一冰廳

營業中

休息中

香港人對茶記食物嘅鐘情程度，就算日日食都唔會覺得厭。如果附近有間高質茶記的確係生活中嘅一點小確幸。💛一冰廳打破常規茶餐廳嘅框框，將日式嘅煮法融入港式茶餐，包括日式忌廉湯通粉嘅常餐，配上多士、滑蛋，另外店内仲有日式蛋包飯，而本身茶記必點嘅奶茶檸茶都有一定水準，好食又多花款令鋪頭經常性都爆。#鮮粟米忌廉湯通粉配腸仔個人覺得呢款係必點 鮮粟米忌廉湯用咗原條新鮮粟米口味有啲似日本汽水機嗰隻粟米湯味道好濃郁 配通粉食好滿足配料可以簡午餐肉，咸牛肉，火腿絲等。。。跟餐嘅可以加十蚊配奶油脆豬（無圖）味道都唔錯 練奶落得好足😍#鳳凰手撕雞北海道湯咖喱烏冬老實講…呢個食唔太出咖喱嘅感覺湯底返而有啲似蕃茄味（？）烏冬嘅口感都一較同店其他菜式比較出色#芝士日式蛋包飯配日式炸雞招牌滑蛋炒到啱啱半熟配上新鮮熱辣炸起嘅雞塊 好惹味醬味方面簡咗雙拼咖哩汁係偏甘口嘅日式咖喱 唔錯芝士汁就唔太有芝士嘅感覺 似白汁多啲#咖喱蛋包飯配牛勒條牛勒條比起炸雞無咁油膩配上咖喱食一樣好夾如果再淋身小小會更好

【土瓜灣高質茶記💛 抵食、好味、多花款！】推薦程度：●●●●●抵食程度：●●●●●———🐮 滑蛋蔥花牛肉飯｜送熱餐飲｜$52Menu上太多選擇，款款都唔太常見嘅茶餐廳款式，例如咖喱炸雞飯、粟米濃湯通心粉等，令人心大心細！最後決定先叫易煮但未必好味，考功力嘅基本「碟頭飯」。嚟到已經見到滑蛋名乎其實，超超超超滑身！牛肉嫩口，肉厚而不韌，大力推介🌟🍜 沙嗲黑豚一丁｜配招牌炒蛋｜升級為芝士火腿牛角包(+$10)｜送熱餐飲｜$41又係驚喜嘅基本功夫！沙嗲湯底少而濃郁、杰身，好似沾麵咁，彎曲的一丁非常掛汁，所以口裡滿滿嘅沙嗲汁包住麵條🌟 黑豚係片裝卷成，冇件裝咁多肉，反而覺得平時配牛肉好食啲～ 牛角包大大件，唔錯。可能翻熱逼咗啲油出嚟，所以拎上手就有啲膩。炒蛋滑身而唔水狀，夾喺牛角包食好正！整體CP值係高🌟

良心冰廳 長期都好旺場😆據聞好受附近嘅學生歡迎🥸賣相得體 主角之一嘅蛋係半熟嘅滑蛋 蛋香濃郁🥚醬汁可以揀2款 我哋就揀咗芝士汁同日式咖喱😛芝士汁其實比較似白汁 芝士味相對較淡 而咖喱汁就係平時食到帶甜嘅日式咖喱 兩種汁都好適合配飯🍛炸雞都頗大舊 咬落有肉汁 啖啖肉🤓整體係唔錯嘅 茶餐廳嚟講都幾有誠意～當初認識呢間冰室其實係俾佢嘅沙嗲牛麵吸引🤣牛肉用嘅係肥牛 富牛脂香😆沙嗲汁嘅味道都調得唔錯 辛香惹味 帶淡淡花生香 味道平衡💁🏻‍♀️不過如果可以再濃啲就更好😆

呢間餐廳應該係專做上班族生意🤣見佢都係主要開喺商業區，而且營業時間=普遍打工仔嘅上班時間🤣但係佢每間分店一到中午時段真係大排長龍，好受歡迎👏🏽🌔鮮粟米忌廉湯通粉配招牌炒蛋及厚多士$40個鮮粟米忌廉湯真係好好味！佢哋真係用原條新鮮粟米，再剝哂啲粟米粒出嚟榨汁制成架🤤好有誠意絕對唔係就咁用罐頭湯另外滑蛋都超滑，不過略嫌冇乜調味，蛋味都唔太濃🤔🌔芝士咖喱/芝士汁蛋包飯配日式炸雞/烤雞$59佢哋嘅蛋包飯有好多選擇，配料有炸雞、烤雞、肥牛、牛肋條、漢堡等等而醬汁都可以自選兩款：芝士汁、日式咖喱、粟米汁、黑椒汁🤰🏻食過烤雞、炸雞同咖哩汁、芝士汁，佢嘅咖喱汁係偏甜嘅，就係平時食開嗰隻日式甜咖喱，而芝士汁就好滑身，不過芝士味唔算濃，比較偏白汁味，另外炸雞有三大件，外皮keep到脆口，咬開肉汁豐富👍🏽🤩而烤雞雞肉唔會太鞋同埋都入味👍🏽呢個價位🤰🏻收貨！

