一休(居食屋)日本料理 (長發廣場) (已結業)

嚟到青衣呢邊， 食一休日本料理 店舖環境好靚，好多客人， 入面好大，可以坐到好多嘅客人， 大部分都係卡位， 每個卡位都有好高嘅板間住 ，可以感覺有啲私人空間 可以靜靜地同朋友傾下偈 ，食餐美味嘅晚餐！叫咗兩隻牡丹蝦刺身， 兩隻牡丹蝦刺身好大隻，好新鮮，味道超鮮甜， 肉質肥美， 甘香 ，一食難忘，而且營養價值豐富 ，適合所有人， 係嘅刺身之王！另外叫咗其他嘅刺身， 例如呢個魷魚蟹籽刺身，雪白嘅魷魚， 上面黐滿曬金黃嘅蟹籽， 閃令令咁， 魷魚口感超爽， 配埋金黃蟹籽， 味道鮮甜！三文魚子刺身是必食之選， 一休嘅三文魚籽刺身超級新鮮！ 粒粒都係即咬即爆！ 鮮甜嘅海水汁味， 蔓延成個口腔！ 正到爆 ！食多一盤都唔會飽！其餘嘅兩種刺身 吞拿魚同玻璃蝦刺身 都好新鮮 ！點上是由同埋芥辣別有一番風味！另外仲叫咗一板海膽， 海膽金光閃閃， 粒粒新鮮， 口感綿軟入口即溶， 都係超級鮮甜！ 佢仲配埋青瓜同埋紫菜， 可以相伴而食， 會食到淡淡都係海膽既鮮甜味！真係好正!!!

見一休開咗今晚就去試下，點知一個小小出品好簡單都差成咁，其他食品大打折扣，就係一碗麵豉湯，佢送到黎我打個蓋飲一啖😲凍嘅，我就同個侍應講，佢拎咗去好快轉頭就返黎，我以為佢換咗一碗比我，點知係暖嘅，唔可以用熱黎形容，亦覺得佢係加D熱水落去就比返我，味道淡咗，你就算加熱水都最小70度啦，一間咁求其嘅食店真係差過茶餐廳，真係好過份😡😡😡其他出品真係一般都算，天婦羅係番炸，D油似炸咗好耐無換油，所以一次試過就算，一間日本食店唔應該咁少事都做得咁差，得一個答案就係廚房無心做，侍應亦有問題，如果你唔係加水就當你拎咗返廚房換過出黎，我同你講佢凍嘅，你換過都會望下有無煙出啦，連熱同凍咁簡單都分唔到？😡😡😡

呢間一休日本料理確實高質素 餐牌嘅食物款式多羅羅 有刺身 壽司 前菜 小食 鍋物 拉麵 丼飯，，， 數之不盡 適合老中青前來用餐日本餐廳好少有圓枱 呢個真係好貼心嘅設計 其實係可以方便一啲坐輪椅嘅人士前來用餐亦有可以坐得舒舒服服嘅梳化卡位 裝修和式架調 在這裏用餐感覺又休閒又舒適和牛刺身半客$118估唔到半客嘅份量都有咁多 好抵食雪花分佈非常均勻 色澤亮麗 是新鮮的配合旁邊嘅日式酸汁一齊食 大大提升鮮味刺身牛食落有口感 越咬就越香嘅牛味湧出來喜歡吃牛的 不妨試下刺身級的和牛肉 另有一番風味油甘魚刺身$58厚切油甘魚刺身非常肥美 魚味甘香 啖啖肉超滿足鰻魚蒲燒半客$78鰻魚肉質勁肥 蒲燒鰻魚醬汁吃起來香甜可口 一點細骨也沒有紫薯甘栗餅$38非常有驚喜嘅一道小食 中間嘅紫薯蓉 口感軟綿綿 中間帶有栗子粒 層次勁豐富紫薯及栗子嘅天然甜味 令我不能抗拒 吃完一嚿又一舊

住青衣村嘅居民有口福了 長發廣場開咗間新嘅日本餐廳 旺角都有分店㗎餐廳開咗兩個星期左右 已經深受居民愛戴 晚飯時間需要等位鋪頭面積都幾大又闊落 重設有三間vip房 只需要提前預訂消費滿$1500至$2000即可 房間可容納十多人綠茶夠熱 味道青青的刺身種類選擇多 部分食品更是由日本直送 空運到港日本生蠔$158半打生蠔非常新鮮 中型size 一啖一口唧啲檸檬汁加啲辣醬蕃茄醬 味道更鮮 口感滑捋捋 裙邊爽口 中間creamy 一啲都唔腥 帶有點點海水味極力推介壽司選擇亦都好多 亦有軍艦及手捲 卷物提供海膽軍艦$44/2件 價錢合理海膽分量都算幾多 軟綿綿的口感 填滿整個口腔 甜味慢慢湧出來 外面既紫菜是脆脆的大阪燒$46已經切割為四分 兩個人share食份量啱啱好 表面煎到脆卜卜 非常香口餡料亦都非常豐富 食到粒粒八爪魚 醬汁味道正宗

