グリル滿天星

營業中

休息中

同朋友行街，先知原來BLT burger轉左呢間餐廳。門口menu都幾吸引，咁岩行到攰，下午茶時間就決定食佢試下。環境幾日本feel既西餐，食物選擇都幾多，有咖喱蛋包飯，burger，芭菲，梳乎厘pancake等。同朋友share 左個burger 同梳乎厘pancake。經典芝士漢堡：Burger 唔錯，牛肉好juice，薯條都冇炸到乾晒，整體唔錯，賣相靚仔增加食慾。雜莓梳乎厘pancake：Pancake 有蛋香，夠鬆軟，配雜莓酸酸甜甜好開胃

人氣蛋包飯專門店,今期夏天推出新限定口味靜岡蜜瓜甜品　靜岡蜜瓜窩夫＋慢煮10小時牛舌蛋包飯  今年推出「靜岡蜜瓜祭」有靜岡蜜瓜芭菲、靜岡蜜瓜窩夫及靜岡蜜瓜疏乎厘主食類全新的一口厚切牛舌咖喱飯及焗飯、焗長通粉 靜岡皇冠蜜瓜為日本的蜜瓜品種，在溫室栽種係頂級水果 甜度特別高同多肉汁由7月20起供應至10月底,限時供應限量供應,賣完就無炒蛋特別香滑,用上日本新鮮蛋,味濃口感滑嫩,包住炒過既西式炒底飯,配埋特製既醬汁口感味道豐富又好食飲品選擇多,奶昔都係特別推介既,抹茶幻昔,香滑之餘濃郁既奶味,慢慢飲到抹茶既甘甜尖沙咀海港城海運大廈3樓OT301-301A號舖消費$500

公司搬咗嚟海港城，中午我就在商場揾食，每次經過滿天星都有人排隊，所以一直未試過，今日女伴要求唯有遵命，齊齊排隊，好彩星期一人唔多，15分鐘左右有得食。呢度主打蛋包飯，吃過一口厚切牛舌咖喱包飯，用最正嘅日本蘭王蛋，的確唔差，整得很滑，而且飯裏面有海鮮粒，是豐富的，個人最欣賞咖喱，幾香幾好味，配飯好夾，牛舌都好，很嫩，吸汁。女伴食意粉，見到她的白汁芝士海鮮焗長通粉好多汁，好好味咁，海鮮都唔少。正在推廣靜岡蜜瓜，所以點了芭菲及窩夫各一，幾相似一樣有蜜瓜及雪糕，蜜瓜非常甜，雪糕奶味香，窩夫口感好。凍朱古力好飲，有朱古力碎粒在飲品中，非常好。

日本過江龍蛋包飯專門店之前成日見到人龍平日下午5點左右到冇人龍即入環境乾淨企理服務員都好有禮貌叫了一個主菜一個甜品甜品可以後上【吉列日本黑豚咖喱飯】炒蛋真係好嫩滑炸豬扒就正常肉質比較硬身冇乜肥肉份量都算大份咖喱汁都係一般冇乜特別【日式梳乎厘pancake】甜品比主菜優勝梳乎厘空氣感十足影咗成五分鐘相賣相仍然同上枱時冇乜分別楓糖漿配上honeycomb牛油忌廉都好creamy 蛋香味濃入口即溶 一個人食晒兩件絕對唔多！

我認我係犯賤，雖然係食之前都有睇過食評，所以本身都唔會有expectation,但係估唔到真係差成咁，首先點左個周打蜆湯，結到以為自己食緊芡咁，mos burger 個周打蜆湯仲好飲過佢多多聲，盛惠$68一個，再嚟牛油果大蝦沙律，呢個就正常發揮，冇乜特別出色，因為主要都係靠個醬，主菜係厚切咖喱牛舌蛋包飯，首先講個重點炒蛋，仲炒得老過我屋企樓下間茶餐廳既茶餐，即刻大打折扣，咖喱汁就有啲似係加水個款咖喱磚，正常味道，牛舌個口感就有小小柴，似係湯渣既感覺，最後就係個炒飯，只係一個普通咖喱粉炒飯仲要係唔熱既。奉勸各位，未食嘅真係唔好嘥時間同金錢係呢一間野到，同價錢完全不成正比。三樣嘢總共食咗$477

