一冰廳

營業中

休息中

《粟米忌廉芝士蛋包炒飯配原條鰻魚》$85 真係好好味😋 原條鰻魚已經好正，好肥美🤤 個蛋炒得好滑，加埋炒飯一齊好食，不過如果多返啲蛋就更加正❤️ 至於個汁有原粒粟米🌽，普普通通啦，濃度味道都適中😋 食物質素：8/10 服務態度：7.5/10 等候時間：10分鐘（中午）回頭率：8/10

第一，埋位冇餐牌（算，小事，自己隔離枱拎）第二，安排我入位後先知門口有人等位冇人埋佢第三，叫野食後10幾分先話個餐有d野賣曬第四，遲叫野食既人齊左食左一半我先到左一樣第五，炸物黑到一舊炭咁 硬到刮損個口第六，等左20分鐘吹單 侍應勁快回一句來緊就算第七，食曬野起碼等左10分鐘野飲先到第八，熱朱古力d粉痴到杯邊周圍都係第九，餐牌唔係張張枱有 但牌上又有枱號 野食落枱時亂曬第十，侍應們亂咁走來走去 冇餐出都唔吹單唔幫手第十一，做細細間茶餐廳，唔識變通，唔識互相幫忙，而收銀應該係主管，但只聽電話、收錢，任由入面亂來，唔識主持大局，感覺上最hea就係佢第十二，兩個餐連野飲$116左右，但感覺上$90都唔值咁既服務同食物質素 我覺得係茶餐廳中算係極品差既一間 所以呢間野真係不可一不可再

假日留家抗疫叫外賣！🛵終於食咗一間想試好耐的土瓜灣的冰廳之前睇過好多食評都讚食尼間餐蛋包飯同叉燒都好出色，為左試哂兩樣野，我最後選咗滑蛋蔥花叉燒飯加杯凍🍋茶🛵網上外賣平台價 $60收到外賣第一個感覺係好大盒塊滑蛋嵌着成盒飯，叉燒大大嚿有少少燶邊，我望落去都流哂口水滑蛋顏色好靚，而且仲有好多蛋汁係上面，真正既滑蛋⼀定唔係全熟，已且外賣都做到尼個質數，尼塊蛋係拎滿分！另外佢啲叉燒都比得好足夠，肉質唔會燒到好硬，好好咬口。佢啲飯餸俾得好足料，男定女都一定食得好滿足！另外佢調味偏向自然，食得出佢無落好重調味，如果平時食好重調味既朋友可以加番啲鼓油！ 呢個價錢，有呢個份量同好質素嘅晚餐，我一定會再幫襯！

星期六兩點令鐘黎到，店舖入面滿座, 等左5-10分鐘左右就可以入座，但舖面真係有啲擠迫！疫情之下，好似坐鬆動啲會好啲🤔佢每檯都有提供酒精搓手液👍🏾 餐廳都幾環保，揀嘢食用一張過咗膠嘅點餐紙，用marker剔嘢食，入單後抺走啲marker又可以再用👍🏾.📌芝士咖喱蛋包飯 配日式炸雞 $53可以自由揀兩款汁，今次我就簡左芝士汁同日式咖哩，其他汁分別仲有黑椒汁和粟米汁！肉方面就簡左烤雞，仲可以改配肥牛$53，牛肋條$60同和牛漢堡$80! .個飯上枱既時候，賣相唔錯，當然要打卡📸報告下先🤣 飯既一邊係芝士汁，另一邊係日式咖哩汁，中間就係蛋🍳包飯🍚，好似茶記啲鴛鴦飯咁🤣 .日式咖哩汁好濃郁惹味，但無其他人所講既辣味，可能我食辣食到無味覺😂 佢同日式咖哩有出入既地方係，佢冇帶甜味，可能有混合其他香料再煮過🤔 但overall係好食的👍🏾 相反，芝士汁🧀就比較失望，似白汁多啲，無芝士味！.炒蛋方面，出色👍🏾 質感嫰滑仲有濃郁蛋香🥚，煮得啱啱好無過熟，所以保留到半熟蛋既蛋汁，而且份量好多，每啖飯都可以食到有滑蛋🤤🤤🤤 炸雞整得有點兒乾身，肉質唔夠嫰滑！.📌葱油雞扒煎蛋飯 $47 朋友叫左葱油雞扒煎蛋

