グリル滿天星

營業中

休息中

我見到有不少人排隊，所以就貪得意，排了差不多半小時，滿心歡喜，很期待！雖然見到價錢有些貴，但好味都不要緊。叫了個幾有特色的粉紅色卡邦尼，味道一般，而且是乾身及硬了。再叫個$248的鰻魚蛋包飯，單看表面，蛋好似好好味又有蛋汁，饅魚貌似肥美，但食入口時就⋯⋯最後，還叫了朱古力窩夫，味道平凡。深感到，性價比低，質素不如一間茶餐廳，價值卻是極昂貴，又要排隊，花了半小時以上，埋單成接近$600，真的不會再光顧了！

呢間日本過江龍都可以話係相當之出名作為日本控既我，梗係無論排幾耐都要去食啦蒲燒鰻魚蛋包飯呢間名店首先當然要講佢既蛋包飯先啦果然名不虛傳每份蛋包飯宦竟然用上左3隻蘭王蛋！令佢每一份既蛋包飯既蛋都有勁蛋既蛋味而且佢既蛋亦整得creamy又滑溜，掂！鰻魚勁大條幾乎成隻碟咁大而且肉身都算厚幾肥美滿天星肉汁安格斯牛扒蛋包飯外層既蛋依然高水準而佢既牛扒更加係比我想像中好唔會煎到過熟，可以見到仲有少少生生地令佢食落都幾juicy有肉香忌廉蟹肉餅好有蟹鮮味，而且炸得外脆內軟美中不足之處係茄汁味太多而且太酸但作為開胃小食既話就岩岩好雜莓梳乎厘班戟估唔到係呢到都會食到個咁高質既梳乎厘班戟梳乎厘班戟超級動Ｌ而且食落有陣陣蛋香，可能都係用左蘭王蛋？雜莓好豐富亦好甜

聽人講左呢間過江龍蛋包飯好耐，咁岩晚市堂食又開返，然後又終於約到朋友黎試試佢。由於係晚市重開第一晚，好多人，所以都等左半個幾鐘先入到去。環境好nice，啲裝修係我鍾意號嘅無印加少少田園風，好岩同啲港女黎🤣坐低睇menu個時，其實都只係諗住叫蛋包飯，點知，見到啲waiter/ waitress 狂拎啲梳乎厘pancake 出黎！好似好應該叫咁！於是兩個人就叫左蛋包飯，炸雞（小食），同berries 梳乎厘 pancake 老實講，個蛋包飯係堅貴，雖然食落去係好食，蛋好香，飯都唔錯（似平時西炒飯底)，個漢堡都唔差，但成$238蚊一個飯，性價比有啲低。 炸雞唔差的，而梳乎厘pancake，um，高顏值咁囉In short, 未試過就可以試一次嘅

去滿天星食，人人都話食蛋包飯不過除咗蛋包飯，都可有其他選擇個扒煎耐咗，咬落口有啲韌不過個汁夠惹味，而且用小帶子去煮，提升味道！漢堡夠JUICY，有埋生菜、番茄，唔會太膩加埋香脆薯條兩至三個人都夠哂飽！

沒有粉紅色的一生但今天能擁有粉紅色的時間就在這裡ブリル‘’不知從何得知’‘最近有粉紅系列不喜歡粉紅色的在下決定來再嘗一餐得到粉紅天神的眷顧平常長爆滿 疊人龍的這家店居然在此時此刻不需要排隊那麼幸運的瞬間在下怎能錯過以9秒9的速度完成登店三步掃安心掃針卡量體溫進！今次被帶位到中間的位置坐在全場的中心是否有點矚目？（莫名其妙地自戀中）週一的下午能靜靜地在家不錯的餐廳好好High Tea給自己和食物共處短短一小時的粉紅浪漫時光 感覺真好下午三點三沒早上那麼開胃沒辦法吃太多的東西只好選部份的粉紅 留一些下次延續浪漫回憶和櫻花樹下只能選一真的不相伯仲浪漫回憶的打卡照應該比較美美的但又不希望因太多氣進入體內後 後的排氣階段會發生所以最後還是選上了櫻花樹下下午喝牛奶希望晚上不會拉肚子啊櫻花拿鐵 $58嗯..這是..小鳥的腳印小鳥踩在粉紅櫻花辦上的腳印是也有點可愛的賣相但恕在下想像不到這是櫻花樹😅（對不起 對不起 對不起）沒關係 它依舊掛著美美的名字‘櫻花樹下’綿綿口感和重重奶味又帶有「櫻花」🌸（？）甜像是被櫻花染蓋的牛奶🥛如同其名桜 Latte~💡店小二溫馨提示把其攪拌均勻味道更佳甜蝦牛油果他他 $

