一口和味 (已結業)

希望上買左兩張半價團購券,於是就去試試.首先講下環境,細細地,裝修係幾有創意,不過d高凳我覺得唔好坐,可能我矮啦而且間舖通風明顯唔得,有好大陣油煙味,又侷,環境麻麻服務方面,其實無咩服務可言,得一個男人,全程無笑容,問一句答一句咁囉食物要等好耐先有,明明人唔多,但都要等二十幾分鐘先有野食粟米係普通急凍粟米加熱,再加牛油香草,開頭覺得個味怪怪地,凍左之後,牛油''瓊''曬,食落就一pat野咁串燒如圖示,十幾蚊一串,但得咁多囉,而且稱唔上好食,好硬,墨魚嘴仲有腥味添牛仔骨韌,而且有酸味,肉汁亦鞋,叫左兩串,得六塊左右,無記錯好似廿幾蚊,勁唔抵食豬下青普通,不過無乜芥辣味.之後仲有個燒娃娃菜,無影,不過勁勁勁咸好似拿鹽入口咁另外個炸雪糕,都ok啦,不過d雪糕仲好硬以上講的,再加一枝烏龍茶,就要七十幾蚊(團購兩張$30,另再比左$十幾),講真,就算係團購買,食完都覺得好唔抵,野少,有唔好食,地點又唔便利,唔會再有下次囉

講真話，喺呢間嘢黎講，我認為我食過嘅 只有炸燒賣係比較入得口，幾蚊串算係正常啦。未食過梗係試試招牌野；個炸雪糕，竟然可以做招牌野，食完之後真係唔明點解。口感唔得，皮太厚，雪糕唔夠多。兩樣嘢mix埋好唔夾！辣魚蛋，都幾辣下，我覺得啲魚蛋係普通野，但又係招牌野喎-.-招牌炸芝士雞卷個皮好厚，如果個皮咁厚我諗會好食少少嘅。招牌讚岐冷烏冬。食左一啖發現又中伏，好難食！！！冇咩味，烏冬口感差，幾大份都冇用。串燒黎講，普通叫串燒雞肉，我呆左，size同手指尾冇咩分別。痴線架，十幾蚊一串，錢係咪咁賺！？（味道一般）事後去隔離食番串燒雞肉，勁大串人地都係賣七，八蚊咋。唉，不知所謂。燒帆立貝味道ok ，不過有d un un地，要慢慢吞。其實想食呢間野都唔係易，等串燒都等成二十分鐘。如果唔係比左錢先，都真係想走左去。食完啲嘢，完全唔會記得exactly幾多錢，只知唔係好食同埋貴。完全唔值得人地山長水遠去食。結論：招牌嘢都唔好食，幫襯梗係冇下次！比笑嘅人未免太仁慈。

見食評唔錯，於是特登走去食。可能太過貪心，叫咗個牛仔骨煎蛋飯加個炸雪糕不特止，仲整多個炸芝士年糕。牛仔骨飯個燒汁好好味，牛仔骨有成五六件咁多，味道唔錯，肥咗少少，但可以接受。雖然飯就少d同埋唔夠熱，但大胃王都應該夠飽。食食吓就嚟個炸芝士年糕，新鮮熱辣咬咗啖，d芝士溶哂，外面又薄又脆，都算香，但芝士味唔算濃，亦咬唔到一條芝士出嚟噃...食咗一粒後再食飯，淨番兩粒後來再食時已經無咁熱，外皮塌塌哋，亦都無乜芝士香lu。可能食到一半已經飽，開始覺得粒年糕有d「惡啃」，再嚟三粒炸雪糕時其實已經睇到都覺得「濟」，不過為食精神亦趁佢新鮮上枱時食咗一粒，發現就係好鬼油膩... 個皮唔同芝士年糕，用咗麵包糠包蛋糕炸，吸咗唔少油，裏面粒雪米糍太少雪糕，所以除咗好漏ge皮(仲有層雪米糍皮!) 之外，基本上食唔到其他味，覺得唔多好食。不過，可能只係因為自己太飽，一路食其實都有幾個客特登只叫炸雪糕食。最後，我都覺得間舖真係唔多環保，所有食具都即棄，我都知而家請人洗碗好難，但唔知係咪真係無空間改善呢?另外，牛仔骨無刀係食唔到ge... 尤其如果你想咬走d肥油...請問有無刀或者筷子啊?最後，間舖仔細細，得幾個坐位

