出元朗聽bb講座，12:30。原本是想去永年士多的，但當時11:30未開，要12點才開門，時間太趕，所以在附近找吃。老公說不如吃點心。大概有十張八張二人枱，可坐三四十人。我們坐到最入，隔離坐了一枱8人枱。隔離叫了五籠臘味飯，真不知怎吃？我們點了三個點心，一個糯米飯，埋單$128。糯米飯 - 最好吃的一款菜。$30，糯米飯夠味，飯比普通蒸飯少；只有一小塊臘腸和一塊臘肉，味道ok，臘肉不硬，很易咬開。春風得意腸 - 一點也不得意！包著的不是油炸鬼，竟然是米紙；裹面還有蝦及粟米碎；魚子點在面。整個組合就是味道普通，而且沒有油炸鬼真的太錯了。薑蔥牛栢葉 - 不好吃！第一次吃牛栢葉竟然有腥味，不是加了薑蔥嗎？連下面的豆腐都是腥的。差！XO醬菜苗餃 - XO醬放在餃子頂，超級奇怪，而且吃不到XO醬的香味；蝦多菜苗少，反而不是主菜菜苗多。味道一般。所有點心吃下去都是實的，口感不好。不會再來了。

一盅兩件早上食，但我選擇晚上食，一哥點心，都係重覆食左多次，好食，同平時的酒樓點心不同，是新派點心，很多點心都好特別及創新，我最愛食是荷葉鳯爪排骨飯，荷香令到飯更香，另外超滑叉燒腸粉，也是推介之一但服務語氣態度欠奉

元朗教育路附近有唔少好味值得推薦嘅餐廳，呢間係新式點心店，除咗有傳統點心亦都有唔少新派自家製嘅點心。【紫薯流心煎堆仔$28】外面一層粗粒砂糖包住酥脆香口嘅紫薯皮，流沙奶黃餡料充滿鹹蛋嘅鹹香味同沙沙嘅口感；咬開嘅時候小心燙口啊！店家仲有多款好味嘅點心，而且價錢合理，大家可以去試下呀！