グリル滿天星展開, 推出6款充滿少女心嘅櫻花主題美食😍 日本正值櫻花季 可以品嚐樱花食品💕供應日期：4月15日至5月31日.🍛粉紅咖喱蛋包飯 $128 : 超吸睛嘅夢幻粉紅咖喱汁以椰奶、紅菜頭及忌廉汁、白咖喱、紅咖喱炮製而成😚 日本米加入帶子粒及蔬菜粒，再混入咖喱粉和提子乾炒香😋 味道帶微辣 好似泰式炒飯😚 招牌滑蛋用日本蘭王蛋及日本忌廉，蛋味濃厚，質感軟滑🥚.🍝粉紅卡邦尼$148 : 自家製淡粉色天使麵幼滑彈牙，配上煙肉及蜆肉，溫泉蛋選用日本蘭王蛋，蛋香味十足，以鹽漬櫻花作點綴🌸*兩款主菜均每日限量供應。. 🥞櫻花梳乎厘班戟 $138 : 每天14:30 後供應，梳乎厘帶少女櫻花色，忌廉非常輕盈，帶淡淡櫻花清香😍 晶瑩的啫喱裡面是鹽漬櫻花，如櫻花盛放般，賞心悅目🥰.🦀忌廉蟹肉餅 $148: 選用日本北海道松葉蟹肉，加幼滑忌廉及蘑菇粒好豐富🥰.🌸櫻花樹下 $58 : 加入櫻花糖水及士多啤梨奶調配，撒上粉紅色的櫻花粉，用朱古力漿畫出可愛的櫻花樹，甜香幼滑 ⭐️.💕浪漫回憶 $52 : 以櫻花糖水及梳打水 配上糖漬櫻花炮製，清爽香甜👍🏼

終於食咗呢間東京43年老字號，成個環境好靚好鍾意呢種日本西餐廳風格，講翻啲嘢食先呢個薄燒鰻魚蛋包飯原條鰻魚蓋面配埋用蘭王蛋整嘅滑蛋面，蛋色澤偏橙黃入口creamy而飯底係番茄炒飯，你食第一啖要一層飯一層蛋一口鰻魚，呢個三重感好正好好味，蛋汁滲入哂個飯底，番茄酸甜蛋嘅甜同鰻魚濃郁嘅醬汁香，嘩~~~~~~~好正㗎另一個我揀咗日式咖哩炸蝦蛋包飯，佢個炸蝦好肯定可以講係我喺香港食過最好食嘅炸蝦，炸粉係好啱啱好咁薄薄的包住個蝦身，咬落去外脆蝦肉爽口，而且個蝦係好新鮮好爽甜㗎！最後就係個士多啤梨梳乎厘班戟啦~~arrrrr佢算係比鬆軟感嘅梳乎厘班戟，彈彈吓咁入口即溶，係好日本食嘅嗰種風格，蛋香味十足，同埋佢個士多啤梨係好甜㗎！呢個係真正嘅幸福感🥰🥰

沒想到能在復職前有機會吃到這裡的梳乎厘在下選了原味的什麼都從原味開始制作時間約20分鐘玩玩電話時間就過了梳乎厘有2件旁邊還有一顆..?先試試味吧！芝士味香濃小小的甜喜歡原來是一顆蜂蜜起司球日式的原味梳乎厘原來可以這樣配真的很不錯然後就是吃主角軟軟的滑滑的外皮焗得好香 還有點蛋糕皮的質感中間有點濕濕的 但一點也不粘入口能化 香味會填充整個口腔有時候吃梳乎厘有像吃空氣像是什麼都沒吃上但又好像有點飽了第二塊時倒入了點糖漿味道層次有所提升但對在下而言就有點太甜了..希望下次來時是不趕時間能好好地吃吃其他的