夜晚純粹行過見到就試...初時以為只係小食店...點知原來有飯餐ge~ 入到去得兩行bar檯...人多真係唔好去...好彩o個陣連埋我地得四個客...都坐得舒服~ 叫o左神秘牛仔骨煎蛋飯 (配燒汁) 同埋黃芥末豬頸肉煎蛋飯 (配沙嗲汁)~ 餐跟一罐汽水都只係$36蚊!!! 好抵~ 等o左一陣汽水先到...全鋪得兩個店員...所以要耐心d等...不過都唔算太耐ge....只係送到時有d surprise...竟然係飯盒wor!!! 佢地全部都係用即棄餐具...真係街邊小食店style lor...俾個盒嚇一嚇...一打開個盒仲有驚喜~ 真係好香wor!!! 即刻令我更加肚餓~ 仲忍唔住講o左出聲...哈哈~ 以呢個價錢...都仲有好幾塊牛仔骨...豬頸肉又多~ 隻蛋又多汁~ 真係好正~ d醬汁都好濃好好味~ 食到飽飽勁滿足就走人~ 下次會再嚟~

一口和味裝修有d日式街邊拉麵檔既感覺, 直至有日行過睇下個餐牌, 先知係小食主打既地方. 見咁有風味既格局就入去試一試. 入到去先見到有好多雜誌登既報導同埋相話你知呢間野係藝人打本開既. 不過唔理邊個係老闆, 醫左個肚先最緊要:1.板燒羊架 – 廚師精心炮製, 製作需時, 羊一d穌味都冇, 肉汁完全入晒d羊肉度, 肉質好, 咬落去好口感唔會話好難咬開d肉, 女仔食都唔會尷尬.2.板燒黃芥辣豬下青 – 即係豬頸肉, 配黃芥辣會令人食上癮, 肉夠肥美, 好食!3.蝦天婦羅, 炸角 4.炸雪糕 – 店員最後介紹我地食既特色甜品, 但食落冇乜特別, 未做到皮脆內軟滑的水準, 但都可一試.加多罐Zero, 整體味覺都好滿意, 唯獨係冇冷氣同開放廚房比較熱同大煙, 但要感受街頭小食風味, 都值得黎呢間”名星”開既”小廚”.

路經元朗去試試新開的「一口和味」先點了最愛的炸芝士年糕，廿蚊三粒， 咬開芝士可以拉長架！之前見過最抵係機場「寶太郎」，好似都要廿七、八蚊三粒！望下餐牌見到有燒帶子，十五蚊有兩粒立即點，勁抵！最讚係羊架冇騷味，我平時食放題都好少食，「一口和味」整得唔錯！不得不提係燒免治雞肉串，我鍾意個汁仲要有咬口，因為佢混和左雞軟骨！最後係招牌炸雪糕，十五蚊三粒！好似抽到芝麻同芒果味！覺得幾特別因為我未食過 不過如果外面再熱少少營造到強烈對比就好！( 我都知我地麻煩，太熱可能會燙傷口 )P.S 職員好貼心咁最後先上 唔怕入面雪糕溶晒！加分！　

基督徒藝人.高皓正.同何基佑有份投資的小食店一口和味.我早前已在報章看過報導,而且店在我家中附近.我當日要找天一試.店內設計簡單.是開放式廚房.有幾幅很靚的圖畫.同大約10個位.男店員有點冷淡.有位學生妹妹不斷同店員傾計.傾十句只答一至二句.只是COOL.都尚算有禮.我點了三種食物41元不算便宜.因為小食不會飽肚...燒雞肉棒15元吃前.我心諗咁細串.點值15元?但味道有心思加上好食,雞肉相當嫩滑.而鮮甜.咬上去好像雞軟骨般爽口.又不會太鹹.都值回票價.板燒神秘牛仔骨20元用上半肥瘦的牛肉,上枱前已經切好..牛味香濃.而帶少少肥膏香味.肉質又不會太韌,以20元而言.已收貨勁辣魚旦6元魚旦是來貸.不要有任何期望有魚味.期望應轉移去辣汁方面.入口初段不算辣.但在一分鍾後辣味出現.開始又香又濃,而麻辣.辣度仲好勁,.喜愛辣者.不妨一試....41元不算便宜.服務有點冷淡.但品質不錯,加上近我屋企.我應該有回頭的.