グリル滿天星 (尖沙咀）人龍排隊店成日經過都勁多人排隊今次專登食完晚飯再去食甜品大約9pm左右去到唔需要排隊雜莓梳乎厘班戟🥞（$138)梳乎厘超鬆軟入口即溶軟綿綿好香甜雜莓都有好多但略嫌最入面仲有少少未熟透口感比較黏口同濕潤抹茶窩夫🍵（$128)窩夫好鬆脆抹茶醬超濃郁而且回甘配埋紅豆同微甜嘅雪糕一齊食真係超夾雪糕帶有抹茶味之餘仲非常軟滑個人認為比班戟更加出色藍莓芝士蛋糕奶昔（$78)賣相好靚之餘亦都飲得出好足料味道清新又唔會過甜呢間日本過江龍食物質素真係唔錯不過值得一提嘅係員工質素真係有待改善當日餐廳10pm關門我哋接近9pm左右去到門口兩名員工竟然對望反白眼極度唔情願接待實在令人失望😞

今日中午同家人去滿天星食午餐，排隊大約15 分鐘左右就入到去，就點左咖喱吉列豬扒蛋包飯，吉列豬扒咖喱飯，鰻魚咖喱蛋包飯，原本都好期望有日本🇯🇵滿天星的水準，因為價錢都唔平三個合共790幾蚊，但係食咗之後感覺值零分，啲飯硬度簡直食唔落，啲飯又凍，雞蛋又吵得佬，豬扒半舊都係肥豬肉，（各位如果想食好食嘅蛋包飯介紹你去西灣河太安樓對面街）雖然40幾蚊一個飯好食過佢一百倍。其實啲服務員問去吉列豬扒同黑豚豬扒嘅分別佢只係答一樣。答左好似無答，一啲都唔專業。收到二百幾蚊嗰餐應該俾返啲質素啲客人。好失望下次一定唔會幫襯。

收工時間排左1個幾鐘🤣🤣🤣排到男朋友就發脾氣🥶不過不負所望！！！食到我地心目中好好味既蛋包飯！！！入面係西炒飯feel，有d提子乾～雖然我平時好憎食提子乾，但佢炒埋一齊唔係好覺，完全食到！個蛋超滑超厚，連埋咖喱汁超夾～炸蝦炸蠔都好滿意，炸粉唔厚，夠脆！最驚喜係有好日式既海鮮salad! 有三文魚，帶子刺身同大蝦，沙律菜好新鮮！值得試！本身好想試埋個梳乎里，但真係太飽，留返下次閒日冇咁多人再黎食過！！

呢間日本過江龍嘅蛋包飯店，次次行過都大排長龍。有日經過見到條龍唔係好長，即管試下係咪咁真係咁好味，值得排隊。好彩等咗十分鐘就有位，當然要試下蛋包飯，於是叫咗個漢堡扒蛋包飯。呢個蛋包飯都幾大份吓，蛋係嫩滑，但炒飯同個汁就好一般，漢堡扒都係好一般，問心呢個飯唔係好值二百幾蚊。再叫咗個梳乎厘班㦸，呢個都ok鬆軟，但係我覺得幸福pancake好味啲。抹茶芭菲都ok嘅，正正常常，無乜特別，唯獨雪糕好快溶😅

每次經過海港城，滿天星勁多人排隊今晚5點35分排，已有10人排隊用餐時間只有90分鐘，我食完有幾十人排隊賣相是靚，但食物質素一般，與價錢不成正比雞蛋太老米唔好味食緊茶餐廳的西炒飯薯仔沙律，薯仔太溶幸而班戟夠滑食蛋包飯，去灣仔的貓之眼又平又正連鎖店Co Co 也不錯

