發現日韓燒肉店「燒肉屋」嘅《120分鐘M7澳洲和牛燒肉放題》，有埋任食馬來西亞直送榴槤+泰式生蝦+Häagen-Dazs雪糕，海鮮方面仲有白鱔、大蝦同帆立貝!! 食啖熱辣辣燒肉，再食件濃香榴槤真係人間享受啊啊啊～ 最大難題就係點忍到留肚掃食Häagen-Dazs雪糕。
+$98 仲有一份100gA5宮崎和牛肉眼，超市都買唔到呢個價。
【矜貴海鮮系列】
今次燒肉放題，大癲到連海鮮都有！仲要係貴價嘅白鱔、大蝦同帆立貝。就算唔食牛嘅朋友想嚟，真心食海鮮都可以食回本呀。
放題都有厚切白鱔食!!
白鱔燒到魚皮焦香好好味，咬開會有魚油香又彈牙。
加咗蒜蓉、牛油燒嘅大蝦，真係會食上癮。
鍾意重海鮮味嘅話，可以主攻燒扇貝。
【榴槤控福音！】
真任食｜馬來西亞D24榴槤/貓山王榴槤燒薄餅
今次有齊馬來西亞榴槤界頂級之選—D24、貓山王榴槤燒薄餅！D24出名濃郁香甜，果肉細滑又有淡淡奶香；貓山王就金黃濃稠，榴槤味強勁又餘韻悠長。每件燒薄餅都有爆滿榴槤餡，出面個薄餅皮又幾煙韌，加埋一齊勁吸引。
有齊馬來西亞榴槤界頂級之選—D24、貓山王榴槤燒薄餅。
120分鐘燒肉放題有厚切牛舌心、封門柳、果味醬汁五花肉、蒜蓉牛油烤帆立貝等，選擇同份量都多。
【刺身推介】
真任食｜泰式生蝦(刺身級食用)
估唔到燒肉放題都有泰式生蝦，刺身級蝦肉真係好彈牙鮮甜，夏天食真係一大享受～
刺身級泰式生蝦
【飲飽食醉！留肚食埋甜品】
啤酒、清酒、梅酒、汽水、Häagen-Dazs雪糕，全部任飲任食！
【燒肉放題攻略】牛/豚/雞/海鮮/炸物💥 我全都要
牛肉類｜牛控大滿足！
厚切牛舌心好Q彈!! 同時好鍾意佢哋醃嘅醬汁洋蔥牛肉、醬汁牛五花；牛板腱仲可以揀黑椒鹽/韓式醬汁/果味醬汁，幾款都輕甜爆肉汁。
當然唔少得高質軟嫩嘅封門柳，食到中段再嚟串荔枝牛肩胛串串解吓膩。
牛肉類target厚切牛舌心、封門柳，食回本啊!!
豚肉類｜必食果汁黑豚
幾款豚肉都好鬆軟、肉味濃，特別係厚切果汁黑豚、醬汁豚肉片、果味醬汁五花肉值得食多兩碟。豬頸肉、雜錦香腸都幾吸引，小朋友同行嘅話一定要嗌。
豚肉類款式多，連香腸都有。
雞肉類｜必食地雞雞軟骨
雞軟骨fans一定要食地雞雞軟骨串，比平時食嘅雞軟骨更鮮、更有肉感。鍾意雞味濃嘅話，可以試摩薩醬汁雞肉、韓式雞肉。當然啦，燒肉一定要嗌埋燒雞翼，焦香雞皮好正!!
雞軟骨彈牙又有肉感，絕對係雞軟骨迷福音。
炸物｜無限啤酒+無限炸物！
今次放題仲有幾款炸物任食—炸薯條、吉列炸蝦、炸餃子、炸雞塊。
飲酒必食炸物。
食事｜瞬間清碗の月見紫菜飯
無飯不歡嘅話，月見紫菜珍珠米飯超開胃!! 戳開蛋黃再同紫菜一齊撈飯，解膩又開胃。
蛋黃、紫菜撈飯真係清碗神物。
《M7澳洲和牛燒肉放題》優惠攻略！
而家「燒肉屋」放題有優惠～ 下午時段嘅180分鐘限時有6折最抵食，低至$298(原價$498) 就食到啦。而5pm後嘅$120分鐘限時，分別有65折同7折優惠，最平$324，CP值依然高呀。
燒肉屋 (天后)
地址: 天后清風街10號清風大廈地舖
電話: 26606373