母親節係回報媽媽嘅重要日子，要送上圓滿祝福畀媽媽，呢個限定午市套餐一定啱你！今年周生生聯同高質海景中菜食府六公館合作推出《圓滿滋味》母親節限定午市套餐，精緻料理以蘊藏住圓滿同幸福意念嘅「曼陀羅」為設計靈感，讓媽媽由外到內都感受仔女嘅心意。
《圓滿滋味》母親節限定午市套餐
「曼陀羅」象徵圓滿同平衡，就好似無私而溫暖嘅母愛。今次品牌將珠寶嘅優雅寓意延伸至味覺領域，部分更以金箔同「珍珠」作點綴，為餐桌添上一抹的光芒，讓媽媽身心靈滿足之餘，同時表達對媽媽嘅愛同感恩。
點心三重奏
手工點心係餐廳嘅得意之作，套餐頭盆就以點心三重奏打開序幕～松茸野菌冬瓜餃餡料融合松茸、多款野菌同河蝦仁，加上注入冬瓜汁，入口爽滑清涼帶淡雅香氣，予人平和療癒嘅感覺。牛油果海蝦卷則以意大利黑醋同麻油醃製特選新鮮牛油果，搭配鮮蝦再用米網春卷皮包裹炸至金黃酥脆，酸甜香口、內裡細膩。而手工黑鱈魚籽燒賣頂部鋪上如珍珠般圓潤嘅黑鱈魚籽，味道鹹香濃郁。
川貝雪梨燉雪雁湯
大家由細到大應該飲唔少媽媽煲嘅靚湯，餐廳就以現代手法演繹呢款傳統中式養生湯品照料媽媽～師傅嚴選加拿大人工飼養雪雁，肉質濃郁唔腥，搭配清潤嘅川貝同雪梨燉足四小時以上，香甜養肺，特別適合春夏交替時節飲用。
米湯百合浸莧菜苗、蝦頭油黑豚叉燒炒米型意粉
主菜方面比較輕盈，莧菜苗配上用慢火熬製嘅米湯，再加入清甜平和嘅百合，自然甘香嘅味道既滋養又解膩，係一道養心神嘅料理。師傅更選用意大利米型意粉（Orzo）代替傳統白飯，加入用蝦頭同櫻花蝦自家煉製嘅醬汁炒香，搭配餐廳招牌西班牙黑毛豬叉燒，打破傳統，中西合璧，代表媽媽超強嘅包容度。
金箔魚子青花椒鮮帶子
北海道刺身級帶子半煎至微焦，中心保留滑嫩口感，入口相當鮮甜；而青花椒醬加入奶油慢煮調製，香中帶麻，突出帶子嘅天然甜味；面層再鋪上魚子同金箔點綴，味道細膩，擺盤高雅，簡單中見心思。
紅豆珍珠茉莉花奶凍
而面層鋪滿嘅「黃金黑珍珠」，其實係師傅特別為母親節套餐創作嘅手工紅豆蓉珍珠，軟糯中帶豆香，充滿咬口兼呈現東方甜品同女子嘅溫婉神韻，配以由清香茉莉花製成嘅奶凍，甜而不膩。配合內藏果乾嘅軟朱古力，送上溫柔而細膩嘅甜蜜祝福。
星夜Starry Night
無酒精特調飲品則以繁星閃爍嘅夜空為靈感，面層點綴金箔如星光閃爍，猶如喺夜空中閃耀嘅點點思念，令飲品造型更有意境。
周生生。六公館《圓滿滋味》母親節限定午市套餐
供應日期：即日起至2025年5月25日
價錢：HK$1,300/ 2位
地址: 六公館 - 尖沙咀廣東道3-27號海港城海運大廈地下OTE101號舖
#特約分享