一人燒肉屋 (已易手) 新餐廳

今日冇乜嘢做，啲細路仔上完鋼琴班之後又話要一齊食晚餐，又話想食燒肉，我哋見到個招牌就諗住試一試， 搭𨋢上咗去一樓。一開門，店員已經好有禮貌要招呼我哋，而且間店嘅格局都好好，仲有機械人服務，細路仔都覺得好可愛。我哋嗌咗個4 人聖誕燒肉套餐，唔係好耐就送到嚟啦，份量都好多，有牛肉，雞肉仲有海鮮，蔬菜等等…… 燒完舊肉之後細路仔都爭住食，啲肉係肉質鮮嫩多汁，食完又唔會好膩，而且都幾有飽腹感。啲細蚊仔仲話想再嗌多啲牛肉添。呢度嘅佈局都幾好，坐落去好舒服，又唔會好迫。店員好樂於助人，細蚊仔部手機冇電都即刻比條充電線。總體嚟講呢間店非常不錯，之後應該會再次光顧。

聖誕節一家八口齊齊食燒肉慶祝叫左一個開心家庭四人燒肉套餐有四個飯……四杯飲品……有海鮮前菜配菜有400g肉（肉相對比較少）性價品幾高前菜： 和風沙律，枝豆，大泡菜 份量都足主食：加錢可以轉熊本豚五花 …… 老實講肉唔算頂級，但價錢取勝海鮮：大虎蝦，帆立貝，燒饍片 都係抵食夾大件配菜有鯛魚燒……小朋友最愛！！！！仲有4碗味噌湯和日本米飯（加18蚊可以轉溫泉蛋紫菜飯）一定夠晒飽飲品：都係包四杯……真係物超所值服務方面：waitress 好友善……職員好helpful……有好細心和貼心環境方面：地方寬敞……有8人大枱

百幾蚊有唔錯既肉整體黎講質素唔錯聖誕節仲有推出優惠雞、牛、豬共500g既2人餐都係人均180蚊左右有野飲 有甜品，而且送餐出度快個爐火力都好足 唔好話好耐都唔熟服務態度都好好👍🏻

第二次食呢間一人燒肉屋lu同第一次食嗰陣都無太大既失落感佢個自家製蒜香醬油汁真心幾大驚喜兩次食到佢都覺得好滿足好開心聖誕節仲有唔同既套餐 好抵食！行過路過都可以試下😘

肉超硬，燒嗰陣時出大量白煙，一陣大陸feel而且完全無排風系統燒緊肉既時候 嗰爐底剩低好多油 見到都反胃另外碗飯岩岩送上黎既時候係已經表面凍左 入面都唔係好熱 完全唔知點食落肚加左紫菜生蛋on top 但係啲蛋液真係少得可憐 得嗰幾滴 同相上面都唔相符！！！！好後悔野飲可樂勁細枝茉莉花茶都唔知咩味真係超級伏！！！一定唔會再幫襯如果大家想食燒肉寧願去燒肉like食好過唔信嘅話可以去試下做水魚 🤬🤬🤬🤬🤬

早排去左朋友介紹既燒肉店，一人燒肉店！就算平時自己一個人都可以點個一人燒肉餐，份量都幾多一定夠飽😌餐廳仲有個位打卡，食完可以去影下相.清酒煮蜆 $48蜆肉鮮甜.大虎蝦 2隻 $48虎蝦新鮮彈牙.M4+ 牛腹肉 $98叫得太多牛，我已經分唔清邊碟打邊碟😂分唔到名唔緊要好食就得😌😌.蒜蓉牛油金針菇 $18金菇吸唒蒜蓉牛油既香味，我哋叫左幾個😂.薄切牛舌 $58薄切牛舌更容易燒熟，更juicy.鯛魚燒餅 $38紅豆餡唔算太甜，燒到微脆再食唔錯.日式甜薯 $18一口一粒，叫左幾次😂.剁椒紅油雞肉 $168醃到好入味，少少辣，燒完雞肉依然嫩滑另一份我哋叫左豬肉，豬肉就比較辣.一人燒大吉大利 $238原條牛舌好正！要原條燒，燒到差唔多熟先剪開，留意原條牛舌需要Vip會員先可以提早預訂.雞泡魚干 $78無論係就咁食定再燒熱佢食都一樣係咁好食.蒜頭漬 $50朋友個個都話好食，但我唔食原粒蒜頭所以無食到.全牛拼盤 $288入面有牛胸花、牛腹肉、牛板腱、牛小排、牛肉眼，仲有個蔬菜拼盤~諗唔到想食咩叫個拼盤就岩唒乜都有😋.魷魚一夜乾 $78去燒肉我都鐘意燒魷魚，燒到焦焦地好食.精選日本清酒 1.8L $68

荃灣又多一間新餐廳喇，記得一人燒肉屋呢個位以前係食流水蝦放題嘅，好似都開咗兩三年，估唔到最後都轉咗手一人燒牛肩胛肉套餐200克牛肩胛肉重牛味，油脂豐富，食落好軟熟，絕對唔會柴。燒到六七成熟就最好喇，仲有少少粉紅色，但係個口感應該畀五成更加好😛😛😜😜 一人燒牛胸花牛舌套餐200克牛胸花同牛肩胛肉其實差唔多，都係入口即溶，不過顏色上，牛肩胛肉靚啲，牛胸花就比較偏粉紅色，牛舌係薄切嘅，所以唔使燒好耐就可以食，都係有入口即溶嘅感覺，好味呢👍👍🤗🤗