叫咗招牌嘅鰻魚蛋包飯，鰻魚燒得非常好食，比唔少專飯鰻魚日式舖頭都整得更好！蛋香非常濃，果然係用蘭王蛋！雖然價錢有啲貴，但用海港城coupon後個人覺得超值！另一個就帶咗都係招牌嘅漢堡扒蛋包飯，漢堡扒整得非常林，肉味濃，不過對比鰻魚，個人就更喜歡鰻魚，但如果想食漢堡扒嘅朋友都唔會失望！一間唔係主打班戟嘅舖頭來講，佢算做得好唔錯尤其啲集妹好甜幾新鮮如果想揀甜品都可以考慮！有啲後悔冇嗌到近期限定嘅靜岡蜜瓜聖代，見到隔離枱叫啲蜜瓜好似好正，下次一定要食

呢間滿天星次次經過都超多人，難得平日20:30行過冇人排隊，就去試下啦！我同家姐2個人叫左3樣野：🍽牛油果大蝦凱撒沙律份量都好大，蝦都好大隻，健康之選🍽蒲燒鰻魚蛋包飯賣相好靚，鰻魚好大條，蛋包飯我至愛，好好食！🍽雜莓疏乎厘班戟疏乎厘班戟都食過好多次，不過呢個真係堅好食，因為幾款莓都唔會好酸，連埋cream同pancake一齊食好夾，一啲都唔覺漏。有驚喜總結：2個人埋單$500幾，食物樣樣都好食，尤其蛋包飯同pancake都好靚，而且份量唔少，我地今餐食到好飽。如果唔駛等位的話，會再嚟試下其他野。推介👍🏻

次次經過都見到咁多人排隊,閒日終於可以少啲人，試到佢喇！朱古力奶昔好足料，不過一個人飲有啲漏，好彩老公幫口飲，始終都係朱古力所以都比較甜，不過係好好飲嘅。另外叫咗個海鮮沙律，有蝦、帶子、三文魚同蟹子，蟹子好爽口，咬落去卜卜聲，三文魚帶子都算多。咖哩吉列豬扒蛋包飯，咖哩汁夠多，豬扒 小肥，有啲豬筋幾好味， 蛋包飯裏面嘅飯係咖喱炒飯， 連埋出面啲咖哩汁，雙重享受。士多啤梨梳乎厘係呢間鋪頭嘅招牌甜品，要下午茶嘅時間先可以試到，賣相吸引，呃like好幫手，的確好食，梳乎厘軟綿綿。今次揀呢間餐廳係因為有海港城coupon， 食咗六百幾蚊減番300蚊，幾抵食，但係如果冇coupon就覺得比較貴。

哩間日本大阪過江龍蛋包飯之神滿天星係香港已經一段時間，成日經過都見到排哂長龍，趁住仲有半價優惠券，今日難得有機會，決定一試。日式咖喱吉列豬扒蛋包飯用蘭王蛋整的蛋包飯，赤黃色的蛋汁，蛋味香濃，不愧係出自蘭王蛋。豬扒外脆內軟，唔會話好鞋口。未食過可以一試過江龍既日式蛋包飯。

weekday喺尖沙咀唔係午餐時段，JS cafe居然大排長龍，所以轉嚟咗滿天星諗住食佢嘅梳乎厘pancake.叫咗一個原味($108) ，一個係朱古力香蕉味($138) 。 首先，上碟係每碟都係得兩件嘅啫，而且每一件呢係比平時喺happy pancake嗰啲食嘅要細件！ 仲要埋加一，即係話一件已經要差唔多七十幾蚊！感覺唔係好抵！咁味道方面，原味我覺得ok嘅，但係佢個糖漿呢有一陣怪味，個牛油醬係好食嘅。佢texture係梳乎厘一啲，比較軟身嘅，即係d 醬係上面都好似會令到嗰個pancake塌落嚟嗰種。至於朱古力味，個朱古力醬單食係非常濃沃嘅，就好似直接將啲朱古力隔水溶咗咁，好濃味，但係偏苦澀嘅，加埋個梳乎厘就會冇哂pancake味，係唔夾嘅，會搶曬所有味，所以覺得非常一般。結論就係始終梳乎厘pancake都係要去專係買梳乎厘pancake嘅餐廳，呢度係貴+細件+味道一般。