年尾咁多飯局，搵餐廳真係要多啲優惠先得呀。Mark實呢間日本居酒屋「黑木亭」嘅優惠時間，所有優惠都可同時使用㗎，好似佢哋嘅優惠鍋物—熊の降臨豆乳豬骨鍋 配M7澳洲和牛珍寶雜錦盤、椰皇壽喜燒A5宮崎+M7澳洲和牛寶盒、朝鮮大醬牛腸鍋、磯煮鮑魚御田關東煮鍋等等，同一時間全部都有7折，食得越多越抵！
【季節鍋物】
熊の降臨豆乳豬骨鍋 配M7澳洲和牛珍寶雜錦盤
7折$338 (原價$483)
最新推出嘅熊の降臨少女心爆發！一上枱已經畀熊仔冰吸引，趁佢未溶前就要影相啦。唔好以為啡色嘅豆乳熊仔冰加咗色素，原來純天然豆乳冰凍後會變啡色㗎。
零味精豬骨湯底係自家用豬骨筒、豬肉等熬10幾個鐘，濃郁湯底集滿精華。熊仔冰完全融化後就可以開動喇，豐富鍋物配料有M7澳洲和牛、豚肉、帆立貝、野菜等等。
椰皇壽喜燒 A5宮崎+M7澳洲和牛寶盒
7折$398 (原價$569)
另一鍋物就有呢個和牛寶盒！400蚊有找食齊2款和牛—A5宮崎和牛、M7澳洲和牛之外；仙氣木盒內仲有牛肩脊、大蝦、日本福袋。開動前，可自行將純天然越南椰子水倒入野菜鍋物，待滾起再輕灼和牛。無諗過過壽喜燒+椰子水係咁夾，兩者嘅清甜、濃郁互相平衡。天然椰子水仲好解膩，配和牛一流。
朝鮮大醬牛腸鍋 7折$198 (原價$238)
牛腸鍋係九州名物，當地人好鍾意放工同朋友食個牛腸鍋、飲杯啤酒，暖住返屋企好滿足。
不過香港就好少地方有得食喇，因為處理牛腸工序繁複。而「黑木亭」亦多番研究煮法，決定徹底清洗牛腸後慢煮至入味，臨上枱前再剪開畀大家滾住食，咁樣係最惹味Q彈㗎。如果你都掛住日本秋冬味道，放工約朋友嚟食個牛腸鍋真係別有一番風味。
【澳洲/日本和牛】
M7澳洲和牛卷石燒 7折$168 (原價$240)
除咗一系列暖笠笠鍋物，和牛、海鮮、生蠔都有優惠，特別係「生蠔買一送一」絕對係蠔迷福音。想賺盡全部優惠，星期一至四夜晚仲有「限定版清酒買一送一」，輕鬆飲飽食醉。
石板熱辣辣上枱，可以自行將和牛卷燒到喜愛生熟度。和牛包住嘅日本水菜更會產生化學作用，散出陣陣芥末香，但食落又全無嗆辣味，相當過癮。
A5宮崎石燒厚切和牛 7折$368 (原價$526)
鍾意實在肉感咬口嘅話，可以揀石燒厚切和牛。將和牛兩邊燒至粉嫩就食得，燒嗰陣見到油脂慢慢滲出嚟，仲聞到好香炸蒜同肉味，飲埋清酒氣氛一流。
A5宮崎和牛他他 7折$238 (原價$340)
如果你追求和牛嘅原始肉味，可以揀和牛他他。半熟和牛嘅口感軟綿綿，夾埋洋蔥碎、蛋漿、酸汁一齊食，輕辛微酸又重肉味，好有層次。
88mm直徑A5和牛球石頭鍋飯 (尖沙咀限定)
呢個88mm直徑A5和牛球，淨係望到咁多牛肉都開心呀！食之前將牛肉同飯壓落熱辣辣石鍋，逼啲肉汁油花出嚟，仲可以整埋飯焦。
【時令生蠔/鮮魚】
法國、韓國 時令生蠔 買一送一(低至$48)
優惠期間，海水味偏濃嘅法國、韓國青花瓷 生蠔都買一送一。法國生蠔味道層次會豐富啲，各種蠔款會分別帶有果仁、甜味等餘韻，值得試多幾款。而擁有不少沿海城市的韓國，海域營養豐富是養殖蠔的好環境，因此蠔也成為了韓國人經常食用的食材之一，到了冬天適逢蠔的收成季節，食落更美味鮮甜。
海產細味六杯蠔
六杯生蠔分別配上泰式汁、雞尾酒汁同酸汁，拎起生蠔杯一啖過啪入口好爽。
六杯蠔勁新鮮，自帶燈光效果打卡好靚。
時令秋刀魚刺身/燒時令秋刀魚 7折$198 (原價$283)
每到9至11月乃秋刀魚最肥美之時。但秋刀魚較難儲存，所以最常見係烹煮料理。燒時令秋刀魚固然魚味濃郁、魚脂豐厚；但能呈上秋刀魚刺身就更顯師傅功架，所以好推薦食埋秋刀魚刺身。有別一般刺身，秋刀魚擁有低調嘅細膩口感、清香甘甜，有種等待知音人欣賞、細味嚐鮮嘅感覺，佐酸汁食更富鮮味㗎。
