米芝蓮星級「明閣」 灣仔新店全新體驗
榮獲米芝蓮星級嘅粵菜食府「明閣」,早前灣仔分店正式隆重開幕,係朗廷酒店集團旗下屢次獲獎嘅粵菜食府。「明閣」(灣仔) 廚藝總監—粵菜名廚曾超敬師傅,就係帶領「明閣」(旺角)榮獲米芝蓮二星嘅靈魂人物。今次再度帶領「明閣」灣仔新店,於全球引入優質食材,呈現高質正宗粵菜手藝。
「明閣」灣仔分店正式開幕。

粵菜大師名廚曾超敬為「明閣」(灣仔) 廚藝總監。

灣仔新店互動用餐體驗 酒吧 & 主廚餐桌
今次灣仔新店同其他「明閣」分店唔同,有更多互動性同新穎用餐體驗,食客可以喺酒吧食午餐、餐前小酌享受佐酒小食;又可以喺「主廚餐桌」上享用設計餐單慶祝特別日子。

酒吧享用午餐 感受粵菜配美酒昇華
酒吧會供應中式酒吧小食—「鵝肝醬百花乳豬件」、「薑蔥蓉蒸元貝」及「黑松露雙脆」。有趣小食除了配威士忌、烈酒外,還可以選配日本著名釀酒師農口尚彥獨家挑選嘅清酒,唔飲酒嘅話則可品嚐上等茗茶,茶香回甘、解膩開胃。高質粵菜配美酒香茶,「明閣」灣仔絕對可以滿足到你。
酒吧區域環境典雅,融合時尚現代感及東方氣息。

主廚餐桌 大廚互動交流.度身訂造菜單
「主廚餐桌」係新店亮點之一,係專為8至10位客人喺私人貴賓房聚餐而設。可透過大型玻璃窗直接欣賞廚師團隊嘅精湛廚藝。大廚亦會透過互動交流為食客度身訂造菜單,邊食邊講解每道菜。
色調柔和「主廚餐桌」可一睹廚師團隊廚藝,邊食邊交流。

廚藝總監曾師傅設計全新菜式
為慶祝新店開幕,曾師傅特別設計全新特色菜—「鮮花椒蒸東星球」、「乾燒遼參. 鮑汁脆米甜豆仁」等,當中「珊瑚素心燕」更係精心設計嘅素食,締造出燕窩嫩滑口感。

午市套餐則有「天天老火湯」、「點心三重奏」(瑤柱滑燒賣、上素蒸粉果、清湯小籠包)、「頭抽白玉龍躉球伴時蔬」、「鮮蝦荷葉飯」,最後以「黑糖桃膠薑汁 3.6 牛乳奶凍」劃上完滿句點。
鮮花椒蒸東星球

乾燒遼參.鮑汁脆米甜豆仁

明閣
網上訂座即賺積分    
地址: 灣仔港灣道23號鷹君中心2樓
電話: 28781212
* 資料由客戶提供