食咗咁耐外賣，難得可以出嚟堂食梗係搵間氣氛好嘅，Enjoy 埋個環境嘛！尖沙咀呢間日本料理「黑木亭」喺2樓，首先要穿過日本風奇幻樓梯，入席時又有專人敲太鼓極具玩味。
樓梯好有日式神秘感。
多個扮飛日本嘅打卡靚位。
【必食】打卡和牛富士山！回復晚市仲有優惠7折添 (尖沙咀限定)
呢度經常有新推打卡料理，就算成日約Friend 嚟都唔悶。最近就有日本富士山為主題嘅「富士山鐵板A5和牛溫泉蛋飯」，用滿滿A5和牛堆出富士山，溫泉蛋一戳開即火山爆發般流出綿滑蛋漿，撈飯一流。
戳開溫泉蛋即爆出蛋漿。
和牛超足料！夾埋飯焦一齊食勁香口。
【原隻蟹熬粥】6折食虎蝦麵包蟹粥
大家都知用蟹熬粥有幾鮮甜！今次仲用晒成隻麵包蟹熬煮，將蟹膏精華逼晒出嚟，所以粥底有好多橙色蟹膏，仲有種海鮮獨有嘅鮮甜味。
麵包蟹超大隻，差唔多霸咗成個煲。
每啖粥都輕鬆食到蟹膏、蟹肉、蝦肉，懶人恩物。
【豪華版茶漬飯】龍蝦八鮮木桶丼配 鯛魚湯
咁耐無去日本，仲記唔記得茶漬飯嘅回憶味道？其實日本人好鍾意茶漬飯，將熱茶倒入飯中就做到樸實無華嘅鮮味。而呢個木桶丼可形容為豪華版茶漬飯，木桶丼足足有8款海鮮─龍蝦、海膽、三文魚、劍魚腩、飛魚籽、八爪魚等。
木桶丼放滿8款海鮮，豐富奢華。
食海鮮至尾聲時，記住留返少少飯，再拎起茶壺倒入鯛魚湯拌飯食。鯛魚湯相比熱茶多咗一種濃鮮味，但又做到養胃解膩嘅舒暢感。
倒入鯛魚湯，親製升級版茶漬飯。
【拎起即食】A5和牛海膽他他
一手拎起紫菜脆片，即刻忍唔住一啖過食A5和牛+海膽超爽快！半熟和牛又綿又有油脂香，加埋Creamy 海膽同脆片嘅兩極口感好刺激，好啱佐酒呀。
A5和牛刺身絕對係主角，最正一啖有晒多重口感。
【女生必食】脆片牛油果蝦沙律
同樣係一手拎起就食得嘅佐酒小食，薯片上嘅牛油果沙律多到就嚟滿瀉，加埋蝦肉彈牙清爽。
多到滿嘅牛油果沙律！
【忌廉波波】忌廉球炸薯條
忌廉波波薯條好啱一班人Share，將薯條沾滿鹹香忌廉，香口得嚟又唔熱氣。
忌廉波波灑滿辣粉，超香口！
【只係$28起】清酒都可以一Shot落單！
講咗咁多佐酒小食，點少得主角清酒呀！呢度清酒款式超多，由果香至辛口都有。最吸引係每款清酒都可以一Shot Shot 落單，一班人試多幾款口味清酒都唔怕Out Budget。
一次過睇店主Single Shot(一酌)推介清酒！
- 北秋田 濁酒 $28(一酌) - 越後櫻 醉樂無極 大吟釀 $48(一酌) - 北鹿 雪中貯藏 大吟釀 $58(一酌) - 越乃雪樁 特A山田錦 純米大吟釀 $58(一酌) - 出羽櫻 雪女神四割八分 純米大吟釀 $48(一酌) - 仁井田 自然酒 めろん3.33 $78(一酌) - 大嶺 三粒米 純米原酒 $89(一酌) - 高砂 松喰鶴 純米大吟釀 季節限定版 $158(一酌) - 東京盛 純米大吟釀 季節限定版 $189(一酌) ．口說き上手 山田錦40 純米大吟釀 季節限定版 $158(一酌) |
多款清酒由$28/Shot 起，一Shot Shot 落單就可以試多幾款。
【夢幻甜品】雲朵梳乎厘雪糕 (尖沙咀限定)
除咗有多款清酒，呢度都有女生期待嘅甜品㗎！呢款雲朵梳乎厘口感軟綿綿，連外形都做到好似雲一樣。
梳乎厘即叫即焗，配綠茶雪糕。
脆炸棉花糖多士(尖沙咀限定)
多士鋪滿扭紋棉花糖，外層焗至金黃，拉開驚喜有粉紅、粉藍唯美拉絲，絕對係甜品影相位。
唯美粉色棉花糖拉絲。
午市推介！尖沙咀返工族召喚～
呢度嘅Lunch 豐富到好似晚餐咁，份量足之餘，仲有前菜2點、甜品，閒時想食好啲就啱晒。
午市特推-忌廉球咖哩鳥冬配唐揚炸雞 $88
估唔到忌廉球同咖哩都好夾！一夾起烏冬就掛滿忌廉咖哩，忌廉嗰種微鹹綿滑，恰好中和咖哩膩感。
忌廉咖哩質感濃郁，食完有超強滿足感。
一人刺身拼盤配日本產赤醋飯 $198
返工日子都要好好對待自己，呢個刺身拼盤作為午餐，真係極級豐富！有三文魚、海膽、拖羅蓉等。
刺身擺盤好靚，有海膽、拖羅蓉等高質刺身。
優惠一覽！
1) 「富士山鐵板A5和牛溫泉蛋飯」7折優惠價$338 (原價$482) 2) 「虎蝦麵包蟹粥」6折優惠$348 (原價$579) 3) 「龍蝦八鮮木桶丼配 鯛魚湯」7折優惠價$448 (原價$640)(星期一至四送磯煮鮑魚一隻 公眾假期及節日除外) 4) 「A5和牛海膽他他」7折優惠價$168 (原價$240) 5) 指定Single Shot清酒低至$28起 6) 消費卷優惠, 星期日至四晚市88折 (本月推介及飲品除外) 7) 午市優惠(12pm-3:30pm) 凡惠顧每 $150即減-$30，$500即減-$150 8) 生日／週年慶祝預早1日致電餐廳訂座，可半價無限選購甜品 *優惠不能同時使用 |