踏入12月，聖誕飯局陸續有嚟!! 原來尖沙咀有間隱世木系西餐廳「Potluck Eatery」，好罕見鬧市都有餐廳咁大咁靚!! 一入門口仲有懸掛月球燈、小木凳好唯美，嚟慶祝聖誕好有Feel。
聖誕節【Christmas Menu 2025 】(12月24、25日限定)
「Potluck Eatery」12月會有兩款套餐畀大家揀～ 聖誕節12月24、25日想食得超豐富就推薦《Christmas Menu 2025》，單單前菜就有3款—法式香煎帶子、牛油果蒜香蝦、煎焗三文魚餅，套餐價錢視乎你揀咩主菜，私心覺得法式鵝肝魚子醬意大利飯$468 CP值最高，500蚊有找就有前菜+熱湯+主菜+甜品+飲品嘅聖誕大餐啦。
如果你係海鮮控，就可以考慮因為大家強力敲碗而載譽歸來嘅《秘製醬汁海鮮拼盤二人套餐 $598/2位》，每人大約300蚊就食到海鮮拼盤—全隻波士頓龍蝦、新鮮大蜆、半殼青口、大蝦、魷魚，加埋自家秘製醬汁同薯蓉真係瞬間清碟!! 呢個海鮮二人餐仲包咗自家熬製餐湯、蒜蓉法包、凱撒沙律、甜品同飲品。兩款聖誕大餐你會點揀呢? 即刻睇詳情啦～
前菜｜法式香煎帶子、牛油果蒜香蝦、煎焗三文魚餅
聖誕套餐一開始就食齊3款前菜，左起有牛油果蒜香蝦，大蝦用蒜蓉、牛油爆香，粉嫩蝦肉連埋牛油果蓉一齊食，邪惡得嚟又幾清新。中間就有法式香煎帶子，帶子用牛油煎到金黃，外層微微焦香、入面依然鮮甜嫩滑。最右邊嘅煎焗三文魚餅將手剁三文魚蓉包裹麵包糠做到金黃酥脆，呢種三文魚食法幾有新鮮感。
熱湯｜周打蜆湯
冬天飲一碗熱辣辣嘅周打蜆湯，真係好有幸福感!! 濃稠湯身用海鮮、忌廉煮製，飲嗰陣仲食到大蜆，加埋蔬菜幾豐富。
4大主菜選擇｜
黑松露蒜香三文魚$398
呢個冬日奢華版三文魚，完全係三文魚Fans福音！挪威三文魚柳用牛油、蒜蓉黑松露煎香，醬好吸引，喺聖誕特別日子好啱配杯白酒或雞尾酒。
法式鵝肝魚子醬意大利飯$468
「Potluck Eatery」嘅鵝肝多士一向好受歡迎，因為鵝肝份量超多😍！今次就將呢個大份量鵝肝用嚟煮儀式感更強嘅意大利飯，加埋魚子醬好有聖誕氣氛啊。
炭燒穀飼安格斯肉眼$598
聖誕一定要鋸扒嘅各位～ 強力推薦揀呢道超厚切安格斯肉眼！而且穀飼牛油花會比較豐富，食落有油香又有肉味㗎。
龍蝦威靈頓$688
今個聖誕想有啲新意，可以揀呢個威靈頓變奏版，將經典牛柳內餡變成龍蝦肉！同時依傳統做法，用酥皮包住巴馬火腿、野菌同龍蝦鉗肉夠晒酥脆香濃，仲好有新鮮感。
甜品3選1｜
最後仲有3款甜品揀—雲呢拿聖誕樹、雙重朱古力聖誕樹、紅莓星星，一定揀到自己鍾意嘅口味🥰。
聖誕限定雞尾酒/熱飲
今冬「Potluck Eatery」推出幾款聖誕限定Cocktail、Mocktail同熱飲，聖誕夜同最重要嘅人一齊飲嘢傾偈食大餐🥂。
【秘製醬汁海鮮拼盤二人套餐 $598/2位🦞】(12月24-25日暫停供應)
另一個徇眾要求、再度強勢推出嘅《秘製醬汁海鮮拼盤二人套餐 $598/2位》，就有海鮮拼盤—全隻波士頓龍蝦、新鮮大蜆、半殼青口、大蝦、魷魚，配上自家秘製醬汁。因為呢款秘製醬汁深受客人歡迎，「Potluck Eatery」今次特別喺海鮮盤內加入薯蓉，等大家可以充分品嘗醬汁嘅惹味。
呢款二人套餐包咗每日自家Blend製餐湯及蒜蓉法包、凱撒沙律、甜品和飲品，CP值超高呀!!
