想喺旺角食CP值高嘅日本嘢，原來西洋菜街有間隱世居酒屋「大山日本料理」，搭𨋢上2樓就到喇。
隱世居酒屋「大山日本料理」有落地大玻璃。
環境充滿日本昭和時代氣氛。
【最新】日本岩手縣直送！地道鳥串燒
呢度有一系列日本直送刺身、壽司等，最近仲引入日本岩手縣直送鳥串燒！鳥串燒款式超多，拍得住日本居酒屋啊，好似鹽燒雞爽肉串、明太子雞髀肉串、鹽燒雞皮串、照燒雞心串、雞肉橫膈膜串等，只係$25起。
🔥順便睇埋多項刺身/壽司/甜品/啤酒/清酒優惠啦～
必食！日本鳥串燒推介
鹽燒雞爽肉串
香港比較少見嘅雞頸肉，特別彈牙有嚼勁，越咬越香油脂，同平時食嘅雞肉好唔同，炭火燒後特別香!!
照燒雞肩肉串
介乎雞脾同雞翼之間嘅稀有部位，油脂適中、肉質柔嫩，仲有種獨特口感，絕對係隱藏版高質鳥串燒。
雞肉橫膈膜串
橫隔膜風味幾獨特，本身係極稀有肉位，肉質細嫩又有淡淡內臟香味。
日本岩手縣直送鳥串燒，只係$25起！連香港少見嘅雞爽肉、橫膈膜都有。
照燒醬幾香甜，突出雞肉味。
雞髀肉串燒
雞髀肉串燒有3款口味—明太子雞髀肉串、黑松露雞髀肉串、芝士雞髀肉串，多人飯局嘅話值得嗌多幾款口味。
雞髀肉串燒，3款口味都好吸引。
鹽燒雞皮串
鍾意酥脆嘅一定要嗌雞皮!! 高溫燒製逼出油脂，食落又脆又唔油。
日本人飲酒好鍾意食嘅雞皮串燒，脆卜卜又唔會油。
雞心/雞肝
雞內臓就推薦雞心、雞肝，雞心好Q彈又完全唔腥；雞肝就軟綿細膩啲，咬開嗰陣幾濃香。
雞內臟有雞心、雞肝選擇，佐酒一流。
Bookmark激多刺身壽司優惠
- 每晚7:15pm前堂食落單，正價刺身、壽司即享85折 - 凡惠顧晚市堂食滿$100，即享優惠價$68 三文魚刺身一客(10片)；惠顧滿$200，即可不限次數享用此優惠* - 多款特價壽司(全日供應)：火炙左口魚邊壽司、馬刀貝壽司、醬燒鯛魚壽司、北海道帶子壽司
(*此優惠消費額不包括三文魚刺身及服務費) |
Bookmark甜品優惠
- 北海道芝士蛋糕 優惠價$20/件 |
Bookmark飲酒優惠
- 逢星期一、二，北海道札幌生啤買一送一 - 全日供應日本清酒(凍/熱)$88起 - 逢星期三，指定日本清酒買一送一
|
凡堂食滿$100，即享三文魚刺身(10片) 優惠價$68(正價$118)。
每晚7:15pm前堂食落單，正價壽司即享85折。
每晚7:15pm前堂食落單，正價刺身85折。
三文魚激厚切肥美！
日本直送新鮮刺身。
大山日本料理(旺角)
地址: 香港旺角西洋菜南街2W-2X號2樓
電話: +852 34264948