【創意料理】
火焰鵝肝A5和牛青蘋果卷 7折$279 (原價$399)
呢款卷物雲集鵝肝、和牛、魚子醬三大矜貴食材，一啖入口即刻爆出鵝肝油香，然後越咬越有和牛肉味。好鍾意餡料加咗青蘋果清甜解膩。味道平衡恰好，每件卷物都儼如一道迷你法國菜。
【新品料理】
海鮮漬物拼盤
一班朋友嚟居酒屋飲酒傾計，嗌呢道海鮮漬物拼盤share CP值好高。一個價錢就有磯煮鮑魚、辣酒煮花螺、鮟鱇魚肝、芥末八爪魚，全部都好啱佐酒。
三味章魚小丸子
賣相好可愛嘅章魚小丸子，分別係芥末沙律醬、柚子沙律醬、紫菜肉鬆醬口味。
紫菜年糕燒
日本傳統嘅燒年糕，好似日本人咁簡單包住紫菜食，特別Q彈煙韌；或者加紅豆、煉奶當作甜品食又得。
【又食又拎】限定版清酒 買一送一低至$378
3款指定清酒買一送一！其中一款仲係神秘限定版季節清酒，想知係咩就要嚟試喇。清酒飲唔哂，仲可以打包添!!
高CP值清酒買一送一:
北鹿 北秋田 濁酒 720ml(2支) $378
本月特選 -限量版720ml(2支) $538
作 惠乃智 純米吟釀720ml(2支) $728
【限定熊仔冰飲品】
「黑木亭」嘅熊仔冰一向係打卡位，好有夏天vibe嘅紅火龍佛手柑熊茶、藍蝶花佛手柑熊茶，夢幻顏色望到都好療癒喇。
另一杯creamy啲嘅綠茶鮮奶熊脆脆，熊仔冰更加搶眼！牛奶做嘅熊仔冰會慢慢融化，綠茶會越飲越富奶香㗎。
「黑木亭」尖沙咀及天后分店優惠
(如優惠時段相同，所有優惠可同時使用)
優惠1: 指定食品7折起(星期一至日全日供應) 【季節鍋物】 1. 熊の降臨豆乳豬骨鍋 配M7 澳洲和牛珍寶雜錦盤 7折$338 (原價$483) 2. 椰皇壽喜 A5宮崎+M7澳洲和牛寶盒 7折$398 (原價$569) 3. 朝鮮大醬牛腸鍋 7折$198 (原價$238) 4. 磯煮鮑魚御田關東煮鍋 7折$278 (原價$397)
【澳洲/日本和牛】 5. M7澳洲和牛卷石燒 7折$168 (原價$240) 6. A5宮崎石燒厚切和牛 7折$368 (原價$526) 7. A5宮崎和牛他他 7折$238 (原價$340)
【時令生蠔/鮮魚】 8. 法國、西班牙時令生蠔 買一送一 (低至$48) 9. 時令秋刀魚刺身/燒時令秋刀魚 7折$198 (原價$283)
優惠2: 晚市單點餐牌88折 晚市單點餐牌88折 (星期五及公眾假期前夕除外；本月推介及飲品除外)
優惠3: 限定版清酒買一送一 (低至$378/2支) - 北鹿 北秋田 濁酒 $378/2支(720ml) - 本月特選 - 限量版 $538/2支(720ml) (全日供應，星期五及公眾假期前夕除外)
優惠4: 午市單點餐牌85折 所有午市單點餐牌85折 (午市定食、所有套餐、本月推介及飲品除外)
優惠5: 生日玩大D優惠 - 訂位免切餅費 - 免費生日驚喜大燈牌 及 生日歌助慶／點播你心水歌曲
8人以上預訂，免費Upgrade VIP Private K房 (必須電話及訂金確定)【尖沙咀店限定】
-消費滿$900，即送生日蛋糕1件 或 雙球雪糕1份(附設免費寫名服務)
以上優惠日期: 2023年10月15日 至 2023年11月30日 |
黑木亭居酒屋 （尖沙咀店）
地址： 尖沙咀金馬倫道58-60號國鈀大廈地下-1樓
電話： 23296669
黑木亭居酒屋 （天后店）
地址： 天后清風街10號清風大廈地舖
電話： 26606373