一人燒肉屋 (已改名) 查看

大前日（4-5-2025 Sun）傍晚，又同老公，亞姨一齊嚟食晚飯，因為老公好耐之前發現呢間有火鍋。我哋嚟到都係冇乜人，店員安排晒啲嘢後，我哋就喺$428.00嘅二人餐揀嘢食，揀咗清湯，肥牛100g，豬肉片100g，金菇一份，秀珍菇一份，生菜一份，油麥菜一份，雜錦丸一份，芋絲一份，粟米一份，魚皮一份，蜆一份，帶子一份，鮑魚一份，生蠔半桶，白桃烏龍冷泡茶，加$15.00鴨屎香檸檬茶，追加$98.00嘅牛板腱100g，同$18.00嘅烏冬一個。落完單，負責人走嚟話冇蜆，改要多樣海鮮，咁我要多一份帶子。落完，湯就嚟咗先，然後捧上四種香料，就係蔥，芫荽，蒜蓉同辣椒，我哋自己攞好後，飲品同食物都陸續到嚟，鴨屎香檸檬茶係亞姨飲，我冇飲到，佢話好飲。白桃烏龍冷泡茶，都一樣因茶包大，樽細，味道好夠。食物都好快上齊，但我睇見帶子得兩隻，二人餐斷估一份唔係得一隻吧，於是問負責人，負責人確定係俾漏一份，於是加返。咁我哋開動喇，所有新鮮食材都正常新鮮。中途店員拎咗沙爹醬嚟，俾我哋蘸牛食？謝謝！不過沙爹醬味道偏甜。丸類方面，老公吃了一粒牛丸，說是wasabi牛丸，正呀，我就食埋另外嗰粒。而有粒橙色，我以為係蝦丸

噚（11-1-2025 Sat）日天冷，又去食熱嘢先，今次又係6點前嚟食，我哋喺地下睇到有分別$428.00同$688.00嘅2同4人新年套餐menu，上到去，佢哋亦都俾咗卡位我哋，今次我哋就決定要呢個2人套餐同加啲嘢食。呢個套餐主要有牛3種唔同嘅部位同海鮮，首先前菜，中華沙律同泡菜各一碟，前者冇乜問題，後者唔辣偏酸。味噌湯，稍稍鹹咗啲。日本米飯就正常。牛係安格斯牛五花，安格斯牛小排同安格斯牛舌各100g，全部都好完整，牛味都夠。4條多春魚，2隻海蝦俾咗3隻，2隻生蠔好大隻。4隻餃子，包得肥美，餡係比較多肉，鹹度適中。原條魷魚，真係冇錯，大大條原條上，自己控制燒幾耐，燒到啱啱好，口感爽。至於甜品,係最後至食,就係脆皮雪條.自己另加嘅有：各$18.00嘅菠蘿片同甜薯正常冇問題。$68.00嘅羊架大大件又厚，自己燒到冇血水出就算，達到外脆嚟食，完全冇羶味，好正。$38.00嘅咖哩魷魚呢個係新嘢，燒完食，係好入味，但口感好粉同辣咗粉不少。食食吓嘢，店員走嚟話，like佢哋社交平台，就送鮑魚仔，我哋就like啦，之後送咗4隻已去殼嘅鮑魚仔，呢個都係燒到爽口彈牙。飲品方面，我哋要咗冷泡桂花烏龍茶

🍽️食物方面： 🐮宮崎和牛下腹💲288 有驚喜🦑原條魷魚💲108 跟沙嗲醬正👶🏻新鮮帶子💲48 有啲難拆🐮安格斯牛舌💲78 正常發揮🐤黑蒜雞💲38 調味啱啱好🥬泡菜💲12 唔算辣🍋‍🟩青檸梳打💲38🌼熱桂花烏龍茶💲12 🍑冷泡白桃烏龍茶💲12 📷打卡方面：地下有招財貓同鳥居 燈光靚🔈環境方面： 和風裝修 有義工歌手唱歌 請SEN staff有卡位,面壁位,叉電位 無限時地下有共享雪櫃可以擺啲乾糧入去💬其他資訊：一人燒肉屋 📍荃灣眾安街2-8號周合成大廈1樓💰收+1, 人均💲350

