有冇人都好鍾意食薄餅嘅氣氛，嗰種一班人一齊Share暢飲；又或者兩個人約會都覺得氣氛輕鬆Chill啲。今個聖誕想食薄餅又有儀式感，不如試吓去呢間靚靚薄餅店「Abbraccio」。中環同北角分店都係意大利餐館氛圍。
中環店有個大戶外用餐區，可以一班朋友坐喺籘椅梳化，喺星空下望住紅磚大館飲酒食薄餅，有種飛咗去外國過聖誕嘅錯覺呀。室內座位就用咗壁燈、油畫點綴，落地玻璃隔籬就係一整排梳化位，兩個人拍拖食薄餅都好有Feel。有啲座位仲見到外籍廚師即場搓麵團、拋麵團，再喺450°C石窯爐新鮮出爐，成個用餐體驗同味道都同一般來貨薄餅好唔同啊。
北角店以深色木、紅磚打造大空間。
北角店好有空間感，適合飯局聚會。
「Abbraccio」中環及北角今冬推出「聖誕意大利節慶套餐($888/人 或 $688/人)」，用最溫暖熱鬧嘅意大利家庭菜式，陪你過一個充滿歡笑嘅聖誕！呢2款套餐都有熱湯、開胃菜、意大利麵/薄餅、牛扒/海鮮、甜品，外國份量超級豐富🍕!! 而$888/人套餐額外多咗意大利麵包籃，同埋獨家嘅紅蝦布拉塔芝士、意大利海膽意粉、芝士拼盤都好吸引!! 即刻睇詳情啦～
聖誕意大利節慶套餐$688/人
聖誕意大利節慶套餐$888/人
【歡迎麵包籃】($888/人套餐獨家)
如果你揀$888/人套餐，會好似傳統意大利料理咁，先有手工雜錦麵包籃，跟配頂級初榨橄欖油、陳年巴薩米克醋、醃橄欖，畀大家邊蘸邊食邊傾偈，即刻開始感受到聖誕氣氛啊。
【湯品】
黑松露雜菌忌廉湯
絲滑忌廉湯底加入多款鮮菌，慢火熬到入味，最後刨上濃郁黑松露。第一啖已經好有大地香氣，係冬天最治癒嘅一碗熱湯。
絲滑忌廉湯底加入多款鮮菌，慢火熬到入味。
【開胃菜(每人選1款)】
意式醃八爪魚
醃到好入味嘅薄切八爪魚，配搭西瓜粒、巴馬臣薄片、烤松子，將幾種配料夾埋一齊食，係清甜、鹹香、脆口三重奏!!
幾種配料夾埋一齊食，清甜、鹹香、脆口三重奏。
安格斯·薄切生裡肌肉
牛柳片好似紙咁薄，但每塊都好食到原始肉味!! 加埋自家酸辣醬汁、陳年巴馬臣、火箭菜、酸豆，味道複雜得嚟又唔會掩蓋牛味，係勁鮮嫩嘅味道。
每塊牛柳薄片都好食到原始肉味。
紅蝦配布拉塔芝士
平時好少見嘅奢華前菜!! 野生紅蝦加入爆漿布拉塔芝士，員工仲會即席倒入清番茄湯底。第一次將鮮味咁濃嘅紅蝦加埋布拉塔芝士一齊食，有時又食到少少微酸番茄湯，味道變化幾特別。
野生紅蝦加入爆漿布拉塔芝士，相當奢華。
員工即席倒入清番茄湯底。
冬季沙律
如果鍾意西餐先食個沙律，都有呢個冬季沙律選擇。有雜菜、石榴、烤核桃、濃郁藍紋芝士等，淋上輕酸微甜石榴醋汁幾清新。
冬季沙律有雜菜、石榴、烤核桃、濃郁藍紋芝士等。
【意大利麵/薄餅/燴飯(每人選1款)】
藍芝士梨子燴飯
經典北意代表燴飯，喺濃郁藍芝士燴飯加入輕甜水梨、烤核桃脆，甜鹹交錯超上癮。
燴飯加入輕甜水梨，甜鹹交錯。
正宗熱那亞青醬意粉
呢道青醬意粉配料睇落好簡單，就係新鮮羅勒、蒜頭、松子、橄欖油即製青醬，反而最食到天然食材嘅風味，而且每啖意粉都好香!!
