情人節想鋸扒食海鮮，除咗去旺區西餐廳，其實將軍澳海濱有好多隱世餐廳望靚海景好有氣氛。
將軍澳海濱好啱拍拖散步。
呢間“The Hunter”係黎巴嫩人開設嘅地中海菜，可能香港人對呢個菜系有啲陌生，其實好講究食材天然味道。主要以天然蔬菜、香料調味，突出海鮮、烤肉原始味。
“The Hunter”自設熟成櫃，有多款高質熟成靚牛。
呢度亦係香港少數有炭爐嘅餐廳，外籍大廚多以炭火輕燒海鮮、肉扒。而且只用外國食材，蔬菜配料、海鮮肉類全部世界各地運到，真係要咁靚嘅食材先做到傳說中魚有魚味、牛有牛味，其實好難做到又好正。
海洋風環境，設用餐區同酒吧位。
戶外座位就有全海景。
【情人節套餐】
今年情人節套餐有前菜、熱湯、海鮮、2人份煙燻USDA牛小排、白朱古力配櫻桃蛋糕，一個set滿足晒想食海鮮同肉嘅渴求。
情人節套餐$668
前菜·Langoustine
挪威龍蝦出名鮮甜彈牙，慢煮做法更加保留到蝦肉鮮味。配埋牛油果蓉、魚子醬一齊食，彈牙軟綿兩種口感交融。
慢烤挪威龍蝦
熱湯·Consommé
呢道蘑菇法式清湯望落簡單清澈，其實背後好多工夫先濾煮出咁澄澈，但口感濃厚嘅湯身。呢種獨特風味，令法式清湯成為頂級熱湯㗎。
今次大廚再放入松露意大利餃子，將熱湯連餃子一齊入口，蘑菇湯同松露香味會喺口中一齊爆發。
蘑菇法式清湯 配松露意大利餃子
海鮮·King fish
鰤魚魚脂豐富，食落魚味濃郁又有油香。平時日本菜會以刺身壽司上枱，嚟到地中海菜大廚手上就將佢香煎，再簡單配上日式高湯。
好鍾意魚皮輕脆，配上嘅高湯味道淡雅唔會搶走鰤魚魚味，係成功用鮮味留住記憶點嘅料理。
香煎鰤魚 配日式高湯
肉扒·Sharing for two Short Ribs
上枱嗰陣真係俾咁大portion嚇親，USDA牛小排勁大件厚肉，食落一如以往肉味濃又有油香。肉質唔會太腍反而嫩中帶嚼勁，略帶煙燻嘅肉味會愈咬愈突出。
煙燻USDA牛小排(2人份)
甜品·White chocolate and Griottes cake
最後甜品有白朱古力櫻桃蛋糕。
【泡泡煙雞尾酒】
呢度仲有駐場調酒師設計多款雞尾酒～平時大玩泡泡煙嘅cocktail見得多，估唔到情人節連泡泡煙都成雙成對咁sweet！
泡泡煙都咁sweet。
仲有多款雞尾酒。
THE HUNTER
地址: 將軍澳唐賢街29號藍塘傲地下11號舖
電話: 23300204