食材尚算新鮮，但就甘烚熟啲料浸住咖哩水係咩玩法？不要想日式咖哩了，比想像中的頹飯更頹。店員很有禮貌，但係食物質素都好重要。嗰 個水真係淨食白飯都無甘嬲。(後悔無去買隔離街兩餸飯）

今日去左土瓜環試呢間黃店茶記，價錢都係同出面差唔多～我同朋友分別叫左一碗沙嗲牛肉公仔麵&沙嗲豚肉公仔麵，而且兩個套餐都有煎蛋同厚多士。一嚟到，佢個多士係唔熱，而且杯嘢飲都唔算好熱🥲有點失望～不過個沙嗲牛肉同沙嗲豚肉公仔麵係幾唔錯嘅～好多醬，份量亦都好足夠👍🏻🤤

三月搬過嚟第一間搵嘅黃店就係佢啦佢最出名嗰個就係粟米湯火腿粒通粉不過我平時都好鍾意食常餐嘅沙嗲豚肉或者係牛肉一丁如果你嗌炒蛋嘅話呢佢嘅蛋汁真係超Juicy😍😍搬咗過嚟土瓜灣大半年左右習慣咗每個星期六都去食早餐食物質素唔使講堂食就會有少少迫嘅不過你可以等卡位我每次食都見到外賣單係完全冇停過手確實係土瓜灣飯堂留意番佢紅日（有時）同禮拜日唔開嘅去之前可以打個電話去睇外有無人接電話同埋呢期都執得緊你哋如果填紙仔就麻煩幫幫手💪🏻💪🏻💪🏻💪🏻

新派茶記區內茶記人氣之選芝士咖哩滑蛋飯配炸雞 唔食炸雞可改腸或肥牛或漢堡扒日式咖啡汁係偏甜,芝士汁好滑身好濃香主角係隻滑蛋度,夠香又滑溜,撈飯食味道一流炸雞大件無骨咬開肉汁豐富仲好脆口滑蛋蔥花义燒飯  完全覆蓋白飯, 滑蛋最好好食 叉燒份量好多!唔會好柴仲有D甜味係度~佢杯咖啡都一流,又濃又滑土瓜灣長寧街53號地舖消費$150

位於「土瓜灣」小街「長寧街」旁邊的港式茶餐廳「一冰廳」實際環境面積其實不算很大，而且很早關門，在下午五點左右就立刻打烊休息，偏偏餐廳卻幾乎坐滿了食客，當中包括大量中學生，令我無可避免地遇上「搭檯」。於是我點了一客「常餐」，包括有一碟「鮮粟米忌廉湯通粉」、一碟「招牌炒蛋」、一碟需要另外加港幣十元才享用到，由「厚多士」轉變變成的「奶油脆豬」豬仔包，還有一杯「茶走」。我光顧試食過「一冰廳」「常餐」之後，確認「一冰廳」裡面的招牌食品之一，肯定非「鮮粟米忌廉湯通粉」莫屬。因為通粉裡面的「粟米忌廉湯」湯底味道很甜，甜得沒有再加調味料的必要。至於「鮮粟米忌廉湯通粉」裡面的配料，我雖然選擇了「咸牛肉」，但是「咸牛肉」的實際鹹味程度沒有我預期那麼強烈，所以「咸牛肉」亦沒有令「粟米忌廉湯」的實際味道變得很鹹。不過「鹹牛肉」的實際口感比較碎和鬆散，始終難以跟一般的薄切「鮮牛肉」相提並論，所以令到「鮮粟米忌廉湯通粉」的實際口感變得欠缺彈牙感覺，如果餐廳「鮮粟米忌廉湯通粉」可以配「牛腩」的話，效果應該會更好。至於「奶油豬」最初剛剛拿出來的口感還算是脆，不過由於我還趕著享用「常餐」裡面的其他食品和飲品，結果一時間

