一品齋甜品屋 (已結業)

吃完DENMARK帶朋友來吃糖水，七時多，人不多（可能太僻吧）招牌菜『黑白』：芝麻糊偏甜，而且少了芝麻香。豆花還可以。沒有想像中的好『湯圓』：普通湯圓四粒，喜歡薑味糖水多一點當店內只剩下我們二人時嗅到好濃的煙味，原來係阿老闆，好難頂（但其實他幾好人）。除了這個因素之外，環境也不錯，在這條寧靜的街一邊吃糖水一邊聊天很不錯，在銅鑼灣是少有

銅鑼灣有一間位處偏僻的糖水鋪 (位置大約響 lanson place 酒店斜對面)，人流稀少，做的主要是街坊生意，但店內竟有成龍的親名海報...但因友人正住在糖水鋪對面，所以我已經唔係第一次幫襯了友人點了紫米露($17)，我就簡單要了腐竹銀杏($13)... 看似平凡的腐竹銀杏，內裡卻藏著滿滿的大大粒的銀杏，味道也不會過甜，難怪很多人都專程驅車到這裡食一碗糖水，絕對是一間不可錯過的隱世糖水鋪不妨問問阿姐是日推介，可能有驚喜的發現....

地方有點兒偏僻, 又唔顯眼, 唔熟路嘅, 要花d時間先揾到.嚟食咗一個熱腐竹銀杏 & 熱黑白(即芝麻糊加豆腐花)先講嗰黑白, $13, 豆腐花好正! 好有正中山水豆腐花feel, 無加糖, 荳味好香好清, 好健康呢! 而嗰芝麻糊就飄出陣陣芝麻香, 但入口反而芝麻味唔算重wo, 同埋嗰糊幾稀下, 唔知係咪加埋豆腐花嘅關係呢.腐竹銀杏, 好足料呀! 腐竹糖水多數湯底白色, 但呢嗰湯底就呈淡黃色, 好明顯係腐竹茸做成, 好滑好香呀! 一碗有好多粒銀杏, 仲要粒粒唔苦又夠淋wo! 除咗銀杏, 仲有西米, 類似薏米tim ga. 一碗$13, 好抵又大碗.

mar 24, 08, 3人叫咗 : 1) 紅豆沙+湯圓-紅豆煲得好有住家feel(絶對無+粟粉),好清甜,豆大粒,好有豆香,又+有蓮子,好真材實料-湯圓(2粒)個皮好厚,不過勝在夠煙韌,普通 2) 熱黑白-友人話豆腐花唔多滑,亦比較實咗d,不過無燶味-芝麻糊我就試咗1口,芝麻味唔算好濃,甜度ok 3) 熱芝麻糊

在老遠吃海鮮，意尤未盡，驅車來吃碗甜湯。還記得對上一次來已是在對面舊舖，又十幾年。我仍然選熱腐竹糖水，煲得夠火侯，不太甜，腐竹味夠香，墊底還有不少薏米。最欣賞的還是這裡的銀杏，煲得腍，吃起來軟糯非常，仍然很有水準。友人要的是腐竹麥米粥，當我懷疑其為何這麼好胃口之際，原來是「多腐竹少薏米」的，還好。埋單24蚊，經濟抵食，當然仍會再來。

是日元宵, 吃過雲南菜走了一回. 元宵當然要吃湯圓~ 去了多次, 無論客多少服務真的很好(晚餐那餐館應該學下). 湯圓皮還是那麼煙un, 芝麻容還是那麼的香... 在我的齒腔交溶, "dull chin"... 正! 甜湯姜味濃, 但不搶, 一流!

太太不太喜歡花香, 每年情人節都沒有送花的習慣, 來來去去都是離不開飲飲食食, 太太又喜歡整番幾味, 通常都係靚太私房菜...今年遇0岩放大假, 情人節前一天才完成新春海洋迎風郵輪之旅, 情人節的重頭節目便是清洗旅途後的一大堆衣服。都唔得閒煮飯仔......上船晚晚食西餐, 都係食番D本地製作好, 便走左去泉章居食晚飯, 因有太太至愛的鹽焗雞做今年情人節晚餐...... 食完飯唸起銅鑼灣有間人氣甜品店『一品齋』都未曾試過, 不如係情人節食碗糖水甜0下好過送花喇! 位於希雲街的『一品齋』不容易找, 遠離銅鑼灣鬧市, 隱閉在禮頓道的一條小橫街, 街內大部份都是修車房, 細小的糖水店衹有數張枱, 除了舖內貼滿一些食評剪報及名人照片外, 並沒有豪華裝修......最重要係價錢絕對超值, 太太叫了一碗"勁好食"0既蕃薯糖水, 濃郁薑味的糖水, 蕃薯是看得出是精心挑選過的, 入口即溶, 都係賣十蚊; 我就叫0左碗芝麻糊, 香滑無比, 賣十二蚊。唔怪之得連今期『U』的二十大甜品介紹, 一品齋都有兩款入圍喇!今年0既華倫天奴節所費無幾, 但又幾甜蜜蜜呢!http://hk.myblog.yahoo.c