有日去深藍區土瓜灣工作，要搵間黃店食早餐其實都幾辛苦，好在都有兩間，於事揀左其中一間去試。其實茶記食早餐來來去去幾道板斧，一定有沙嗲牛面多士煎腸旦之類，要比較一係比價錢一係比調味。去到上址，老例沙嗲牛面($35)，但跟餐嘅多士旦熱奶茶 就有少少唔對路，餐牌上係多士煎旦，再睇真啲側邊有個選項：炒旦加 $4......呢個選項，唔知點解感覺寧捨篤眼篤鼻，食過唔少茶記，光榮又好、大渣哥又好、牧牛又好，炒旦係煎旦嘅另一種選項，唔使加錢，佢居然要加4蚊？最好笑係，佢有個常餐選項，就係跟炒旦 $39，真係有少少俾佢吹脹。我知好野可以吊高來賣，但大家都係旦只係處理手法唔同，要加收真係第一次見。認真講，而家全香港餐記，早餐食旦跟麵個碟嘅選項離唔開多士拼煎/炒旦再加香腸/火腿/餐肉嘅組合，而一冰廳就跟多士加一隻煎旦咁大把，比起其他茶記，真係唔夠大方囉。人地光榮一個早餐 $33 一樣設定，多士拼餐腸腿加煎/炒旦咁計，唔要餐腸腿就做夠雙旦嘅份量，好均真。飲品冷熱同價，預設係真丁面，改辛辣面唔使加錢，怪唔得全世界人都咁 Buy 佢。一冰廳講到自己個炒旦咁勁，都唔使用加錢來顯得自己咁矜貴，干脆就出個餐 $39

一冰廳既位置並唔起眼, 入面既座位都唔多又有d窄🙌🏻 但係佢哋除咗係一間黃店之外, 仲係一間幾好食既黃店😂😂 叫左杯凍朱古力, 朱古力味好濃, 好好飲🥰 不過叫左哩個手撕雞咖喱烏冬就麻麻, d咖喱味唔濃, 食落有d似蕃茄湯而唔係咖喱味😂 同埋個烏冬唔夠好食, 有d太黐, 無咩口感可言😖 如果可以確保食物質素既話, 當然suggest用返日本烏冬啦😂 或者+少少錢轉都係一個可行既方法😊 反而佢地既招牌餐肉粒粟米濃湯通粉係比較好食 (無影相)😖😖😖 推介大家下次去叫返哩個招牌🥰

[💛黃店系列💛] 一冰廳/土瓜灣從來都係數一數二藍😓嘅地區，今次去呢區都幾人氣嘅黃店茶餐廳，招牌菜係芝士咖哩日式蛋包飯🍳，第一次嚟就試試佢。-中午12:30，最繁忙嘅食飯時間，店舖入面早已滿座，十分擠迫，亦冇咩阻隔措施，喺疫情期間的確唔太衛生👾，好唔容易先搵到一個角落頭坐下。而店員都忙到踢哂腳🙇🏻‍♂️，唔太得閒招呼我，要自己畫紙點餐。/芝士咖喱日式蛋包飯 配烤雞 🍛 ($53)-賣相都幾唔錯，明顯有舖排過，一邊係芝士汁，另一邊係咖哩汁，中間就係蛋包飯🍚，兩邊顏色有個對比🌓，幾啱打卡用。初時以為芝士咖哩係一款汁嚟，原來係分開兩種汁，好似鴛鴦飯咁。炒蛋紋理分明，富有層次，蛋汁豐富，屬半熟狀態🤩，顏色鮮艷，極為吸睛。-咖哩汁帶有濃郁嘅咖哩香料味🥘，入口偏辣，非常惹味；帶微酸，格外開胃。佢同預期嘅日式咖哩有出入，冇帶甜味，亦冇薯仔同蘿蔔等配料，偏向似印度咖喱👳🏾‍♂️，食得辣嘅我，食到一半都要飲水。-芝士汁🧀比較似一般出面食到嘅白汁多啲，芝士味唔濃，味道較淡，用嚟中和香辣嘅咖哩汁就啱啱好。-炒蛋出奇地表現出色，最初以為繁忙嘅茶記冇閒情逸致炒個靚蛋，估唔到呢度可以食到。炒蛋質感嫰滑而軟綿，帶濃郁嘅