餓得滯諗住求其搵間茶記/冰室頂一頂肚點知勁有驚喜嘅一餐！滑蛋蔥花叉燒飯 $52 （凍飲+$3）蛋夠香夠啊叉燒又唔會乾身太過柴，滑蛋方面所長發現發現茶記永遠做得冇咁好，叫冰室冰廳嘅通常都會煮得好啲🤣就好似光榮冰室，以後又有多一間一冰廳可以袋喺袋實冇死餐單💛鮮粟米忌廉湯通粉配炒蛋多士 $40（凍飲+$3）呢個忌廉湯真係不得之了，勁濃郁有杰身完全冇慳水慳料。比起平時食嗰啲味精湯火腿通呢個真係算唔話得，雖然都係類似罐頭湯咁嘅味道，但係食第一啖真係超級有驚喜，本身見價錢都正正常常所以期望值比較低，食落覺得又幾特別喎💛一樣都跟咗炒滑蛋同個飯一樣做得好好，唯一覺得麻麻哋就係個多士，個包唔夠鬆軟比較乾。

《一冰廳》土瓜灣土瓜灣茶餐廳有好多，但新派茶記唔係好多間，《一冰廳》💛絕對係區內茶記人氣之選🤡招牌名物＜芝士咖哩滑蛋飯配炸雞＞🍛其實除炸雞外🐣，仲可以改配烤腸/牛肋條/肥牛/和牛漢堡🐮(要加錢)，咖哩係用日式咖哩比較甘口，芝士汁就一般，因為太重生粉好漿糊，亮點喺滑蛋身上，夠香夠滑口，炸雞就不過不失。以價錢評論，就沒有投訴了。＜滑蛋蔥花义燒飯＞🍛超大滑蛋，完全覆蓋個飯，仍然係滑蛋好食，但义燒比較瘦帶點乾身，有待改進。

員工招呼熱情有禮，奶茶係港式茶餐廳味道，茶走好好飲 😚 open rice 外賣自取仲有特別優惠😍👍🏻十分之便宜！炒滑蛋大份，好滑，吉列豬扒飯，新鮮炸，大件好脆，值得推薦

今日約左成班朋友出黎食飯我地都好鐘意食一冰廳，所以成日去到好多區都係食一冰廳，個個都岩食我覺得成個餐牌賣相最吸引就係呢個蛋包飯一碟飯有三隻色。中間係滑蛋，左邊同埋右邊分別係黑汁同白汁一次可以食到咁多款味道，每次食完都覺得大滿足份量OK夠我食得飽  ，蛋包又香又滑，黑汁同白汁都又香又濃，質地又okay ，平時我好驚啲汁太稀，會搞到啲飯嘅口感變灑好難食一冰廳食物質素keep得到，一定繼續支持!!!!!!

🍛芝士咖喱蛋包飯配日式炸雞（$57）碟飯好足料！咖喱帶少少辣同少少甜味，好啱香港人口味！另外配有芝士汁，小編覺得芝士汁可以再濃郁啲😂依個炸雞外脆內軟，亦都好香口，小編覺得個蛋可以再生少少就好😮‍💨 而個飯都可以揀其他汁或者其他肉類👀整體都不錯！亦都好抵食！好味指數：8/10——————————————————————🏠 一冰廳 📍土瓜灣長寧街53號地舖香港美食 #吃貨 #土瓜灣美食 #咖喱蛋包飯 #炸雞 #茶餐廳 #土瓜灣 #打卡 #黃店 #hongkong #hongkongfoodie #hongkonggoodfood #food #foodssss___

🌽真。鮮粟米忌廉湯🌽-粟米忌廉湯由細飲到大，唔知新鮮粟米磨出黎既忌廉湯大家又飲過未呢🥳？茶餐廳常餐其實都可以好高質，$38就食到午餐肉鮮粟米忌廉湯通粉+招牌炒蛋+厚多士+餐飲，勁抵食！先講個通粉，佢唔係個種罐頭粟米忌廉湯好濃郁既感覺，味道係真實粟米既味，唔係幾鹹，甜味為主偏清淡，感覺比較refresh，而且仲有粒粒粟米係入面，成碗湯飲曬都得🤤。炒蛋🥚同樣超高質，望落黃到橙色既蛋，除左賣相靚仔，仲夠滑有蛋味！唔想食厚多士咁普通，可以+$10轉奶油脆豬/芝腿牛角包，個脆豬上枱嚇親司令咁大舊，煉奶比得超足，岩曬螞蟻人，同埋兩大舊真係食完都飽左🤣！