しゃぶしゃぶ四季 (已結業)

人人都話馬鞍山係美食沙漠🏜️？喺商場居然見到一間超平嘅餐廳，最平丼飯都係38蚊有交易😯，便當同滾住食烏冬都係80蚊左右。不過就唔包飲品，罐裝汽水加$8，支裝茶加$10，你又覺得抵唔抵食呢💭？————————————————👅 蕃茄豬軟骨軟殼蟹鍋燒烏冬（$78）🔸 聞到好濃蕃茄湯味，兩大塊豬軟骨加半隻炸軟殼蟹，中間有啲蟹黃🦀，蟹肉鮮甜，以炸軟殼蟹算唔錯。烏冬比平時食開嘅粗，但口感普通👅 美國安格斯壽喜燒鍋燒烏冬（$78）🔸 牛肉幾有牛味，只有三片就對比其他啲少餸咗啲，性價比略低⤵️👅 男盛軟殼蟹炸雞鍋燒烏冬（$78）———————————————— 🚩總結：價錢合理，質素正常———————————————— 🌟注意：小心烏冬痴底————————————————📍 しゃぶしゃぶ四季地址︰馬鞍山鞍祿街18號新港城中心2樓2141號舖.🗺地區：#bem馬鞍山📥分類：#bem日本菜💰人均消費：#bem_51至100蚊

日式义燒豚骨鍋烏冬$58⋯⋯無錯！$58俾個鍋仲要燒住食😱掉轉講，其實成件事只有2片豚骨及烏冬，絕無其他花巧嘢。烏冬係彈牙滑嘟嘟，熱住食係冬日季節真係好貼心🥰黑椒燒雞扒丼$38⋯⋯抵到爛！成碗飯都鋪滿晒雞扒，如果唔係睇見張單$38，我以為佢標錯價錢😳大部份鍋燒烏冬都係$60-$80，超抵👍🏻大眾化價錢，比起快餐店更舒適、更好食😋可能舖位比較偏僻，所以都唔係好多人晚市價錢都唔貴，所以可以嚟試😽😽

餐廳位於馬鞍山站新港城，交通非常方便，餐廳日式平實風格座位寬躺，潔淨度尚可，店員服務不過不失，我哋一係二人，平日晚上等了15分鐘位，食咗13x,晚餐來計一啲都唔貴，幾抵食。 豚肉豬軟骨味噌鍋燒烏冬：呢個係即時加熱，所以冬天食一流，感覺好似一人火鍋，分量十足，豬軟骨入味而且軟淋，湯底好味，烏冬滑滑。 吉列豬扒滑蛋；吉列豬扒厚切，有肉汁不硬，吉列皮薄，滑蛋香濃好味，米飯香滑。 值得去食的餐廳，因為性價比高。

睇完戲，見肚餓，經過睇到門口的餐牌，見價錢非常平民就決定一試！估唔到就搵到好嘢👏會再嚟食！門面位置唔算顯眼，不過常來的實知舖中舖的格局！門口仲有手搖店，側邊就有拉麵店，都幾似去左小日本唔洗等位，但睇門口唔知入面都幾大，多位，坐得舒服😌餐牌都ok，有鍋燒烏冬、鐵板燒、丼，仲有自由配的關東煮！價錢非常親民！食物緊要嘢要講多次！好抵食！份量仲要唔少，絕對對得起價錢！今次與友人order安格斯牛肉烏冬($78)同埋牛肉飯($38); 鍋燒烏冬是放在爐上，待牛肉熟就食得！牛肉份量夠，好ok！但略嫌烏冬偏淋..再食的話不要待牛肉全熟才吃，不然烏冬太淋了

星期日行咗入新港城搵晚餐，度度都要排隊，見呢間排隊最快（都排左差唔多半個鐘），又見佢有燒牛肉飯，一於入去試食，點知….入到去佢話無燒牛肉飯食🤷🏻‍♂️🤷🏻‍♂️🤷🏻‍♂️心諗what the..————————————————————————四季呢個牌頭..有種被騙既感覺🥲————————————————————————芝士牛肉飯真心，吉野家嘅牛肉飯可能會更加好食，只係吉野家冇芝士粉咁解😂呢個飯完全就係牛肉同白飯，少少牛肉汁都冇，dry到一個點….————————————————————————番茄湯雞肉雞串烏冬蕃茄湯底係唔差嘅，不過舊雞就完全冇斬大大舊咁就咁放落去，誠意真係欠奉。勝在有個電磁爐，保持到食物既溫度？🤷🏻‍♂️————————————————————————諗住都叫做日本嘢，就叫個關東煮試吓。湯底嘅味道普通，而且唔夠熱。最想食嘅福袋入面就剩係得麻薯，成個口感好奇怪😕————————————————————————題外話，食緊呢餐飯嘅時候偷聽到有啲員工喺度講話唔想咁多客。可能佢哋都做到攰喇🤫不過真係第一次食，亦都會係最後一次，食呢一間「四季」🙅🏻‍♂️🙅🏻‍♂️🙅🏻‍♂️打咩打咩

