ナカヨ食堂

營業中

休息中

早幾日太古aeon會員88折 去左買少少日用品到食飯時間 突然想食刺身但又唔想係supermarket hea買黎食 然後醒起係food court 度有間食刺身丼幾抵食 就走左去排隊由於佢提供既位唔算多 所以都等左差唔多半個鐘先有位坐呢度拎位唔係拎左張飛就走得 而係要一個一個排隊咁入 所以等到都幾攰而且佢點餐要去cashier 點 然後坐係吧檯 有人會送餐去你面前 呢個3色丼有海膽 三文魚子 同赤蝦 佢既質量絕對對得住佢既價錢 佢地既味道其實同係超市買既差唔多 赤蝦鮮甜 但海膽就略然帶苦味 未算太新鮮而呢個四色丼唔同既係以三文魚同帶子取代左三文魚子 三文魚非常肥美 而帶子亦都唔錯 相比上面既海膽呢個就好鮮甜喎 一d苦味都無 所以黎呢度食海膽就可能要少少運氣睇下到你既時候揀唔揀到新鮮唔苦既！對於百令蚊可以食到刺身丼 呢度真係算好抵食 佢跟餐仲有個三文魚味噌湯 仲幾好飲添！ 如果你唔食生野既 呢度仲有燒魚餐 我食過燒鱈魚 唔過一百蚊 個魚好肥好有油香 值得一戰

每次去康怡吉之島，都想食日本嘢，但不論是12點到，或是2點到，這家日本餐廳都是排長龍，一定要等好耐，今日我哋二人因趕時間，便不等，在food court 入面的 Nakayo Shokuduo食堂食，這家同樣是很多人，一過12：30便有排等，今日好在有位唔駛等。主要是食魚生飯及燒魚飯，又有二人套餐，有燒魚，魚生，燒龍蝦，湯,三百多元，都ok. 我今次食海膽三文魚刺身飯，有一碗三文魚湯，海膽好新鮮，口感好creamy, 好比貴價海膽，三文魚一樣新鮮，彈牙肥美，最正是個三文魚骨面豉湯，有好多料，有蘿蔔，三文魚，味道鮮美，不似其他面豉湯，只有咸。這個湯飲完沒有口渴的感覺，是真正魚湯。另外叫咗三文魚帶子飯，一樣是鮮美滋味。上次食過燒三文魚鉸，嘩，好味到冇朋友，香味已令人唾涎欲滴，魚鉸有好多肉，香嫩好味，加埋碗湯，非常滿足。見到其他人都食燒魚，燒魚頭，賣相都好想吃。每款定食都是$80-$170，用這價錢食到這級數的日本魚生及燒魚，簡直是超值，每次12：20分後都排長龍，要有位，一係12點，一係1：30後，或者可以自己攞食物到其他food court搵座位。

開左新aeon卡既師奶仔發現呢幾日有全場9折，星期日放假當然搵藉口黎！睇完戲後決定醫個肚再掃貨，行左個大圈發現呢間日本野特別多人又full, 連小朋友都食緊魚生飯，可想而知父母對間野好有信心！食！襯有做9折，點左個二人餐C餐，兩個飯兩碗湯一份燒海蝦一份芝士龍蝦，平時做緊3百尾都算抵，因為真係好大份！首先麵豉湯係飯碗咁大，有好多青紅蘿蔔塊，同一件三文魚骨，但湯底好清一d都唔腥唔油，好甜又熱辣辣真係暖左個胃準備開飯！C餐貴少少在於飯既材料，一碗係極尚刺身飯，有虎蝦/海膽/吞拿魚茸/三文魚/帶子/同甜蛋，基本上鐘意食既都集於一身～ 我食既係海膽三文魚飯，三文魚好肥美，肉質好厚實好新鮮；海膽都有半板好多，重點係好鮮甜呢 兩人share住食每樣刺身都可以食，overall都係覺得呢個價錢有呢個質素真係超抵！另一邊廂既燒蝦就有d失望，蝦的確係硬殼係海蝦黎，不過肉質較「梅」，都算大隻但可能係燒完再反燒熱所以唔太新鮮熱辣⋯ 龍蝦亦如是，雖然啖啖肉又爆多芝士（好chewy)，但可以煮熟完再加芝士加熱焗，所以龍蝦肉過熟同偏硬⋯好既係龍蝦帶雙鉗，仲幫你鉗開左方便進食。試完覺得下次淨食魚生飯便夠！所以正評係比

