ねずみの王冠 喫茶店

營業中

休息中

大蝦沙律：個沙律醬味道都ok 一碟有3隻大蝦 仲要細細碟六粒章魚燒：出面買廿蚊章魚燒都好食過佢豚肉鍋：同吉野家火鍋不相伯仲原條鰻魚飯：鰻魚幾好食 個飯底就無味飲品：淡而無味

第一次黎到Hamata crown cafe 食晚餐，之前黎過食一次午餐，覺得性比價好好就同朋友約係到聚會。呢到環境好好,又有特式,岩晒一班朋友聚會。海鮮茶漬飯$108呢個好有特色，飯有唔少海鮮，蝦，蜆，魚等等。自己再倒茶。大蝦蟹子沙律$78份量Ok, 加埋黑醋同沙律醬點綴，整體好清新。十勝一口牛$108和牛好彈牙，好香牛肉味，加埋炒洋蔥值得一試。神戶野菜牛肉鍋$118呢個野菜鍋有唔少配菜，樣樣都有d, 而且湯底好濃郁，牛肉便入晒味。

呢間系有最低消費(不過一般都超過既~很簡單)，同埋最好BOOK定位。超美的環境我午市去都滿座~勝在靚，環境好~ 仲有精品賣，坐系呢個地方~真系要悠閒先好~ 絕對唔系食飯趕完去返工果種~  人地介紹~ 黎呢度食~幾多人叫吉列豬扒飯~ 飯比較少，但豬扒唔"鞋"~軟熟~炸脆程度系真系炸脆~唔同出面有D硬乾脆咬落去會吉親個嘴仲會食完生飛滋果隻~呢隻系配埋距隻咖喱汁~真系好味~ 另外本來想試既雞球~ 礙於價錢... 我無叫到... 但見到隔離個叫左~個份量...都幾大件..好吸引><距食得你飽~因爲豬扒都唔細~但唔會好多飯(澱粉質)~ 唔會食膩~感覺食完個優雅既餐咁坐位~ 距可以坐沙發或者地下既~我就最鐘意試新野 XD 黎呢度唔坐地下感受下..做咩要黎呢度XD系咪先~不過坐果個位系要除鞋既~大家自己注意啦~竟然有柴犬公仔~ 好可愛~ 距呢度公仔唔算多~ 但有一隻半隻都算錦上添花~另外烏龍檸檬茶~幾好~出面好少有~值得一試~連放糖..都有心意用花形裝...方形糖最後附下餐牌

經常都話去觀塘，都未必一定要去連鎖集團既餐廳！🍴今日就同大家介紹一間在工廈內的小餐廳～～ 🍴 🐟💬：小編同朋友選擇了二人前套餐，包括有：🔖前菜：和風煙三魚沙律 和風煙三魚沙律 🔖副菜：吉列魷魚配他他汁 吉列魷魚配他他汁 🐟💬：如果他他汁另上就好...🔖主菜：牛油雜菌煎帶子、神戶雜菜牛肉鍋 牛油雜菌煎帶子 🐟💬：帶子好大粒，同埋都好入味。眼見旁邊張枱既食客係叫蝦的，見到我地碟帶子，立即話：「最衰我地都叫帶子啦」ＸＤ🔖食事：海鮮土壺茶漬飯 海鮮土壺茶漬飯 🐟💬：估唔到茶同海鮮既味，都滲透每粒飯入面！重有蝦、青口、帶子！幾好食！🔖甜品：泡芺🍴合共498元(未包加一)🍴部分飲品跟餐會有半價，不過我地想試新野，所以叫左個原價既飲品。🍴🔖藍柑+牛奶雪糕（$5x） 藍柑+牛奶雪糕 🐟💬：杯野飲會轉色！重係扮富士山的，扼LIKE一流XD🍴餐廳環境好舒服，傾計一流！ 🍴出面重有買精品既地方，食飽飽可以出去行下。 🍴有位疑似餐廳老闆重出來幫我地影合照！同埋問我地覺得D食物點，非常親切！🍴🐟📝：8.5/10🍴🍽🐟📝📌Hamsta Crown Coffee（ねずみの王冠 喫茶店 ）📍地址：觀塘巧明

呢間餐廳走日式森林風，俾人有種錯覺喺日本民宿。佢嘅食物都幾多元化有鍋、炒飯、沙律、串燒等等。我哋叫咗個左口魚裙邊沙律，意想不到嘅好食。左口魚因為燒過所以好香口，同埋配搭酸酸甜甜嘅芥末沙律醬都令人一口接一口。另外都叫咗原條蒲燒鰻魚炒飯，份量好足，好味，兩個人share食都夠，條魚好足料好大條，好抵食。串燒我哋叫咗和牛串、牛脷、雞肉串等等，味道都正常。我哋都叫咗燒明太子雞翼，佢炸得好香口入面有好多明太子，幾好食。平時下午茶，都有tea set都幾抵食，下次可以黎試吓。點入邊嘅環境同埋店員嘅服務都好好，我哋都傾左好耐計先走。好適合約一班朋友鍾意食日本野同埋想舒服傾計嘅。