趁著假期，和友人到元朗一間串燒燒烤小店用餐，一入門口，已經聞到好香的燒烤味，令人食指大動！！我和友人今次點了炸芝士年糕，炸雞翼，炸燒賣。勁辣魚蛋，燒羊架，串燒方面就點了雞皮，爽口墨魚咀，帶子。先說說炸芝士年糕，炸得香脆帶點煙un的外皮再加上濃郁的芝士，叫我這個芝士怪為所動容，喜愛芝士的朋友絕對不能錯過炸雞翼超香口，而且炸的過程中，能鎖著肉汁，令雞翼香脆可口得黎又不乾！讚勁辣魚蛋，果然名不虛傳，真的辣得噴火，我和友人一致覺得這魚蛋辣得過癮！下次一定會再點，愛辣的朋友一定會愛上這個的！串燒方面，亦非常出色，最愛燒墨魚咀，帶子；燒墨魚咀爽脆香口，燒帶子超大隻而且燒得剛剛熟，有口感得黎又不un,且能帶出帶子的鮮甜味，大愛！令外重點推介芥末豬下青和燒羊架，先說說豬下青，醃得入味的豬下青再配以惹味的芥末，豬下青帶點爽口，非常好吃！羊架非常出色，入口香噴噴,而且很重羊味!絕對是必食之選。最後上的一口炸雪糕，外皮麵包槺包著雪米磁炸，外面脆卜卜,入面包住粒凍冰冰雪糕個感覺好特別!，今次抽到1粒芝麻味，2粒云里拿味，本人覺得芝麻味較為好吃！另外有一點超讚，就是司傅的細心，待客人差不多品嚐了燒物,炸物之後，

最近睇報紙見到元朗開咗一間新的燒烤店，有高皓正有份的，所以專色揸車嚟試一試。入到去,環境是可以的,舖仔細細，全部都是bar枱,大班人就好難可以一齊坐，只適合一至兩個人食。舖頭關晚上11:30的,我去到的時候是晚上十時正,店內只有我一個客人。我點了幾款店員的推介，有炸燒賣，勁辣魚蛋,牛舌，豬頸肉。先說我認為好吃的，辣醬是不錯的，辣的炸燒賣司頗有創意的,燒賣乍得通透，但又不會太油，辣醬色衰雖然不好看，但味道還不錯。另外豬頸肉的味道也可以的,但是如果味道再濃一點就更加好，但豬頸肉下的油是太多了，下面的紙也全是油了。另外那個辣魚蛋, 再說一次辣醬是可以的, 哪個魚蛋真的接受不了，不知道是不是已是晚上十時所以魚蛋篜了很久，他的質地過份林，冇咬口可言，這個魚蛋是不合格的。最差的要算是牛舌， 它是厚身的，不知是否沒有業過，他是沒有味道的，真的一定味道也沒有！而且它的質地又非常stiff，我花了很長時間才能把它吃下去!!!總括來說這間店舖使令我失望的......不知道是不是因為新開的關係？如果是的話，改善空間實在有太多太多了，店員是有禮貌的，但食物質素真的有很多很多改善的地方....最後想說，店主花了

