一人前拉麵

營業中

休息中

第一次寫食評!每次想食拉麵首選都一定係一人前已幫襯接近超過8年！係一間堅持用新鮮豬骨整湯底嘅拉麵店,我最愛食湯底味道濃郁,飲晒成碗湯都唔會頸渴,拉麵有軟、 硬 、普通選擇,豚肉採用慢煮方法處理令肉質嫩滑啲,但部份位置略嫌多筋!配菜方面溏心蛋、筍和木耳要加分平時唔食筍嘅我都會食清晒!煎餃子亦是必食推介！細細隻一口一隻，兩個人食一碟加埋拉麵啱啱好！多謝一人前老闆一直以來嘅堅持!令我們小市民喺元朗都可以有超水準拉麵食雖然多客嘅時候要等得比較耐,但慢工出細貨!值得等食嘅拉麵小店

入座起等左半個鐘都未有野食，本身勁肚餓，所以呢間餐廳只適合一啲唔肚餓，有時間等既客人光顧。食物方便一般，未食過一間拉麵嘅叉燒咁多筋。樓面方便，佢有比一壺水，但係冇俾杯，要問佢先俾。唔會再嚟幫襯！

又再一次專登搭車入去食，我最鐘意就係"白前"～ 叉燒掛在碗邊，可以控制嫰滑程度，浸佢一陣就perfect~ 幾鐘意黑木耳，有d 唔同口感，多了一份滿足🥹平時唔食荀既我，都覺得好食，應該有特別處理過。個湯先係重點😎，飲得出煲左唔少時間，同埋個杰度剛剛好，真心好飲，我成日都忍唔住飲晒～ 小店真係好用心，值得encore~今日坐在bar 枱，可以睇住廚師煮，一碗面要做好多野，就可以睇到佢幾咁忙碌～ 佢認真煮，我唯有認真食😊

無意中朋友介紹咗呢一間開左多年白湯拉麵.喺元朗又新街附近既一人前拉麵.座位大約十多個.門口掛著大燈籠🏮裝修有種日本小店感覺啊➿ 新白前拉麵主打豚骨濃湯.重有咖喱湯配雞皮(?).虎蝦同秘製辣味噌湯口味拉麵.今次先是新白前拉麵🍜奶白色既豚骨湯底打到起泡.湯頭creamy.唔會好油膩但到後段味蕾覺得有少少過咸.而配料有西班牙Ilberico 黑豚叉燒.紫洋蔥.水菜.粉紅色叉燒肉質軟熟.但有啲似Ham.整體食完有少少口渴感覺麵條硬度適中.而且掛湯唔錯唔錯.溏心蛋要另外追加.溏心程度滿意☺️🥚整體不過不失

第一次入此舖吃拉麵，响 openrice搵附近拉麵，搵到呢間，食評唔錯。去到時剛巧下午一點多少少，門口木門關上，嗰度木門又鬼咁難高級開，仲以為未開舖，見到裏面有職員，示意開門未，職員才過來幫手推開門，裏面未有食客，只有四張枱，每張枱有四張凳，假如坐滿的話，每張枱都幾迫，主廚得一位，另有兩位女職員幫手落單及收走枱上食物及整理。最初只有我們兩人進內，之後下單，半小時候，再另外有一對後生男女入內，再之後就一對年長嘅夫婦，最後就一對父子，兒子約十歲，全部枱坐曬。叫咗個白前及燈火拉麵，再加了餃子同胡麻冷凍豆腐，都好好味，拉麵好有鮮味及膠質感，食咗唔口渴，豆腐好嫩滑，配胡麻醬超正，四樣總消費236。你呢度食嘢要注意時間，未到時間係唔會開門嘅

小店座位十幾個。 普通裝修。座位尚算舒適。叫了兩碗拉麵+一個炸蠔。白湯濃而不鹹。碗麵裏面的肉彈牙，片叉燒口感一流。炸蠔~高水準。價錢非常合理/相宜。真心~推介給大家。