一睇個景都知係打咭影相嘅地方，不過唔知係咪平日關係，唔算多人，靜靜地、幾好坐。Cafe有個小corner賣日貨，另一邊就係餐飲。介紹完環境，就介紹下食物以下係我今晚嘅菜單 : 原條蒲燒鰻魚炒飯全條鰻魚尚算肥美，而且啲飯都好好味。依在場所見，幾多人叫神戶野菜牛肉鍋啲料都幾多，我鐘意哩種粉絲滑嘟嘟，配埋佢俾嘅醬一齊食仲好味。七味軟殼蟹不錯，一般水準抹茶鮮奶咖啡(唔記得叫咩名😅)濃濃嘅抹茶味，抹茶控會鐘意

朋友生日，想搵間舒舒服服嘅cafe食飯傾計，於是就嚟咗觀塘工廈中嘅呢間cafe,一入嚟已經好鍾呢度嘅環境，成個感覺好舒服，有家的感覺XD炸魷魚圈燒和牛 / 牛和好有牛味，正呀！！日式饅魚飯呢個不得不點！！海鮮鍋，好足料！！

兩個人靜靜地想搵個地方靜下可以黎到觀塘嘅 Hamsta Crown Coffee裝潢充滿日本風格 一片寧靜 最適合兩人談心先點左個七味軟殼蟹 ($82) 外脆內軟而且七味粉嘅調味非常夠 好惹味👍🏻另外要左個明太子蟹肉炒飯 ($118)明太子分量足夠 但略嫌味道稍為淡左少少最後叫左個神户野菜牛肉鍋 ($118)清淡慢食之選 兩人涮下涮下 可以食耐啲😆________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

今日同朋友係觀塘行完街，朋友就話要食依間coffee shop！入到去餐廳感覺好日式森林系，好舒服。門口俾人感覺似宮崎俊嘅主題。入面嘅裝修都係耳目同埋綠色為主。都已經好肚餓，食嘢為要！我哋叫咗串燒、沙律同埋兩個炒飯。叫咗左口魚裙邊芥末忌廉沙律，味道十分之出色。左口魚灸燒過，好香嘅燒烤味，配合酸酸甜甜嘅芥末沙律，好開胃。明太子蟹肉炒飯同埋原條蒲燒鰻魚炒飯。對比之下太子蟹肉炒飯比較普通。因為鰻魚飯太瘋狂地好食。原條鰻魚炒飯好好味，條鰻魚比足料，厚肉的，醬汁都唔會過甜或者過鹹。推介大家，一定要試呢個鰻魚炒飯。真係好正！其他食物水準都不錯，呢間餐廳好適合同朋友一齊過嚟慢慢傾計食飯。串燒也不錯的說哦。

好喜歡間唔中都發掘下觀塘有咩好Café今次去左間超日系又舒服既咖啡店，食左餐好滿足既日系晚餐🍽Café全店都以木系暖色打造，燈光柔和舒適，空間感很大👍🏻一 入門口就有個出售日本商品的角落直入就是用餐的地方，有沙發位又有塌塌米位，入到餐廳總覺得好溫馨的感覺家的感覺😙 晚餐呢到主打有日式鍋，我地選擇左以下幾款🐶鹿兒島豬軟骨野菜鍋($128)🐶明太子蟹肉炒飯($118)🐶七味墨魚咀($68)🐶檸檬tart ($34)小巧的日式鍋好岩兩個女仔食，份量剛好，🐽豬軟骨算腍，加上野菜配搭不會覺得膩火鍋湯算幾濃郁，所以配菜入曬味，好好味，飲左好多湯，哈😋另外墨魚咀新鮮炸起，大大粒，不過份量唔多，但加入七味粉，好惹味！明太子蟹肉炒飯就有d失望，食唔到明太子味，有蟹肉，但只算是一個普通炒飯！最後既甜品 檸檬tart 好有驚喜，加上焦糖醬，好好食！唔太甜！👍🏻餐廳最吸引是坐得好舒服，好岩傾計hea既好地方！

今晚我地又黎覓食工廈，今次去觀塘區。夜晚嘅觀塘工廈區少左來去匆匆嘅上班族所以顯得份外安靜，令到我地都放慢腳步去探索隱藏於工廈裏的好西。餐廳位於巧明街106號冠力工業大廈1501室，由觀塘地鐵站B3出口行過去唔使5分鐘，非常就腳。我地未夠7點已經到左，已有一半客人就座啦。餐廳無論裝修佈置或餐具野食都非常日式，仲有塌塌米位呀！我地今次勁好彩地安排坐塌塌米，勁舒服勁寬闊！講返野食，選擇都幾多，有前菜、小食、御飯、鍋物、串燒、燒物、一品料理等等，Menu有埋圖片，真係花多眼亂🙈蟹子沙律$48青瓜絲新鮮爽脆，加上粒粒蟹子食落去脆卜卜喺口中爆發，沙律醬份量恰到好處，開胃又清新。日式他他醬吉列魷魚$68呢個好有驚喜！魷魚大大舊又厚肉，炸到金黃酥脆，入面彈牙有咬口，加上大量邪惡日式他他醬，勁好食！🤤雞翼串$28，和牛串$39，牛脷串$37，免治雞肉串$32，雞軟骨串$22，紫蕃薯串$33呢度嘅串燒都做得幾出色，尤其係雞翼同免治雞肉，外皮燒得乾身微微焦香，入面仲好juicy, 調味唔會過重，正！原條蒲燒鰻魚炒飯$148鰻魚厚身幾大條，配以鰻魚汁蛋炒飯，絕對冇得輸！呢間餐廳無論食物同環境整體感覺好好，又坐

