一人燒肉屋 (已改名) 查看

今日一個人出去搵食，發現荃灣有間社企餐廳，上到見到環境寬敞，又有機械人送餐，好特別，原來佢有三部機械人負責送餐及收餐。哩度有好多打卡位，除左有靚櫻花，仲有個靚靚鋼琴，讓大眾演隨意演奏。最特別仲有一間房，係社區自修室，方便有需要嘅小朋友專心學習！今日我試左個B7餐～黑豚腩拼黑蒜雞再加溫柔阿思推介～玉子燒。超正！總之行過路過唔好放過（尤其老朋友相聚☕️）。下次一定要帶埋四爺試埋個生啤配燒肉。由於呢度喺係社企，呢度啲員工相當認真工作。探訪埋佢個廁所先，聽講相當清潔。

真心感受到社企餐廳能提供創造就業機會，幫助弱勢社群，回饋社會，單是這幾點已值得欣賞。現今顧客享受的不僅是食物，也是一流的服務和環境。這𥚃食物質素良好，價錢合理，環境寬敞，服務態度滿分。雖然是自助燒肉，但每次他們都會熱情招待每枱客人。上星期我們訂座時說會帶蛋糕上來慶祝生日，想不到他們額外提供氣球佈置，又安排機械人唱生日歌，令大人小朋友都有個難忘的晚上。真心推介👍🏻一人燒肉～滿櫃膳糧（社企餐廳）

初試B5一人套餐（牛舌+牛五花），肉質新鮮，招呼周到，地方寛敞坐得有舒服，老闆娘又nice ，介紹給我們的每一樣食品都美味且有質素，絕對是一所良心社企，值得推介。

呢間新開嘅店，唔知係宣傳唔足定係入口唔明顯，平日晚飯時間嚟呢度食嘅人似乎都唔多，所以員工同老闆都好願意同我哋傾計餐廳裝修圍繞著日本風呢個主題，枱櫈基本上都係木制品或者至少係木嘅啡色，話呢間店係日式燒肉完全冇問題另外店內有一個社區鋼琴，開放俾食客隨意彈，不過同樣哋冇乜人食嘢自然都唔會有人彈鋼琴講翻嘢食，今次同家母一齊食嘢，所以點咗B2牛五花拼黑豚五花(200g)同埋C1牛五花拼牛小排牛板腱(150g)兩個餐，所有肉都好確定有中上水準，食起嚟同其他燒肉店提供嘅相似，但係因為唔係放題所以價錢更親民，另外我食完手邊嘅飯之後覺得唔夠，老細仲免費幫我添咗一大碗，服務確實周到，完全食得飽店內有免費WiFi，一問就可以攞到密碼，不過可能係我坐得嚟AP比較遠，訊號唔係特別好，1080p YouTube時不時要加載。另外卡位除咗有梳化坐之外仲有免費插座可以隨意叉電，加一服務費唔覺蝕整體嚟講今次體驗都相當滿意，確實可以推薦其他人嚟食。

因為都算係幾親民的日式燒肉餐廳, 所以一個月都會同朋友屋企人去一兩次. 有段時間行過冇開, 以為執左, 13號開返, 即刻同朋友又上去食.原來專左社企, 老板/經理都好 nice. 有傾有講, 仲送水果食.20號同班朋友一行十幾個人上去度開生日 party ! 因為人多, VIP 房坐唔晒, 只好坐出面兩張大台, 員工好有心思幫我地佈置 ! 真心感動 !食方面不過不失啦, 因為係自己燒自己食, 睇各人喜好啦 ... 不過相比其他日式燒肉餐廳 (例如 海x戀某xx). 係抵食既 !5/18 正式重開, 都會再去食過 ~~~

剛剛星期一跟老公行過見到好似唔錯，膽粗粗上去試老公叫咗大滿貫C1 （$318）我自己就叫咗蒲燒鰻魚王子井飯 （$78）由機械人送餐，但要自己取，爭啲倒瀉湯同支可樂見到d肉已經唔多開胃， d牛舌竟然係黑色的， 其他牛食落更加超硬又鞋，又冇味🤢用電爐燒嗰陣時出大量白煙，而且完全無排風系統燒緊肉既時候 嗰爐底剩低好多油。見到都反胃🤮另外碗飯送上黎既時候係已經室溫， 入面都唔係好熱 完全唔知點食落肚好後悔飲品要另叫今餐價錢都唔平，仲話係社企餐廳幫人，都唔知堅定流（純粹個人意見）咁嘅足夠我哋2人去安平燒肉食放題！ D肉仲正好多真係超級伏！！！一定唔會再幫襯如果食燒肉，我寧願去燒肉like食好過今次做咗水魚冇計