原是火鍋餐廳，原來午餐也很不錯。「照燒雞扒飯」🍖🍚 $38 (十分抵)現在商場裏的餐廳，很少能做到 $3x 這個價位；其次，味道如何？雞扒肉質實淨，照燒汁保持正常水平，配料方面有日本大蒜，像蝦子鬚鬚的辣椒絲～ 香香的，加在一起能解膩且添加食物層次。‼️（紅紅的日本辣椒絲 通常只會出現在“高檔”的日本料理店）不過$10元加的蛋🥚，可能因為原本是關東煮的材料，並不是糖心蛋，而是普通在家裏都能煮到的半熟蛋。說實話我覺得這店虧本了😂但作為消費者很開心，因為食物價錢和質素都很好。 相比上一個貼文所說的劣食，同是日本料理，但真的一個天一個地。 🌤🗻所以推介一下吧～ ☺️

👧🏻Wodafoodie in Ma On Shan馬鞍山商場自從翻新左之後就引入左好多食肆，不過大部分都係連鎖，價錢相對貴。竟然見到呢間之前做日式火鍋既餐廳轉左做普通日式料理🍱就算係晚市最平$38都食到一個飯😱😱！✨🍚黑椒燒雞扒丼🐥 $38🐥雞扒好嫩！黑椒汁夠多，白飯係用珍珠米，撈埋一齊好惹味😋雖然$38但都好夠飽👍🏻✨🍛咖哩吉列豬扒飯🐷 $48🐷吉列豬扒外脆內軟，咖哩汁香濃，好好食！但可惜同餐牌既豬扒大小相差好大，略嫌太細塊，最後要用汁撈飯食。兩個飯美中不足既地方係一d蔬菜/配料都無😂😂雞扒丼有兩片蔥算唔算⋯⋯😀如果有返多d配菜成件事會好好多😂😂📍 しゃぶしゃぶ四季 (馬鞍山)馬鞍山鞍祿街18號新港城中心2樓2141號舖

🍜 香濃蕃茄海鮮鍋燒烏冬 （價錢： $78）餐廳有好多美食選擇，最吸引小編既係「鍋燒烏冬」，因為可以一邊滾住一邊食嫁🔥，每個座位都設有電磁爐，叫烏冬鍋物既話，就可以將佢放系爐上面滾，食熱辣辣既烏冬😆。海鮮份量挺多，有魷魚圈🦑、蜆、蝦🦐、帆立貝； 烏冬煙靭，可以掛起蕃茄湯，除左海鮮同烏冬，仲有吸左蕃茄湯既菇，一樣咁好味！不過，雖然🍅湯底好濃，所有食物味道同份量既性價比頗高，但有樣小編好失望既事係😣，剛剛送上既鍋物有3隻完全未開殼既蜆，最初第一隻都算快開殼，但一路滾到就黎食完既時候，另外2隻之中都只有一隻蜆勉強地開殼，感覺不太新鮮，因此要扣返整體食物分數😬。————————————————————————🐷 整體食物： 3/5🐷 環境：3/5🐷 可達度： 5/5

平價日式set lunch見午餐set lunch 新推出， 價錢又唔貴， 即管試試。1＞ 咖哩吉列豬排飯豬排夠脆， 咖哩香飯用日本米， 不馬虎唔會將價$48就貨。2＞黑椒燒雞扒丼雞扒夠厚夠滑， 黑椒不夠香辣。日本米夠煙韌， 好味。$38價錢食到日本風味午餐， 讚3＞關東煮年糕福袋$9以得腐皮，原來內有年糕， 夠煙韌，good.有驚喜， 好味。玉子燒$8涷， 不熱， 不溫， 如雪櫃取出炸野菜魚餅$8沒特別， 普通， 可以不點此餅吃。＜不吃也罷＞馬鞍山日式午餐都算抵食， 隔離同集團日式餐廳價格更貴。 馬鞍山友可以試試， 值

馬鞍山真係冇乜嘢食選擇，喺門外睇Menu同以前唔同咗好多喎，就試吓喺呢一間食lunch啦佢有烏冬，定食，可以滿足晒想食飯同埋非飯類既選擇，今次揀咗軟殼蟹豬軟骨蕃茄烏冬。上到枱先知道可以熱住個煱嚟食，蕃茄湯底好濃，熱住食係過癮，但係唔睇實就好易燶😅豬軟骨其實同個湯底唔係好夾，軟殼蟹上到枱面已經係凍，但係如果獨立去睇個蕃茄烏冬，其實係好食嘅，不過自己揀錯餸咁囉🙈舖頭細細，如果多人食要等得比較長時間，應該未必會有下次🙈