一間可以透過食燒肉去幫助弱細社群的餐廳 - 一人燒肉屋CK一向都有做義工幫助弱細社群，上網見到滿櫃膳糧這個組織竟然想到透過經營餐廳去做善事，這麼有意義的事不可錯過，於是我順勢在最近的情人節選了來這裡慶祝了 ! 餐廳地下一層有大大隻招財貓和日本風裝潢及大量打卡位給大家拍照留念，又設有回收義賣，八九成新的物品，在經過處理之後，就賣給顧客。作為一間餐廳，如何幫人來這裡都是為了填飽肚子，先符合基本意義，CK就介紹一下我們點了的二人海鮮牛肉套餐 : 中華沙律、安格斯牛五花100g、安格斯牛小排100g、安格斯牛舌100g、原隻魷魚1隻﹑生蠔2隻、多春魚4條﹑海蝦2隻﹑餃子4隻﹑加了錢可轉溫泉蛋紫菜飯150g1碗，本身是配日本珍珠米飯 300g ，這個大滿貫系列，應有都盡有，送限定甜品，又送2碗麵豉湯，還有汽水2罐送。這裡的肉類在燒完之後，可以自己加鹽、黑椒和各種醬料迎合自己口味。牛五花志在吃其上的油花，牛小排和牛舌吃平衡咬嚼的感覺，魷魚好大，但好薄容易烤熟，所以紅外線電爐都夠力烤起來，烤完就自己剪開啦！生蠔都大大的，需要好長時間烤熟。比較特別的是多春魚，烤熟後除了魚頭，整條可連骨吃。題外話，吃完

餐廳裝修好日系，有多個抵卡靚位，食物質素唔錯架，價錢大衆化👍！呢間善心社企餐廳，食一餐只係💥$48起嘅燒肉套餐，就可以幫到很多人，真係好值得推介🥳！食物方面：餐廳主打日式燒肉，以價廉物美，性價比為賣點！$48起就可以食到燒肉套餐！必食推介：🥩紐西蘭法式羊架，肉質嫰滑好惹味，沒有強烈的羊羶味，肉質鮮嫩，肉味清香且肉汁豐富。 🦪燒蠔同埋燒扇貝都好好食，好大隻好新鮮！🦑燒魷魚，好大塊好新鮮的魷魚片，搭配香濃的魷魚醬汁，口感酥脆、鹹中帶甜，越嚼越香，好滋味啊！ 🦪清酒煮蜆，隻隻蜆都好鮮甜，肉質有彈性，清酒味香濃。而餐廳更定期舉辦義工及表演活動！

之前已plan定亞姨嚟，我同老公帶佢嚟食燒肉，就決定前晚（14-9-2024 Sat）食，今次又叫埋女友人WK，佢都話OK，我哋約咗傍晚6點嚟，因為6點下午前結束前落單，之後至埋單，價錢仍計下午茶，唔加一。今次我哋被安排坐上次嗰張枱（上次食評係2024年7月14日刊登嘅呢篇：https://www.openrice.com/zh/hongkong/review/%E8%89%AF%E5%BF%83%E5%96%84%E5%BF%83%E7%A4%BE%E4%BC%81-e5564970），我哋睇完menu，就要$598.00嘅四人餐～世一套餐同加啲嘢食嘢飲。餐裡面有4個飲品，我哋全部揀冷泡白桃烏龍茶，呢個幾好飲，甜中帶甘，好balance。我哋叫咗3set$58.00買一送一，每杯300ml嘅啤酒，共2杯三得利黑啤溝白啤，4杯Asahi生啤。食物方面，大致上都冇問題，$58.00嘅鹽酥雞脆口，但味道唔太夠。今次黑蒜雞比較入味：生蠔，帆立貝同$48兩隻嘅大虎蝦大隻新鮮；但牛油粟米好似冇牛油；同樣$38.00三串嘅雞皮同雞腎，雞皮冇乜問題；但雞腎有少少內臟嗅味。35.00嘅台灣腸，呢隻係甜

