ナカヨ食堂

營業中

休息中

收工搭順風車到太古，呢間美食廣場旁嘅餐廳，中央開放式廚房，食客圍住廚房坐！座位唔多，要在旁邊排隊等入座，入座店員比張入座卡，攞去收銀落單，食物都係日式定食，可以八達通比錢，之後攞個號碼牌返位！就會有店員上餐三色丼（$119）白飯唔多，色彩繽紛！加拿大海膽兩大塊，一塊好靚仔，另一塊比較啞色同爛邊，幸好好新鮮，完全唔腥！不過甘香唔及日本海膽，赤蝦兩大隻，蝦肉嫩口，幾爽口唔腥，不過蝦係唔凍，只係室溫！三文魚子分量多，不過唔夠脹卜卜！唔夠鮮味！一般！白飯鬆軟！其中只有一塊紫蘇葉好新鮮（廚房有一盤盤新鮮紫蘇葉！好吸引）跟餐麵豉湯：夠熱，麵豉湯內係蘿蔔片，淋身好味，不過麵豉唔夠鹹，正常！鹽燒鯖魚定食（$59）同事食！免費檸檬水：唔知點解有啲油浮面！所以無飲！廚房店員好快手，一邊出熱食，烤魚不停出，但又無乜油煙，一邊排刺身飯，排好就上菜，上菜阿姐有禮！走時會大聲講多謝！食物以咁嘅價錢係值得試！

今天又要去Aeon supermarket 入貨, 經過呢間日本食堂，見唔係太多人排隊（平時好長龍）. 排咗五分鍾左右就有位. 叫妹妺坐下就出去cashier處買食物.點了這個特上金鎗魚，魚肉鮮味肥厚, 鋪滿了整碗.妹妹點了燒油甘魚, 還送了秋葵和酸籮蔔前菜. 燒魚味道不錯.

8點幾去到，都仲見到要排隊，於是行左一個圈睇下其他野先，8點半見到有幾張單食完執緊檯，又得幾個人排就走去排埋一份，等左唔駛5分鐘就即刻有位啦！原來坐低左係冇人黎招呼你既，要自己走去收銀處再排隊比錢買，買完就等店員送餐,水都要自己去裝既。叫左三色丼同埋三文魚赤蝦井，可能太夜丼飯冇附送生姜，湯唔夠熱但有好多蘿蔔，赤蝦都幾新鮮算甜，海膽有部份甜有部份苦，三文魚子比較咸，鮮味欠俸，醋飯我自己就覺得太酸，但質地幾好幾夠黏糯。

自Aeon裝修後就見依間舖日日都要排，晚飯時間五點幾已見人龍，心諗有冇咁好味呀？今日lunch 見有位就試下啦，價錢睇落都算親民，一個定食最平只要$6x, 重冇加一叫咗個燒油甘魚定食，舊魚雖然係細啲，但味道都唔錯，喜出望外的係碗味噌湯，用白蘿蔔同紅蘿蔔煲，有蔬菜嘅甜味，而配菜嘅醋蘿蔔就有淡淡的柚子味，連咁細微嘅位都冇馬虎真係難得。唯一要挑剔就係嗰度嘅環境好嘈，而且後面是鐵板燒，所以食完餐飯個頭會有陣油煙味，所以如果去還是遠離食飯時間比較好。

太古裏的小築地🤓刺身好新鮮👍🏼三文魚子大大粒😍海膽唔會苦.甜蝦👍🏼吞拿魚腩有少少根不過都新鮮👍🏼行開太古值得一試.佢仲有其他定食同丼比你選擇.😋😋😋

我老公同我講太古Aeon Style開咗，裝修過有好多新食店，上網都有介紹呢間，個個都話好食又抵食，一於試試。一到步，見到好多人，立即一個去排隊先，另一個睇下有什麼東西吃。是日仲有二人套餐。等了大概二十分鐘就有位。老公點了三文魚甜蝦丼，我就點了四色丼，套餐還包了一個湯，可惜我個套餐嘅湯唔夠熱，好彩我老公嗰個湯就好熱，補番數。三文魚甜蝦丼，有四大片三文魚及三大隻甜蝦，三文魚新鮮，甜蝦大隻，都新鮮。四色丼有甜蝦、海膽、帶子及三文魚，除咗帶子一般之外，其他的都新鮮。我們坐的位置看到一排排放在雪櫃內的甜蝦及海膽。這裏都算十分抵食，吃完主食，其實都好飽，但之前看見其他舖有美麗的甜品，所以打算再戰甜品。