今天來到位於觀塘鬧市中心的一間日式餐廳<<HAMSTA CROWN CORNER>>只看門面已經很有日本的感覺如果假日來的話，就要先在樓下登記才可以上來喔！一入店面有一個擺放了很多精品的位置，感覺得特別當然賣的東西也離不開是日本精品入到店內感覺十分舒服，真的跟日本的餐廳很像。還特別有一個角落是給你跪座的，看來是用來招呼真正的日本朋友吧店內每個角落也有不少擺設，看出店主的心思。在這裡真的可以座一整晚，因為實在太舒服了。到了吃貨的時候了！頭盤點了<<左口魚芥苿忌廉沙律>>，味道比較濃，很惹味之後有些串燒，有燒蝦，牛脷串和紫薯串，牛脷味道沒有被醬料庶過，算是不錯。之後來了個是<<大阪麵豉豚肉豆腐鍋>>，上枱嘅時候仲有個小火爐，可以保持著熱辣辣。呢吓唔錯材料都幾豐富，豚肉嫩滑，味道比較清新健康，唔錯。最後是<<原條燒鰻魚炒飯>>，一上枱已經心心眼！鰻魚超級大條份量十足👍🏻配埋粒粒分明嘅炒飯一齊食，正！最美中不足的是這裡沒有酒類的飲品。不然這些食物送酒是一流的。哈哈

餐廳裝潢以和風作主調，淺色既裝修加柔和既燈光，令人感覺好舒服，果晚同朋友傾計傾左好耐，侍應好貼心不斷幫我地加茶，令我地坐到唔捨得走！Menu圖文並茂，選擇頗多，我地揀左好耐先做到決定🙈1. 神戶野菜牛肉鍋 $118由於太肚餓，朋友叫左個鍋物打打底先。牛肉鍋既牛肉肥瘦適中，恰到好處，因為加左好多蔬菜，有豆腐、蛋同牛肉，所以個湯底好鮮甜！原本嗌依個牛肉鍋都冇諗過會飲哂d湯架，但同朋友一人一啖，最後竟然成煲清哂，連一滴湯都冇得剩😆2. 原條蒲燒鰻魚炒飯$148鰻魚表面燒得唔算香但夠大條夠厚身，啖啖肉，正！炒飯用左珍珠米，粒粒分明又飽滿，加左雞蛋炒得夠味乾身又香口，唔錯！3. Belgium Light Chocolate Cake $38外表好有層次感！朱古力味好香濃，唔會過甜岩曬我！加埋上面層綿滑的cream，中和左一啲苦膩，讚👍🏻整體而言餐廳裝潢舒適、服務殷勤、食物唔錯，價錢唔貴，可以encore😆

個日同女朋友加個男仔fd行觀塘,見到呢間嘢就試下啦,平時都好少係呢頭食飯,覺得應該麻麻! 食完發覺都幾好食喎,價錢又唔係太貴都幾合理! 我地叫左9樣餸, 而最好食就係’日式廣島炸蠔’ 同 ‘明太子蟹肉炒飯’ 真係回味無窮! 佢個蠔炸完仲好有甘甜既味,證明係新鮮生蠔! 再加上個蟹肉炒飯, 個炒飯上的明太子多的是,真係好抵食! 好想再去食! 另外我地仲叫左’原條蒲燒鰻魚炒飯’ , ‘七味軟殼蟹’ , ‘ 和牛串’, ‘雞軟骨串’, ‘燒明太子雞翼’, ‘燒雙重芝士年糕’, ‘大蝦天婦羅’! 要再介紹下個和牛串,正係好正! 食落去d汁流曬岀黎, 咬落去又好軟,雖然平但真有水準😋 開頭見到間餐廳名以為有hamster玩,點知係我get錯哈哈! 不過呢間餐廳d嘢食真係好好食,我一定會再去!

hamsta crown coffee位置有點神秘，通過電梯到14/f, 再往上走多一層先見到，餐廳室內和室外對比幾大，室內感覺好 warm好有家既感覺好舒服，地方都幾大坐得幾舒服店內還有好多來自日本既化妝品，日用品可供購買！menu都幾多款式提供。我就叫左份海鮮菜漬飯，個茶漬湯底超正超香濃，再放湯入日本珍珠米！超鮮味有青口，大蝦，帶子等等。整體都幾好味，特別係個蝦好彈牙爽口。叫左d串燒，蟹柳上層既蛋黃醬好鮮味，蟹蓋好香口焦糖凍咖啡夠哂大杯，調得幾好唔會太甜