今年復活節連放4日，仲可以請3日放10日梗係要book定地方玩啦。WM 酒店的WM 咖啡廳推出「復活節自助晚餐」，仲可享8折優惠！自助餐有一系列回本環球海鮮 — 即開新鮮生蠔、松葉蟹腳及波士頓凍龍蝦等，當然仲有節日限定美食，加埋可愛復活節甜品好有氣氛，嚟拍拖或family day都好啱呀。
復活節狂掃環球海鮮慶祝啦。
節日限定美食都好香濃惹味～有滿足肉癮嘅燒紐西蘭有骨羊髀，肉味濃又軟嫩；又有外脆內軟嘅椰絲焗黃咖哩雞拌農夫包，記住用麵包蘸咖喱汁連埋雞肉一齊食！
燒紐西蘭有骨羊髀勁大隻，仲好keep到肉汁！
椰絲焗黃咖哩雞拌農夫包，用麵包吸滿咖喱食。
海鮮熱盤都好吸引，牛油鹹蛋黃炒脆蝦一入口就爆出鹹蛋黃香味；味噌醬蒸廣島蠔就肥美脹卜卜，配味噌醬輕鹹不膩，好啱春夏氣氛。
牛油鹹蛋黃炒脆蝦，惹味鹹香。
味噌醬蒸廣島蠔
必食矜貴料理就有海皇竹笙燴燕窩，燕窩清甜滋潤，有時又食到爽脆竹笙做出多重口感。沙律、熱湯區就有尼哥斯吞拿魚雞蛋沙律、甘筍薑忌廉湯等應節美食。
海皇竹笙燴燕窩美顏滋補。
(左)尼哥斯吞拿魚雞蛋沙律、(右)甘筍薑忌廉湯
白兔仔、雞仔都嚟咗西貢喇～甜品師傅製作一系列可愛復活節甜品，有復活節甘筍蛋糕 、復活節小雞棒棒糖、復活節兔椰子慕絲蛋糕、復活節小雞朱古力軟心蛋糕 、復活節蛋蛋柸子蛋糕及復活節十字包。甜品區色彩繽紛，白兔仔、雞仔、復活蛋都化身甜品，一齊影相嚐甜感受氣氛啦。
甜品區色彩繽紛，白兔仔、雞仔、復活蛋都化身甜品。
(左)復活節小雞棒棒糖、(右)復活節甘筍蛋糕
甜品區充滿童心。
想下晝嚟西貢食買玩，「復活節自助午餐」都有即開生蠔同各款冰鎮海鮮㗎！Live Station有即切燒牛肉，熱辣辣爆肉汁；仲有串燒、熱葷同埋甜品師傅自家製作嘅復活節甜品等。
即切燒牛肉好粉嫩。
WM Hotel好有度假氣氛。
復活節自助晚餐 價錢：成人每位港幣688元；小童每位港幣488元 下午 6 時 30 分至下午 9 時 30 分（2023年4月7至10日） *另收取以原價計算之加一服務費 *優惠受條款及細則約束 | 復活節自助午餐 成人每位港幣568元；小童每位港幣408元 下午 12 時 00 分至下午 2 時 30 分（2023年4月7至10日） *另收取以原價計算之加一服務費 |
4月壽星到WM 咖啡廳享用「週末及假日自助午餐」同「週末海鮮自助晚餐」可享半價生日優惠！自助午餐同晚餐供應多款人氣美食，包括即開生蠔同各款冰鎮海鮮，仲有自家製嘅精緻甜品，約埋家人好友嚟嘆美食兼慶祝生日！
WM咖啡廳仲推出咗「和風果香下午茶」，以各款日本水果同材料入饌，包括白桃3.6牛乳布甸、日式草莓櫻花卷及抹茶朱古力蛋糕等。等你以味蕾遊走一趟日本！
價錢：港幣$528 兩位用 下午 3 時至下午 6 時（即日起每天供應） *另收取以原價計算之加一服務費 *優惠受條款及細則約束 |
WM咖啡廳
地址: 西貢惠民路28號WM酒店LG樓
電話: 21966388