たまご園 Tamago-EN喺香港已經有唔少分店，主打用雞蛋整嘅日式料理，自問真係幾鍾意食雞蛋，尤其係炒蛋同梳乎厘班戟🥞 •🥢 海鮮黑咖喱蛋包飯 $108 呢到嘅蛋包飯係將炒到半熟嘅蛋放喺飯上面，再喺旁邊加醬汁～ 炒蛋炒得啱啱好，夠滑溜又唔會太多蛋汁～不過就偏薄身～切開蛋皮就發現入面唔係白飯，係有啲調味嘅，仲有啲肉同埋紅蘿蔔粒～黑咖喱係日式咖喱+墨汁，但食落其實無乜墨汁味😂 幾好嘅係黑咖喱汁份量好多，夠晒撈飯🤤而海鮮就有魷魚、蝦仁、帶子，全部有3-4件，都幾爽口彈牙～•🥢 燉牛肉蛋包飯 $118 呢個蛋包飯入面係白飯嚟😯 同黑咖喱嗰款唔同～ 燉牛肉煮到好腍同埋幾入味👍🏼 醬汁份量同樣好多，味道係偏酸甜，有少少似番茄味嘅，都幾好食～ 但個人嚟講就鍾意黑咖喱多啲🫢[+$15轉套餐會有沙律同埋味噌湯]•🥢 松葉蟹肉玉子燒 $60玉子燒嘅上面灑咗好多蟹肉，但就咁睇都知好乾，食落完全無蟹味😐同埋玉子燒入面係無蟹肉嘅😬 玉子燒表面仲有啲過熟，所以一啖咬落去都幾乾，扣咗啲分，但入面係算軟熟同滑溜嘅～•🥢 法式焦糖梳乎厘班戟 $88梳乎厘班戟上面淋咗吉士醬，再燒埋焦糖脆面🤩班戟好鬆軟好夠空氣感，但蛋香唔算好濃～ 2件班戟中間仲擺咗幾粒切半嘅士多啤梨，但就有啲壓扁咗下面嗰件班戟🥹 啲士多啤梨好酸，同埋碟底嘅果醬有啲做多咗，因為就咁焦糖燉蛋醬已經好夠味，又唔會好甜好膩👍🏼…查看更多