啤酒或紅白酒 買1送1優惠！ (12月24-25日暫停供應)
一班朋友嚟食，再嗌多幾款小食或單點料理，一定勁豐富，超滿足！美食當前，如果想飲少少酒，無論你想飲啤酒或紅白酒，仲可以享用買1送1優惠！
【必試特色Cocktail /Mocktail】
唔想飲酒？想飲啲特式飲品？餐廳仲有多款Cocktail 或 Mocktail選擇。清爽雞尾酒，用經典 Limoncello 為基調，再以檸檬、白酒、梳打水帶嚟酸甜平衡味道，好有意式風味。
Limoncello Spritz
唔知飲咩好嘅時候，Mojito一向係好選擇!! Rum酒撞上梳打水嘅輕盈氣泡，每啖都有清新薄荷、檸檬嘅微酸甜感。
Mojito
【Mocktail推介🍹】
呢杯Apple Yuko果香幾重，融合柚子嘅清新微酸、伯爵茶嘅香同蘋果嘅甜，十分協調。
Apple Yuko
結合柚子、香橙同莓果嘅Mocktail，成杯Lady Yuzu顏色有不同層次，女仔一定鍾意。
Lady Yuzu
好有熱帶花香風味嘅Amber Fiesta，融合菠蘿、柚子同檸檬清新，加埋洋甘菊柔和花香，味道同香味都好放鬆。
Amber Fiesta
近期新品仲有檸檬咖啡、鮮橙咖啡、柚子蜜桃咖啡，入口先有清新果香，之後滲出咖啡微苦，好啱夏天飲。
鮮橙咖啡
柚子蜜桃咖啡
【長薄餅推薦】 (12月24-25日暫停供應)
好多人鍾意佢哋嘅長方形薄批Pizza，巴馬火腿薄餅、意大利三色芝士薄餅(藍芝士、水牛芝士、巴馬臣芝士)、菠菜煙三文魚薄餅、香辣海鮮薄餅，目測差唔多每枱都有食。同場仲有香煎法式鵝肝多士、芝士明太子蒜蓉包、脆炸魷魚伴墨魚汁沙律醬等等，好多都啱同朋友Share。
巴馬火腿薄餅
長方形薄餅，每件Size啱啱好，唔會太膩，食完仲有Qouta 食其他嘢。批底夠薄脆，Pizza餡存在感好強，鍾意啖啖爆餡口感嘅話就啱晒喇。最多人鍾意嘅巴馬火腿薄餅，個醬甜甜哋，哈密瓜加埋鹹火腿好滋味。每件薄餅上有煙三文魚花花，一眾三文魚控必食!!
菠菜煙三文魚薄餅
每件足料唔使爭，薄餅上擺滿海鮮 — 魷魚、大蝦、青口。
香辣海鮮薄餅
鍾意重芝士味嘅話，呢款薄餅加咗重口味藍芝士，仲有拉絲幾正。
意大利三色芝士(藍芝士、水牛芝士、巴馬臣芝士) 薄餅
“Potluck Eatery”是一間人寵共融嘅木系西餐廳，第一眼畀佢門口半露天空間吸引。入到去發現用餐區好大：有幅大壁畫、小木凳、藤梳化椅，寬敞空間鬧市少見，好啱同朋友嚟Chill吓，仲可以打卡留影。
門口半露天空間，木門同綠色牆身有種復古美感。
大壁畫、小木凳，打卡位絕對鬧市少見，係難得嘅喘息空間。
懸掛月亮燈用餐區，好有氛圍感。
Potluck Eatery
地址: 尖沙咀柯士甸道136-138號金門商業大廈地舖
電話: 26400388
