韓國過江龍“Pizza Maru”一直好受食客歡迎。由7月15日起,佢哋推出全新韓式風味Menu推出創意菜式,包括韓味十足嘅薄餅同炸雞、香濃意大利飯及捲粉。另外,招牌炸雞系列都有升級禮遇跟配小食,再試埋新口味韓式辣醬海年糕,飲返杯冰凍手工啤,約埋大班人一齊享受清涼夏日!
【驚喜Menu 踢走悶熱感】韓風新品登場!
今個夏日帶來全新滋味,好啱鍾意酸甜香辣口味嘅大家。一邊歎新品,再飲返杯冰凍韓式特飲,絕對係夏日消暑「涼」方!
Pizza Maru嘅健康麵糰喺韓國榮獲國家專利,獨特手工批底選用黑米等12種天然穀物,混合後低溫發酵至少24小時,好啱追求健康又嘴饞嘅大家。


鴨皇至尊薄餅($158/10吋;$188/13吋)
酥脆薄餅底加上煙燻番茄醬同鮮嫩鴨胸,一齊食又幾夾喎。仲有京蔥同車厘茄添加清爽味道,食出清新香濃口味。

紫菜烤雞薄餅($148/10吋;$178/13吋)
坊間一式一樣嘅pizza未必滿足到你,但呢度有好多韓式配搭令人眼前一亮!以開胃嘅烤雞醬為基底,加入香烤雞肉+海鹽味韓國紫菜,一啖食晒咁多款配料,味道同層次相當豐富~

韓式青椒辣醬秘製炸雞($128/6件;$228/12件)
呢度嘅炸雞選用新鮮春雞,炸完肉質都咁嫩滑。食落香脆可口,蘸埋香辣creamy嘅秘製青椒蛋黃醬同醃製青椒一齊食,啱啱好可以中和炸雞嘅熱氣感。

鬥魂海鮮麻花捲粉($197/份)
最近天氣咁熱,必點呢款新品勾起食慾!!! 選用特製香辣醬汁刺激一下味蕾,醬汁掛喺麻花捲粉上面好開胃。鮮味十足嘅Q彈鮮蝦+蠔令整道菜式嘅鮮味再昇華,好啱夏日炎炎嘆吓。

鮑魚肝醬海螺意大利飯($188/份)
鍾意creamy濃味嘅你唔可以錯過呢度嘅意大飯~秘製鮑魚肝忌廉醬煮至濃稠杰身,醬汁包住每粒飯好正㗎!仲有煙韌彈牙海螺豐富口感,每一啖都食到鮮味,成碟食晒都唔怕膩。

【人氣炸雞升級配惹味小食】
食韓國菜梗係要有炸雞先夠盡興啦!而家 “Pizza Maru” 嘅香脆炸雞系列推出升級禮遇,額外加入指定惹味小食,可以食吓炸雞又食吓小食,好過癮~
蜂蜜蒜泥秘製炸雞配蝦片($139/6件;$239/12件)
炸物lover報到!炸雞已經夠邪惡,加埋激脆蝦片一齊食咪雙倍邪惡;蜂蜜蒜泥醬濃厚香甜,恰好平衡炸物油膩感,幾驚喜㗎。

蜂蜜牛油秘製炸雞配新鮮粟米燒($139/6件;$239/12件)
經典不敗組合嘅蜂蜜牛油真係超級正!雞皮炸到金黃酥脆,一咬開仲爆出肉汁。伴有新鮮粟米解解膩,整體更加香脆甜蜜。

蒜香甜辣秘製炸雞配炸蓮藕片($139/6件;$239/12件)
甜辣醬可以話係韓國菜嘅精髓,配香脆炸雞係好經典嘅組合。味道強烈嘅蒜香甜辣一點都不辣~夾埋爽口炸蓮藕片一嚐雙重口感。

首爾醬油咖哩炸雞配香脆炸薯角($139/6件;$239/12件)
呢款長期熱賣醬油咖哩味配搭大人細路都抗拒唔到嘅炸薯角,忍唔住食完一嚿又一嚿。

火辣秘製炸雞配鮮甜炸蓮藕片($139/6件;$239/12件)
嚐辣人士一定要試吓秘製辣醬炸雞,濃郁醬汁沾滿炸雞再黎多啖炸蓮藕片立即感受到辣醬帶來刺激感啊~

韓式辣醬海鮮年糕($123/份)
去到韓國旅行,一定要食韓式年糕先夠完滿,而家唔洗飛都食到喇~全新口味韓式辣醬質地濃稠厚身,鋪滿海鮮配料+彈牙年糕,唔單只食落有咬口,仲有置身喺首爾街頭小吃檔嘅風味𠻹。

Pizza Maru
Facebook: https://www.facebook.com/pizzamaruhk