平時見到好多人排隊，趁而家有海港城coupon，今晚就去外賣返屋企試吓。叫咗一個安格斯牛扒蛋包飯，同埋一個漢堡扒蛋包飯，仲有一個蕃茄沙律。一打開個賣相好麻麻，即刻試吓個牛扒先，超級韌！咬到牙胶都痛，仲差過係超市嗰啲美國牛扒。然後再試吓個飯，硬硬地好似未熟咁，蛋就正正常常囉。另外個沙律，食食吓食到有發泡膠黐住係啲菜上面🤬🤬🤬真係不能夠接受。整體而言，非常之失望，亦都非常之垃圾，非常建議唔洗試！

滿天星係日本老牌日式洋食店，以蛋包飯作主打，今次機緣巧合嚟試下。以食物質素嚟講，應該無下次，因為價錢實在唔平。蒲燒鰻魚蛋包飯蛋味非常濃郁，蛋包香滑。飯底加入青豆、香菇等材料，預先經過烹煮。我預先期望係珍珠米煮嘅白飯，男友覺得同飯嘅味道蛋包唔夾，大概可能因為醬汁搶曬味？呢個蛋包飯盛惠200幾蚊，以味道嚟講，食完覺得唔太值，應該貴在嘅製作嘅過程芝士漢堡普通到不能再普通，中間嘅漢堡牛肉餅偏乾身，不過好在舊肉煮得都算稔日式唐揚炸雞男友覺得炸雞皮厚肉少，我覺得還好，始終炸雞層皮係精華。佢層皮唔脆，配上特別嘅蛋黃味加芥末味嘅醬汁，都算幾特別Milkshake 朱古力曲奇奶昔好甜好甜，飲完即飽。朱古力愛好者可以一試，但如果唔鐘意食甜嘢就唔好嗌

趁著疫情下晚市外賣自取好多優惠，就嚟試吓呢日新開嘅日本過江龍蛋包飯，之前去日本都聽過呢間不過未試過。呢日7PM去到，估唔到有好多人排隊買外賣，但係原來外賣係0折扣，都咁多人排隊!有個二人餐，有湯有兩個MAIN，可以加小食，唔知係外賣期間限定出定不嬲都有，但其實二人餐唔算太抵，不過照買左試下。都要等大約20-30分鐘，去行下街之後再番去攞~湯，唔錯幾CREAMY，有D麵包碎幾好味~滿天星咖哩蛋包飯本身想叫冇咖哩個版本，因為驚咖哩太濃味令到個蛋包飯冇味唔夠香，點知道個咖哩好好味，蛋包飯亦都好香，蛋好滑，加左咖哩D飯好好食~另一個MAIN叫左明太子大蝦意粉D明太子好濃味，少少辣，D蝦幾彈牙唔錯，意粉都OK幾好食吉列大蝦真係好大隻呀，但唔會好厚粉，適中，隻蝦好好食，熱辣辣好脆，食一隻都飽炸雞都係好好食，好大舊，D皮炸得超脆好邪惡完全冇雪味臭味，冇筋，口感唔錯見佢D食物幾靚，下次要堂食打下卡先~食物味道唔錯不過價錢偏貴，堂食打埋卡就差唔多啦~