青醬意粉簡單不平凡，更加食到食材天然風味。
海膽意粉($888/人套餐獨家)
海水味濃嘅海膽意粉，意粉上面有滿滿海膽，加埋白酒、撒丁島魚子醬。
海膽意粉有濃郁海水鮮味。
安格斯牛面頰紅酒燴意粉
如果鍾意軟腍多醬口感，值得一試慢煮到入口融化嘅牛面頰。而且粗管意粉好掛汁，一咬開就爆出紅酒醬汁嘅感覺好正。
薄餅(招牌瑪格麗塔 / 四式芝士 / 農家雞肉 / 三文魚及黑魚子醬限定款)
嚟到點可以唔食薄餅，好推薦大家主菜一定要揀款薄餅呀!! 今次套餐有4款口味揀，芝士控唔使諗一定係四式芝士。如果想食經典口味，無懸念係招牌瑪格麗塔㗎喇～ 係正宗意大利口味，清甜番茄醬同羅勒香味都好有存在感，係簡單好食嘅味道!!
特製石窯爐，以450°C高溫即叫即焗薄餅。
廚師鋪滿爆多芝士!!
四式芝士薄餅。
另外仲有啖啖肉嘅農家雞肉口味，同埋唔使加錢升級就食到嘅奢華三文魚及黑魚子醬，CP值都幾高。
限定三文魚及黑魚子醬薄餅。
新鮮出爐薄餅批底好鬆脆。
【第二盤主菜(每人選1款)】
牛扒選擇｜安格斯牛柳300g / 安格斯西冷300g / 佛羅倫斯T骨扒500g(+$98)
今次套餐有兩道主菜，繼意粉薄餅選擇後，就有牛扒同海鮮畀大家揀～
套餐有3款牛扒選擇。
如果追求嫩滑肉質嘅，推薦安格斯牛柳，簡單炭火燒鎖住肉汁。追求厚切有嚼勁嘅話，可以揀安格斯西冷。兩款都配慢烤蒜頭，飲酒一流。選擇困難症表示唔知點揀好，直接揀佛羅倫斯T骨扒啦！呢個獨特肉位可以食晒牛柳同西冷，係經典Fiorentina做法！
紙包海鱸魚(+$58)
原條海鱸魚連檸檬、白酒、番茄、迷迭香一齊焗，打開紙嗰刻即刻聞到好香啊。
海鱸魚連檸檬、白酒等一齊焗，鎖住海洋鮮味。
白酒青口
有時唔知一班朋友食咩好，揀白酒青口就無錯啦！新鮮青口浸白酒牛油汁，用蒜蓉包吸埋啲汁嚟食好正。
白酒牛油汁完全係精華，一定要汁都食埋!!
【甜品(每人選1款)】
如果一班人想坐耐啲，飲酒傾偈Enjoy氣氛，$888/套餐獨家有意大利芝士拼盤選擇，由主廚精選3款經典意大利芝士。
甜品方面就有檸檬酒紅桑子提拉米蘇選擇，經典提拉米蘇加檸檬酒、新鮮紅桑子，係清新變奏版。另一選擇有聖誕熔岩朱古力蛋糕，熱辣辣熔心朱古力蛋糕、香草雪糕、鮮莓，邪惡指數爆表超滿足!!
檸檬酒紅桑子提拉米蘇，係經典口味清新變奏版。
熔心朱古力蛋糕，係冬天嘅甜蜜浪漫。
Abbraccio
中環分店
地址: 中環雲咸街77號嘉兆商業大廈5樓
電話: 26333878
北角分店
地址: 北角堡壘街19A號景文樓LG樓
電話: 23297028