公司 lunch 雖然係 1－2，但老細唔理我哋幾點食，所以早啲食完咁成個 lunch 嘅時間就係自己架啦 🤭🤭 近排又迫自己郁吓做運動，最好就係用呢個鐘啦。另外避咗繁忙時間，所以特登早啲打去落單，接線位先生都好好禮貌，問清地址睇吓係咪送餐範圍，終於未夠 12 點午餐就送到，送餐姨姨都好好笑容喎 👍👍今日叫咗葱油雞扒煎蛋飯，加個熱咖啡，打開個樣好靚仔，食落好香葱油味，雞扒煎得香脆，唯一係個蛋黃熟咗啲，個人比較喜歡蛋黃撈飯 🤣🤣咖啡也不錯，飲得出係即磨嘅 😋😋

今日同朋友黎到土瓜灣，係呢個舊區想搵d 抵食既午餐，土瓜灣茶餐廳有好多，但要搵間有特式就要花d功夫，最後我同朋友搵倒呢間一冰廳。呢間茶餐廳唔似一般港式茶餐廳，佢餐牌上都係一d 特式餐，有蝦仁蛋包飯，又有炸雞等等。環境以黃色為主色，午餐都多人排隊等叫外賣，睇黎係土瓜灣呢間都出名。餐牌上都多選擇，我最後揀左一個炸雞飯，配白汁同埋咖喱汁，配凍檸茶。你可以自由揀汁，幾特別，你仲可以揀黑椒汁/粟米汁等等。炸雞都好食，配上個汁，幾有特式，值得推薦。

//#黃店地圖系列間野叫：一冰廳邊度黎：土瓜灣長寧街53號地舖🌝：老闆個人fb轉發支持運動的貼文 單據印有「香港人加油」字句▪芝士咖哩烤雞蛋包飯(連熱飲) $538.5分首先一讚 伙計服務一流 主動幫手用酒精噴檯面 每檯都提供酒精搓手液 目睹有客人問幾次同樣嘅問題 依舊面不改容樂於回答 .講返個飯先 咖喱汁係日式混東南亞椰香嘅味道 比起普通日式咖哩層次豐富好多 芝士汁望落似忌廉蘑菇湯 食落又幾芝士 不過就無平時撈丁個芝士汁咁膩 烤雞焦香 帶香茅嘅香氣 蛋夠滑嫩 仲可以嗌多飯 飯筒唔驚食唔飽 本來見咁多汁 以為會撈唔曬 點知最後都爬曬就知佢掂啦 ▪鹹牛肉芝士蛋包(連熱飲) $318分賣相餡料貌似不多 但係食落又幾得喎 麵包新鮮鬆軟 夠熱辣辣 鹹牛肉份量剛剛好 唔會過多過鹹 搶曬風頭 同雞蛋芝士相輔相成 腰馬合一 最後講埋餐飲(凍飲+$3) 推薦凍檸茶 華田不了(心目中最佳華田暫時篤定譚仔三哥 不服來辯)

