一人燒肉屋 (已易手) 新餐廳

尋晚去咗食一人燒肉，因為朋友住荃灣，佢話新開不如試下，話價錢唔太貴，所以我哋4個人就去食。因為都幾肚餓，我哋都叫咗好多嘢食。朋友仲買左枝紅酒，好彩唔收開瓶費。-牛同豬都ok ，但我就鐘意食豬多啲。-雞肉，我覺得太大舊太厚，有啲太難燒。-翠肉瓜，金菇，都好食，朋友推介金菇。-生蠔，蝦燒起上來都幾好食。-帆立貝，蜆，白鱔⋯⋯-紫菜蛋飯，不過不失，不過如果飯熱啲會好啲，改善下。環境好舒服，唔太煙，最緊要冷氣夠凍。我會下次再來幫襯。

今日同朋友去左荃灣新開一人燒肉店，整體環境乾淨，坐位舒服，而且還有大大隻招財貓、櫻花樹🌸……打卡❤️。最平$48套餐就食到燒肉，份量啱啱好而且好抵食👍🏻，同朋友聚聚食飯嘅好地方。可以再encore 嘅好地方。

自從多年的沙嗲王搬咗後，這坐大廈裝修了好一陣子，最近路過，原來開了一間，一人燒肉屋，大大塊招牌寫$48，愛人喜歡試新嘢，今晚決定來試吓⋯⋯上一樓可選升降機或步行上一樓。由於新店，未算太多食客。有實體餐牌，但其實也是需要QR CODE落單醬汁算多選擇，還有自家製的燒肉汁，牆壁上更寫著，用餐完畢之後可按鍵叫機械人收餐具，多有趣每邊都有自取餐具由於他們仍是新店，暫時未有啤酒提供，店員話要下個禮拜。吃燒肉未能配啤酒，有些失落⋯⋯玫瑰桑葚杞子茶~標榜無糖無添加的冷泡茶，雖是茶包式，但勝在唔甜夠凍。牛肉拼牛舌定食$78~這個餐有100g 和200g選擇，筆者因為唔算太肚餓，只是點了100g. 如200g的話價錢要$118，所以都算是靈活有彈性。先講麵豉湯，雖未夠熱，但有冬瓜和昆布，有誠意，但白飯質地還有進步空間。以這個價錢來說，晚餐真是平民化價錢。一人燒大滿足套餐$188~愛人選擇了300g 分別有牛胸花、肩胛肉、豚五花及雞腿肉。芝士年糕~套餐另加$25, 熱騰騰端上枱，外皮鬆軟，芝士流心筆者很喜歡。錭魚燒餅~套餐另加$25，餡料是豆沙，略甜，最後當作甜品來燒，但要小心火喉，我們燒濃了⋯⋯整體來說

都係街坊 見左開左都一排 有晚諗唔到食乜就上黎試試環境非常好 無乜油煙味 可能無乜人食同老婆一人叫左一份安格斯牛 一黎到 湯係好熱辣辣 飯就室溫咁滯 兩份都係肉就有啲蔥有啲蒜放左係肉上面，賣相可以一燒一兩塊 要出少少力去咬多兩下先叫可以吞到心諗可能燒耐左姐 ，再黎 燒多兩三塊都係咬唔得開投降！每塊都好韌咬唔開 吞唔到so sorry我牙力唔好（利申 無牙齒問題）如果以咁既肉質 收咁既價 又要上樓既話 我好擔心佢經營能力我都係食番燒肉like算吧事前無預備要出評價，所以相片都係好後期 有一碟仲比人收左

因為平時路過見到開左新餐廳「一人燒肉屋」見到名都想去試吓，於是就book 位因為約咗朋友，所以早到，問左用餐限時1小時，所以我話等埋朋友先入場，服務員表示今日小人，所以叫我入座，仲比卡位我，環境很美，坐得舒服👍叫了A3同A10 , 轉了迷你鰻魚飯，有很多調味料，真心覺得幾好味👍👍喜歡自主，吃多吃少自己話事！👍真係好岩「一人之境」👍多人都很高興！😆😆😆中間時間有工作人員叫我登記入會，入會後有優惠券可減$50今餐埋單$460 -50=$410多謝好姊妹😘😘多謝今日的服務，會再和朋友再來！👍👍值得再讚係抽氣系統很好，平時去燒烤，成頭油煙，呢度偷食都冇人知！😆😆😆👍👍👍

六點零鐘去到，得一台客，坐低見到個爐…已經知奶嘢，係用發熱線，唔係明火！！同埋睇返嗰啲條款得60分鐘！唔係呀嘛！燒肉like都90分鐘啦！你咩咁大支野？算啦，入咗嚟坐低，嗌咗兩個set，都係叫最大份嗰款。肉嘅份量係充足嘅,食完都好飽，不過平價嗰啲肉(黑安格斯牛胸花)真係好嚡，唔多好食，五花豬肉又好似冇乜味。檯面沒有水供應，即係迫你叫嘢飲.呢樣嘢使唔使去到咁盡？講返個爐先，已經知道用電爐係奶嘢！因為唔係用火燒，封唔住啲肉汁，結果件件燒出嚟乾憎憎，好似柴皮咁！呢樣嘢唔關啲肉事，係個爐唔得！所以點都要講三次：呢間嘢，唔係用火燒，唔係用火燒，唔係用火燒！！去唔去自己決定！同埋我睇唔到用咩理由收人加一囉！我係自助自己燒，你只係用個機械人搬啲嘢埋嚟，同埋收碟。人哋燒肉咪like都冇收加一啦,你憑乜嘢？？結論就係：一次就夠！！