元朗呢個位，我既老友教師K，使徒正同世界杯天空合資開左一間小食店，但點只小食咁簡單，直頭大食都冇問題啦！店裡由鬼才設計師遭失分設計既得意靚靚海報好掂！要朝聖啦！講吓嘢食先！秘制勁辣魚蛋一串，辣汁好惹味，食得出有落料砲製，有質感。魚旦都算彈牙。秘制炸燒賣一串，選用燒賣質量幾好，夠彈牙，唔會好似出面有好多燒賣咁－超粉同淋劈劈，炸完都仲乾身。由於小弟係燒賣人，所以信我，整番串！同魚蛋同樣辣汁，不用再評。板燒神秘牛仔骨兩份，燒得原汁原味，牛味豐富，份量都足，底食又好食之作！炸芝士年糕一份，呢個我彩左2件，啲芝士都幾香，年糕煙煙靱靱，係幾好食既！熱食芝士有流心既感覺，鐘意士者，要試吓！燒牛舌兩串 ，食落覺得夠晒彈牙，又夠厚身！燒既工夫都係到家！係好食！大㕑話佢只選牛舌最靚嗰部份，食左覺得可信的！燒免治雞肉串兩串，呢個雞肉串堅好食，裡面有雞軟骨碎呢吓過癮，食落啪啪吓咁！面嗰浸汁，又係好食，成件事確係唔錯！炸芝士雞卷一份，炸得可口，味道唔錯，不過亦未算好特別。但我眼見都有唔少人點，所以一試無妨。板燒黃芥辣豬下青一份，淡淡既芥辣味，唔會太搶，我覺得幾惹味。啲豬肉都幾爽口。鐵板餃子(泡菜)一份，泡菜味係

不經不覺, 師傅都有好一段時間冇單獨和好友食家"乜都放入窿"食飯, 冇辦法啦, 呢期大家各有各忙, 各有目標嘛! 不過最近好友靚仔正哥, 大隻佬和酒吧老闆聯手創業, 開食店, 仲要揀左喺元朗呢個地方紮根! 呢個地方話晒都係師傅半個地頭, 加上師傅和好友食家"乜都放入窿"作為佢地嘅老死, 冇可能唔撐, 於是昨天亦攪左個乜東飯局之一口和味!先至聲名, 雖然師傅和食店東主屬好友關係, 不過師傅絕對會憑良心報導真相, 保証呢個食評係公正的, 絕經得起考驗! 閒話休提, 昨晚大約七時和好友食家"乜都放入窿"由九龍出發, 齊齊搭公車入去, 呢個時間都入去, 就足見師傅和好友食家"乜都放入窿"係幾咁有“刻”呢, 大約一個鐘到嘅車程就到達目的地, 落車沿著地址搜尋, 好容易就搵到間食店! 由於事前沒有向東主透露半句, 絕對係突擊, 所以去到食店亦未見到任何一位老闆! 其實在食店門外, 已經見到人亦唔算多, 直頭可以用小貓三隻黎形容! 如果平時見到咁嘅場面, 師傅肯定卻步, 但由於是次係專誠入黎, 所以絕對冇腳軟, 於是和好友食家"乜都放入窿"咁入黎照行入食店!入到去食店, 望下張柯打紙, 都有幾多唔同

前往元朗劇院途中經過怡豐花園，看到這家「一口和味」，裝修非常搶眼，是整條街最有型的「日式立食」店，最後決定進去八卦一下。當我想點他們的鎮店之寶「炸雪糕」時，員工告訴我幾百粒剛剛賣完！ 我唯有點其他燒物。眼見燒羊架只賣$20(一田百貨生的都賣$38)，便來一客。製作中途已經聞到濃郁的孜然粉，非常香。羊肉外脆內軟，非常可口，脂肪平均！員工極力推薦$10「日式燒雞肉串」和$15「神秘牛仔骨」。燒雞肉串果然沒有介紹錯，燒汁很香，師傅說每面塗了5層燒汁。神秘牛仔骨也很特別，的確很難形容是那種味（難怪叫神秘），那個汁應該是一口和味自己調的。

每逢傍晚就好多人幫親佢地既串燒同炸雪糕，因為舖頭無櫈所以客人都係企響度食。我同朋友都唔執輸點左幾款推介食品。炸芝士年糕外脆內軟，糯米包住D芝士夠溶，可以一條芝士拉出黎。炸雪糕亦係推介小食，因為佢地話好快售罄，所以係必食。外面炸到金黃色，應該係麵包糠，裡面包住一種唔知什麼皮？？一客三粒，我抽到兩粒綠茶味，一粒荔枝味雪糕。感覺好得意，中學之後都無食過炸雪糕，估唔到可以係元朗食返。最後亦貪平，order左一隻天婦羅蝦，味道同外面差唔多，係多左d紫菜粉，不過$9都算抵食。