平時出街食飯，就係想食啲自己煮唔到嘅嘢，一嚐大廚手藝同心思。香港麗駿酒店地下嘅「中華小館」就推出咗「金牌四人宴」，有前菜、花膠海皇羹、鮑魚鵝掌外，更可一次過品嚐2款榮獲廚藝大獎嘅小菜—金獎芝麻鹽焗雞、得獎奶油虎蝦，分別由入廚多年老師傅；以及經驗粵菜大廚主理。而家識食價$888(原價$1,638) 就食到喇。
「金牌四人宴」用料矜貴，更可食齊2道得獎菜式。
【堂食優惠】
「金牌四人宴」一次享受2道得獎菜式
日期: 即日起至11月30日 優惠: 識食價$888(原價$1638)
套餐菜式 清香桂花淮山/爽脆泡椒魚皮（一份〉
養顏花膠海皇羹(每人一份）
蠔皇鮑魚扣鵝掌（每人一份）
得獎奶油虎蝦（每人一隻）
金獎芝麻鹽焗雞一隻
*此優惠不適用於9月23至10月7日 |
「金獎四人宴」有咩食～
好多熟客都大讚呢度嘅燒味好食，全因「中華小館」係自設燒爐，全部燒味都係新鮮出爐。呢個套餐嘅金獎芝麻鹽焗雞，同樣每日燒製，一有order就會掃上蛋白、灑滿芝麻即炸。估唔到呢2樣看似平平無奇嘅食材，加埋一齊會有種獨特脆感好驚喜！
呢道芝麻雞係老師傅拿手小菜之一，佢提到因為蛋白易燶，所以好講究火喉控制。而且雞隻只揀適當肥瘦及約2斤重，燒出嚟先唔會過瘦過膩，食落脆卜卜又啖啖肉。
金獎芝麻鹽焗雞，芝麻蛋白有種獨特脆感。
老師傅精選肥瘦適中雞隻，啖啖肉又唔膩。
另一重點得獎菜式—得獎奶油虎蝦，由年輕經驗大廚創作及主理。大廚提到個醬汁就係靈魂！以蝦米、海鮮、奶油同多種神秘配料煮製，綿滑輕辣。
雖然食譜要保持神秘感，但大廚就透露呢個汁配任何海鮮都好夾，好多食客仲會特別要求多汁，用嚟配手抓餅勁惹味㗎。
得獎奶油虎蝦，充滿神秘感嘅醬汁綿滑輕辣，識食記住嗌多汁。
套餐前菜就有2款揀，鍾意淮山嘅話會被清香桂花淮山驚艷到。平時淮山都係鹹食為主，今次保留咗淮山嘅軟糯口感，再淋上桂花糖漿變得甘甜。
清香桂花淮山，香甜桂花糖漿好滋潤。
另一款前菜—爽脆泡椒魚皮就香口惹味。魚皮冰涼爽脆、入口Q彈。越咬越滲出淡淡嘅泡椒辣，但唔會太嗆太辣，用作前菜醒胃飲酒一流。
爽脆泡椒魚皮，Q彈輕辣，好啱飲酒傾計。
呢碗湯羹好有高級中菜儀式感，適合環境古色古香嘅「中華小館」。養顏花膠海皇羹用上湯熬製，有滿滿花膠絲、瑤柱、蝦米、帶子粒等上等配料，每啖都有豐富咬感，濃稠湯羹亦相當暖胃。
養顏花膠海皇羹，好有高級中菜儀式感。
多種矜貴配料，締造豐富咬感。
高級中菜唔少得經典蠔皇鮑魚扣鵝掌，大廚依傳統做法用鮑魚汁燘煮5小時以上。鮑魚入味濃厚，肉厚彈牙；鵝掌則掛滿醬汁，更有滿滿骨膠原。
蠔皇鮑魚扣鵝掌，依傳統煮法燘煮5小時以上。
【外賣優惠】
原隻脆皮炸雞／原隻玫瑰豉油雞
除咗堂食優惠，呢度嘅外賣優惠都好吸引！原隻脆皮炸雞／原隻玫瑰豉油雞外賣只係$88(原價$128)，真係成隻雞「免切」拎返屋企，零包袱直接用手撕隻雞髀嚟食好正。全部即日自家燒製，每隻約1.5斤重，4人家庭都好夠食喇。
日期: 即日起至11月30日 時間: 每日下午5:30-晚上6:30 優惠: $88/1隻(原價$128) |
每日滋補燉湯(原樽燉湯)
日期: 9月頭起 優惠: $68
堂食原樽燉湯 川貝燉鱷魚肉
外賣原樽燉湯 五指毛桃 松草花 天麻燉魚頭 石崇魚(或需另加錢)
*原樽燉湯款式僅作參考，會視乎當日食材供應改變 |
【CP值高到爆燈】特製外賣盒！成隻雞拎返屋企只係$88
呢個外賣優惠真係必搶～原隻脆皮炸雞／原隻玫瑰豉油雞外賣只係$88咋。好鍾意店家嘅特製外賣盒，成隻雞拎返屋企好方便，一打開就食得。因為係自家燒製，所以每日限定100隻咋，記住mark實供應時間下午5:30-晚上6:30嚟買。
原隻雞外賣絕對唔簡單，更要特別訂製外賣盒。全因大廚考慮到燒雞一切開就好快凍，反而原隻雞可以keep到熱辣辣外，一家人齊齊手撕一啖雞髀、一啖雞胸更爽！特別係脆皮炸雞，返到屋企雞皮仲脆卜卜㗎，一撕開即刻爆出肉汁。
原隻脆皮炸雞，返到屋企雞皮仲係脆卜卜。
原隻玫瑰豉油雞，香甜豉油汁一家大細都啱食。
特別訂製外賣盒，輕鬆拎原雞返屋企食。
「中華小館」於香港麗駿酒店地下，門口具氣派。
用餐環境充滿中式古典韻味。
電梯直到2樓私人包廂，方便同行長輩。
中華小館
地址: 灣仔駱克道128號地下及1樓
電話: 28800112