10.25 (thur) tea是日請half day覆診，之後專登黎食碗糖水叉電再去練習。5:00pm．唯一既顧客原本想食紅白，但胃唔係好舒服，唔食豆類，要個熱腐竹銀杏$12)。軟棉棉，濃郁(一般既都係腐竹+糖水)，而且唔會太甜，薏米份量都ok，正！秋天微涼，飲完熱辣辣，我諗冬天我會成日黎。原本食完打算去附近既denmark買返個包食下，但飲完碗野已經好飽。p.s. 地點幾僻但唔難搵，denmark往天后方向直行轉右。

之前食過佢哋嘅麥米粥溝綠豆沙，一般貨色，無好深刻嘅印象，唯一欣賞佢係有賣麥米粥嘅少數糖水店。今次試咗腐竹銀杏糖水之後，對呢間店180度改觀，糖水個base好綿滑，腐竹溶化成超細片，又唔係完全溶晒，白果無苦澀味，煮得夠稔微爛，並非一般糖水店做得到；椰汁紫米露略嫌甜咗少少，不過都好味。平時會貪方便去翠園買，不過行遠少少有如此高質素嘅糖水，對食有要求嘅話，行多幾步又算得係d咩。

吃的，還離不了紅白。紅豆沙加豆腐花，不足為奇之作，沒隔沙去殼的紅豆沙，雖然煲到起沙，但又真係好少沙；水而不太甜的紅豆沙，也沒啥陳皮味。加一滿羹（嗌唔切STOP 的）人工糖水，襯一口片得薄薄、質地也薄薄的豆腐花…兩者豆味不足，後者胡混過去…突然面紅耳熱，突然深深不忿。大概是目不識丁、閱歷極少之故。

BBQ完畢，大夥兒柴娃娃去呢間所謂"名店"食豆花及紅綠。因利乘便，想話揀第二間都唔得，苦過DD...豆花硬如石頭，一D豆香都冇；綠豆一D起沙跡象都冇，水汪汪...叫我再食十次，我都係會俾十個喊臉佢，甚至更多...

食完板前真係一肚氣.一定要就同老公食返D甜品等自己開心返.好彩老公知道係邊.如果唔係都幾難搵.其實係丹麥餅店個附近!我地叫左個紅白+黑白.真係好好味!!老公食完一碗又忍唔住叫多一碗紫白!由於太好食既關係.我地叫左外賣比屋企人食!!屋企人都話好味.真係又平又好食.晚上食完飯又忍唔住食多碗紅豆沙.真係真係好似媽咪煮既一樣.真材實料!!!加埋外賣總數$111.個叔叔收左齊頭$110.雖然只係1蚊.換來的卻是千金難買既人情味!

很好笑的一次糖水經歷..吃過飽飽的吉列過後嚷著要老公帶我來這裡皆因看過食評都有很好的評價終於找到希雲街的時候老公說沒有聽過這家店卻又說這裡曾有一家【紅白】很有名的店..哈哈~可愛的老公不知道店子搬到對面馬路還一直可惜著原來的那家店不見了**紅白($10)這是老公的..紅豆確是很大粒...老公吃得很開心..~我想...有一半是因為童年回憶吧..**綠白($10)皆因吃罷吉列想要下一下火~ 沒有臭草的味道~但確實煲得起沙...是很多的沙..~很不俗呢!綠豆沙差不多是光顧過的甜品店中最美味的一家~ 但豆花...唔~還是大埔的阿婆豆花較滑較有豆香**川芎蛋($5)不像茶葉蛋般濃及入味...麻麻~在銅鑼灣以這個價錢來說確實超值~而且店子小小卻很有家庭式風味~就是喜歡這種舊舊的店...阿姐亦很有人情味

昨午吃過午飯後，口痕想食甜品，想起一品齋在附近，順道過去吃碗芝麻糊。要了芝麻溝綠豆，本來要熱的，可來老闆怕我吃不下，竟舀了凍的芝麻和熱的綠豆，感覺認真唔好。整體感覺是甜度適中，料足，雖然不是真的很好吃，但家庭式出品，用心已搭夠。

17-8-2007麻蓉湯圓+ 腐竹杏仁D糖水真係好家庭feel, 好食! 雖然環境麻麻, 有時間既話大家不防一試。