呢間店就就嘅拉麵真係得我心。食咗海鳴海鮮拉麵，感覺一啲都唔輸咖哩加皮。點了海鳴，頭先啖湯嘅時候，簡直爽到飛起！湯底濃郁得嚟，仲有一種鮮甜味，整條拉麵係海鮮嘅美味包圍住。叉燒片嘅肉質又嫩又香，食落嘅口感真係唔得嘞！就嘅筍幹脆爽口，仲要提一下啲海苔，香脆得黎唔會太鹹，夾埋麵一齊食，開心到我喺度咧嘴笑😄！咖哩加皮嘅選擇都唔差，啲味道豐富，咖哩嘅香濃同微辣刺激，同拉麵嘅麵條混埋一齊，真是咖哩控嘅福音😍。叉燒唔止腍滑，入口即溶，仲帶有個烘香味，幾得意㗎。真心推介嚟試下，特別係想食啲有滋有味嘅拉麵嘅朋友。嚟到呢度食飯，兩碗都係霸氣側側，色香味俱全，分分鐘令你心頭好味👍！

今日嚟到元朗食傳說中，有緣分先可以食到嘅拉麺星期六，2.30pm 去到，唔洗排隊等位直接入得去我地嗌咗 白前，灯火，餃子拉麺有6個選擇，另外再有一張小食餐牌都算幾多小食可以選擇，仲有雞扒，吉列蠔，凍豆腐，雞串，叉燒卷，池魚，豬軟骨等等我哋點完嘢食之後等咗都幾耐，應該都有大概20分鐘左右，趕時間真係唔好嚟個餃子煎得麻麻地，首先佢個底唔脆上面啲皮有軟淋淋咁味道亦都唔係十分好，所以我哋就決定唔試其他小食喇咁當然仲有最重要係個麺啦白前：白前個湯唔係好熱但味道好好唔會鹹味道濃郁然後我試下個叉燒啲，叉燒非常嫩滑，好淋好好食蛋冇味淋/醬油味，似就咁温泉蛋麺嘅硬度啱啱好，食到尾都唔會淋，不過可能只係因為個湯唔夠熱，連啲蔥都淥唔得熟筍都好好食，唔臭另一碗係燈火佢係有全隻蛋，白前只有半隻偷咗少少辣醬已經好夠味，要不返剩低嘅嗰舊辣醬出嚟我一次個撈曬應該會好鹹我自己就比較鍾意食白前多啲拉麵店嚟講都算寬闊，唔會坐得好逼夾亦都唔係坐吧檯，有3～4張枱都係一邊有連住嘅梳化

落單後到上菜要40分鐘！難得到訪小店林立的元朗區，又正值晚飯時間，途經「一人前，被店面的裝修與大燈籠吸引，便決定要試試這間拉麵店。輪候約半小時便能入座，以拉麵小店來說，這個等候時間算合理。入座後可見店舖環境雖小，但五臟俱全，唯店員服務質素有待改善，一般拉麵店當客人入座後便會奉上冰水或水杯，當我和朋友下單後，見遲遲未有水杯，便主動提出，可是提出數次要求後，店員才淡淡然回道：「水杯還在清潔。」我和朋友各點了一碗「灯火」，另加一份餃子，看見廚房只有一人主理，深知上菜時間需時，所以未有催促，可是沒想到一等便是40分鐘，經過漫長的等待，店員終為我們奉上拉麵，縱然未有一句「抱歉久等了。」，但總算可以一嘗期待已久的拉麵。第一啖先嚐湯底，不算濃厚，但叫順滑，麵質軟硬恰到好處，溏心蛋味道與口感剛好，部分竹筍略為硬，未能好好吸收湯汁，其他配料沒有太大記憶點，而拉麵的主角之一叉燒是鋪在碗的兩側，肥瘦比例平均，但入口略為韌，而追加的餃子水準一般，沒有太大記憶點。 以定價$80-$108一碗來說尚可，未算抵食。天氣酷熱加上半開放式廚房設計，環境偏熱，用餐後我和朋友均汗流浹背地離開。最後不建議大家在太餓的狀態下入

相信唔少人都特登簽證入元朗食好西😙等我呢個元朗人介紹下啲隱世美食啦❤️元朗拉麵選擇唔多，偶然發現呢間毫不起眼小店，味道真係好驚豔🥹🌟灯火 $89今次揀咗黑蒜油拉麵～黑蒜油唔會令成碗黑蚊蚊，同時又有黑蒜油應有嘅香氣！餐廳用豚骨湯做底，飲落好濃郁🥰係心機嘢！拉麵跟咗原粒溏心蛋，淡淡嘅豉油味加上濃郁蛋香，幸福感max! 不過啲荀有淡淡嘅奶味，同出邊嗰啲好唔同🤔自己覺得幾特別，但frd就唔係好中意🫡仲有兩款慢煮叉燒，好嫩滑！無豬騷味🫶🏻不過個人比較中意炙燒過嘅叉燒🤤味道：4/5性價比：4/5回訪度：100%