行街經過見到人多多排長龍，又一間日本過江龍嚟到香港，為食如我當然要試啦😋 哩間「グリル滿天星」係東京43年嘅老字號蛋包飯專門店，香港首間分店就係海港城。前面有10個人左右，等咗差不多半個鐘就可以入座，等候時長都好合理。餐廳座位間距較闊落，感覺唔會逼。嚟到梗係要試吓佢個皇牌「滿天星肉汁漢堡扒蛋包飯」啦😍 一人一個飯，另外再配小食同飲品，可以一次過試多啲唔同嘅野😋✨滿天星肉汁漢堡扒蛋包飯 $238擺盤同顏色配搭都好靚，雞蛋份量多，而且顏色偏橙，一睇都知係靚蛋😂 蛋上亦有蝦肉及帶子，蛋味香濃滑溜，整體級數提升不少。飯底係炒飯類型，日本米配上竹筍、洋蔥、粟米、香菇粒等等。每一啖都有多種材料，口感好豐富👍🏻 漢堡扒好厚身，肉質鬆軟、肉味濃郁。哩款蛋包飯有齊兩款醬汁，分別係配搭茄汁底蛋包飯食嘅蛋包飯汁同埋配搭漢堡扒嘅日式肉汁，每款食材配搭對應嘅醬汁可以更突出味道🤤✨日式咖哩吉列豬扒蛋包飯 $228雞蛋同飯底做得出色，配埋微辣香甜嘅咖哩，感覺好清新。吉列豬扒熱辣辣，表面炸得好香脆，肉質鬆軟👏🏻✨香炸芝士條 $78芝士條真係條條都拉絲，芝士味濃郁，表皮炸到脆卜卜，值得一試‼️✨凍檸檬茶 $42凍檸茶味道

最近有海港城餐廳coupon 見到連滿天星都可以用 之前又未試過所以今日決定試一試日本名牌蛋包飯預左要食就要排隊但今日等左十分鐘 裏面位置都算多 所以消人龍都算快手但前身係西式餐廳 有望海景既views 但裝修完就無左 變左裝飾牆 無景睇望左望餐牌 都係揀招牌滿天星招牌咖哩蛋包飯$128滿天星選用既蛋係蘭王 日本頂級嘅雞蛋蛋味濃郁 而且會好稠上到枱 雞蛋既顏色好橙黃 咖哩汁佔左碟既一半 而且擺盤都好有心思 有星星形狀既紅蘿蔔飯底用左咖哩汁去炒飯再加左提子乾同帶子粒成件事好味日本黑豚咖哩飯$188其實依款反而唔係咁推介 因為無蛋豚肉唔差 好嫩 個皮炸得都好脆Milkshake $78 (朱古力味)好重朱古力味 啲忌廉好滑口成杯都有朱古力碎 係每吸一啖都有朱古力控係唔可以錯過士多啤梨梳乎厘班戟$138士多啤梨好甜 梳乎厘有兩塊 面頭有少少脆裏面就淋淋既連男仔麻麻地甜品都讚好食如果食左飯再加依款甜品啱啱好

又係疫情嘅中午時間，今日去咗尖沙咀海港城去年11月新開的過江龍。《滿天星肉汁漢堡蛋包飯》238 + 10%《吉列日本黑豚咖喱飯》188 + 10%《士多啤梨窩夫》128 + 10% 《士多啤梨奶昔》78 + 10%大家可能估唔到，係呢一間餐廳，我最欣賞係佢嘅甜品同埋奶昔。 士多啤梨窩夫🧇，口感香脆，窩夫有淡淡蛋香。呢個甜品上面仲有個士多啤梨雪糕加少少脆脆。個脆脆係好好味嘅。成個甜品嘅層次都提升😋士多啤梨奶昔亦都好高分，唔會太甜👍🏻👍🏻.一定要試食。反而主食，我認為咖喱豬扒飯比較好食。正宗日本咖喱唔會太辣。有少少甜味。適合小朋友一齊食。😊蛋包飯，味道唔算太突出。蛋裏面嘅飯係有茄汁一齊煮所以會有啲甜味。但本人又唔係太欣賞。 😅

之前去日本成日見到呢間蛋包飯老店，但一直冇試到終於佢開咗黎香港啦！今次試咗最普通嘅少滿天星肉汁蛋包飯＄128賣相完美冇得彈主角雞蛋亦嫰滑多汁本身個飯都有配細細粒嘅彈牙帶子撈埋啲甜甜哋嘅汁一齊食Um冇得輸雜莓梳乎厘班戟＄138呢個就不過不失，蛋香係有但入面好似唔太熟