因為工作關係會到康怡廣場，打算食完午飯再回公司。前一天已經在搜尋要嘗試哪一間，最終在拉麵和這間之中我選了嘗試評分還不錯的呢間。因為是11點多還沒有太多人，所以我在買完可頌之後才來點餐。對燒魚套餐不感興趣的我在雜錦海鮮丼和海膽三文魚丼之間，最終敵不過檯位置坐下，旁邊有水供食客自助享用。等了大概十分鐘左右便可取餐了。看上去還不錯，喝第一口味噌湯有讓我驚豔到。味噌湯的料子有魚和蘿蔔等，怕先喝完會吃不完丼飯，所以喝了幾口就停下，但後來吃完飯再喝湯，湯變暖了以後再喝讓我有點後悔之前應該趁熱的時候就把湯喝完。變暖了以後味道沒剛拿到的時候好。再說丼飯，飯是有點暖的。三文魚不錯，但海膽跟平時在別家吃的口感有點不一樣。不懂分哪一種海膽才是好的，但這個我覺得麻麻，或許是可能不合我口味。價錢中等。在等候的時候聽見不少人都點燒魚定食，大概燒魚應該挺出色的，可惜我對燒魚真的不感興趣。下次再來，或許會試試其他丼飯，海膽試過一次就好了。

今日內到港島區行街，順便探下朋友，他說家樓下有一間日本餐廳價錢都唔算好貴，所以我哋今日就過咗來試一試。款式方面都有幾款二人套餐，最後我哋揀選左比較便宜的二人套餐巾，每人$150都不用到，價錢幾抵食在港島區，之後嘢食就嚟到，整體來講味道真係好普通，而且感覺上唔太新鮮。最好味的是魚，口感都唔錯，而且燒得都幾香口，肉都幾嫩滑，但另外的蝦同龍蝦就有失望，感覺上味道已經唔好食，而且口感唔新鮮，白飯好味而湯味都唔錯唔太鹹，但係以一個餐來說有一半嘢食都已經係唔新鮮，就好失望，如果係寫價錢的話去這餐廳附近還有其他的選擇。

嚴格黎講，佢係Food Court其中一間食肆，因平時見到門口都大排長龍，次次經過都唔會去食。食堂今日比較少人排隊，試下有幾好食啦!餐廳只有一張180度的吧枱，坐喺度用餐都有啲辛苦，坐得唔係好舒服，油煙又大。叫咗個三文魚飯同埋鰻魚飯都等咗一段時間， 我坐喺角落嗰個位俾我見到店員點樣整饅魚飯。 我見到佢張鰻魚放入微波爐叮一叮， 之後將鰻魚放上去加醬汁。心諗原來咁流入口都算過得去啦! 鰻魚雖然有骨都屬於軟骨，唔係靚的鰻魚，味道都唔錯，飯就爭少少啦， 唔係用珍珠米。三文魚都幾肥美，屬於薄片，好食過鰻魚飯。仲有一大碗的麵豉湯， 入面有好多蘿蔔片，但湯好稀。

好友帶路食好西，來到Aeon地下層的中庭，未到1245已經要排隊等候入座。座位全是bar枱形式，圍著中間的廚房，遠遠看著廚子在準備美食。看過餐牌，燒魚定食和海鮮丼都相當吸引。最後點選了帆立貝丼！如同餐牌一樣，帆立貝份量相當多，舖滿2/3碗邊，中間配上肥美的三文魚刺身，顏色鮮豔，賣相精美，味道又鮮味，！套餐配有湯，它不是普通味噌湯，而是三文魚味噌湯，內有三文魚骨、海帶、蘿蔔，味道清淡又鮮味！整體主食和配菜都出色！

收工約左朋友食dinner，朋友推薦d間價錢唔貴而且有一定水準既日本餐廳，我自己本身都幾鍾意食三文魚同甜蝦，就叫左個三文魚甜蝦丼，而我朋友就叫左鰻魚丼，刺身唔算多件，但每一件都幾大同夠曬新鮮，日本飯都俾得幾多，最尾都食唔曬..唔好既地方就係地方比較窄，出入會比較唔方便，不過整體都唔錯，行過aeon都見幾多人排隊食，所以去試一試

海鮮丼套餐十分豐盛，芝士開邊龍蝦十分香和惹味，燒蝦的殻亦十分香脆，咬上去是啖啖的蝦肉，魚生飯的份量亦不少，唯海膽不夠新鮮，麵鼓湯的溫度不夠熱，但食完仍感到十分滿足。套餐在做優惠送上的甲羅燒，裏面有很多蟹膏很鮮味， 十分值得去試試。

lunch時間去左太古，就去左aeon style food court食飯，店鋪位置正正係大戶屋對面，本身想叫灸燒三文魚飯，但店員話無，就唯有叫左個鰻魚重同埋鹽燒油甘魚鮫定食，另外加左10蚊轉迷你長腳蟹肉丼，朋友叫左鰻魚重（$88），賣相唔錯，朋友話好食鰻魚都幾肥，鰻魚分量都唔少，但甜蛋就太凍，可惜我唔好鰻魚所以無試到，跟set既麵豉湯都唔馬虎，裏面有三文魚肉，白蘿蔔，紅蘿蔔，香菇粒同埋海帶，非常豐富。鹽燒油甘魚鮫定食轉迷你長腳蟹肉丼,（$99+$10），蟹肉丼值得加錢，因為蟹肉都唔少，加上珍珠米都幾好食，兩款前菜我就一般，因為味道比較濃，油甘魚鮫加上檸檬汁非常好食，本身鹽燒魚鮫已經好多魚油好甘香，而且仲燒到個皮脆脆地，外脆內軟，加埋個飯都真係非常唔錯，下次會再黎試埋個灸燒三文魚飯。