土瓜灣嘅一間細細黃店。地點唔算就腳，但作為街坊覺得非常方便。😃😃由於疫情同限聚令嘅關係，要隔開坐，少咗好多位，所以等一陣位。芝士咖喱雞排蛋包飯 可以揀兩個汁做配搭，咖喱頗辣，雞排正常發揮，唔算好特別。蛋包飯個滑蛋係成個餐嘅精萃，滑口又好食。常餐：粟米忌廉午餐肉出前一丁配多士炒蛋忌廉味濃郁，午餐肉都煎得香口，成個配搭好match，但我最欣賞都係個滑蛋同多士，滑蛋入口溶化，多士香脆可口。Total 食咗$99，性價比高🙂🙂 強烈推介😊😊 仲有好多其他餐都好想試😃😃😃

今日係我到一冰廳食嘅第二餐,上一次嚟只係食咗午餐,今日要嚟食埋早餐。 一嚟到點完嘢,適逢武漢肺炎,個staff會問我要唔要膠袋袋口罩,啱啱好我又無帶紙巾包口罩,真係幫咗我。而且間餐廳有消毒洗手液提供,衛我平時生防護顯得充裕。加上老闆同員工人又好特色,識講笑幽默,服務方面已經唔錯。 食嘅方面,我點咗沙嗲牛肉麵嘅套餐,相比起平時一D連鎖餐廳例如翠華,翠河等,多士,麵都好好味,同我平時食開嘅新輝記都各有特色,如果下次得閒,都會再嚟食多幾次,真心推介！

實物同相一樣咁吸引，有時仲會食唔晒添，但係餸就吾足料，食得飽都係因為飯多。之前有試過外賣自取，食過一個飯，有粟米汁，煎雞塊，同蛋包飯，蛋包飯份量適中，但係啲汁同埋雞塊就少得有啲過分，雞塊得兩舊，汁就直情好似俾人食咗一半咁，呢個飯成$57，唔係咁抵食。仲有食過一個吉列豬扒飯，入邊有$1吉列豬扒炒蛋同埋少少紫菜絲，個飯係幾好睇，但係冇想像中咁好味，佢話塊豬扒係即炸，但係食落去完全吾新鮮有少少凍，感覺好似擺咗一段時間咁，成個飯盒有75%係白飯，但係個飯成$50。近排仲要加價，真係食窮我😵

裝修環境格局像茶餐廳一樣。香蔥滑蛋叉燒飯，滑蛋蛋香味濃郁，滑溜溜的蛋，蛋香配合蔥花的香味，再澆上豉油汁，味道相當有層次口感亦很好，叉燒就不過不失吧，沒有叉燒的香味，叉燒肉汁淋，但太瘦，甜鹹適中，只能說不太差，但可以更好。日式炸雞咖喱芝士蛋包飯，炸雞表面炸得太乾，太硬，雞肉亦乾柴，日式咖喱汁不過不失普通吧，包着飯的滑蛋有有奶的香味，很滑嫩，另外那個芝士汁不錯，看那個芝士汁白色的，本認為沒有芝士味，想不到芝士味也濃郁，但整體那個炸雞扣分了，不值得一試。

我食既係常餐 A忌廉粟米餐肉通粉+炒蛋多士忌廉湯食得出無味精,係用心煮既✨✨不過唔好期待係金寶湯果隻超濃厚忌廉，個湯飲落比較清的。😃餐肉煎得幾好食。👍🏻如果唔鍾竭餐肉可以轉腸仔/火腿，但我試過餐肉係最好味的😍😍炒蛋都好好，我另外加左$10轉奶油豬🐷奶油豬真係值$10 ， 好脆!!超好味，真心推介😋😋😋其實早餐食咁多都幾飽，會食唔落午餐🤣😆haha同埋佢常餐好好 下午都唔會加價，都係$36。 有良心，不過留意返個收6點 無晚餐食😭😭順帶一提 買過外賣，佢好貼心會幫你分湯唔怕整淋啲野食。good🤩