各種牛肉肉味香濃，口感超強烈，建議每種牛肉試少少，不要太熟，感覺好吃再加單。五花腩乾身少燶最能出味，魷魚汁液甜美，在香港好難食到咁大塊咁煙靱；䱽魚賣相大方，魚味濃郁，必吃；飯後嘗嘗紅豆小魚又可愛又可口，飲飲啤酒，更設有打卡區和許願角，一家人樂也融融。性價比高的餐廳，服務員親切有禮，場內裝潢氣氛極度「和」氣，有如置身日本。包房感覺貴氣，招待貴賓的首選。很妒忌住在荃灣葵青區的市民，質素如此餐廳去邊度搵？

冇意中見到荃灣都有一人燒肉食，立即約埋班fd去試新野約約下一行10人走去食一人燒肉🌚，但原來都有大枱，一張大枱3個爐 唔洗爭 又可以坐埋一齊吹水。（後尾發現仲有vip房！又有電視！睇波飲酒一流！）原條牛舌超正，打卡一流，職員話要原條燒 燒到差唔多熟先剪第一次燒原條倉魚，勁正 ，燒到個皮焦焦地，入邊勁滑譏燒鮑魚，職員話本身已經慢煮過，亦都可以加熱，我哋就覺得加熱左個味道更出😋仲食左燒魷魚，豬腩肉，好多唔同嘅牛部位，掛住食無影相😅見佢Menu仲有啲一人燒嘅set !下次一個人先去試😮‍💨

🔥🔥荃灣超抵食燒肉SET😳 $68 就食到超大碗足料日出燒牛肉丼飯🤩蛋黃拌上牛肉和醬汁冇得輸！一人燒豚肉套餐（$78）用上熊本豚五花肉～燒過後焦香撲鼻，送飯一流😋仲有好多款飯可以選擇，可以揀溫泉蛋或者生蛋，上面仲有紫菜！亦推介牛舌套餐（$98），安格斯牛舌薄切很容易燒熟，加上不同醬汁十分惹味😆套餐仲有沙律，中華沙律，麵豉湯同埋飲品，飲品推介冷泡白桃烏龍同百香果梳打，唔會太甜好解渴！😆😆

兩個人本來諗住去茶餐廳下午茶食西多士，行過見到開左間一人燒肉就上去試下啦。上到去下午茶無乜人唔洗等，叫左一豬一牛套餐，每人加多杯果汁梳打。等左幾分鐘有個自動送餐車過來話有野食，感覺幾得意自己攞唔洗煩😆😆。每個餐都有一份肉一個飯同一個湯，仲有少份嘅沙律同泡菜，諗住幾十蚊份套餐會求求其其，點知賣相都幾好。味度方面算唔錯，熊本豚五花肉有豬味，而牛胸花買相幾靚，當然幾十蚊份餐就無得同A乜和牛去比啦😂😂記得燒牛肉時唔好噤大火，開3-4度就好，太高火好快燶同鞋颯颯。後記:見寫左用餐時間60分鐘，可能餐廳無乜人我地坐左個半鐘有多都無理我地😆😆

午飯時間，行過見新開業，又唔使等位，見餐牌相片吸引，所以試吓。午市套餐，價錢不算便宜，員工招呼好，並介紹優惠套餐，登記做會員有折扣。地方新裝修，環境尚算清潔。用機械人送餐很有特色。食物質素極差，牛肉冇味、很「鞋」、牛肉、牛舌，顏色不吸引（可能凍肉一般都係咁）推介加$嘅*溫泉蛋，一打開就散，同「壞咗」冇分別，但賞味期限未過，聞落仲未「臭」，但已經冇哂胃口😓，食咗1/3已經唔想食，絕對冇下次😖。向員工反應，接受意見，最值得一讚。

放假想食燒肉，見有新店開（前沙哆王位置），睇下評論，讚劣各一半，於是有點腳步。最終因為唔想再去其他餐廳等位，決定比次機會大家。假日中午時分，上去都係得幾張枱，諗住今次真係中伏啦！因為唔食牛，我揀咗A08豚肉200g，有麵豉湯、沙律、泡菜、白飯，再加罐可樂，套餐HK$126。燒肉沒有醬汁，於是自己加上燒肉汁再燒，味道不是最好，確實也不差，沒有中伏感覺，而且份量足，本人覺得性價比高，會再光顧，支持小店經營！

親民嘅一人燒肉店，令人大飽口福😘放假同friend嚟到呢間荃灣嘅燒肉店，多款肉食選擇，令人大滿足，用美食，🥩治癒工作的疲憊吧~紫菜飯上的日本蛋🥚蛋黃光澤勁吸引！鋪係飯上，篤開流出蛋液拌在海苔飯里，一口食落超級美味~個人偏愛牛牛舌，🐮柔軟嫩滑細膩的口感，令人回味無窮 ，薄切容易燒熟，更juicy✨飯後最愛甜品🧀芝士年糕，煙煙韌韌，外脆內軟，誘惑芝士餡，jeng jeng!#tsuenwan #荃灣

-好薄、零雪花既"M5" 牛$98 2-4塊-無論係乜套餐，所有飲品都要加錢 淨係～200ml既茶都加$8 , 中間仲有大大個茶包，飲幾啖就冇-聲稱日本米，但係無論味道、質感定飯香味都似中國米。冇味又冇飯香又好散好霉既質感-總之呢個價錢、呢個質素，性價比極低佢仲要零服務，因為佢係用機械人出餐收餐，連個爐都係自己開😠 重點係佢個制收得好埋，2個侍應見到我地研究緊點開都淨係企喺counter到望望望，完全冇諗住過黎幫手呢一餐lunch盛惠$210蚊 公道啲講 佢啲調味醬係好食既😬食咗圖中兩碟餐廳已經係最貴既冇雪花又咬唔爛既牛