Aeon 重開後，比已前更多人，真的可以說是人山人海，到處都是人！今次，來到這來，當然要試下這間Nakayo 啦！我們好早就到了，是星期6 的晚上五時多。對，是五時多，我們就排隊，當時已是座無虛席 。不過我們是排第一批，所以等了差不多20分鐘左右有位子。這裡是先安排入座後，才去外面點餐的，之後拿了號碼牌後，有店員是安排送餐。另外還有一邊，是可以直接點餐，我們就沒有細看了。等了差不多十分鐘左右，我們的晚餐就到了！我點了 三文魚赤蝦丼 HKD 89.00本來是想點4色的那個，但是想多吃一隻赤蝦，所以點了這個比較便宜的。三文魚刺身有5大片，很新鮮，每片都是厚切的，相當有口感，大滿足！而赤蝦更是不用說了，每咬一啖，都感覺到新鮮！因為肉質好爽，而且有彈性，味道還是很甜的。果然沒有揀錯！赤蝦真的是極上品質！不得不開一個小段說的，是飯，醋同飯的比例真是恰到好處。飯粒分明，不會太稔不會太硬，有點點的小醋味，很香。足料的麵鼓湯，湯裡面滿是切片的蘿白同紅蘿白，而且湯是濃郁口味的。吃完這一餐，真的是一大個滿足感跑上心頭。我已經諗定下次食咩了！

有D 對魚既Crave ， 所以經過見到menu即刻點左黎食Food portion 比較少，男仔食未必夠飽,但細食既女仔係ok gei比目魚好鮮甜，個皮係煎得香脆而且唔會太多骨， 真係想食多塊其實位置係個food court度， super market 旁有D noisy 但係一個人食下飯環境唔係問題， 最緊要好食

柑太一直想試新AEON的Nakayo Shokudou，原因是每次經過，都是大排長龍，而且又是柑太最愛的魚生飯。今日經過看到它們推出一款特價套餐，可以用$278可以吃到兩個有三款魚生的丼，再加一條燒魚，聽到已經覺得抵到爛。排隊的人龍不短，等到入座都要等十分鐘，入座後又要再往收銀排隊點菜，然後安座等候美食上檯。上菜時間都大約等左十分鐘，其實已經望到店員馬不停蹄咁做架啦，好在上菜時，外表仲好靚靚，單睇賣相都已經令人食指大動味噌湯唔同出面加蜆肉，反而係多蘿蔔，比較清淡少少。五色丼係大蝦、三文魚、帶子、海膽同埋吞拿魚碎，大蝦肉唔腥好鮮，仲有少少糕，而帶子鮮甜多汁，三文魚亦好肥美，吞拿魚碎濃得來又魚油充足，最最恐怖係海膽，非常強烈既海膽鮮甜味，只要食少少入口，就已經濃到將其他海鮮的味道都蓋過，一定要食番片薑去一去味，如果唔係根本無辦法食到其他鮮味。三色丼就係三文魚籽、三文魚腩，海膽，海膽同五色丼一樣，超級濃味，而三文魚籽入口唔腥帶少少清甜，三文魚腩比起普通三文魚更厚更肥美，入口後一陣陣魚香片佈整個口腔，每口飯都索滿油香，絕對係一級享受。別以為這條$68的赤魚是下欄貨色，其實它是一條非常美味的海魚