最鍾意宅女燒，人多嘅時候都唔洗驚同唔識嘅人面阻阻對住食🫣雖然主打一人燒肉，場內有好多一人座位，但好好彩係好多大枱可以同屋企人去😍本身諗住星期五閒日應該唔多人啦，點知上到去見到爆哂，好彩4個人等得唔耐好快有位😌價錢方面都幾親民，而係咁平嘅價格下嘢食質素出乎意料地唔錯，值得再去😌值得推介：要紫菜蛋飯❤️❤️仲一定一定一定一定要追加蝦同埋鯛魚燒😍😍

放工懶懶哋，唔想煮完又要洗，路經一人燒肉屋，用大x樂介錢，食倒好味牛肉，地方又大，仲有無機械人送餐，冷氣又夠，無咩味，環境唔錯，最終食咗200元左右，物超所值，懶人首選！

颱風後行過千色店附近，俾佢門面吸引到，入去坐低點了2個餐同老公食，每人－set， 有湯有飯有燒肉 （雞牛豬）可揀，仲有海鮮甜品追加！ D牛肉厚度適中， 仲好有牛味！ 待應亦細心指導我加入會員，以後去食就可以儲印花最後埋單都係$258，每人都係百零蚊， 抵食👍🏻

路過荃灣呀女指住話想食燒肉，望一望價錢又幾抵，幾十蚊到百幾蚊都有，上到去冷氣又夠通風系統又做得幾好，唔會成間鋪煙霧離漫，坐位寬敞舒服，一家三口叫左2個餐（A10&A11)，估唔到份量又幾多，有前菜+沙律+肉+湯+飯+飲品，機械人送餐呀女表示勁開心，肉類質素好高，三款牛肉都好好味，有唔同既口感，如果多人可以試多幾款肉，同埋份量都幾多，老公表示食得好飽，最後追加左甜品，棉花糖吉住枝竹籤，燒完夾住朱古力威化餅食，又好玩好好味😋必點🫶🏻最後埋單一家三口$4xx 滿足既一餐

今日要試下新開的一人燒肉店，點了兩個餐同加48蚊轉了紫菜雞蛋飯，個飯好好味，加埋烤汁一流，平時食飯唔多的我都忍唔住食晒成個飯，真係諗起都想再食，提醒各位如果去食記得要點300g飯，真係飯都食多碗，至於啲肉點了豚肉、牛胸花、牛舌餐，估不到啲肉好好味，性價比好高，之前朋友試過話啲雞都好好食，今次冇試到，下次來一定要再試。甜品冇影相，點了鯛魚燒，好好味呀，最愛吃鯛魚燒😍😍一定一定會去再食，燒肉來講算抵

荃灣多層停車場附近開了一間名叫「一人燒肉屋」的店舖，我和家人一起去品嚐。當時大約夜晚八時，店舖內十分多顧客。我們在等候時，發現店舖內空間寬敞整潔，和風佈置兼有影相「打卡」位，十分有心思。大約二十分鐘左右，侍應帶我們入坐。服務員有禮貌和工作效率高，很快清理好檯面。餐牌上有多款套餐，由港幣四十多元起就可以享用一人份量的燒肉套餐，十分吸引。我們點了A4 的「一人燒大滿足套餐」，有湯，沙律和泡菜小吃，主要肉類(200g)有牛胸花，肩胛肉，豚五花和雞腿肉，價錢是港幣$158.這套餐份量足夠，肉類十分新鮮，十分可囗，性價比十分高。另外，店舖有開張優惠，送朱古餅棉花糖甜品，老闆教我們可以先把棉花糖燒焦，然後把兩塊朱古力牌夾著棉花糖吃。這特別的吃法一試難忘。我們吃飽後捧著肚子回家。我們下次一定再去！

今日行過荃灣，見到呢間新開嘅燒肉店，標榜最平HK48就已經食到一個套餐，就胆粗粗上去試下。揀吓揀吓，最後點咗個封門柳拼牛腹肉套餐，又另外追加咗份牛舌，同埋點鯛魚燒做甜品。味道唔錯，鲷魚亦好味，不過湯熱啲就最好。服務員態度都好好，好好傾。另外睇得出店主都花咗好多心思喺啲細位，店裡面有個打咭區，都佈置得好靚，有隻大招財貓，好得意。佢哋又用機器人送餐，機器人講啲嘢幾得意。見好多小朋友都好喜歡，好開心。佢重有個許願架，不過睇落未完成，希望下次去會可以許個願。會再光顧。

1. 貴 ～ 2. 街市肉質素 ～ 3. 仲要係發熱線唔係明火 ～ 4. 全自助仲收 加一 服務費 ～ 5. 非常短用餐時間（哎一個餐得60分鐘）你食埋我個份喇！1. 黎得燒肉鋪想食靚肉 唔使林 直篤最貴個個餐！ 哎咗支汽水 同 最貴 個個餐 加埋10% 成百九幾蚊落樓😡😡😡2. 有圖有真相！全iPhone直出無執無改色～ 街市肉質素 你同我講乜乜M幾牛？3. 仲要係發熱線！咁同我自己係屋企燒有咩分別？分別在於唔使洗囉！4. 全自助 仲加一？ 部機械人黎到發聲自己寧願身攞 點呀？辛苦又麻煩 又唔就手5. 哎一個餐得60分鐘 碟嘢黎都成十幾分鐘先黎到！不過都好既～～ 夠架喇60分鐘 咁既質素想坐多陣食多碟都難

見荃灣有一人燒肉新開張，即刻試下幫襯先，入面環境舒適，今次叫咗豬嘅一人定食，之後再追加一個肉同少少海鮮、菜，所有嘢都好新鮮，豬只要加少少鹽燒已經好好食！仲有彫魚燒都一定要試 價錢又平，兩個人食到好飽仲要追加食物都只係二百零蚊，會再幫襯👍🏻😋