尋日一個人搵飯食 經過呢間店寫住一人燒肉屋已經吸引左我望真啲原來係社企 入到去服務態度好唔錯食物都ok 一個人食燒豬腩肉餐 對我黎講女仔份量岩岩好 成個體驗都好滿意 下次都會再去 。。。。。。。。。。。。。。。。。。。。。。。。。。。。。。

滿櫃膳糧係荃灣以一人燒肉為主題的社企餐廳， 以身為本會和社企《英雄地x滿櫃膳糧》，佢地會定期派發不同的食品，理念係希望幫助弱勢社群。佢地努力透過在各區設立共享雪櫃，達到減少食物浪費的同時，亦能更靈活地讓較缺乏支援的有需要人士能得到適切的支援。同時，在不同的協作機構的協助下，讓更多的資源能更有效地共享，營造出更有人情味的社區氛圍。佢地有一人燒肉食啦！佢地已經改由NGO社企《滿櫃膳糧》重新經營，之後除咗食野之外，仲可以幫到弱勢社群，希望大家多多支持佢地，又有好野食又可以做善事同支持佢地。佢地有好多唔同抵食的燒肉套餐，大家都可以試下。

自從發現了在荃灣開了這一間「一人燒肉屋」後，不單會在這家店下層地下一層，在用餐前看看👀有沒有什麼適合自己的貨品購買，因為在地下一層有售賣一些貨品，稍為看一下後，便往上一層去。今日Order(下單）了「和風牛肉丼飯（細）」，賣相不錯，有味噌湯和飲品，我選了「可口可樂」，

噚日（13-7-2024 Sat）同老公去食晏，去泰興餅家（https://www.openrice.com/zh/hongkong/r-%E6%B3%B0%E8%88%88%E9%A4%85%E5%BA%97-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r522031）排隊買熱香餅豬柳漢堡？ 咪喇，天時暑熱，買完又要去球場坐低食，老公話都係去返啲冷氣場所堂食算，咁就不如食呢間燒肉啦，上次去燒肉like(食評係2024年6月30日刊登嘅呢篇：https://www.openrice.com/zh/hongkong/review/blue-%E6%99%82%E9%96%93%E5%95%B1%E5%95%B1%E5%A5%BD-e5546040)時唔記得有呢一間，否則我就試咗呢間先。由於之前唔知呢間咩社企，喺地下望一望，見到原來係幫社會上有需要嘅人士就業，同可以畀啲細路喺度免費補習，咁家長都可以出去打工，咁有意義，一於試吓啦。我哋上到去， 店員帶我哋去坐一張四人卡位，好闊落好舒適，冷氣亦都開得好夠，