太古區日本餐廳選擇唔少，但講到經濟實惠就一定要數太古吉之島入面food court 呢間日本店😆 呢間小店座位不多， 一到假日用膳時間永遠見到一條人龍！ 原因係呢間店實在係非常價廉物美😆 以往我成日都食佢嘅定食套餐或者海鮮丼，因為選擇多又抵食，最平$59 就有！ 今次因為我非常肚餓嘅關係今次叫咗二人餐，可以一次過食多D野！二人餐有三個選擇，今次揀$379 嘅海鮮丼雙人餐！ 內容包括有一隻芝士龍蝦、 鹽燒赤蝦兩隻、海鮮極丼、海膽三文魚丼同埋味噌湯兩碗😋😆先講海鮮極丼， 內容有赤蝦刺身、玉子、海膽刺身、金槍魚蓉、三文魚刺身同埋帶子刺身😊 份量好足，種類都算係極之豐富😆 金槍魚蓉同赤蝦都超甜超鮮美！ 海膽略為普通唔算太新鮮！ 三文魚同帶子適中，不過不失😄整體黎講一碗過食到咁多種類嘅海鮮，真係大滿足😆另外一個係三文魚海膽丼！ 份量同樣係非常多！ 但海膽質素比較普通，甜味唔夠😉值得一讚嘅係呢個芝士龍蝦！ 大大隻開邊龍蝦！芝士超入味！開咗邊好容易拆肉好易食！ 大大啖龍蝦肉鮮甜爽口真係超滿足😍😍另外兩隻鹽燒赤蝦都係好入味！ 蝦腳蝦殼炸軟咗超鬆脆香口🤩😋😋😋😋蝦裏面肉唔算多但超有味！再講味噌湯，係

今中午去了康怡Aron 地下food court 果間日式快餐，點了個烤魚雙人餐，包括有兩只燒大蝦、一只龍蝦開邊、一份塩燒油甘魚鮫定食，有白飯和味噌湯，一份鹽燒鯖魚定食配白飯和味噌湯！鹽燒大蝦很大隻，味道也鮮甜！每人半只鹽燒龍蝦也很新鮮，肉質也結實可口！盬燒鯖魚和油甘魚鮫醮些檸檬汁，咸咸酸酸的口感十分開胃，鲭魚肉質較實，而油甘魚鮫就很軟滑而入味！珍珠米的白飯，來一碗剛剛好！這個午餐十分足夠了！再喝那味噌湯味道也不錯！

之前經過幾次都見到好多人排隊，終於今日就來試下。未食之前覺得好抵食，好多丼都係幾十至百零蚊，咁我同男朋友就一共叫左兩個三文魚海膽丼送2碗味噌湯，加3隻蝦。先講碗湯，比想像中大碗，入面有加三文魚、 蘿蔔同其他配料去煲，味道ok， 不過我覺得味噌湯來來去去都係嗰隻味，我本身唔係特別鍾意飲。然後，先食三文魚同大蝦，感覺都算新鮮，呢個價錢來講都算唔錯。之後就食海膽，感覺唔係好新鮮.....可能係我地唔好彩，大家都覺得麻麻地....我覺得今次係我食過最難食嘅海膽.....成個丼因為海膽扣哂分

平常經過AEON style嘅 foodcourt 都係晚市時間，見到牆上長長嘅人龍就冇去試食，所以特別等過咗晚膳時間才去一試，我和先生分別叫咗燒鯖魚定食及燒赤魚定食，定食包括漬物小菜，三文魚湯湯和珍珠米白飯，認識價格十分相宜，而且分量充足，每款燒魚都肥美好味，🐟燒魚鮮味香脆香口，三文魚湯更加係大碗裝，香口燒魚，是抵食又好味嘅定食套餐，一定食得飽飽！但係餐廳座位唔多，所以如果Peak hours 去佢都要可能要等一陣才能入座

行完AEON，晚上9時多，遠遠目測ナカヨ食堂人流依然旺盛，又未嚐過，便隨意地到這兒晚飯去。Open Kitchen 模式，燒香味十分誘人。丼種類選擇多，超過二十多款。排隊等了15分鐘左右，入席bar 台，然後到收銀處點餐。分別點了一客NAKAYO丼 二代目 （店長推介）和帆立貝丼。兩款跟餐有碗味噌汁。成為＄298 。NAKAYO丼 二代目魚生種類多，有三文魚、吞拿鱼、海膽、帆立貝、北寄貝、蟹籽和大蝦，一碗試均各款式。味道新鮮，當中三文魚和北寄貝特別入口鮮甜；蟹籽則彈牙十足。米飯份量剛好，一口魚生，一口飯；和暖帶微酸。帆立貝丼則有十大片帆立貝、三文魚兩大片，也是入口軟腍。味噌汁則有大量蘿蔔片，味道則一般。整體丼物出色。