住左青衣都好多年, 自從青衣城出現左之後, 又以連鎖大集團日式商場餐廳為主。一般要食下魚生飯或者其他類似成盤魚生既餐廳都要去到荃灣或者葵芳。今次咁岩去長發商場搵下好咩好野食，落到地下竟然開左間魚生餐廳，成個門口都仲有好多恭喜牌，仲有唔少排隊。作為海鮮控既我唔試對唔住自已，於是同老婆試下去入去豪食下。睇到個MENU已經好興奮，因為個MENU大部分我都好LIKE，我地率先叫左個特上剌身拚盤，成個盤都勁豐富同圖片一樣，有拖羅、海蝦、三文魚腩等等，最緊要係有一小板海膽同埋刺身鮑魚可以食，成盤野食都好新鮮，真心估唔到青衣會食到一板板既海膽。同時間，身為蠔人既小編，我仲循例任性地叫左個日本生蠔，味道都相當新鮮冇腥味，最後就係叫左個明太子雞翼同芝士餅都唔錯。PS. 我睇到MENU仲有其他魚生飯都係唔算好貴，遲D都可以經常黎食下，唔洗下下出荃灣旺角食。

星期天，小女生來到青衣加操。上完堂已經兩點，當然要去醫肚，接近一年沒有來，長發商場進行大裝修中，不過仍有很多食肆開業。走到L1,見到有新餐廳，小女生愛吃日本料理，二話不說的就去排隊等位。不消一會就能入座，下午二時許，餐廳仍有很多食客，相信食物質素有番咁上下吧！簡潔的日式裝修，二人還有卡位，不錯啊！午市免加一，選擇相當多，真讓人眼花撩亂！小女生鎖定了日式咖哩飯，價錢真的很大眾化！愛吃的我但又想清一點，就來個御飯吧！這個咖喱吉列蝦定食，轉埋凍檸檳，才是$57 。是日式甜咖喱，微微的辣，辣的程度是小女生吃得到的。個人認為咖喱總要有點辣才惹味，才算是咖喱，這味道就正是我所喜歡的。這咖喱又香又惹味，伴飯吃一流，剛加操完的小女生，把整個飯都吃清光！吉列蝦炸得剛好，色澤金黃，外表很酥脆，而且大大隻的，小女生又k.o. 曬四隻！我叫了特盛海鮮丼，因為愛吃海膽，所以額外點了一板來加餸，唔記得加埋帶子，如果點埋就是我平日愛吃的北海丼刺生以魚生為主，因為人流多，所以刺生都很新鮮。額外加的細板海膽，入口即溶，鮮甜無比，真的值得推薦！！！加五元轉了檸樂，可樂成罐上，抵啊！今餐埋單約二百元，抵食又好味，希望能繼續

長發商場翻新後，作為青衣街坊一定要落去逛逛，商場新開間日本料理，叫一休居食屋 ，"一休和尚"是兒時最喜歡卡通之一，敢有親切感，於是入去幫襯，裝修好有日本風，地方寬敞，坐好舒適， 仲有貴賓房，一家大細聚餐好地方。刺身一定要叫，刺身份量雖然少啲，勝在肉質鮮甜 ，咬落口甘香，食落都好滋味。三文魚海膽飯三文魚鋪滿面大大碗飯，上層嘅海膽望落好新鮮，吃一口就賞到鮮甜香滑，仲感受到淡淡海水味，一口飯夾一塊三文魚齊食，美味到不得了。什錦天嫦羅大蝦，青椒，茄子，番薯，冬菇，南瓜樣樣齊，每款炸物啲粉漿比一般料理店薄，炸得脆脆，入口無咁油膩。海鮮沙律成隻船咁上碟，賣相好吸引， 各款魚生好多，細細粒易入口，值得一讚是醬汁不是沙律汁，有少許辣，微酸帶點甜，點住汁來吃真的好夾，食落有口感。屋邨有間這樣有水準嘅日本料理多方便。