記憶中，呢個舖位都轉手過幾次。沙嗲王、炑八都試過，正正常常，不過呢間一直未有機會試。一得閒嘅時候，招牌下面又多一個#滿櫃膳糧 招牌仔，地下又有回收義賣，八九成新嘅物品，經過處理之後，就賣俾顧客。不知不覺，原來呢間#燒肉店 已經變成一間社企。滿櫃膳糧呢個組織，喺疫情嘅時候，透過一個放滿日用品嘅雪櫃放出街，慢慢幫助大眾過生活。呢間燒肉店請嘅員工，都有社會需要，有銀髮族，都有特殊人士。裡面有一間自修室，原意方便同事照顧小朋友，不過依家已經同鋼琴一樣，開放俾荃灣區內朋友使用。不過作為一間餐廳，點幫人都要食，先符合基本意義嘅。過所以都會想人推介下咩肉最好食，店長提醒我地「食物本身各花入各眼，要記住呢度係一間社企」，聽到呢度，根據以前嘅經驗，都係語出當前，必有後伏。咁唔去都去左啦！咁叫曬所有款式嘅肉類試一次，一定無錯。揀好就自己用QR Code落單，之後會有機械人送去你張枱附近，再由店員放上你張枱呢度嘅肉類，除左雞肉都無醃過，燒完之後，可以自己加鹽、黑椒同各種醬料。C2.牛五花、牛小排、牛板腱、安格斯肉眼、牛舌 、黑豚腩、黑蒜雞 400G *配日本珍珠米飯 300g $358呢個大滿貫系列，豬牛雞

去到荃灣唔知食咩好，近排又好流行一人燒肉，喺千色附近見到呢間一人燒肉屋，發現咗原來係良心社企嚟嘅，梗係要二話不說即刻支持下先啦！餐廳環境夠哂濶落，枱上面仲有好多調味料供客人使用添～安格斯牛小排100g💰HK$140套餐包咗麵豉湯、中華沙律、泡菜同埋熱玄米茶！飯方面就加錢轉咗做溫泉蛋紫菜飯，可惜令人失望，紫菜又乾又欠缺麻油香味，加埋啲飯到，整體更加乾身！安格斯牛小排色澤偏暗沉，味道正正常常，而且100g份量的確幾少，整體唔算抵～

我今次第二次來，上次見呢度服務好👍🏽地方大座位多，位置好方便！價錢有平有貴，豐儉由人,牛肉質素好，比起之前去過的日式連鎖店，呢度選擇多好多！豬、牛、雞、蠔，以定食形式，有前菜中華沙律泡菜有飯有湯好齊全👍🏽😋 所以決定同弟兄姊妹來晚飯，慶祝生日🎉十幾個人都係千幾蚊，仲要沒有限時添！同埋要讚嘅係我哋有生日蛋糕，服務人員主動執枱，開蛋糕，提供餐具，亦不收切餅費，良心企業❣️有社會責任，會多多來👍🏽

辛勞一日之後去食個燒肉慰勞一下自己呢間環境都唔錯，夠冷氣而且地方都寬敞，唔需要同其他人迫。野食方面都唔錯，啲肉都幾好食，而且一個餐份量都夠一個人食，如果唔夠都可以選擇加飯量，而且唔係用紙飲筒，飲可樂都唔會走晒啲泡泡出黎。服務方面柜枱姐姐好有笑容好warm，用左機械人送餐，到左樓面都會幫手serve，其餘時間都唔會太打擾你，可以真正享受一個人既時間煲下劇咁。多人聚會既話都有大卡位可以坐5-6個人，而且做緊生啤特價，毒毒同多人飯聚都滿足到，下次可以再食

又係辛勞工作完的一天，去食自己想食的燒肉，一個人的晚飯，但絕不會寂寞，因為員工會過來同我傾計，不單單是談食物，什麼有趣事，你的我的都傾得一餐，絕對不是一人在燒肉，溫暖得很呢。最好就係有 wifi ，我晚上有時上 zoom 堂，8點半要上堂，放得工黎，都趕唔切返屋企，係呢度，一路食，一路用佢哋 wifi 上堂，又唔會好似外面其他食肆，限住時間食，要趕客人走，我上埋堂，食埋嘢，再坐吓 relex ，掃走一天的疲勞，我暫時都未搵到其他食肆可以做到，因為仲要好食又唔貴，130-140蚊的消費，食到飽飽，又舒適，係荃灣區，我住咗幾十年，真係而家先搵到一間，仲有個送餐機械人，雖然都唔真係一個機械人，係機械枱，但都超可愛，成日叫人做主人，唔知下次，會唔會叫我做 Honey