營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
食家推介
相關文章
牛肉蛋包飯牛肉夠淋 汁好味 蛋好味價錢偏貴 套餐連特飲158但坐得舒適，有裝修雖則75分鐘入座時間但無乜人過時都唔會趕你草莓鮮奶應該草莓醬加牛奶味道不錯都大杯整體來講很好的體驗
繼續閱讀
今日同朋友去呢間吃日本蛋的餐廳食lunch，無咩特別生蛋拌飯$39(未計加一)蛋白蓬鬆好似舊雲，再放隻蛋黃係中間，都算幾啱打卡，旁邊有醬油及飯素for 撈飯如果不加醬油，就這樣拮穿過蛋黃拌飯就淡，無咩味，但加咗醬油就會好味好多，質感上幾fluffy 因為個蛋白，飯素都係增添口感整體無咩特別，純生蛋及日本飯，c p值較低，不會特別推介，除非你真係好想試吓學日本人咁食生蛋拌飯，或許都係建議你去日本試算😅，只少便宜好多
繼續閱讀
平日晚市唔太多人，用Apps 拎飛好快有位，Tamago-En 親子丼，平以男仔黎講差d食唔曬，飯量頗多，如果胃口不大建議少飯，蛋必然嫩滑，驚喜雞肉都做到嫩滑唔錯，另一份是青草醬大蝦意粉+轉套餐$15 沙津 & 味噌湯，沙津新鮮顏色奪目，大蝦意粉不過不失，優點係口感 & 味道不俗，唔會重味。至於特色玉子串燒，五款口味(蕃茄、海藻醬、三文魚籽、明太子沙津、蟹肉)，個人喜歡明太子沙津&海藻醬，親子三文魚有腥味，其餘唔算太特別，下次未必會再點。服務員態度幾好，上菜快手，讚讚讚!
繼續閱讀
たまご園 (荷里活廣場) (鑽石山) 📍嗰日夜晚9:03先到鑽石山，去到先發現本身想食嗰間餐廳過咗last order🥲，就打算求其搵啲嘢食，點知發現好多餐廳都過咗last order😨，明明營業時間好多都係寫住去到10點，不過唔緊要啦，去第二層繼續搵。終於皇天不負有心人，搵到間未過last order🤩，但就話9:45清場，咁我哋都覺ok啦，要食15分鐘都食得完啦，就坐咗入去，點知就係中伏嘅開始🥲。我哋9:11落單啦，嘢食9:15就到，我哋9:32食完，然後請waitress 幫手加水啦，佢就順手問我哋食完未，幫手收嘢。然後水淨係飲咗啖，第二個waitress就即刻拎埋部收款機埋嚟（補充返：間餐廳正常係出去counter俾錢），話190蚊，示意我哋即刻俾錢離開，然後友人L就話俾八達通，部收款機唔收八達通，佢就示意友人L即刻跟埋佢出去counter俾錢☺️。成個過程中係冇講過「陣間先出去counter俾錢」、「你慢慢吖」、「飲埋杯水先」，而係喺到俾壓力你，催你快啲俾錢走人咁😊。有可能係我解讀錯啦，但佢嘅態度同行為俾我嘅感覺就係：食完就拿拿臨走啦，咪阻住我收工👎🏻。我知阻人收工猶如殺人父母，但個陣明明先33分，一開始佢係話45分先清場，明明仲有12分鐘，我哋係完全冇阻佢收工，但佢就連坐低慢慢咁飲啖水嘅時間都唔俾😢。咁我都戴返個頭盔先👷🏻♀️，以下食評係食完成肚氣寫嘅，可能會冇咁中立，同harsh啲。但我覺得作為一間餐廳，除咗食物質素，服務態度都係好重要嘅一環，代表咗成間餐廳嘅形象，同埋如果間餐廳服務好差，作為一個消費者，我相信就算點好味，都唔會想再去俾錢買難受。但我都會盡量好中立咁去寫啦。🍴三文魚生雞蛋拌飯 $65 （未連加一）4.5/10我叫咗三文魚生雞蛋拌飯— 配埋鼓油同飯素，但結果勁失望😮💨，勁唔夾，我食第一啖嘅時候係皺晒眉頭。飯係熱嘅，但三文魚係凍的，而雞蛋係常溫，食起嚟係勁唔協調，而且三文魚嘅份量係勁少，就係碗邊嗰幾舊，仲有食到最後啲三文魚會俾飯嘅餘溫整到暖，成個感覺勁噁心。唯一可取之處就係啲白飯係好食嘅米🍚，粒粒分明；蛋白係creamy嘅，但隻蛋冇乜蛋味，所以其實食啲蛋白係好似係食空氣咁。由於三文魚份量少，所以大部分時間係同食鼓油撈飯加飯素係冇分別㗎，不過就盛惠$71.5🤗（連加一後）。🍴鰻魚滑蛋丼 $108 （未連加一）5.5/10 友人L叫咗鰻魚滑蛋丼，我試咗啖，滑蛋嘅味道係好鹹，但配咗飯就勉強可以，不過都偏鹹。鰻魚就如圖中，份量勁少，寥寥可數😵💫，味道普普通通，冇乜太大特色。好啲嘅係個滑蛋🥚，口感係幾好，唔老，算嫩。但以呢個價錢嚟講，就冇下次啦。💰 翻兜指數: 0/10整體來說，食物質素其實係正常，但睇埋佢個價錢💲，就會覺得性價比超低，同埋佢哋嘅服務態度，真係伏到痴線🤬。一間餐廳打開門做生意，一個服務性行業，serve客嘅，未夠鐘就喺到趕人走，咁嘅服務仲夠膽收加一，真係冇下次❌。譚仔嘅服務態度仲好過佢，有次又係好夜先去食，啲姐姐係勁好語氣咁叫我哋埋咗單先，因為埋緊數。然後我哋勁唔好意思，廢事阻住人哋收工，即刻食到好快，啲姐姐見到即刻同我哋講慢慢食，唔好急👍🏻。
繼續閱讀
之前食青醬大蝦意粉幾好食，今次試下其他菜色，可惜今次覺得一般。1）燴雞肉蛋包飯 （$88）蛋係嫩滑嘅，但雞肉好「嚡」，而且味道唔好2）黑松露野菌意粉 （配溫泉蛋）（$88）欣賞有「蛋分開上」嘅選項，因為我唔食生雞蛋的。味道 ok 啦，廚房洒咗好多芝士粉，但其實我係麻麻地鍾意芝士粉和芝士的。3）宇治抹茶紅豆蜜糖多士磚 （$98）整體不是太甜，特別係抹茶蕨餅幾好食4）凍清香蘋果茉莉花茶 （$38）糖漿水，好彩無乜好假嘅味道。入面有一粒粒蘋果肉，無俾錢加啫喱都有咬口 👍🏼
繼續閱讀