168
27
5
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
雖然係韓國餐廳，但實際係食fushion菜，食物有返咁上下水準，賣相同味道都唔錯😆🌼 煙燻鴨胸泡菜卡邦尼意粉 ($178)煙燻鴨胸煎得嫩滑，意粉醬Creamy, 配以泡菜汁辣椒碎帶有微辣，十分惹味。每啖意粉都掛滿醬汁，另外配有洋蔥碎、蘑菇，口感豐富😋🌼 蒜香雞Pizza (Regular) ($138)10吋Pizza足夠兩個人食👌🏼燻雞肉唔乾，大舊足料；配以煙肉、燈籠椒同車厘茄豐富味道；Mozarella🧀有拉絲效果✅ 平時食開蕃茄醬底嘅Pizza；今次配帶有甜味嘅燒烤醬都唔錯
繼續閱讀
一直book mark咗呢間餐廳好耐咁啱朋友都話想試呢間就一齊去咗食我哋放工之後去 6點零7點鐘到 都要等成一個鐘先可以入到去環境嚟講呢間都算坐得幾迫，而且一入去就開始限時，差唔多早10至15分鐘就開始趕你走。用餐感受嚟講唔算太好，不過嘢食就真係幾好味😋 要知道有賣相，做fusion嘢又好食嘅餐廳，真係唔多🤤🥢煙燻鴨胸泡菜卡邦尼意粉呢個意粉好正啊，個賣相又正，而且fusion得來覺得個味好夾🥰 意粉唔會煮得過腍，加埋泡菜辣辣地又好爽。份量適中，三個人都唔會唔夠食😆🥢芝心maru大哥pizza個Pizza又係不得了，佢係正到連嗰邊都好好食🫠芝士又可以拉絲，啲料又夠足，唔怪得之呢個係佢哋嘅招牌💕🥢手工泡菜芝士波個芝士波好新鮮，食得出係即炸嘅，加埋個蛋黃醬真係好正🥹(係咪有芝士嘅嘢都特別正？)
繼續閱讀
呢間兩年前試過一次，估唔到到依家愈開愈多分店，都仲係咁多人排隊，晚餐時間排左一個半鐘先食到😣就黎試下仲keep唔keep到水準😎🍽️蜜糖柚子八爪魚沙律（5/10）正常調味幾開胃，但略嫌太多火箭菜，苦澀味蓋過左其他配料既味道😥🍽️Maru秘製青口鍋（7/10）青口新鮮而份量都幾多，調味啱啱好、好惹味，重點唔會太膩👌🏻🍽️芝士秘製炸雞（6/10）上面灑滿芝士粉，但食落又無咩芝士味🤔炸皮係粗糙派、夠脆👍🏻但可惜入面既雞肉無咩肉汁少少乾，有啲失望🙈🍽️群蟹派對 轉摩卡芝心邊（8/10）pizza餡料豐富，有蝦蟹肉粟米，調味亦都唔錯，但未去到驚艷，但係❗️朋友介紹一定要食摩卡芝心邊❗️簡單就係錦上添花，濃濃既流心摩卡😍加埋杏仁片，同埋mozzarella芝心，甜甜鹹鹹咁真係好夾🤤幫個pizza加左好多分❗️—˗ˏˋ 𝓜𝓮𝓶𝓸✍︎ ˎˊ˗整體係好食，但比起第一次食好似差左少少，性價比同時間比亦一般🙈都可以試一次，但記得記得一定要轉批邊🤣✨推薦指數：7/10
繼續閱讀
話說bookmark咗呢間餐廳好耐但係因為無得book位 唔想等位嘅情況下一直未試今次難得朋友都suggest呢間 就一齊去試啦都等咗成粒鐘先入到去啊我哋3個人嗌咗一個pizza一份pasta同一個小食其實我覺得3個都好好食由其係個意粉！Pizza連個邊都好鬼正仲未食佢啲炸雞下次真係要再encore!!佢地有好多fusion嘢所以好多都好想試要知道做得fusion嘢又好食 都真係唔簡單㗎😂😂唯一係食得好趕因為d staff係咁催我地埋單明明用餐時間都未夠下次可能試下去其他分店睇下會唔會好啲
繼續閱讀
呢間餐廳一直都好多人排隊，我自己食過幾次。餐廳無論係批邊，pizza配料既搭配都好新鮮好特別。今次去既係朗豪坊店，位置非常方便，店內服務員主要都係講英文，但都有少量會識中文既服務員，但服務態度好好，會主動加水，收餐牌，仲好笑既係我地叫酒精飲品既時候有會問我地夠唔夠18歲，哄得客人相當開心。《$128 蜜糖柚子八爪魚沙律》⭐⭐⭐⭐沙律份量好足，菜底好多，除左柚子汁酸酸甜甜夠開胃之外，仲有落左少少紅桑莓增加口感。八爪魚切成薄薄既圓片，食落一點都唔會韌。洋蔥唔用白洋蔥，配色更加靚。仲專燈切番圓形薄片，為沙律加入左微微既辛辣感。最後係上面撒左少少蟹籽做點綴，成個沙律無論整體，配色，味道都好和諧好靚，作為頭盤完全起到增加食慾既作用。《$178 Pizza 肉食主義(蕃茄醬底) Regular 9"》⭐⭐⭐⭐牛小排, 辣雞肉, 紫洋蔥. 火腿, 西蘭花, 車厘茄, 馬蘇里拉芝士, 泡菜蛋黃醬, 酸忌廉醬, 香芹片, 蘑菇呢間餐廳標榜有品質既麵團，另外唔同既批邊選擇都係一大賣點。除左有芝士濃郁既金芝邊,，仲有少見既甜甜杏仁邊，係好多女士既心頭好。岩岩焗起既pizza點都唔會難食，今次我地就揀番最普通既批邊，批底咬落都幾煙韌，加上蕃茄醬同配料，整體黎講都相當唔錯。可能因為我地叫普通批皮既關係，pizza就冇拉絲感，但見到隔離枱拉到好高，都好滿足😂牛小排食落既感覺有點似食緊牛展，而雞肉就有少少鞋口，但都係可以接受既程度。西蘭花就焗到乾哂同縮埋一舊，同埋食唔到蘑菇。雖然係咁，但成個pizza食完又唔會好乾好膩，同埋泡菜蛋黃醬既少少辣味都好過癮，整體黎講都仲係好高分。《$123 蜂蜜蒜泥炸雞 - 6 pcs》⭐⭐⭐⭐蜂蜜蒜泥醬好濃郁，餐廳一點都唔姑寒，醬汁既量係多到微微浸住炸雞，所以客人每一件雞可以享用到滿湖醬汁。炸雞既部位都好平均，就算我地叫6 pcs，都分到有翼位同脾位。至於炸雞，香脆，炸粉唔厚呢D都係基本應該要做到既，個人黎講覺得可以雞肉唔夠嫩滑。唔差，但可以更好，下次去仍然會再叫。《$58 Bellini》⭐Prosecco, Peach Puree 酒精類其實冇咩研究，但呢杯聞落味道都幾藥水，飲落都有陣澀味，下次唔會再點。人均消費：$300環境：8/10食物：9/10服務：9/10性價比：8/10整體：9/10 #香港 #美食 #香港美食 #九龍 #foodie #食評 #finedining #掃街 #旺角美食 #旺角 #朗豪坊 #薄餅 #pizza #炸雞 #蜂蜜炸雞 #沙律 #pizzamaru
繼續閱讀