影片
港鐵牛頭角站 A 出口, 步行約5分鐘
繼續閱讀
營業時間
今日營業
11:30 - 15:00
18:00 - 21:00
星期一
全日休息
星期二至日
11:30 - 15:00
18:00 - 21:00
以上資料只供參考, 請與餐廳確認詳情
相關文章
今日專登去咗牛頭角試拉麵店「Manuru ya」，果然有驚喜！好似真係入咗日本嘅拉麵小店，位唔算多但坐得舒服～黑蒜雞白湯拉麵同 🌶️辣味噌雞白湯拉麵兩款都極有特色，湯底、配料到麵質都見心思🫶🏻 鍾意雞白湯嘅拉麵迷值得專程一試！🍜 黑蒜雞白湯拉麵（追加溏心蛋）雞白湯熬得濃而不膩，入口綿滑，黑蒜油香氣霸道又唔會嗆喉，蒜香同雞湯鮮甜層次分明👍🏻 特別推薦慢煮雞胸肉超嫩滑！！🤤雞叉燒微微焦香，好正！荀條爽脆、洋蔥京蔥夠甜，加上青蔥提鮮，配搭平衡。追加嘅溏心蛋火候完美，蛋黃流心入味！ 😍😍🔥 辣味噌雞白湯拉麵（追加溏心蛋＋海帶）辣味噌辛香開胃，辣度適合 同雞湯融合得自然，追加海帶後更添口感😋雞胸同叉燒同樣高質，荀條同雙蔥保持水準。溏心蛋出色，蛋黃撈埋微辣湯底一齊食超滿足！
繼續閱讀
最近喺工聯會上堂，同學話附近開左間又平又抵食的拉麵，即刻要衝去試試！入面舖仔細細，得幾個位，繁忙時間要等等，不過食拉麵，個個都好快食完，所以都唔使等好耐，一入到去。。。。開放式廚房，超有日本的感覺，仲要好強勁冷氣，一啲都唔覺得喺廚房，老闆似係日本人，但I 人的我無去驗証，如果Ｅ 人朋友驗完話我知，ＸＤＸＤ，成間舖都係賣雞白湯， 原味／黑蒜及辣味增，我地揀左原味及辣味增，再加份餃子。湯底係濃厚的雞湯味，師傳會將碗放在熱水上面，等只碗變暖，另外每次上湯前，都會再用搞拌機打泡，令湯底口感更豐盈！肉方面有慢煮雞胸及雞义燒，慢煮雞胸超嫩滑，雞义燒上菜前會再焗一焗，令邊位變得更香😙😙整體用餐感覺非常好，好有日本的小型拉麵店感覺，支持小店👍🏻
繼續閱讀
“瑪瑙瑙麵+糖心蛋”($89+$10)“黑蒜雞白湯拉麵+糖心蛋”($89+$10)“餃子”($38)牛頭角有間隱世拉麵店🍜如果唔係男朋友住喺附近都唔知有呢間餐廳🫣店入面有唔少貓貓裝飾,身為貓奴好滿足🤣餐廳主打雞白湯瑪瑙瑙麵🐔亦有以雞白湯為基底嘅黑蒜,辣味噌拉麵我地就點咗瑪瑙瑙麵,黑蒜雞白湯拉麵麵底可以選擇黃麵/白麵黃麵比較彈牙,白麵就係直身麵比較爽口我地仲每碗麵都加咗溏心蛋😚雞白湯經過11小時熬煮,果然十分濃厚🤤就算點黑蒜口味都唔會畀黑蒜搶過風頭拉麵會配埋叉燒,雞叉燒叉燒炙燒過好香,雞叉燒就夠哂嫩😍另外點咗份餃子🥟一份有6隻,外脆內juicy,正呀😛
繼續閱讀
呢間拉麵店主打經過11小時熬煮嘅雞白湯拉麵🍜，上年喺牛頭角開業，店內店外都充滿日本拉麵店嘅風味～好天嘅時候黎食🌞，每次都大排長龍，我已經encore過幾次啦😋！🍜瑪瑙瑙麵🐣🍜（$89）原汁原味嘅雞白湯拉麵，湯底充滿綿密嘅泡沫，雞味濃郁，賣相吸引🤩～配料亦好豐富：有3片厚切又嫩滑、入口即化嘅慢煮雞胸；3片燒到好香、充滿雞味嘅雞叉燒；荀、洋蔥、京蔥及青蔥，令濃厚嘅雞白湯湯底入口更清新💚，麵底揀咗黃麵，彈牙又掛湯🤤黑蒜雞白湯拉麵（$89）🖤🧄🐣🍜雞白湯湯底加入咗黑蒜油，濃郁而不膩，黑蒜油令整碗拉麵變得更有層次感☺️，蒜味夠香同時唔會遮蓋雞白湯嘅雞味，適合鍾意蒜味嘅朋友～配料同瑪瑙瑙麵一樣，麵底同樣揀咗黃麵🍜～每碗拉麵都追加咗糖心蛋同紫菜，每次黎食都一定會加蛋🤤，水準一流🥚店內擺滿好可愛嘅貓咪擺設🐈🐈⬛，令人忍唔住要打卡～鍾意食雞白湯嘅朋友一定要嚟試試🍜😋
繼續閱讀
今次喺到牛頭角搵食~ 搵到間新開嘅日本人主理嘅「瑪瑙瑙麵」拉麵店~ 舖頭細細~ 但好有日式小店嘅溫馨感，店內仲有好多貓貓擺設，真是一個隱世好去處~ 今次試咗兩款招牌雞白湯拉麵同小食，質素好有誠意，值得支持🥢黑蒜雞白湯拉麵黑蒜嘅香氣即刻撲鼻，湯底用11小時熬煮嘅雞白湯，攪拌到有泡沫，入口滑順，雞味溫和帶醬油香，唔係重口味但好清甜。黑蒜嘅甘香同湯底好夾，提升晒層次，飲落好順喉，唔會油膩，忍唔住想飲晒成碗！配料有慢煮雞胸同雞叉燒，慢煮雞胸嫩滑多汁，肉味濃；雞叉燒煎得香口，帶點焦香。黃麵揀咗彈牙款，掛湯力強，配上荀、洋蔥同京蔥，爽脆清新，食落好有層次。🥢辣味噌雞白湯湯底同黑蒜款一樣綿密，但加咗辣味噌，帶微辣同味噌嘅鹹香，辣度啱啱好，唔會蓋過雞湯嘅鮮甜。白麵口感爽彈啲，吸晒湯汁，食落好順滑。配料同黑蒜款差不多，慢煮雞胸依然嫩滑，都好滿足🥢餃子即叫即煎，皮煎到微脆，簡單嘅醬油調味，係拉麵嘅好拍檔
繼續閱讀
您可能會有興趣的...