諗住上次試過既南蠻炸雞定食都ok於是為咗個炸雞嗌個炸雞丼😂反正飯可以擺冰格下次食，今次又試返個吉列豬扒定食，點知好彩我有買炸雞，個豬扒好唔掂😑首先個樣就同圖片唔同，我以為俾錯但係確實係豬扒黎😂，好孤單？三舊，炸衣唔厚但咬落去好硬，唔算太乾但口感真係麻麻，仲有筋係度⋯⋯定食既飯用開日本米有飯香，配菜同薯仔沙律亦都正正常常，我自己加既蘿蔔關東煮都好食～南蠻炸雞丼既炸雞分量呢個價錢都唔算少，炸衣我覺得厚咗少少不過食落都唔油，同埋雞肉又嫩又有啲juicy咁，大家都系炸嘢點解會同個豬扒差咁多😂😂吉列豬扒定食 6.0/9南蠻炸雞丼7.0/9蘿蔔關東煮7.5/9OVERALL 7.0/9炸雞我可能會再嗌但豬扒就一定唔會再買lu😂

第一次試呢間餐廳，見到近日推出左多款抵食丼飯。價錢相當抵🤩，決定買個外賣試試，大概等左10-15分鐘就有得拎啦。今次買左滑蛋豬扒丼（$46）同黑椒雞扒丼（$38）。丼飯望落細細碗，女士黎講就岩岩好，但對男士黎講就可能會唔夠飽。滑蛋豬扒丼總括黎講ok,豬扒偏乾、洋蔥偏少，（對唔食洋蔥既我非常好😆）.而黑椒雞扒就一般，因為一心諗住係黑椒汁，但食落就係燒汁加黑椒。有少少失望。不過下次會再試其他丼飯😃

之前食過隔離2間都幾ok就心諗呢間都唔差得去邊 點知勁失望午市叫左個軟殼蟹豬軟骨烏冬同海鮮便當問題超多軟殼蟹豬軟骨烏冬：豬軟骨冇乜軟骨 肉又乾到似瘦肉番茄湯底好杰烏冬有鑊燶 食落有d油渣麵feel小唐菜煮到好老.....海鮮便當：珍珠米煮到好乾身 變左硬嚥飯配料肉丸凍冰冰 急凍肉丸解凍左直接上菜既feel炸蠔同蝦炸過龍太硬身炸魚太韌 完全唔脆......烏冬$78 便當$88 食個吉X家都比呢餐好希望下次來會有大既改善 冇既話就唔會講來食喇

開番堂食至晚上6:00 後， 終於可以同家人一齊去食下晚餐。🥰馬鞍山開始多食肆， 係Club LDK 內搵到一間可以自己一人一鍋燒烏冬既日本餐。 當然要帶家人去試試推介1 - 豬軟骨燒烏冬1. 湯底有豬軟骨味但唔會太濃及太咸。有少量蔬菜配合， 不會太過油膩。 推介2- 炸雞軟殼蟹燒烏冬如果以$78+10% ， 有這麼多的份量， 算抵食， 細心睇亦有少量牛肉， 湯底亦唔太濃。👍🏻可以有改善-蕃茄雞肉燒烏冬蕃茄湯底太過濃， 本人覺得濃渡過高至酸， 當加了清水亦沒有減低酸度， 但雞肉是嫩滑， 所以如果喜歡超酸蕃茄的朋友， 可以一試

經過被醒目既lunch menu吸引，決定試下呢間新開既四季火鍋😃order咗南蠻炸雞定食，加一件蘿蔔關東煮🍢拎返屋企果時就聞到炸雞香😆打開見到整整齊齊一盒真系同menu一模一樣👍定食附送既味噌湯同關東煮就另外分裝～定食包括三件炸雞配蛋黃醬，小菜，日本米飯，芝麻醬薯仔沙律，炸雞都算大舊，炸衣唔厚，咬落又香又crispy，外脆內嫩唔油膩😋小菜個迷你肉丸都唔錯，個底仲有一啖芝麻菠菜😆，米飯個米粒粒分明偏硬身少少，薯仔沙律就冇乜太特別，味噌湯有唔少昆布，味道夠濃但咸淡ok，關東煮個蘿蔔都幾厚身，大約有3cm😂，煮到軟熟幾入味😋日式南蠻炸雞定食 7.0/9蘿蔔關東煮 7.0/9OVERALL 7.0/9系商場餐廳性價比都算ok，下次再試下個原條鰻魚定食～