上次黎左食刺身飯,今次食下燒魚先~叫左個佢話係極上既燒花魚定食一上枱,嘩,好大條~~~燒到骨都係脆既,係可以食落口果隻脆~肉亦都好多,都幾嫩,無咩細骨,唔係好多油~條魚大到我食完碗飯都只係食左半條魚咋~呢間舖真係太古既一個快食好選擇~

今日又要放工後去練歌,練之前當然要醫肚先啦~見太古間AEON裝修完就去望下有咩食,行過見到food court度有間食刺身飯既都幾吸引喎,就試下啦~叫左個四色丼五分鐘到就有,d顏色又真係幾靚喎,同埋份量都唔少既~呢個四色丼有赤蝦兩隻,帶子兩隻,三文魚三塊同半板海膽呢碗要$149,食落又唔差喎,都算鮮,而海膽亦都無乜怪味,赤蝦大大隻又唔霉,三文魚亦都幾肥美,有一刻諗過究竟係咪魚腩黎lol 不過如果帶子再大隻少少會更加好~食飽飽行個圈就去練歌lu~~~~~~~

AEON STYLE除了美妝日雜外，日本美食絕對是個隠藏的亮點。走進地下Food Marché，便遇上這家人氣鼎盛的日式定食專門店－Nakayo Shokudou．ナカヨ食堂。無法抗拒刺身丼的魔力，午飯就選定這一家吧！Nakayo主要提供燒魚定食和刺身丼，各有九款選擇。燒魚定食才不過$59起跳，因此亦成為了店方熱賣。刺身丼則由$69起，當中以豪華三色丼最具人氣。新張期間設每天限量30份$99金槍魚丼，只是有吸引的丼飯選擇，也就暫且不試了。採半自助點餐模式，店員安排座位後會派發座位卡留位，客人要自行到收銀處落單，再由店員送餐到客人跟前。當天午飯人潮已退，座位不少，也就跳過了留位這個步驟了。也許是新張關係，店方指示不算清晰，跟其他食客一樣要自行摸索一會才能順利點餐。　不消一會，三色丼($119)便以快餐餐盆送上，木筷子、包裝豉油、生薑片和芥末，就是一派日式快餐的格局。以檸檬水替代了綠茶，除卻送餐外没有服務可言，因此是否物有所值完全取決於丼飯的質素。　相對其他丼飯而言，三色丼已是豪華系列，紅蝦、海膽、三文魚籽的組合，賣相相對較為講究，刺身盛得滿滿的幾乎見料不見飯，還飾以襯花，第一印象十分討好

Uni & Salmon Bowl | 海膽三文魚丼.新開幕了幾天的康怡AEON比以前多了更多的食物選擇! Nakayo食堂主打燒魚定食和海鮮丼 今次試了海膽三文魚丼 新鮮程度還可以 三文魚不算肥美👌🏼 海膽沒腥臭但也沒鮮甜 不過在hk來說 海膽不腥臭已收貨啦 另外有一碗麵豉湯😌 整體沒什麼可讚也沒什麼可踩

晚餐時段需於旁邊近Italian Tomato 位置排隊，有秩序，不需自己去搵位食物種類有生有熟，適合不同人士選擇！此店鋪標榜用日本產米，的而且確煲出黎既飯係幾好味由於本人鍾意食海膽，所以選擇了海膽三文魚丼。海膽比起某鋪頭8蚊一舊的，真是差很遠⋯⋯海膽十分creamy, 鮮甜，不會腥味，伴飯食十分正個湯麵幾好飲又足料，不過比起荃灣一田超市內的日本店還遜了一點，因為荃灣一田內的又大碗又有三文魚肉及骨，更勝一籌每個餐都很貼心的送上一杯凍水，那並不是普通的水，而是檸檬水是晚老公選擇了鰻魚飯，挑剔的他，在落單時要問清楚鰻魚的產地是否日本及有無骨才落單幸好店員告知日本直送及無骨鰻魚及玉子都好好味，如果有多d鰻魚汁更加好不過飯的份量略少整體來說值得再去