一品香上海美食專門店 (已結業)

叫左個小龍包$13五個,皮厚無汁,唔知係咪太夜十點幾去,d小龍包可以係穿左lor另外叫左個擔擔面$15,一般la,面質馬馬,但個湯低ok不過食完呢餐我相信我唔會去第二次但計番個價錢都ok,好平,係頂肚之選

第一次上黎openrice,請咁多位多多指教我尋日係第三次去呢間鋪頭食野 當然係水準唔錯先返黎食啦~~~不過我同條女黎親都係食擔擔面同酸辣湯面~~~所以冇咩特別野講~~~講左擔擔面先啦~~~佢花生醬味夠而且面既份量夠多(抵食)而酸辣湯面呢係第一次去果時d料小左d之外味道都係一流既第二三次可能較早去既關係比較足料,好係好在份量濟濟一樣多而且價錢又平又抵食,所以我上黎推介不過我次次想食生煎飽佢都賣晒~~~下次試完返轉頭講過位置係唔多不過坐落都算係咁...服務態度幾好個伯伯同婆婆都好好人野就唔講咁多...想食既朋友可以去試下兩個人剩叫面食40$有找

煎餃子剛煎好的…仲熱騰騰~不是太多的油…又唔係太焦…好野喎~仲係脆皮的…餡肉又好juicy…排骨麵哈…排骨又是剛炸好的…仲見到表面的泡泡係咁彈呀…E刻…要有耐性喇…忍唔住食左先…就會辣親喇…呵…幾鬆軟的豬扒呀…好like e種cook 呀…脆得黎…又唔會成口粉喎…菜肉雲吞麵好傳統的feel 呀…厚皮…不過又唔會漿住曬…肉是軟軟的…仲有菜....爽口了一點…麵都幾好呀…條條分明…有少少硬身…有口感… ^^ 小店不花巧…就專門的sell 麵…做就要做得出色呀~~~

吃罷幾撮天使麵後半餓不飽,這種感覺真不太好,決定走到這間跟葵涌廣場常吃擔擔麵的同名小籠包店溝貨。望過店前保溫箱內的鍋貼似乎不是剛剛煎好, 還是吃小籠包好了; 誰知剛剛開始在蒸, 要稍等一會才有新鮮蒸好的,妙極!!先來豆漿,原來是外來支裝來貨, 豆味不太濃郁, 質感還算不薄,少甜水準也算可以。等了好幾分鐘, 小籠包冒著蒸氣熱乎乎的上桌, 阿姐仍不忘提醒一句"小心熱!" , 體貼! 小籠包以老式製法, 包內沒有多餘湯汁, 喜愛灌湯小籠包的客人就不會太合意。包子頂部打摺部份較厚, 吃來較厚實, 中間部份厚薄剛好不會像包頂般厚,吃來也較煙韌;沒肥肉的肉餡實實的像顆肉丸, 味道調得偏甜,味道不算上佳水準還可以。薑絲相當新鮮, 爽口不太辣的幼薑絲加上黑醋, 令本來啖啖肉的小籠包沒那麼膩口, 絕配!!看到蒸籠底那張白紙, 令我想起兒時吃小籠包時總是以椰菜葉墊底, 本來不愛吃菜的小小月巴人總會連那張蒸得軟軟的椰菜也吃光, 一片不漏.....現在在那裡才可找到以椰菜葉墊蒸籠的小籠包呢???想不到平價地道小店比餐廳更能給予我較安靜的自閉空間, 抵!

如果想以中下價錢，又想吃水準以上的川滬口味食品，那末可以考慮光顧川龍街11號的一品香。我們今天叫了一籠共五個的小籠包（$13）、一碗有四個的湯雲吞（$14）、四川擔擔麵（$16）和八寶辣醬粗麵（$18，粗麵加一元）。麵食比較美味，湯雲吞的湯令人齒夾留香，雲吞的軟硬度恰如其分，不過比較失色的是他們的小籠包放在外賣部放上一整天，並非即叫即蒸，所以在此項目中扣分！服務方面，以此檔次來說，算是頗好。看到老闆和女服務員好言相勸一位男食客不如調味品放近他們一點吧，結果招來對方不耐煩的口吻說：「好啦！好啦！」他們仍然好態度。可見辛苦錢泰半是用「氣」換回來的！衛生方面，及格以上的水準，尤其是廁所。

我一肚餓就會去呢度食小籠包...担担麵...價錢算好抵....如果天氣凍...有賣熱豆漿就最好...