之前呢都想去試下旺角嘅一休日本料理， 結果係我去青衣嘅時候見到佢嘅分店，係新開嘅。 喺門口望入去覺得唔錯，環境好靚所以就決定入去試下啦！餐牌好多選擇， 真係唔知揀咩好呀， 壽司喇 ，刺身喇 ，小食啦，炸物啦 ，任君選擇，我淨係揀都揀咗半個鐘啦！難得出嚟食，就食好啲啦 ！先黎一個海膽刺身（大板），個人覺得十分滋味，海膽好新鮮，超級鮮甜，入口即溶 ，佢仲配咗少少嘅青瓜同埋紫菜，夾埋一齊食， 爽到爆炸，啖啖都係海膽呀！正！你得食日本料理又點少得叫刺身呀！我叫咗刺身呢就有呢個三文魚子刺身 ，魷魚蟹籽刺身，吞拿魚刺身同玻璃蝦刺身四隻。 先嚟介紹下牡丹蝦刺身， 牡丹蝦吃蝦中之王，具極高嘅營養價值， 十分適合當刺身咁樣食。牡丹蝦肉甜細滑， 蝦膏金香， 蝦肉肥碩 ，超級甘甜，超級好味！閃令令其次呢我最鍾意這個嘅三文魚子刺身，呢一度嘅三文魚子刺身真係好新鮮，係成粒都係爽脆㗎！一咬成就全口都係鹹鹹哋嘅汁， 感覺身處於海上面 即整即食咁！我覺得有魚蟹籽刺身都好唔錯，魷魚係爽口㗎！ 蟹子就卜卜趣 ，就係圖中嘅白色魷魚配上橙橙哋嘅蟹籽，賣相勁靚，原來味道都係一級棒！最後我仲叫咗一客蟹膏壽司，入口即溶嘅蟹膏， 甘

聽家姐講佢屋企樓下個商場開咗間新嘅日本 料理，仲send埋啲Menu嚟比我睇，睇完啲Menu個樣好似幾吸引，就走左去試，我哋17:15 去到，去到仲未營業，原來17:30先開始晚飯時間，等左15 mins開始營業，入到去覺得地方好闊落，環境唔錯，睇到個Menu樣樣都想食，價錢都唔貴，最後叫咗三文魚腩刺身，赤背壽司蟹膏壽司，豚肉炒椰菜，炸雞軟骨，鰻魚炒飯，鴨胸番茄湯烏冬同野菜鍋，本來想叫埋燒三文魚頭，不過全部爐端物未有住，上菜速度都唔算慢，個人覺得最好食係豚肉炒椰菜炸雞軟骨同鰻魚飯，員工都好有禮貌有傾有講，終於搵到間近近地又唔錯嘅日本料理喺青衣

長衣長發廣場新開咗間「一休居食屋」，之前食過旺角分店，食物質素都唔錯，今日見唔係咁多人，緊係要支持下😁門口大大個招牌已經夠搶眼，用埋電腦化系統等位，唔洗下下等人手寫攞紙仔👍🏻入到去環境寬敞舒適，唔洗坐到好迫。午餐仲要免加一，但其他餐牌既食物就要加一！點左半打日本生蠔，海膽刺身「細版」，槍燒三色飯，同三文魚海膽飯！日本生蠔有驚喜，好新鮮無腥味，而且只須$158。海膽刺身上枱已經放得好靚，配上紫菜同青瓜絲，食落海膽溶入口中，青瓜絲又帶點清新口感！槍燒三色飯，入面有三文魚，帶子同左口魚，經過槍燒口感即時唔同左，三文魚變得入口即溶，帶子爽口，左口魚彈牙左，配埋日本珍珠米醋飯，增添食慾🤤三文魚海膽飯，大大片三文魚佔左碗既大半，肥瘦均勻，又夠新鮮，海膽一樣好味，倒少少壽司豉油落碗度，已經夠哂！長發廣場又搵到個好食處😆😆👍🏻

一休來到了青衣。星期四晚跟朋友來試試這新店，門口有不少人在等候。我們安排坐二人卡位，很舒適。我們點了一些壽司、槍燒三色飯、香草燒雞翼。壽司有牛油果軟殼蟹卷，盛夏壽司，帶子和甜蝦壽司。牛油果軟殼蟹卷，牛油果軟滑，軟殼蟹炸得香脆，加上蟹籽，味道清新，好食。盛夏壽司，有甜蝦，海膽和魚籽，材料新鮮。唯三十元一件，覺得有少許貴。帶子和甜蝦，一客有兩件，價格合理。甜蝦壽司每件有三隻甜蝦，挺鮮味的。槍燒三色飯，有略略燒過的三文魚，比目魚和帶子，各有三片，還附上中華沙律，飯份量多，抵食。香草燒雞翼，二十多元有三隻，抵食，調味不錯。唯三隻中有一隻燒得過火，有點焦黑了。用餐環境舒適，食物質素不錯，款式多，青衣居民有一個抵食既和食食堂啦。

