影片
影片
相片
+33
科學園發現呢間非常抵食嘅食料理，出品仲相當不錯，小店採用自助形式，堂食座位都非常闊落。人流唔多，好適合過嚟午餐。黑豚扒雞扒石板燒定食 非常澎湃嘅午餐，大大件黑豚扒，大大件雞扒放喺鐵板上燒，兩塊扒煎到黃金香脆，外皮脆脆，雞扒仲啖啖肉。黑豚扒非常嫩滑，味道幾甜，估唔到咁好食跟餐附上芝麻醬沙律，半隻溏心蛋，仲有飲品，真係非常抵食。豬軟骨味玉豚骨湯拉麵 湯底甜甜，拉麵都幾順滑亦掛湯，豬軟骨份量唔少，相當入味，軟骨又夠晒腍。味玉賣相不錯，半熟溏心，醬油味香，非常不錯。有齊木耳、魚板的配料，仲免費配麵豉湯，相當抵食。極品雪花肥牛味玉黑蒜油拉麵 賣相不錯，湯底有黑蒜油香，入口有豬骨湯味甜甜的，黑蒜油味道淡淡。肥牛非常腍滑，肥瘦適中。配上熱白桃烏龍茶，幾香甜濃味。
繼續閱讀
叫咗個滑蛋雞扒丼外賣 啲飯係硬 一舊舊 好難咬 啲雞扒有陣雪藏味 滑蛋完全唔合格 其實之前都幫襯過係冇咁差 今次直程係覺得唔可以食落口 開食肆點會俾啲咁嘅嘢客人食 沒有下次了 科學園到底有邊間丼飯好食 （絕望中）
繼續閱讀
叫左吉列豬扒拉麵，一開始黎左個豬軟骨拉麵，向店員反映後可能廚房心感抱歉，特登整左個台日Fusion 菜出嚟（見圖2）🙈🙈，之後聽到隔離枱話已經冇晒吉列豬扒，冇曬可以同客人講，唔好攞其他嘢出嚟搏懵，亦令我懷疑第一次比豬軟骨拉麵我嗰陣已經係想搏懵，店員態度係正常的，覺得係廚房問題，Anyway 冇下次😶🌫️。
繼續閱讀
我在外賣平台order了煎雞扒滑蛋丼，外賣自取過程從未經其他人手。回家後在飯盒中吃到鐵線，餐廳堅稱沒有使用任何鋼絲球，所以不會負任何責任！本已釋出善意，於下午茶時段沒太多客人的時間去餐廳講述事件經過，但店員表示負責人不在，留電話後只得到WhatsApp回覆垃圾訊息一個。餐廳堅稱沒有責任，叫客人有需要就直接報食環署。而過程之中，餐廳職員並沒有看過鐵線的照片，便一口咬定來自鋼絲球，亦因為自稱沒有用鋼絲球而拒絕負責。我覺得實在有必要公開事件，不要讓其他食客無辜受害。
繼續閱讀
鋪頭環境光線充足，裝飾佈置很日式很舒適！ 🐷咖喱吉列黑豚扒丼：黑豚扒質地很好，外脆來軟，小朋友食都咬得開。咖喱汁有很多蔬菜，很香很好味。🐮紐西蘭Hamilton 極級肉眼牛扒石板燒定食肉眼扒份量十足，肉質不錯，有牛香。石板如果可以熱啲就可以把牛扒溫度keep 得更好。 跟餐可選味噌湯或手工冷泡茶我地2個餐各一樣試吓。🥣味噌湯唔太咸，配料有豆腐粒+海帶👍🏻🍵冷泡茶茶地一般，唔算滑口，但味道不錯，可解油膩感。
繼續閱讀