元朗開業多年嘅一人前拉麵✨.朋友話呢間係佢係元朗最愛嘅拉麵 今次帶埋我一齊去試下 去嘅時候係平日嘅7:00左右 岩岩好有位可以直入 不過裏面已經差唔多full哂 見到出面都keep住有人等緊位 因為店舖唔算大 唔想等位就要早少少過嚟喇～今次叫左 熱燗拉麵($88)試一試 價錢同出面一般拉麵差唔多湯中有一團辣肉球 湯底微辣 食完會有少少口渴既湯底 如果唔食得辣都有其他唔辣嘅湯底可以揀 碗邊掛上兩塊叉燒 肥瘦適中 麵既份量亦適中 對我黎講岩岩好 😋 .總括黎講 有機會經過又唔使排隊嘅話 都可以一試☺️

呢間一人前拉麵好少做宣傳，而且位置喺元朗食過之後就覺得佢絕對係一間隱細嘅拉麵館🙈試過好多間拉麵都唔及呢間有特式好食呢間只設堂食不設外賣 可能想保持新鮮既原因無論拉麵嘅配料麵底湯底都💯⭐️白前拉麵 （糖心蛋木耳叉燒）裡面既叉燒勁滑半點靭都無 湯底濃味 重點食完都唔會口渴性價比高 真材實料約$80碗⭐️都有試過新白前拉麵入面既肉更上一層樓小食試過芽菜 豬軟骨 燒汁餃子不過不失😋拉麵質素高質食過之後都番食咗幾次 真心推介💯

一人前拉麵是我最喜愛拉麵小店之一，作風低調貫徹始終專注做好自己熟悉的領域，翻看以前I phone 4拍出來的舊照片菜單幾乎沒有變化，也不經不覺在元朗低調了十多年，來一人前吃麵不會有驚為天人的味道，但每次光顧就有種跟老朋友見見面的感覺 。先上的是追加小食辣味噌叉燒卷，半肥瘦叉燒以紫菜卷起，伴上辣味噌及香蔥惹味香口，另外亦十分推薦這裡的日式醬油煮豬軟骨，之前試過鬆軟入味，但由於份量不少建議找個朋友share。想要點刺激感來碗「灯火」就最好不過，追加的溏心蛋非常出色，亦體會到小店日積月累的基本功，慢煮叉燒賣相稍差，但肉質十分柔軟稍稍觸碰已經分離，亦帶微微酒香，最後辣味噌肉球是當中的靈魂，慢慢沉澱於奶白色的豚骨湯中，辛辣味道漸漸地滲出，有如燈火一樣燃燒出活著的感覺。💸拉麵「灯火」$89辣味噌叉燒 $21 追加溏心蛋 $13📍一人前拉麵 元朗建業街7號地下

一人前拉麵的經常要等位， 因為有bar枱，1個人比較易等位。有幾款拉麵選擇，白前是我最喜歡的，不會太濃食到口乾，又唔會淡麵是幼身，掛到湯小食推介餃子，煎得好好，個醬酸酸甜甜好正的！

依間拉麵店🍜開左好多年，一直都想黎試下，鋪頭位於元朗建業街，門口掛著大燈籠🏮，店內裝修以深木色會主調，有種日本小店感覺。係OpenRice見到收11點，10點左右入到舖頭，廚房有位男士應該係老闆示意我地可以入座，但侍應就望著我地冇反應，直至老闆係廚房走出黎招呼我地坐底，侍應先至俾餐牌同水，侍應服務有種趕客感覺。————————————♥————————————- - - - - - - - - - - - - - - - - - - - - - - - - - - - - - - - ♥️ 白前 $79奶白色既豚骨湯底，唔會好油膩，配料有叉燒、溏心蛋、筍、黑木耳、蔥，粉紅色叉燒肉質軟熟，整體食完都幾口乾，有啲重味精。♥️ 海鳴 $92 加叉燒$26湯底較白前濃郁，重口味人士之選，配料有虎蝦、帆立貝、黑木耳、碎海苔、京蔥，帆立貝幾大粒，虎蝦肉質爽口。♥️ 日式醬油豬軟骨 $48有3-4塊豬軟骨，味道偏甜，煮得好夠淋同入味。♥️ 吉列池魚 $48新鮮炸起熱辣辣，金黃色既外表好吸引。- - - - - - - - - - - - - - - - - - - - - - - - - - - - -