2018.8.8（星期三）長發居然開左呢間高級日式居酒屋，老公極度喜愛魚生壽司，我們一見到就當然要會一會它！剛開張就已經好多人慕名而來！店內裝潢幾寬敞舒適，光線明亮，空間亦頗大！而且門口附近仲有幾間獨立間隔房，方便提供私人獨立空間俾一大夥人聚會或者傾計！首先，點左我的最愛的「日式芝士年糕」$32，年糕炸得外脆內軟，入面芝士亦夠流心，食落好香脆可口亦夠芝香另外，老公好鐘意食生蠔，一於試一試它的「日本室津蠔」$56 @2隻！生蠔好新鮮，口感爽脆！激讚再來點了個「香芒乳酪松葉蟹卷」$52！味道不錯，口味新穎，乳酪同香芒其實好夾！蟹籽亦舖得好足料。再點左個「明太子手羽」$48，岩哂我們這對懶人，骨都起埋，食落啖啖肉，明太子少許辣夠哂惹味食日式野點可以少得魚生刺生！老公同我都好想食海膽，一於就食豪些，叫左個「特上刺身拼盤」$338！個海膽係超甜超creamy,好新鮮，一d都吳腥唯一不足係只有半板！三文魚腩肉質油潤不膩，新鮮肥美！個吞拿魚腩片簡直入口即溶，無得頂！活赤貝同赤蝦都非常新鮮爽甜～另外，個磯煮鮑魚亦好有咬口～總括而言，它的刺身真係好夠新鮮！食品款式種類都夠多，雖然今餐係食蠔左少少，但性價

8點20幾分叫左：-1個烏冬1個炒飯1個石頭鍋飯1個炒菜結果：烏冬大約8分鐘就到之後等左30分鐘有多都未見有其他野（當時已經9點）。問個女店員，佢查都無查就話廚房好忙整緊架啦！再等多5分鐘，我就同個女店員講，麻煩幫我問下廚房仲要得幾耐，好果有排，我唔要，我走喇。佢先死死地地去廚房問，之後覆我3分鐘內到。終於等到果2個飯，不過個菜就成9:15先到。到9:25分我地走人（由房間出門口收銀埋單），竟然見到餐廳得一半人。甘樣廚房都好忙?!?

青衣長發村個商場近來不斷裝修，又有新餐廳進駐，今日嚟咗呢間日本料理餐廳食晏，因為喺新開張，所有裝修都新嘅，乾淨企理。叫左個海膽三文魚飯，好快就上枱，見到碗飯上面嘅海膽就覺得呢碗飯應該幾好食，因為啲海膽唔會好似出面有啲餐廳咁已經有腥味，好唔新鮮，相反，呢度啲海膽紋理清晰，放左喺塊紫蘇葉上面，好吸引，跟著又食啖白飯，哈哈，原來啲白飯喺壽司飯，略帶醋味，撈埋啲三文魚生同埋海膽一齊放入口食，味道還不錯。仲叫左個軟殻蟹牛油果壽司，上枱時個presentation都幾靚，牛油果有啲暗黑色正好表示佢有啲氧化，亦表示已經非常成熟，所以好諗，入口已經可以即時溶喺口裡面，軟殻蟹仲喺暖嘅，入口香脆，又諗又脆嘅軟殼蟹牛油果壽司一碟有六件，好快就食晒了。

路過此地...發現新鋪開張~入去一戰先~旺角果間咁出名~唔知呢間如何?門口勁多多多多多多人...6點咋喎...香港人好鐘意排隊~所以我都排埋一份~排左1個鐘都唔郁~真係好開心呀~點知見d職員手忙腳亂咁拎部平板出黎~係大門人手篤平板黎叫籌~推斷係門口部派籌機出問題~搞到唔識叫籌~無人入去食野~換左"手動"叫籌之號~人流終於郁了~亦都因為好多人走左~所以我就成功達陣....入到去其實好多吉位...出面排隊d人真係好慘.....(我都係苦主之一)即落order啦等左咁耐~落左order後要等20-30分鐘先有得食~廚師慢定人手唔夠?唔知~第一樣好似係一休沙律..份量少到喊...刺身又細粒又乾身~食住等~_~偽蕃茄海鮮鍋....個廚房唔知做乜事.......同我走海鮮?定係落單果個同我填左隱藏menu? 蕃茄純素鍋?+$12先有烏冬~當然即時退貨啦~等左15分鐘左右....終於見到海鮮了~好豐富的海鮮~魷魚大過我手指甲~鮮蝦大過粒珍珠米~係扇貝同青口正常咋~蕃茄湯底就係夠濃既~最後就係...好似叫雙龍卷芒果是酸的~蝦是脆的~心...是累的....(黑人問號???)基本上落單時~waiter都話