跟友人提起想食擔擔麵, 原來他也是同道中人, 和他相識已數年竟也不知, 真的要反省反省.自己認為做擔擔麵很不錯的'虹橋飯店' 已結業, 雖然知道黃大仙觀塘等地區都有不少選擇, 但似乎並不太方便友人, 再看看食評, 見荃灣區這家似乎評語還不錯, 又夠便宜, 就來這裡試試.店舖的格局令我們有點意外, 原本見一品香三字還以為是傳統舊式上海店, 原來是'唯一'之類的的小食店. 不過既來之則安之, 當然照吃可也.跟朋友點了以下食物:上海雲吞- 餡料尚算有點菜肉香, 但整體味淡,皮亦厚, 不太理想. 擔擔麵- 麵條為幼身白麵, 口感還可以, 湯底則濃而不香, 帶少許微辣及花生醬味, 我覺得這裡的還不及貴記荳品的十元擔擔麵. 酸辣湯- 色深, 湯身濃稠, 味則離奇地輕清,只有酸而不辣, 失敗作. 小籠包- 肉餡味道不錯, 但又是皮厚累事, 而且也容易穿破, 再次不合格.生煎鍋貼- 無論味道和口感都跟上面小籠包差不多, 只是經過油煎及型狀不同, 不贅.豆漿- 和服務一樣, 都是一般.價錢算是便宜, 但在荃灣, 好吃又便宜的東西太多, 想不到再來的理由.

事隔一個月再次帶老公黎試! 二人叫左個$50 套餐!兩個窩貼, 皮好厚, 幾油!五隻小籠包, 皮厚, 無咩肉汁!灼菜, 一般!上海雲吞麵, 食左一粒雲吞, 個皮唔算厚, 不過個餡唔飽滿, 唔夠菜!擔擔麵, 今次料少左...好似無上次咁好食!最後一句, 老公話水準達minimium!P.S. 我計過一個套餐$50, 散叫五樣係$51!

見樓下食評係6月既時候, 麵係十蚊, 我今日去試已經加到十二蚊啦, 不過, 講真都仲係幾抵, 我叫左個小辣, 有別於一般既麵, 因為佢仲有炸菜同小小肉鬆, 味道都幾足, 唔夠旺角西門町咁濃郁, 不過以十二蚊黎講已經夠哂, 小辣好似中辣...我再叫左支豆漿, 我反而覺得味唔濃, 來貨野無得講既! 全面禁煙後, 黎間可以再黎試試!

突然懷念上海麵食...時間又不多，就與男友在此食了一個quick lunch。舊式小店環境一定差少少，但實在價廉物美：　擔擔麵($10)-可選辣或不辣，份量不算大但對女仔來說也夠食有餘；最緊要還是味道，充滿花生醬香的湯底與幼滑彈牙的麵線，吃下去幾幸福，$10真的超值!上海淨水餃($15)-水餃很大隻，味道麻麻，大概我被元朗的北京水餃王寵壞了~小籠包($10)-共有四隻真是極平，不過味道只一般，也許點生煎包/鍋貼等(都是$10四隻)會好一點~豆漿($3)-有豆味，唯略嫌太甜，不過真的很平...　此店食物真的很平，不過多數味道一般，唯獨擔擔麵好食又份量適中(大部分店都太大碗啦...)，大家都可以試試~

一碗十蚊既担担麵...但好味過出面廿幾蚊碗個d...好味好好~~~仲有d點心都會談$2一件...唔錯...一定要去試下~~~多加一提....聽個朋友話排骨麵亦有好高既水準

過裡的擔擔麵巳經食了好些日子.以前都會心思思想黎食因為真係又平又好味. 但近兩次食的水準己經大不如前.無花生醬味,少肉鬆. 因為佢無加到價所以將貨就價我好理解.所以我以後都唔會再食你架.其他的點心以前都好少食因為覺竹得佢都係無乜特別.

星期六吃了鍋貼,酸辣麵,餛飩麵和小籠包.味道不錯.價錢便宜.只是環境太擠了些.

呢間野都算荃灣精彩,老實講,好味既上海野,我都算試過,佢都唔可以用好食形容,亦唔可以話唔好食,不過平成咁,你地邊度搵...d麵算ok($10-15/1碗),小籠包好過煱貼,反正都係$2/個,平平平........好過食麥記...$20有小食,麵同豆漿....

與媽媽逛街逛到三點三, 剛好下午茶時間, 遂提議於這裏吃碗麵, 分別叫了擔擔麵($10), 上海排骨麵($15)及黑豆漿($5)各一.擔擔麵:沒有意粉那種的彈牙,麵質卻幼滑,而且帶少許咬勁,微辣的湯底中仍透出淡淡的花生麻醬香, 不錯排骨麵: 其實相等於香港的豬扒, 與麵條分開上, 媽媽說味道還可以黑豆漿: 一點豆味也沒有, 還好也只是略甜, 否則只是在喝糖水以此價錢吃到以上品質的食物算是合理了, 但希望店家可以減少味精的份量, 因吃後加上炎熱的天氣實在很口渴呢