情人節食完晚飯再漫步海傍先有儀式感。喺將軍澳海傍嘅日本料理店「花楽」就有超豐富情人節二人前，一次過食勻5款刺身—油甘魚、金目鯛、帆立貝、甜蝦、日本生蠔，全部每日日本直送㗎！仲有大份量安格斯牛肉壽喜燒沾蛋漿食勁正，加埋沙律黑松露鍋巴、蟹肉湯、壽司、天婦羅同甜品大滿足。
今次甜品仲好有驚喜，雪糕組合係三文魚籽威士忌+柚子雪糕，仲有玫瑰花豆腐慕絲好有情人節氣氛呀。
「花楽」情人節二人前極豐富。
沙律
煙三文魚沙律 配黑松露鍋巴 ‧ 煎雞凱撒沙律
2款沙律都有滿滿配料，好鍾意加咗黑松露鍋巴香口好多，勁開胃。
沙律有多款配料。
熱湯
淮山蛋花豚肉麵豉湯 ‧ 日本南瓜蟹肉湯
冬天飲啖日本南瓜湯，香甜綿密真係好暖胃。而且蟹肉份量幾多，差唔多每啖都食到絲絲蟹肉。
平時喺香港飲到嘅麵豉湯都係簡單加入海帶、豆腐等，呢度就好有心思地煮製淮山蛋花豚肉。蛋花令麵豉湯口感更滑嫩，配埋脂肪極低嘅淮山好啱女生飲，情人節哄吓女朋友啦。
淮山蛋花豚肉麵豉湯口感滑嫩，健康養顏。
睇吓日本南瓜湯幾綿密。
刺身
油甘魚·金目鯛·帆立貝·甜蝦·日本生蠔
今次真係蠔迷福音，除咗一系列人氣刺身，仲特別引入日本生蠔，口感清爽、味道細膩。正值冬天當造嘅油甘魚好厚切肥美，入口化出魚油香好正。
刺身拼盤有埋生蠔，滿足雙重願望。
壽司
油甘魚·金目鯛·牡丹蝦
有3款最人氣壽司～師傅手握壽司飯粒軟糯度啱啱好，魚生都幾厚切，每款2件幾滿足到壽司癮。
壽司份量都好足，日本直送魚材好新鮮。
安格斯牛肉壽喜燒
主角之一壽喜燒有勁多安格斯牛肉！粉嫩牛肉好多雪花，輕輕一淥就食得，沾蛋漿食仲綿滑啲。配埋輕甜壽喜燒湯底好突出到肉味呀，日式茶壺裝滿湯底可自行加湯。
壽喜燒好足料，超多安格斯靚牛。
輕輕一淥就食得，沾蛋漿食更滑嫩。
天婦羅
紫菜明太子露荀天婦羅卷 配 明太子釀北海道帆立貝天婦羅 / 松葉蟹腳天婦羅
平時天婦羅都係大蝦、野菜，今次師傅好有心思將明太子配露荀、北海道帆立貝整成卷物炸至金黃色，比一般天婦羅更有口感。
天婦羅卷物好有層次口感。
甜品
三文魚籽威士忌配柚子雪糕‧玫瑰花豆腐慕絲奶油
甜品柚子雪糕好特別，加咗三文魚籽用魚油香突出雪糕甜味，加埋香濃酒香勁有層次。
威士忌撞上柚子雪糕有驚喜。
豆腐慕絲放上玫瑰好唯美，慕絲軟綿綿又有豆香，女生一定鍾意。
好唯美嘅玫瑰甜品。
【半價】晚市壽司．刺身半價優惠！
時間：只限星期一至五全日時段(星期六、日及公眾假期除外) 優惠詳情：只要Like 花樂Facebook及IG，晚市所有壽司、刺身即享半價 ***只限堂食 |
壽司刺身半價 拖羅回本！必食肥美刺身
全場半價咁抵，梗係想賺盡優惠啦！個人覺得最回本係拖羅，因為係每日由日本築地新鮮直送，相比坊間冰鮮貨更肥美。食落豐盈魚脂慢慢喺口中融化，鍾意魚油香嘅話必點！
「花樂」所有魚生由日本直送，款式選擇多，半價真係忍唔住想試晒每款。
天冷魚肥，冬天魚嘅油脂特別豐滿，所以食喜之次、鯖魚、深海池魚等魚油重嘅刺身就最正，口感肥美軟嫩，魚油入口融化。不過因為日本魚材每日直送，所以款式日日都會有啲唔同㗎。
冬天揀魚油重嘅刺身，口感肥美軟嫩，魚油入口融化好正。
人氣下午茶！夢幻雙層鳥籠 日本料理+甜品
呢度嘅下午茶一直好高人氣！雙層鳥籠有多款日本料理、甜品之餘，仲有唔少刺身入饌。
下午茶有 $498 或 $298 2款價錢揀，料理款式略有不同，但都好豐富有齊前菜層層塔、雙層鳥籠、花茶2人份。下晝3點飲杯花茶，再望吓將軍澳海濱長廊靚景真係好Chill。
【花樂下午茶$498】
有拖羅蓉、松葉蟹、甜蝦、鵝肝等，用料豐富，而且有多款日本魚材，下晝突然有魚生癮就啱晒。
「花樂下午茶$498」有多款日本魚材，下午茶時段一止魚生癮。
「前菜層層塔」有日本海草Cocktail 杯、磯煮鮑魚、芝士年糕伴蟹籽醬。
上層鳥籠就有「松葉蟹甲羅鳥巢壽司」，松葉蟹份量好足！加埋海膽提鮮蟹味好出。
松葉蟹甲羅鳥巢壽司
估唔到連厚切拖羅刺身都有！同樣係日本築地新鮮直送㗎。
拖羅刺身
好鍾意吞拿魚蓉嘅軟綿綿口感，加埋輕甜玉子燒唔會太膩。
吞拿魚蓉配香蔥玉子燒
外層有啲焦脆、內裡甘香軟嫩，放喺鹹點最後食好圓滿。
鵝肝壽司
下層甜點款式好多，而且唔係一般小蛋糕，如水信玄餅、十勝紅豆厥餅、法國直送梨吉士醬批等，鍾意食甜品嘅話一定好開心，哄女朋友一流呀。
櫻花和菓子好唯美，好似去咗日本食甜品打卡咁。
日本櫻花和菓子
除咗日本打卡甜品，仲特別由法國訂購法國師傅親製餅批。好鍾意呢個批邊焦甜紮實，好似曲奇咁愈食愈有牛油味，餡料則有梨加埋吉士醬好香滑。
法國直送梨吉士醬批
花楽
地址: 將軍澳唐俊街21號翩滙坊地下G23號舖
電話: 23892628