當我走進這家燒牛肉店時，我立刻感到一股油煙味撲面而來，讓人不禁懷疑這裡的通風系統是否存在。**環境**方面，這家店的裝潢陳舊，桌椅破舊不堪，讓人坐下來就感到不舒服。雖然係卡位，但枱櫈的位好窄，拉開餐具柜桶時，直頭會頂住個身！😮‍💨肥d都坐唔到，枱面上仲有蟻在d燒肉汁架行過關於**食物質素**，我點了一份牛五花拼黑豚五花腩套餐。然而，當我嚐了第一口時，我感到非常失望。肉質老硬，根本不是我期待的燒肉口感。此外，肉片上的油脂居然還有些發臭，讓我胃口大減。湯同飯都係凍嘅🤢**服務**方面更是令人傷腦筋。服務生態度冷淡，完全不關心客人的需求。我詢問菜單上的價格時，他只是懶洋洋地指了指菜單，一副不耐煩的樣子， 問佢關於點餐系統，亦不太清楚！ 連餐牌上的套餐亦唔清楚🤔至於**價錢**，這家燒牛肉店的價格並不便宜。考慮到食物質素和服務，我覺得這個價位實在性價比超低！ 最後，**衛生**問題更是令人擔憂。我注意到桌面上有一些油膩，烤爐上的發熱線有千年油及燒焦的痕跡，令人擔心安全問題！ 當我吃完去洗手間，更加反胃，衛生極差， 好似好耐無清潔，地上又會有灘水 （唔知係廁所漏水定尿）洗手間位置於後樓梯走火通道

前幾日同朋友去荃灣行街，見到有燒肉店試業，就上去試吓～一去到門口已經見到滿滿嘅日本風😍啲燒肉都好正份量好足😍座位都好舒服🤭燒完又唔會有一浸油煙味🤩店舖有一隻好卡哇伊嘅招財貓🐱，打卡首選📸餐廳裏面仲有社區鋼琴可以俾大家彈琴㗎～雖然唔係好識彈，但係都幾好玩🤭食完之後仲可以問店員攞牌仔寫祝福語～寫咗希望屋企人身體健健康康😜

之前新開食過LUNCH同DINNER , 都唔錯,,之後想再食以為佢執左,,,上星期咁岩又去荃灣見到佢開返立即約FD去食點知水準大不如前,,,,D牛食落同去超市買$3X Pack冇咩分別,,,,又乾又冇牛香味.....完全唔值呢個價明明個場又大又冇咩客,,,但都一陣油煙味,,,,,餐具又有殘留的食物，張枱又痴笠笠......

小朋友好鍾意食燒肉，今日接小朋友放咗學經過荃灣，見到呢間餐廳有學生優惠，而且2:30至五點又有下午茶買套餐送嘢飲嘅優惠，再望吓個Menu價錢同內容都非常吸引，諗都冇諗就入咗去，結果真係有驚喜！話說着校服嘅學生可以揀送嘢飲或者送多一碟豬肉，仲要下午茶時間冇收加1，一個字抵！餐廳員工親切友善，食物水準中上，牛肉豬肉新鮮有厚度，唔似連鎖店咁薄到一張紙咁樣，醬汁種類繁多，拍得住專業燒肉店。附送嘅桂花烏龍冷泡茶都好好飲好清新！加上裝修光猛整潔。有員工過嚟介紹餐廳背景，知道餐廳係以社企形式營運，雖然背景資料唔係太過清楚，但係以餐廳提供嘅食物同服務感覺係一間良心嘅餐廳，希望繼續做落去都係咁樣！小朋友今日食得好開心，一粒飯都冇食剩，我就知道佢好鍾意，一定會再嚟！

頂，比佢扮平實在貴扼鬼左。貴之外牛肉又冇味又乾，好似食抹手紙咁，當啲客係鬼？牛肉黑色的，好似放咗幾日，估計係賣隔夜肉。最唔滿意係啲飯凍嘅，玩乜呢？襯返啲牛肉？服務上，啲樓面完全幫你唔到，自己餐廳有乜賣，啲App點用，係全部唔識答。要有心理準備自己服務自己。餐廳環境OK la，夠大嘅。重好有空間感，因為冇乜客(原因你懂的)，好清靜，冇人騷擾你(樓面都唔會理你)。廁所好污糟，成地水(定尿？)，反胃。好後悔去咗試，附近咁多好嘢食，點解我會犯呢個錯去試食？