![](https://www.openrice.com/userphoto/CMSContent/0/8H/001OD52EEC5B1E11E9E752j.jpg)
有時想去近郊呼吸吓新鮮空氣,東涌係唔錯嘅選擇。原來呢區海邊有一系列餐廳,有時仲會睇到飛機飛過幾特別。“Maison Du Mezze”就係海邊餐廳之一喇,佢哋主打黎巴嫩菜,異國風環境更曾入圍國際餐飲設計大賽㗎。
![](https://www.openrice.com/userphoto/CMSContent/0/8H/001OD6993B6242B9DB87FFj.jpg)
“Maison Du Mezze”環境好有異國氣氛。
黎巴嫩海鮮饗宴 | 主菜低至$128
今個夏天,“Maison Du Mezze”外籍大廚Samer準備一場限定海鮮饗宴“Symphony Lebanese Seafood”。全部外國食材入饌,一嚐新鮮魚貝撞上香料嘅濃郁風味。熱湯、前菜、主菜都可用相宜價錢order,食幾多嗌幾多,豐儉由人。主菜更低至$128,CP值好高呀!
![](https://www.openrice.com/userphoto/CMSContent/0/8H/001OD7BA96416420196718j.jpg)
外籍大廚Samer,設計限定海鮮饗宴“Symphony Lebanese Seafood”。
![](https://www.openrice.com/userphoto/CMSContent/0/8H/001OD8A9F31EF9FA4FDBA1j.jpg)
“Symphony Lebanese Seafood”菜單。
![](https://www.openrice.com/userphoto/CMSContent/0/8H/001OD9240470492D8F6D22j.jpg)
限定套餐有激多海鮮,好豐富。
【熱湯】
Seafood Harira Soup$88
大廚Samer用黎巴嫩香料高湯,熬煮多款海鮮。湯身較濃稠,海鮮份量又夠多,真係做到啖啖海鮮,淨係呢個湯已經好滿足。
![](https://www.openrice.com/userphoto/CMSContent/0/8H/001ODA5173A382DC4DBEDAj.jpg)
【前菜】
Prawns Fattoush$98
呢款傳統嘅黎巴嫩沙律,加咗炸皮塔餅香口好多。烤蝦串完全係主菜份量!! 全部大大隻,燒到微焦勁惹味。
![](https://www.openrice.com/userphoto/CMSContent/0/8H/001ODB76940B6E831085A3j.jpg)
Hummus Topped with Lemon Herbs Octopus$88
講到黎巴嫩菜,一定會諗起經典嘅鷹嘴豆蓉。當地人真係好鍾意呢種豆蓉,綿密香滑,原來健康嘢都可以咁好食!!
今次鷹嘴豆蓉加咗檸檬香料八爪魚,八爪魚好彈牙,撈埋鷹嘴豆蓉一齊食有雙重口感,酸酸地仲好開胃。
![](https://www.openrice.com/userphoto/CMSContent/0/8H/001ODCBEBFCF78E42FF2EBj.jpg)
Lebanese Shrimp$98
“Maison Du Mezze”食材夠新鮮,所以嚟食海鮮真係啱晒。好似呢道黎巴嫩蝦球咁,用經典蒜蓉、牛油、檸檬煮已經好好食!! 用高溫煮蒜蓉同牛油真係無得輸,一上枱已經聞到好香啦,飲酒一流呀。
![](https://www.openrice.com/userphoto/CMSContent/0/8H/001ODDA4308AF9B6E7AD1Bj.jpg)
Seafood Kibbeh$108
黎巴嫩地道小食Kibbeh,係用布格麥、香料搓成波波油炸,口感硬脆,邪惡得嚟又健康。餡料就有魚肉、海鮮,蘸啲番茜Tahini芝麻醬好好食。
![](https://www.openrice.com/userphoto/CMSContent/0/8H/001ODE574D6F672ABAB25Ej.jpg)
Cabourya$98
召喚所有軟殼蟹迷!! 軟殼蟹好大隻呀,炸到金黃脆卜卜。配茄子蓉食,一脆一綿好平衡,伴碟仲有Harissa辣蒜醬。
![](https://www.openrice.com/userphoto/CMSContent/0/8H/001ODFC5204ACE08CB2251j.jpg)
Lebanese Seafood Scampi$98
Scampi係好清新開胃嘅海鮮煮法,今次黎巴嫩風味就揉合柚子、橄欖油、新鮮香草煮製多種海鮮,忍唔住叫份皮塔餅蘸埋個汁嚟食。
![](https://www.openrice.com/userphoto/CMSContent/0/8H/001ODG6BB5F68C32413D0Bj.jpg)
【主菜】
Stuffed Squid$148
如果你鍾意QQ彈彈口感,呢份珍寶墨魚一定要試!! 墨魚釀滿香料飯,仲有滿滿特製Kashkash醬,豐富香料味更有層次。
![](https://www.openrice.com/userphoto/CMSContent/0/8H/001ODHFAD4F5D3BDD6092Ej.jpg)
Beirut Fried Fish$128
想嚟飲杯啤酒chill吓,可以揀呢份炸魚薯條。鱈魚沾滿麵包糠後炸到金黃。仲有勁多薯條,特配刁草醬平衡炸感。
![](https://www.openrice.com/userphoto/CMSContent/0/8H/001ODI0D8616C81DF7F3A9j.jpg)
Sea Bass$298
呢度有特製炭爐,高溫炭燒可以瞬間鎖住鮮味,所以燒海鮮、燒肉扒特別好食㗎。海鱸魚燒到微焦輕脆又有炭香,配松露蘑菇及檸檬牛油醬好好食。
![](https://www.openrice.com/userphoto/CMSContent/0/8H/001ODJ25F90796AF688C11j.jpg)
![](https://www.openrice.com/userphoto/CMSContent/0/8H/001ODKF747508726E79DEDj.jpg)
One Pot Seafood Freekeh$158
呢道海鮮飯好有儀式感!! 小鍋放滿海鮮飯,飯粒飽滿吸晒海鮮精華,幾個人share都夠食。
![](https://www.openrice.com/userphoto/CMSContent/0/8H/001ODL2866B99EDDA003F4j.jpg)
Samak Matfi$158
有時夏天無咩胃口,揀呢份烤魚就啱晒喇。烤魚夠新鮮,所以簡單烤熟已經好鮮甜。薯仔再淋滿香料、蒜蓉汁,綿滑口感唔覺唔覺就清碟啦。
![](https://www.openrice.com/userphoto/CMSContent/0/8H/001ODM4EBD603E923134EFj.jpg)
Clams Pot$148
馬尼拉蜆出名鮮甜,簡單用番茜、牛油、檸檬逼出鮮味已經好好食。記住用跟配嘅麵包,吸埋蜆汁食好正。
![](https://www.openrice.com/userphoto/CMSContent/0/8H/001ODN713DBB7B8B249B10j.jpg)
Maison Du Mezze
地址: 東涌怡東路9號灣景薈地下G10號舖
電話: 23300131